منو تعرف مقدمة برامج أعياد ميلاد ؟

[eva-deva]

الســـــــــــــــــــــــــلام عليــــــــــــــــــكم ..

حبيباتي أنا بسوي حفلة عيد ميلاد بالبيت ..

وأبي وحده تقدم برامج ومسابقات عيد ميلاد للأطفال ..

يكون عندها خبره وتعرف تجذب اليهال ودمها خفيف << ههههه أهم شي :eh_s(9):

لأني بصراحة جم مره أروح أعياد ميلاد ويكون متعوب عليها ..

بس تكون إلي تقدم دمها ثقيل ومليقة .. فيخترب كل الشغل << عاد حرام !!

بليز بنات أبي مساعدتكم .. يا لايت تذكرون إسم وحده معينة أو شركة معروووووفه :eh_s(15):

ومشكـــــــــــــــــــــــــــــورين يا حلوات ,, وربي يسهل أموركم يا رب :yaaaaaarb:

 

[engnera]

com
.www.partyhouseeven

 

[eva-deva]

engnera .. تسليمين حبيبتي .. بس للأسف الموقع ما يفتح معاي

 

[eva-deva]

http://www.partyhouseevents.com/English/index.html

هذا الموقع قتح عندي .. قصدج هذا ؟؟

إنتي مجربتهم حبيبتي ؟

 

[eva-deva]

تعرفون شركة شخابيط ؟؟

أحد جربهم ؟

 

[eva-deva]

؟؟

للرفع

 

[eva-deva]

إنزين إشرايكم بمطعم أبحار ؟ إشلون البوفية عندهم ؟؟

 

[eva-deva]

للرفع

 

[حالمه بالمليون]

حياتي هذا رقم زوجي منظم حفلات واعياد ميلاد وبكلمه يطلع لج مقدمه دمها حلو تظبط االحفله وانا بكلمه قوليله من طرف ام سلطان اوك 99433006 والله يخليها لج

 

[Al shaikha 1]

حبيبتي والله ودي افيدج بس ماعرف

 

[eva-deva]

حالمة بالمليون .. عسى ربي يرزقج بالملايين قولي آمين ..

مشكووره يا عسل ما قصرتي .. كلج ذووق يا قلبي ..

خلاص اذا حدت موعد الحفلة بتصل إن شاء الله ..

وربي يخلي لج سلطان ويحمية ويوفقه ..

======================

al shaikha 1 .. تسلمين يا عمري .. ما قصرتي ..

 

[meen_ana]

اهلين ايفاا ماحبيت ادخل من غير ماارد عليك كان ودي افيدج بس والله انا بس محربه مطعم ماكدونلز وايد زينين واليال يكيفوون عليهم والف الحمدلله على سلامتج واخيراا رديتوو الكويت بالسلامه

 

[eva-deva]

هلا وغلا بمين أنا .. نورتي الموضوع يا حلوة

والله بعدنا ما رجعنا .. راجعين تاريخ 5-5 بإذن الله ..

بس ودي اول ما أرجع احجز بسرعة عشان امي بتسافر

ابيها تكون موجوده .. عشان شيذي من الحين ابي اكون حاطة في بالي

المخططات

وتسلمين يا قلبي ومشكووووووره يا حلوة ..

 

[mrs.perfect]

شرايج ايفا بفرقة الشناكل
توني دقيت قالو عندهم حريم
تعرفون احد جربهم؟

 

[ام حمود@22]

بنات عفيا حتى انا ابي فيدونا

 

[eva-deva]

هلا وغلا بمس بيرفكت نورتينا يا قمر

بصراحة ما أعرف عن فرقة الشناكل يبيلي أدور الرقم وأسأل ..

=======

ام حمود .. صاجة حبيبتي يا ريت إلي تعرف تفيدنا

أختي مدحت لي شركة (بارتي لنك) وإتصلت عليهم شكلهم خووش شركة

مكانهم بحولي .. باجر بروح عشان اليوم الجمعة يسكر ..

راح أوافيكم بالأخبار ان شاء الله

 

[eva-deva]

امس رحت حفلة عيد ميلاد في كرتون نت وورك (بمنطقة دسمان-شرق)

الحفلة كانت حدها مرتبة ومنظمة ما شاء الله والشخصيات شكلهم مضبوط

مو أي كلام .. ومسابقاتهم حلوة .. وركبوا البنياتا .. كل شيب حلو ..

بس أنا أبي بالبيت .. والطاقم نسائي !

 

[ام حمود@22]

Eva عفيا لا تنسيني ترى حدي محتاره لدرجة ودي اكنسلها وارتاح بس مو هاينه علي بنتي
شوقتيني على كارتون نت وورك بس حتى انا ودي فالبيت وتنكري حتى انا ودي البس واستانس بس مالي خلق اجابل اليهال والعبهم مسابقات وانا بكون لاهيه مع اهلي وحمولتي لاني بسويها مره وحده وافتك
انتي متى ناويه تسوين حفلتج؟
وممكن تغششيني افكارج علشان ابوق منها؟
وبارتي لنك اختج مجربته او شايفته بعينها مابي اتوهق واتفشل ولا تطلع وحده نفيسه وتعكر مزاجي؟وبجم بليز؟
ـ

 

[mrs.perfect]

انا شفت بارتي هاوس اينن بالصور بس مابي فلبن
ودقين على بارتي لاند قالي في كويتيه بس حن حننه اللا تاخذين المصرية قلتله اشوف وادق بس ماني داقه خل يوللي

 

[eva-deva]

Eva عفيا لا تنسيني ترى حدي محتاره لدرجة ودي اكنسلها وارتاح بس مو هاينه علي بنتي
شوقتيني على كارتون نت وورك بس حتى انا ودي فالبيت وتنكري حتى انا ودي البس واستانس بس مالي خلق اجابل اليهال والعبهم مسابقات وانا بكون لاهيه مع اهلي وحمولتي لاني بسويها مره وحده وافتك
انتي متى ناويه تسوين حفلتج؟
وممكن تغششيني افكارج علشان ابوق منها؟
وبارتي لنك اختج مجربته او شايفته بعينها مابي اتوهق واتفشل ولا تطلع وحده نفيسه وتعكر مزاجي؟وبجم بليز؟
ـ

حياتي والله انا حاسة فيج .. بس عشان خاطر عيون البنوتات يستاهلون ..

بصراحة اليوم رحت بارتي لنك مكانهم بحولي .. وتعاملت معاهم ..

وحجزت بتاريخ 16-6 ..

بس بكمل الطلب .. ابي مصورة بعد منهم والزينة

راح تكون المقدمة كويتية .. كلمتها بالتلفون وحدي إرتحت من كلامها ..

شكلها حبوبة ونفسيتها حلوة ..
واذا جربتها راح اكتب تجربتي كاملة ان شاء الله معاهم ..:yaaaaaarb: