( حبـه , حبـه ) ضعيفــه إرآدتج !! تقل مرآت وتخربين رجيمج >> حيآج بتجمعنآ

[نظر عينـَه ..]

^^
وأنا معاها بعددد ..

في وايد قروبات ماشاءالله
وكلهم مشجعين ..
بس ضايعين ومافي التزام

تواجدنا مع بعض يحمسنا ..

 

[om '3mazat]

اذا مافي قروب يستقبلنا انا وياج بنصير بروحنا نعترض :bbbiu: يلاااا بنات حدي متشوقه صعدت الدرج كل شوي من الحماس بهالليل :eh_s(2):ابي اضعف

 

[شوشو العنزي]

سوري اليوم كان عندي فاينل عشان جذي تاخرت ما شبكت
المهم ريوقي كان سلطة سيزر +عصير برتقال كي دي دي هالحجي الساعه 7ونص
رديت عالعصر حطيت راسي ونمت
قعدت 9ونص شربت قهوة عربية وقطعة بسكوت
وقبل شوي شربت نص عصير قلاص مانجو مفروض ما اشرب بس عن خاطري:eh_s(2):
om '3mazat
نظر عينـَه
قطوة

حياكم الله بتجمعنا بعد اذن صاحبة الموضوع:ggdw:
يلا دوركم شكليتوا شخبصتوا لوووول

 

[om '3mazat]

الله يحييج بعد عمري انا ريوقي توست وجبن وعصير اناناس هاذا يوميا بس الغدا مره اطلب شيشي طاووق ومره من سبواي وعشاي رقي وبث . شوشو احس ما تاكلين شي مو زين جذي ​

 

[om '3mazat]

احم شيش *​

 

[كويتية بروما]

بنات حياكم الله بالتجمع
بعد ادنج غلا
بنات وينكم
ريوقي كوفي
غداي همرجر وحده مع توست اسمر وسلطه
عشاي روب اكتفيا
بنات انا قاعده اخد حبوب سي لاكس الايرانيه مثل حبوب ايزي لاك
تهبل بنات تسهل الهضم ووايد حلوة وريحتها اعشاب يعني انشالله ما تضر
تجمعنا فوووووووووووووووووووووووق

 

[LuLiTa]

عادي اشترك معاكم الحين ؟ قاعده ادور عن تجمع اشترك معاهم و مو لاقيه << دخلوني معاكم لا الحين اطقها بجوة ترا لوووول

 

[كويتية بروما]

عادي اشترك معاكم الحين ؟ قاعده ادور عن تجمع اشترك معاهم و مو لاقيه << دخلوني معاكم لا الحين اطقها بجوة ترا لوووول

حياج يالغاليه
كلش ولا دموعج:eh_s(2)::eh_s(16)::eh_s(11):
وزنج وطولج
تجمعنا فووووووووووق

 

[آدمنت قربككِ]

احس جسسمي مستجيب مع الرجييييييم ومرتااحه فيه:rerrerek:
اليوم ماتريقت وغداي صمون اسسمر مع دياي مشوي سبايسي وخس وجبن وخياار
وبث
وبعد ششوي بشرب اعشاب من الحوااي عججيبه والله تسسهل ويبين مفعوولها على الجسسم وتطرد الدهون والمواد الي مايحتاجها الجسسم
وبث
يلا اب اب اب اب تججمعناااا
:ggdw::ggdw:

 

[آدمنت قربككِ]

اييي صح كنت بسسال يصير ناكل بريد (ايس كريم -مثلجات )لوووول

 

[شوشو العنزي]

الله يحييج بعد عمري انا ريوقي توست وجبن وعصير اناناس هاذا يوميا بس الغدا مره اطلب شيشي طاووق ومره من سبواي وعشاي رقي وبث . شوشو احس ما تاكلين شي مو زين جذي ​

هلا حبيبتي حلو نظامج :eh_s(15): ومايتعب
اي والله يختج قعد احاول ما اكل شي ما شاء الله الارداة قوية قلت استغلها قبل لا تضعف لووول
توني قاعده من النوم شربت قلاص ونص ماي ماقدرت اكمل الباقي
بروح اشرب قهوة عربية او نسكافيه
اب
اب

 

[سويت لاتيه]

ان شاء الله بنستمرفي التجمع وبنواصل قولوا ااميييييييين
فطوري المعتاد 2توست اسمر ولبنه وحليب قليل الدسم
وغداي سلطه واكثر منها وصدر دجاجه وعصير الاناناس وكيوي وليمون
العصر والمغرب فواكه 00 شاي الاخضر 00 وزنجبيل مع زعتر
العشا روب اكتيفيا و خيار
وسلامتكم

 

[شوشو العنزي]

سويت لاتيه
إن شاء الله يارب
انا قعدت شربت ماي اول شي بعدين تقهويت قهوة عربية وحبة تمر
هالحجي الساعه 5 المغرب
وماكو عالساعه 8 اكلت نص ذرة وجم ملعقة هريس
وشوي بشرب شاي اعشاب ونقفل للصبح لوووول
وينكم بنات ناطرينكم
اب
اب

 

[شوشو العنزي]

اييي صح كنت بسسال يصير ناكل بريد (ايس كريم -مثلجات )لوووول

تصدقين ما ادري:eh_s(10): لوووووول
بعد صيف حر يبيله بريد من امه بس يقولون كله سكريات اتوقع ماينفع
اهم شي حاولي تقللين منه

 

[آدمنت قربككِ]

تصدقين ما ادري:eh_s(10): لوووووول
بعد صيف حر يبيله بريد من امه بس يقولون كله سكريات اتوقع ماينفع
اهم شي حاولي تقللين منه

لالالاتقولين عاااد احبه وفوق هذا امي شاريه كراتين مصففين بالفريز لو اوزعه على المنتدى كله يكفييهم
جي افتح الفريزه ويطلع الهوا الباارد يابووووووووووووووي بس :ggdw:ولا اخواني ينقوون جدامي بعد رحت ملح :krkrkr:
بس اذا وصصصلت حدي ادور اقل واحد فيه سعره حراريه لوووووول

 

[شوشو العنزي]

ادمنت قربك
ويي من صجج مع هالحر شيقاوم البرد يمي يمي يمي
وااي بالذات لاكن فراولة والا كاكاو ما اقدر :eh_s(16):
بس ولو ديربالج عشان الرجيم لايخرب

وينكم بنات شفيه القروب نايم:eh_s(4):
لازم في عقاب عالغياب ومكافاة للناس الشطار نفسي
يلا نبي حماس وتشجيع مانبي ناس كسلانه:rgewrg::rgewrg:
شوفوني ما شاء الله علي عندي باجر فاينل ومقابلتكم :krkrkr:
ادعولي الله يسهل علي
باجر اشوفكم إن شاء الله مع يوميات يديده:eh_s(7):

 

[سويت لاتيه]

ايه والله صدقتي يا شوشو القروب ناااايم يبيله تصحصح 00 بعد باتم فيه ماني بطالعه منه000 يا الله بنات نشاااااط وينكم طلوا وقولوا شبرنامجكم في الرجيم0
اهم شي في الحميه الماااااااااي خلي معاج غرشة ماي اللي سعتها لتر ونص اشربي منها طول اليوم وكل يوم من تصبحين ابتدي بغرشه جديده او 7 غراش من اللي سعتها 330 مل0
والمشي يا حلاته ولو نص ساعه يشد الجلد عن تجربه
لويحصل لي مثل ما تقولون عن الايس كريم والله ما خليه باخذ واحد ما راح ياثر ما حب رجيم الحرمان 0

 

[أم فطامي]

السلام عليكم ،،،

أول ما جفت عنوان الموضوع على طووول دخلت ،،، وياكم هند ( أم فطامي ) من الامارات ،،، متزوجه وعندي بنوته ربي يحفظها

اشكثر سويت وسويت رجيمات بس مال شهرين وأققف اتعايز وأمل كنت أسير عند نيوترشن بس المشكله يوم أوقف عنه ازيد

دبل الدبلات وأرد أتحطم زياده ،،، وريلي دايم يقولي اضعفي اضعفي بس ما أدري ليش ما عندي أراده ،، بس صدق الموضوع هذا

حمسني والصور حمستني أكثر وطبعا قررت ما أسير أي عيادات من نفسي يخفف أكلي وأشتريت جهاز المشي عسب أذا أتعايزت

أطلع أمشي في الممشى ما يكون عندي عذر وأمشي في البيت ،،،

 

[أم فطامي]

ببتدي أسوي نظام من الاحد اليوم بسير الجمعيه باخذ لي كم غرض وأنا وحده ما أستغنى عن الكوفي بشرب كوب في الدوام الصبح والكوب الثاني على المغرب ،،،

 

[أم فطامي]

يالله خلونا أنشد الهمه صح نسيت أخبركم عن وزني وطوولي ،،،

وزنـــي 98

طولي 163

كهدف الاول أبغي أوصل 90
والهدف الثاني أبغي أوصل 85
والهدف الثالث ابغي أوصل 80
وأبغي أثبت علي 75 أو 73

نبغي للعيد نلبس أشياء حلوه نبغي على الاقل نلبس لارج وشي حلو ومرتب ،،،