للعرايس اللي خلصوا من جهازهم كله ...قولولنا شنو شريتوا من عطور وميك وشوية شغلات ؟

[قاهره عذالي]

انا متابعة من بعيد

سؤال يطرح نفسه

جم قميص نوم جم لانجري جم قصير وجم بجامة حرير ؟؟؟؟؟؟؟؟؟

اذا بتشري قميص اول ليلة مع 4 طوال مثلة الوان

و 4 قصار مع روب

3بجايم حرير ملونة

3 بيبي دول

واايد ولا شوي جم لازم اشتري ؟؟؟؟

قميص اول ليله اوف وايت من نعومه
مثله من 4 الى 5 قمصان نفس ديزانه بس الوان مثل اسود عنابي وردي احمر بنفسجي اخضر

تقريبا قميص اول ليله نفس تصميم هالقميص بالصوره بس يكون اوف وايت احلى ومن نعومه

ونفس ديزاينه الوان نفس هالصوره
حق اول اسبوع
عقب 4 قمصان نوم قصار مع روباتهم

4 بجايم حراير الى 5 عندج نعومه وانور والطاهر

بيبي دول اشتري 5

وقصان اللي تجي قطعتين اشتري 3 الى 4

نفس هالصوره مع دلاغاتهم هذي حق بعدين بس اول شهر كله قمصان طويله وقصيره وبجايم
واشتري قمصان اللي تجيج شفافه وقصيره وحفر وطويله

ولو تكثرين منهم احلى لو يصيرون 8 قمصان نفس هالشكل لان حق اول الايام بعد قميص اول ليله واللي مثله لبستيهم كل ليله واحد تلبسين نظام القمصان اللي حفر طويل مع التنويع بالبجايم الحراير وعقب تبتدين بالبيبي دول


:eh_s(7):

 

[قاهره عذالي]

قاهرة انا وزعت قبل كل شي فلوس كل شغله حق اول يوم الفستان والمصورة والمكياج من زمان

بس بشيل الفين حق الذهب حلو؟؟؟؟كتكات انا شريت 6 بجايم حرير بس امي كثرت لي قمصان لأني بطول بالسفر شريت 25 قميص بين قصير وطويل بس شريت 5 طوال ولباقي تشكيلة

باقي لي بس قميص اول ليلة

حلووو
ترا الذهب ذخر هو اللي بيبقى لج
2000 ذهب
5 الاف يجيب لج احلى تجهيز وكل شي
ربي يوفقج
ونوعي بالذهب اللي اساور واللي ناعم واللي ثقيل وخواتم
بالنسبه للتوزيع ترا ماتدرين المصورات كل وحده سعر
والصوالين اسعارهم تختلف
والمسكات والنفانيف بعد البدله البيضه وهم عندج يمكن تحتاجين تسوين زفه
وربي يوفقج
اشتري الذهب الحين لان برمضان اكيد بيرتفع

 

[فرزاشيهـ]

لوووووول قاهره ماخذيت من القطعتين ماابي جريئ :$ :$

سموو ٢٠٠٠ كاافي ذهب انا مثلج حطيت ٢٠٠٠ شريت طقم ذهب من دماس مجموعة لازوردي بصوره لكم واحطه باذن الله و خذيت فضه و ذهب ابيض حق اول يووم

 

[سموالمجد]

اي والله بروح اشتري ذهب الحين مو ناقصه بعد يرتفع هو بروحه راح يوصل 12

انا ما احب الذهب بس احسه يطلع العروس وامي تبيني اشتريه

وانا اخوي عطاني الف يعني الحمدلله احس بجهز زين

بس انا مو متعودة على الدراريع بحياتي ما لبست بسوي نظام بدل بس مو عارفه مشاغل حلوة

 

[قاهره عذالي]

ربي يهنيج فررزاشيه
ذوق ماشاء الله عليج
بس احس الفضه والذهب الابيض خساره لان لما تبيعينه ماله قيمه
بس الاصفر اللي له قيمه
احس شي يوم العرس حق ثوبج الابيض اكسسوار جنه ذهب ابيض

وبالنسبه للي قطعتين انا قلت لها تشترين 2 او 3 احتياط سبحان الله
يمكن زوجها عنده خبره ويقولها البسيلي ابو قطعتين
تعرفين الرجاجيل بلاوي واحتياط حق بعدين مو حق اول شهر لاحظي كتبت تحته

 

[سموالمجد]

فرزاتشيه هههههه حتى انا ما خذيت اللي قطعتين قالت امي كاني اشوفج عقب العرس بتشترينه

قلت لها بعد العرس يصير خير أحسه عيب ويفشل يا زيني وهو يفتش بالقمصان ويلقاهم موجودين

وانا بشقه بروحي اكيد بيسهر عليهم صباحي ههههههااي

 

[قاهره عذالي]

اي والله بروح اشتري ذهب الحين مو ناقصه بعد يرتفع هو بروحه راح يوصل 12

انا ما احب الذهب بس احسه يطلع العروس وامي تبيني اشتريه

وانا اخوي عطاني الف يعني الحمدلله احس بجهز زين

بس انا مو متعودة على الدراريع بحياتي ما لبست بسوي نظام بدل بس مو عارفه مشاغل حلوة

شوفي في مشغل عذاري السعيد ورا مجمع واره بالجهرا بس غاليه دراريعها تطق 250دك

بس شلج بالعباله

انا اقول روحي العربيد والاوقاف والسوق مليان
المشاغل خساير ع الفاضي
او روحي البلوكات فوق تلقين اشياء كأنها نظام بدله حتى العربيد فيه

نصيحتي لج ودراريعج خليهم 15
10 ناعمين وحق بيت حموله و5 فخمين للمناسبات
+على الاقل 4 الى 5 بدل نفس حقات العيد هم للمناسبات تغيرين فيهم

وربي يوفقج :eh_s(7):

 

[سموالمجد]

انا اختي ذ خام جاهز من البلوكات وتفصلهم بعرسها طلعت اميره الكل يسالها عن المشغل عبالهم المشغل مسوي الشغل بالخامة

بس دراريع العربيد ما يصلحون لي ما اعرف البس جذي مو متعودة يا ربي مدري شسوي بعمري

 

[قاهره عذالي]

انا اختي ذ خام جاهز من البلوكات وتفصلهم بعرسها طلعت اميره الكل يسالها عن المشغل عبالهم المشغل مسوي الشغل بالخامة

بس دراريع العربيد ما يصلحون لي ما اعرف البس جذي مو متعودة يا ربي مدري شسوي بعمري

خلي العربيد حق بيت الحموله والزوارات العاديه واذا زاروج الشقه
فصلي 10 دراريع اسعارهم من 12 و15 وناعمين تلقين بالعربيد شغلات ناعمه بس يبي بحث عدل
ويخلصونهم لج باسبوع
عندج مشغل مناسبتي ام خالد العتيبي عندها شغلات حلوه حق ثاني يوم صباحيه او مسائيه
ورقمها 94940922

سوي نفس اختج خليها تختار لج دام هي فنانه وتعرف والله
استفيدي منها خل تعطيج افكار :eh_s(7):

 

[فرزاشيهـ]

قاهره تسلمين يااقلبي جنج تدرين شكلي بشتري اكسسوار حق اول يوم لان نفنوفي شغله من الصدر لي الخصر يعني شورافسكي خفيف و حركات سو يمكن اشتري اكسووار ،،،،نووو بخصوص القطعتين انا معااج مافيها شي و الوالده الله يحفظها تقول مو بكيفج باخذلج لول بس قاهره يبيلنا تهيئه شوي :$ هذي كل الحكايه و شفت اشياء عجبتني و زي سندريلا عجبني مادري اذا مر عليج يبيله

سموو هههههههه نفس كلام امي و كلهم يقولون جذي بس اول جم اسبوع بعدها ركض على سووق تشترون مثلهم لول

 

[قاهره عذالي]

فرزاشيه

لا ما انصحج بقمصان النوم التنكريه

وانتي توج عروس وباول الايام

اللانجري التكري اللي سندريلا ونحله وذبانه وخنفس خليه بعدين للمناسبات الزوجيه مثل تسوين له ليله حلوه بمناسبة عيد ميلاده او مناسبه حلوه خليها بعدين بعد كم شهر او لييت له حلوه كل شهر انا الانجري التنكري شريت العرووسه بذكرى زواجي ومره شريت واحد جنه فراشه بس حق تغيير الروتين
فشله وانتي عروس لابسه له فراشه بجنحان والا خنفس ابو علي والا ممرضه وهالسوالف تو الناس عليهم لو بعد 3 شهور زواج اسمج عروس

 

[سموالمجد]

مشكوووووورة يا قاهرة وبشوف مشغل ام خالد

 

[قاهره عذالي]

بس نصيحتي والله شوفي العربيد ودراعات ساره حق بيت الحموله الزوارات اللي كل اسبوع

ومشغل ام خالد جان بس تشترين منها ملابس اللي تكون حق استقبال او حق ثاني يوم وبنت الحلال عندها دراريع ومعاملتها حيل حلوه

 

[فرزاشيهـ]

صح عدل كلامج ^_^_ جايكي على خاص

 

[قاهره عذالي]

يا بنت الحلال
ليش تعتذرين على شنو مافي شي ولا تضايقت ولا شي ترا
انا كتبت لج رايي
ان فشله عروس تلبس قميص تنكري على خدامه والا على ممرضه والا طالبة مدرسه وهاللانجريات التنكريه حق المناسبات الزوجيه وكتغيير روتين
انا هذا رايي حطيته بهالموضوع
واتمنى الفايده لكم
مثل خواتي والله

 

[سموالمجد]

اوكي بروح واشوف شورج وهداية الله

 

[قاهره عذالي]

فديتكم اي خفت من رمضا يصير غالي

شريت 5 طوال والباقي اللي تحت الركبة واللي شاطح فوووق

رحت لنعومي ولامور

وشريت بجايم 3 من لاسنزا عندهم باوتاد تخفيضات 50% استفدت منهم

اليوم بروح لماكس والسنتر بوينت

اي صح شريت بخور عود من امل الكويت تولته ب70 وصار ب35 لأن عندههم تخفيضات

وشريت من اجمل عطر دهن عود معتق ب 24 ومجموعه لجين وكولونيا اشرقت وشريت بخور عود مبخر أكبر حجم معاه هدية مبخر

وشريت بخور عود مبخر فاخر ب44

وروح اليوم للقرشي لمسك العروس وبخور المعاريس اللي اثنين ومعاه ثالث مجانا وبروح الرصاصي بعد

ماشاء الله اغراضج حلوه
شوفي صفحة 3 من هالموضوع في رد طويل لي فيه لمحه كامله عن التجهيز
وفيه اخر خانه العطور
ومجموعة لجين حلوه وفاخره تحسينها
امل الكويت اللي اعرفه حلو عندهم بخور المعاريس
القرشي البخور الملكي اللي اثنين والثالث مجانا + مسك العروسه ومسك الختام حلوين وفي مرش بالمسك خلطة فراش حلوه بالمسك للفراش
اشتري لج طقم مباخر كرستال

نفس طريقة هالطقم بس يكون كرستال تلقين مثله بخان الخليلي بعطور الفايز او عند الحرمين بالعالميه مول بالجهرا
ينحط بصالة الشقه وفيه هذا المرش الطويل تعبينه من كلونيا اشرقت وترشين على فراشج من الكلونيا بالليل وتبخرين الغرفه حقت النوم :eh_s(7):

 

[قيم واخلاق]

الليدي ساره مشكوره على هالدعوه الحلوه عسا ربي يهنيج وتوفقين في حياتج ومن سمعني بالنسبه لكريم سوبر كولر وديرماكول تحطينهم بالمناسبات يعني عرس عزومه كبيره عيد او اي مناسبه تلقينهم بمحل نكهات بالمنار مول او باي سوق مركزي بقسم المكياج كريم ديرماكول تحطينه اول شي رقم 210 تراه ثقيل تحطين نتفه وتوزعينه على وجهج بطرف اصبعج السبابه بس لحد ماتحسين انه تجانس مع بشرتج بعدين تحطين كريم سوبر كولر رقم1 نفس الطريقه لما تحسين كله توزع عدل وكملي مكياجج عادي وبعدين حطي الصدفي اللي ذكرته على الخدود وعظمه الانف ورشي عليه مثبت بس من بعيد شوي اما كريم للايام العاديه وتغطيه حلوه ومايحتاج فوقه بودره هو كريم كوفر اب رقم5 انا حيل ناسبني انا وبناتي وبشراتنا في بيضا وحنطيه سعره 2,500 ومرات تلقينه بدينارين هذا الوحيد اللي ناسبنا وقبل ماعرفه كنت احط فيمس ليدي وانصحج بماسكرا ‏xxl‏ جربت كل الماسكرات حتى اركنسل ولانكوم وبيورجويس مومثلها كلهم يدبقون وكريم كوفر اب من الهنود اللي بتوسعة الخيمه مول او واره والمرطب بيبانثين من الصيدليه يعتبراحسن مرطب طبي يصلح بعد حق الشفايف الجافه وبعد كريم 21 البرتقالي ودوف وعلى فكره في بالسعوديه بحفر الباطن محل يبيع كل منتجات الديرماكول الاصلي واي استفسار انا حاضره لعرايسنا

 

[قيم واخلاق]

فرزاشيه اذا تبين بجايم حراير وحلوه واسعارها رخيصه عندج سيتي ماكس بس اللي بحفر الباطن احلى بكثير انا شريت بجايم من عندهم وفي اطقم الستيان اللي يجي مع مشد دانتيلات وفيه قدام شرايط ستان تربطينها على شكل ‏x‏ وسروالها بروح هم دانتيلات حيل حلو والوان وعندهم بلايز تلبسينها عالجينز ماشفت نفسها هني بستي ماكس وشريت معاهم شحاطات عمليه لها سيور وكرستال شكلهم راقي ومسك الطهاره اذا تبين غير الاسود فيه مسك الابيض ومسك العروس على فراوله من عود غاليري اختي مع انها فيها تحسس من اي عطر للاماكن الحساسه بس ماشاء الله ماضرها هالنوع /سمو المجد تحتاجين سبع قمصان نوم تشكلينهم على ذوقج وخمس بجايم قطنيه شورت وخمس نفانيف قصيره اشتريهم على رسومات بناتيه انا شريتهم على سبونج وبني ودبدوب وخرفان ترا راح تعجب زوجج طبعا مع اكسسوارات خاصه فيهم انا راح اكتب لج بالتفصيل /قاهره مشكووره فدتي بنات واجد من هالموضوع الله يجعله في ميزان حسناتج

 

[قيم واخلاق]

*تابع للتجهيزات*
فصلت 10 بدل طلايع يجون على بدي وتنوره ولهم حزام فيها كلف وكرستال ودانتيلات وبعضهم درايع فخمه وموديلاتهم غريبه فيهم شغل وبعد شريت دراريع الحموله تقريبا 13دراعه من المعارض والعربيد ودراريع بيت من شحليله وساره وابو دنيا واكيد تبون تقولون مكثره بالعكس خصوصا اول كم شهر العروس تستحي تقول لزوجها يوديها السوق وراح تصير عزايم وجمعات والكل راح تكون عينه عالعروس وكشختها
‏*يتبع*