إللي عندها أي استفسار بخصوص الديكورات والبناء تتفضل ( للفائده فقط )

[tattoma]

مساء الخير اختي انا غرفتي طويله يعني بالطول اكثر من العرض , ولون الارضيه رخام مشمشي كنت قبل صابغتها مشمشي والسقف ابيض بس الحين بغير بيسونها لي ماستر يعني بيضمون لي الحمام يفتحون له باب على غرفتي وانا احب اللون البنفسجي وحابه اسوي غرفتي بنفسجي فما ادري شنو اسوي اخترت رخام الحمام بنفسجي بس مو عارفه شنو اسوي بالغرفه يعني اصبغ طوفتين نفس الشئ وطوفتين غير عنهم ولا شنو بالظبط محتاره وايد لاني ملزومه بلون الرخام مااقدر اغيره وخاطري حيل بالبنفسجي هل اضم بنفسجي ومشمشي ولا يصير ادخل لون غير المشمشي ولا مجبوره فيه على لون الارضيه ولان عندي صاله كبيره بره الغرفه وبنسويه غرفه لاختي الصغيره وبصبغها وردي فحاسه بحوسه مو طبيعيه اتمني انج تفهمين شلون بيصير عندي يعني راح تكون غرفتين مبطلين على بعض وحده ورديه وغرفتي ابيها بنفسجي
شنو تنصحيني اسوي انا عندي قطو فمحتاجه انه الغرفه تكون فاضيه من الاثاث يعني بس الاساسيات الي السرير والكبت والتلفزيون الي حابه اعلقه بالطوفه ماابي في طاوله شنو تنصحيني عموما ادري حوسه حدي متظايقه مو عارفه شنو اسوي ولا ارقع وعندي صور لها اذا حابه تشوفينها

مساء النور اختي
أولاً إذا كان لون الأرضية مشمشي مايل للوردي فتقدرين تدخلين اللون البنفسجي وما أنصح بالدرجات الغامجة، جربي درجة فاتحة جداً بس يكون اللون اللي تبينه، أما إذا كان لون الأرضية مشمشي مايل للبرتقالي فأنصحج تصبغين الطوفة بدرجات المشمشي اللي تناسب الأرضية وتقدرين إذا تحبين هاللون تستعملينه بالأثاث: كفر السرير، اللوحات، القنفات في الصالة..

ولا شخصيا ما أنصح بطوفتين لون والباجي لون ثاني، خليها كلها لون واحد أو درجتين مختلفين بس نفس اللون، وبالنسبة للقطو يبيعون عند (Banta) العاب خاصة للقطو عشان أضافره تقدرين تحطينها بزاوية وراح يتعلم ان شالله

ويا ليت تزوديني بالصور

 

[برميت]

السلام عليكم

قواج الله تاتوما على هالموضوع

عندي استفسار ..بالاحرى محتاره

غرفه النوم مافيها تي في ..وبحط فيها تي في برغبه زوجي و حنته الي تاكل القلب ..ووافقت و ان شاءالله بشتري ال اي دي و بعلقه مع رسيفر الشوتايم

المشكله ماادري وين احطه ..لانه المكان الي راح ينحط فيه ما اقدر اغيره لانه راح يتعلق بالطوفه

انا ساكنه بشقه ..غرفه نومي تطل على الصاله ...مشكله لما افتح الباب يبين شنو بغرفتي

و انا عندي خدامه ..اخاف تطل على غفله و تشوف غرفتي و هالشي ممنوع عندي >>> معقده لوول

و بغرفتي دريشتين كبار مسويتلهم ستاره كبيره ..كل دريشه بطوفه ..




0000000000000000000دريشة00000000000000000
0 0
0 0
0 0
دريشه 0
0 0
0 0
000000 0 0 000000000000000000000بـــــــــــــاب0000
لووووووووووووووووووووووووول يحليلي سوت لج داري علشان تكونين معاي بالصوره

الحين بقولج شنو تتكون منه غرفه النوم

فراش كبير ....فراش بنتي ...... كمودينتين ......تسريحه ......كبت بو ادراج حق ملابسي الداخليه و قمصان النوم

ولون غرفتي بيج فاتح باوف وايت ..و الاثاث خشب غامج ...ادري انه زحمه الدار بس ودي بعد احط فيها كرسيين و طاوله كرسي طويل يكفيني انا و ياه علشان نشوف التي في

عطيني كل نصايحج بليييز و مشكووورة واايد واايد

 

[برميت]

لوول الصورة ماضبطت ..بس ان شاءالله تفهمين علي

 

[بنات بنات]

السلام عليكم والله يجزاك الف خير انا عندي اثاث غرفتي لونها رمادي على ذهبي معتق مادري شلون اصبغ لون الغرفه ولا احط ورق جدران ,انا بودي احط طوفه وحده ورق جدران والباقي ساده وابي احط تلفزيون بالغرفه مادري شلون اضع الكنبات يعني كرسيين ولا كنبات ابي شي لا بق النا غرفتي بالطول 7في 4 وعندي بنتين و وولدين وابي اقسم لهم الغرفه مادري الشلون الغرفه 5في5 وابي المطبخ عندي لونه خشبي شنو احط السرميك الطوفه واي كثرت عليج وايد حبي

 

[nazek_q8]

قولولي شنو احسن خام تنجيد

عندي يهال وابي نوع يتحمل الغسيل

الخيشه شرايكم فيه بس انا موحابه يكون كله خام واحد ابي ادخل معاه خام ساده شرايكم

 

[dreamy girl8]

صبااااااح الخير بناااااااااااات


انا بجدد غرفتي ان شاء الله
بدينا بالجبس والديكور وخلصناه الحمد لله

اخترت الاثاث اسود .. السرير والدولاب والتسريحه كل شي اسود ومررره حلووو ونااعم

الحين سوالي .. شنووو احط لون السيراميك ؟؟
وشنوو اصبغ الجدار ؟؟

انا طبعا فكرتي يكون الجداران لون الرمادي الفاتح وجدار واحد مطبع عليه بالاسود .
بس محتاره بلون السيراميك ؟؟

بااارد عليك واعتدر من توته لاني رديت بدالها
اختيارك للاسود اختيار موووفق
وبالنسبه للارضيه انسحك بالفاتح لان لون الغرفه غاامق مثل البورسلان اللي على رمااادي فااااتح يجي لونه باااارد
او ابيض المهم يكون فاتح
وبالنسبه للصباغ اعملي كل الجدران نفس اللي قلتي عليه ساده رمادي وخلفيه السرير ورق جدران
شوووفي هالصوره مقاربه للالوان اللي تبينه ان شاء الله اكون افدتك ودعووواتك لي ياعسل

 

[dreamy girl8]

توووته
حبيت اسالك انتي والبنات بالنسبه للمطبخ خاطري اعمل الجدران بويه والجدار اللي بين ادراج المطبخ تكون بلاط صغير شو رايكم عملي او ماينفع لاني ابي اصبغ جدران المطبخ ماابي البلاط احس الفكره جديده ودارجه مره هل تنفع

​

 

[tattoma]

هلا اختي تومه انا انتظرك عزيزتي وانتظر مساعدتك لي بافكارك وترسمين لي رسم توضيحي بالديكورات الداخلية وايضا بالضور واكون شاكره لك

الصالة

..[/URL]


غرفة النوم الرئيسية

..[/URL]

 

[tattoma]

السلام عليكم عزيزاتي

مثل ما وعدتكم أوريكم شغلي قبل وبعد وهذا الرابط

http://www.q8yat.com/t876200.html​

 

[رؤومa]

اهلين كويتيات ابي اسال فيه عندكم مثل العربي هذا واذا فيه وين القاه ووشكرا

 

[dreamy girl8]

تاتوما مشكووره ع المجهود اللي تبدلينه والله يجزاك الجنه يارب

 

[slVip-2008]

السلام عليكم

مشكوره يالغاليه على الخدمات اللي تقدمينها لنا الله يجعله في ميزان حسناتك
بس حبيت اسألك اذا هذا تخصص ولا هوايه

 

[الهـوى الغايـب]

بااارد عليك واعتدر من توته لاني رديت بدالها
اختيارك للاسود اختيار موووفق
وبالنسبه للارضيه انسحك بالفاتح لان لون الغرفه غاامق مثل البورسلان اللي على رمااادي فااااتح يجي لونه باااارد
او ابيض المهم يكون فاتح
وبالنسبه للصباغ اعملي كل الجدران نفس اللي قلتي عليه ساده رمادي وخلفيه السرير ورق جدران
شوووفي هالصوره مقاربه للالوان اللي تبينه ان شاء الله اكون افدتك ودعووواتك لي ياعسل

تسلمين لي يا حلووه
نفس اللي فكرت فيه بالضبط

الحمدلله اليوم رحت اخترت سيراميك اسباني ابيض ع رمادي

وان شاء الله بحط لكم الصور اول باول

تسلميييين يا قلبي

 

[tattoma]

السلام عليكم

مشكوره يالغاليه على الخدمات اللي تقدمينها لنا الله يجعله في ميزان حسناتك
بس حبيت اسألك اذا هذا تخصص ولا هوايه

وعليكم السلام حبيبتي

والعفو وما سوينا شي، الصراحة انا تخصصي بعيد تماماً عن الديكور بس تقدرين تقولين اني أتقن فن الديكور لأني رسامة وعندي خبرة من شغلي بهالمجال

 

[tattoma]

تاتوما مشكووره ع المجهود اللي تبدلينه والله يجزاك الجنه يارب

العفو حبيبتي وأجمعين إن شاء الله

 

[tattoma]

مساء الخير ...
ادري سؤالي ماله شغل بالموضوع بس قلت يمكن في احد عنده خلفيه بموضوعي انا متخرجه من كليه التربيه الاساسيه تخصصي تربيه فنيه مساندي تصميم داخلي ... وصارلي 5 سنوات متخرجه وامنيتي اني اكمل دراستي بالتصميم الداخلي واصير مهندسه ديكور لاني اعشق الديكور وشقتي انا مصممتها بنفسي وصلت مرحله صابغه دار عندي بايدي والكل سالني عنها ... منو عندها خبره شلون اكمل دراستي ؟؟
واكون شاكره

مساء النور

أولاً: تخصص هندسة الديكور غير موجود في الكويت يعني راح تضطرين تدرسين برا

ثانياً: إذا لقيتي المدينة المناسية اللي عندهم جامعة معترف فيها بالكويت، وطبعا عندهم التخصص اللي تبينه، اسأليهم إذا يصير يعادلون المواد اللي درستيها، وإذا ما يصير يعادلونهم، درسي مرة ثانية..

وإن شاء الله ربي يوفقج وسأليني عن أي شي تبينه

 

[tattoma]

قوه تاتوما
ابي استشارتج بشرح لج جدران صالتي وعطيني اقتراحاتج
الجدار الأول في بابين باب مدخل الصاله بالنص وعلى اقصى اليسار باب الحمام عزكم الله وفي مسافه هالمسافه قاعده افكر اني احط فيها منظره طويله او فريمات صور
اما الجدار اللي مجابله في اقصى اليمي في دريشه
الجدار اللي عاليمين خالي واللي عاليسار فيه هم دريشه
طقم الجلوس اسود برمادي وطاولة التلفزيون سوده اما الطاوله اللي بالنص اوف وايت هالطاولتين مودرن ستايل مال ايكيا
اما بالنسبه لطقم الجلوس كرسي بو نفرين والكرسي الثاني بو 3 ومعاه اكستنشن سوفا يمينه
حاليا افكر اصبغ light gray
وابي اضيف اضاءه
الزوليه لونها مارون على وردي فما ادري بالنسبه للستاره اسويها نفس لون الزوليه بما اني بصبغ رمادي

السلام عليكم

يا ليت حبيبتي لو تصورين لي إذا أمكن عشان أقدر أتخيل
وبالنسبة للستارة صح كلامج دخلي فيها ألوان متعددة من بينها لون السجاد

 

[tattoma]

توووته

حبيت اسالك انتي والبنات بالنسبه للمطبخ خاطري اعمل الجدران بويه والجدار اللي بين ادراج المطبخ تكون بلاط صغير شو رايكم عملي او ماينفع لاني ابي اصبغ جدران المطبخ ماابي البلاط احس الفكره جديده ودارجه مره هل تنفع ​

بالنسبة لجدار المطبخ يفضل طبعا البلاط مو الصبغ، وما يهم اذا الفكرة جديدة أو لأ المهم إن يكون عملي لأن وقت الطبخ تتدمر الحوائط بالزيت أو الدهن، والبلاط أسهل بالتنظيف، أما الصبغ ممكن للمطبخ التحضيري بس

 

[dreamy girl8]

مشكووووره تاتوما فديتج ياعسل والله يوفقك يارب
الهوى الغايب المهم تكوني استفدتي ياحلوه وادا خلصتي راوينا لاني محتاره بالارضيات ؟
تاتوما يااكثر اسئلتي بس استحمليني عندي الدرج بنفس الصاله هل لازم يكون لون الارضيه والدرج واحد او مختلفه ؟

 

[tattoma]

مشكووووره تاتوما فديتج ياعسل والله يوفقك يارب
الهوى الغايب المهم تكوني استفدتي ياحلوه وادا خلصتي راوينا لاني محتاره بالارضيات ؟
تاتوما يااكثر اسئلتي بس استحمليني عندي الدرج بنفس الصاله هل لازم يكون لون الارضيه والدرج واحد او مختلفه ؟

حياج الله حبيبتي وما سوينا شي

إذا الدرج يطل مباشرة على الصالة وماكو شي يفصا بينهم، طبعا لازم نفس اللون والنوع