** تجمع مسافرات دبـــــي 2011 **

[••غـلآًهْـم••]

بنات انا بدبي والله توني جايه من اتلانتس

رحت بتغدا بمطعم ايطالي قاعدين نسأل الموظفه شنو نوع اللحم والدجاج اللي عندكم وذبح حلال ولالا قالت انا والله ماابي اجذب عليكم الاله اللي يقطعون فيها لحم الخنزير الله يكرمكم هي اللي يقطعون فيها كل اللحوم الثانيه

تقول كل اللي بلفندق نقس الحاله

اللهم اني بلغت اللهم فشهد

 

[* بنت المطر *]

بنات ودي اسافر دبي او اي دوله بس بروحي وابي خويه اللي حابه ترافجني تراسلني ع الخاص

 

[رزينه بكلمتي]

بنات انا بدبي والله توني جايه من اتلانتس

رحت بتغدا بمطعم ايطالي قاعدين نسأل الموظفه شنو نوع اللحم والدجاج اللي عندكم وذبح حلال ولالا قالت انا والله ماابي اجذب عليكم الاله اللي يقطعون فيها لحم الخنزير الله يكرمكم هي اللي يقطعون فيها كل اللحوم الثانيه

تقول كل اللي بلفندق نقس الحاله

اللهم اني بلغت اللهم فشهد

مرحبا الغاليه سمحيلي اقولج المعلومه الي نقلتيها مو صج وممكن اطرشين لي اسم الي خبرتج عالخاص
وهالشي مايستوي في دبي لاتنسين انا خليجين وعرب ومسلمين ركزي على اخر كلمه كتبتها مسلميييييييييييييييييين
اتمنى ماتهملين سؤالي عن اسم الشخص الي خبركم هالمعلومه
واصلا اللحوم اتيهم امقطعه زاهبه من المسلخ وتحت اشراف البلديه
فارجو التاكد من اي خبر قبل نقله لمنتدى عام يدخلونه الاف البشر ومن كل الدول
سامحيني هاي دولتي وماارضى عليها بالشين ولاني متاكده من رمستي سالتج عن اسمها الرمسه الي قلتيها مب سهله بحقنا كشعب خليجي مسلم

 

[جوريه بيضه]

دبي حلوه بس موبصيف صدقوني اذا ذكرت حرورتها ورطوبه اتحسف اني رحتلها

 

[••غـلآًهْـم••]

اختي رزينه انا والله مااقصد الاسائه ولاشي حشا انا شغله عرفتها من موظفه بمطعم ايطالي بنفس الفندق قلت لها الذبح حلال؟ قالت لي انا مااكذب عليج اللي يقطعون فيها اللحوم الثانيه يقطعون فيها لحم الخنزيره انا لاشفت بعيني ولاكليت عندهم

بخصوص انج تقولين دوله مسلمه ادري يالغاليه خليجيه ومسلمه لكن الخمر و اللحم الخنزير والنوادي الليليه مسموحه فيها لان دبي منطقه سياحيه

ارد واقولج انا مااسأة لاللإمارات ولا لشعبها

وانا اصلن للحين موجوده بالايمارات

 

[law love]

ان شاء الله رايحه دبي ٣٠-٦

سبحان الله دبي ليمه تتكلمين عنها ما فيها شي زايد عن الكويت بس هم نحبها و بين فتره و فتره تعن عليي و اتشفق على الروحه ما ادري ليش بس ونيييييسه

عندي سؤال انا كلما اروح دبي اتوهق بصوغة امي تبارك الرحمن كلشي عندها

ودي اعرف شي مميز من العطورات العربيه ما يهم السعر بس يكون المحل بالمولات يعني دبي مول امارات مول او المردف

 

[* فطامي *]

السلام عليكم


ان شاء الله ناويه اروح دبي بس بعرف عندهم تنزيلات ولا لا ؟

اخر فترة كله اروح لها بالشتا الصراحه رووووعه

 

[رزينه بكلمتي]

اختي رزينه انا والله مااقصد الاسائه ولاشي حشا انا شغله عرفتها من موظفه بمطعم ايطالي بنفس الفندق قلت لها الذبح حلال؟ قالت لي انا مااكذب عليج اللي يقطعون فيها اللحوم الثانيه يقطعون فيها لحم الخنزيره انا لاشفت بعيني ولاكليت عندهم

بخصوص انج تقولين دوله مسلمه ادري يالغاليه خليجيه ومسلمه لكن الخمر و اللحم الخنزير والنوادي الليليه مسموحه فيها لان دبي منطقه سياحيه

ارد واقولج انا مااسأة لاللإمارات ولا لشعبها

وانا اصلن للحين موجوده بالايمارات

لاحشاج يالغاليه ماجذبتج بس عن جد الرقابه موجوده بكل مطاعم دبي الصغيره والكبيره واذا عالخمور ولحم الخنزير والنوادي الليله اي دوله فالعالم فيها اجانب وبكثره يتواجد فيها الخمر ولحم الخنزير يعني الزين والشين فكل مكان والي يدوره بيحصله
ومثل ماقلتي دبي من اكبر المناطق السياحيه وسمحيلي اذا غثيتج برمستي بس الي ناقله لج الرمسه ماعندها شي من المصداقيه والله يحييج في بلادج ونورتينا

 

[رزينه بكلمتي]

ان شاء الله رايحه دبي ٣٠-٦

سبحان الله دبي ليمه تتكلمين عنها ما فيها شي زايد عن الكويت بس هم نحبها و بين فتره و فتره تعن عليي و اتشفق على الروحه ما ادري ليش بس ونيييييسه

عندي سؤال انا كلما اروح دبي اتوهق بصوغة امي تبارك الرحمن كلشي عندها

ودي اعرف شي مميز من العطورات العربيه ما يهم السعر بس يكون المحل بالمولات يعني دبي مول امارات مول او المردف

مرحبابج يالغاليه ممكن تاخذين لها بخور من شغل مواطنات او ممكن اتسيرين باريس غاليري وتاخذين لها بخور هند حصري فالامارات شغل اماراتي او ممكن تاخذين لها البخور الملون على شكل كب كيك وكيكات كبار وبعد ترى حصري فالامارات
العطور بس شغل المواطنات يكون حصري وخنين مب اي عطور
او ممكن تاخذين لها جلابيات مخوره لو تلي حلوات جلابيات الامارات
هالشي الي اقدر افيدج ولااغلب البضايع شراتها في الكويت بالضبط

 

[ااالنجلاء]

اختي رزينة بكلمتي ممكن تفيديني عن
- زواج اخوي قريب وين محل لفساتين السهره واسعاره معقوله
- اذا باخذ عوددهن وخشب وين المحل لاني باخذ هدايا ومابي غالي وش المخلطات الزينه عندك
وشكرا مقدما

 

[رزينه بكلمتي]

اختي رزينة بكلمتي ممكن تفيديني عن
- زواج اخوي قريب وين محل لفساتين السهره واسعاره معقوله
- اذا باخذ عوددهن وخشب وين المحل لاني باخذ هدايا ومابي غالي وش المخلطات الزينه عندك
وشكرا مقدما

حياتي ممكن اتسيرين مركز البستان او المنال الاثنين حلوين وكلهم محلات فساتين وقطع موجودين في دبي وبعد عندج شارع الرقه كله محلات فساتين بس هالمحلات اقل فستان اب 2000ويكون هاادي مافيه شغل
سيري سوق نايف او مرشد بتحصلين بالجمله رخيص وحلو
وممكن اعطيج رقم حريم ايسوي توزيعات دهن عود رخيص تتفاهمين معاهن ومن توصلين اتشلينهن من عندها قوليلي شو الي يرحيج
ومبروك مقدما لاخوج وعقبالج اذا مب معرسه

 

[أم@الحلوين]

بنوتاات
شرايكم ابهالفنادق
هوليدي إن البرشا & سويت نوفتيل
اثنينهم يم امارات مول منو جربهم وايي واحد أحسن من الثاني ؟؟

 

[نبض-قلبي]

مممممممشككورة رزينة بكلمتك اسم على مسمى وجعلك ذخر ماقصرتي ياقلبي... الله يجزاك الخير

 

[ااالنجلاء]

شكرا رزينه بكلمتي على الافادة والله يبارك فيك

 

[رزينه بكلمتي]

العفو خواتي ماسويت الا الواجب قليل بحقم
ام الحلوين هوليدي ان البرشاء اقرب لمول الامارات وفندق حلو وراقي اختيار موفق

 

[law love]

مشششششششكوره رزيييينه

بسئلك محل انفاسك دخون و ين فروعه بدبي ؟

و احلى شي عنده ؟

 

[al_3needa]

اهل دبي وخبيرات دبي ولا عليكم امر

بغيت اسأل عن جناط ماركة بونيا

موجوده باي مجمع؟ ويم شنو بالضبط؟

ولكم كل الشكر

 

[عذبة الاطبآع]

اااي آنــآ بعد ابي آعرف وين آحصصل بونيـآ ؟!!

 

[يحبنى الله *]

رزينة وين احسن مكات=ن يبيع دراريع حوة وزينة بس مووووووووو غالية
فى دبى وإلا ابوظبى

انتى جيتى الكويت ذهبكم ارخص من عندنا ووين اماكن ينباع فيها ذهب وثقة ورخيص


وجزاك الله خير

 

[^توجان^]

السلام عليكم عندكم فكرة بكم تذكرة الدخول لمدينة الثلج بدبي؟ والتلفريك بكم؟
وين القى عبايات حلوة وسعرها معقول بدبي؟