ديوانية مغتربات usa

[سوسو و نوني]

مساء الخير بنات
شلونكم .. شخباركم
بصراحة ترددت كثير قبل لا اكتب هالمشاركة .... تدرون ليش ؟
لان باقي لنا اسبوعين ونرجع للسعودية ....:ggdw:

انا عمري 28 وعندي ولد عمره 3 سنين و 4 شهور
انا صارلي في امريكا سنه ونص .. تنقلنا فيها بين لويزيانا وتكساس و فلوريدا واستقرينا اخر 6 شهور في كاليفورنيا ...
زوجي مهندس بترول وجاي هنا تبع الدوام ..

خسااااااره بنات والله ما دريت عن دوانيتكم الا امس .. ومره احتريت كان ودي اشارك معاكم من زمان .. بس يالله خيره ..

شكلكم مررره حبوبات و قلوبكم على بعض .. اكيد لان كل وحدة حاسة بمعاناة الثانية وحاسة بغربتها ...

المهم .. اللي تبي اي شي تسالني لا تتردد وانشاء الله احاول اساعدها باللي اقدر عليه ..

عندي سؤال مرررررره مهم بساله .. بس مو الحين عيب مو من اول مشاركة ..:wqedqw:

الله يوفقكم ويسهل عليكم غربتكم وترجعون سالمين لاهاليكم ...​

 

[سوسو و نوني]

خلااااااااااااص بنات ما اقدر
ايديني ولساني يحكوني لازم اسالكم الحين والا باموت ... عاد انا ما فيني صبر ابدا سبحان الله ..


تكفون بنات الله يوفقكم دلوني على صالون في لوس انجلوس .. ابي اصبغ واقص شعري قبل لا ارجع ...
ابي محل حلو وشغله مرتب .. ما يهم غالي والا رخيص اهم شي شغله حلو و زووووغة < على قولة حبايبنا الكويتيات

تدرون بنات صرت دايما اقول هالكلمه احسها حلوووه تطلع من الحلق ..


المهم .. تكفون لا تنسوني الله يخليكم ..​

*

 

[Miss Chanel]

هلا والله دودي شخبارج
اي والله خلصت الحمدالله باقي 10 ايام

اهلين ام الكوش شخبارج

هلا والله قطاوي توصلين بالسلامه انشالله




حياج الله سوسو
والله يخلي ولدج ويبلغج فيــــه معرس يارب
نورتي
ولوس انجلوس مااعرف شي عنها انشالله البنات يفيدونج

 

[doode cool]

صباح الليل

الحمدالله ام الكوش نحنو تمام انتي شلونك وشخبارك انشاءالله تمام

ام دونه

واي عليج مابقى شي ويوصلون بنتاج الله يوصلهم بخير وسلامه عاد طمنينا عنهم وعن لقاءكم

شنول

:eh_s(2):حياتي انتي والله بفقدج اول وحده ردت علي اهي انتي اهني احس مرتبط الدوانيه والمنتدى فيج لانو فتحت عنوني ع ه المنتدى والدواينيه الطيبه ووالخوات الطيبين الي قلوبنا علا بعض دايم المهم انو فتحت عنوني عليج يعني تصيرين امي اهني :eh_s(7):<<<<امزح
انو انتي شي كبير به الدواينيه الله يوصلك سالمه ي رب
خلصتي سوايق وشريتي للوالده الله يحفظها الشووز مكرمين الي يقرون

خوخه

شلونج

مج مج

وينج غاطه شو اخبارك

بطوط

شلونك وشلون الحمال وشلون تعبك بعد ذاك اليوم والترتيب

غلوي

كلش خذتج البنوته

دعول

شلونك مافي الام طلق الله يهون عليك

نوني

شو اخبارك وصلت اوراقك من الملحقيه ولا لسه

توفي

شو اخبارك واخبار البنوته وانفاسك انشاءااله امورك تمام

بنات حطيت نشيز كيك بالمطبخ مادري احط استخدمه ولا انا شكلي مبسوطه فيه وانتو تعرفونه من زمان :eh_s(10):

ضيون غلوي ام امحمد ام وهابي منور مريامه كل البنات شلونكم

سوسو ونوني

والله ماعرف شي عنها انشاءالله البنات يفيدونك وتوصلين لاهلك سالمه ي رب
​

 

[Miss Chanel]

صباح الليل ​

​

شنول​

:eh_s(2):حياتي انتي والله بفقدج اول وحده ردت علي اهي انتي اهني احس مرتبط الدوانيه والمنتدى فيج لانو فتحت عنوني ع ه المنتدى والدواينيه الطيبه ووالخوات الطيبين الي قلوبنا علا بعض دايم المهم انو فتحت عنوني عليج يعني تصيرين امي اهني :eh_s(7):<<<<امزح
انو انتي شي كبير به الدواينيه الله يوصلك سالمه ي رب
خلصتي سوايق وشريتي للوالده الله يحفظها الشووز مكرمين الي يقرى​

:eh_s(2)::eh_s(2): لــــــــبى قلبتس وانا بعد راح اشتقالكم حيل حيل
بس وعــــد ماراح اخليكم اجي واسلم عليكم واشوف اخباركم :eh_s(2):

انا والله تعودت على الدوانيه مااقدر افارقها

فديـتج دودي على الكلام الطيب
اي والله شريتلها وخلصت الكـل

عســـى ربي يهون غربتكم ويسر اموركم ويوفقكم اجمــــــــعين
ويشفي كل مريض ويوفق الي يدرس يارب :eh_s(2):

 

[اختكم بالله]

السلام عليكم

 

[اختكم بالله]

شلونكم بنات

 

[سوسو و نوني]

miss chanel .. مشكوره ياقلبي عالرد
الله يوصلك سالمه ويفرح قلبك بشوفة الغالين .. شكلك مررررره حبوبه خساااره ما لحقت عليك ...
مره مره مره ودي يكون لي صديقة من الكويت .. ياختي احبكم واحب كلامكم وسناعتكم ..

لما ارجع السعوديه انشاء الله بشيك عالدوانيه دايما .. حبيتكم من اول يوم ..

doode ..
يا عمري تسلمين والله ماقصرتي يكفيني انك رديتي علي ..​

​

 

[q8_toffee]

وعليكم السلام والرحمة والبركات

هلا والله خوخه

شلونكم بنات شخباركم
​

 

[ام كوشه منكووشه]

قوووه بناات

اشلووونكم اليووم من غير شر بعضكم مابين عسى المانع خير

ام دوونه
حيااتي بشرينا عسى اوصلوا اخووج واعيالج بالسلامه ان شاءالله
ونواري شمسويه عقب الغسيل عساها احسن

هلا خووخه
اشلونج واشلون ولدج عسى كل شي تمام معاكم

هلا والله اختي سوسو ونونو
حيااج الله معنا
اسمحيلي والله مااعرف صالونات زينه اب منطقتكم بس عندي لج ويب سايت تسوين فيه سيرج ويقوالج احسن صالونات وتقيمهم واي اهم اللى فايف ستار انا توا مجربه صالون عن طريق هالويب سايت وصج خدمتهم عجييييبه....
اسمه ستي سيرج...
وان شاءالله احصلين شي يعجبج والله يسهل لكم رجعتكم لاهلكم بالسلامه ياارب

 

[ام كوشه منكووشه]

اهلييين توووفي
شلوونج عمري وشلوون توتي
شكلهااا عاافسه الجدول عدل الله يخليها ويحفظها لكم

اي صج على طاري البيبيات بناات منو تعرف البرنامج اللى نزاله على الايفون وفيه خلفيات لصور البيبات نفس المصور يعني احنا بس نصور ويه البيبي ونختار له من الخلفيات وتطلع الصوره رووعه جنها تصوير ستديوو

 

[سوسو و نوني]

ام كوشه منكوشه ..
فدييييييييتك يا قلبي تسلمين ما قصرتي ..

ولعيونك بدورلك على هالبرنامج .. تستاهلين يالزينه ..

 

[ام كوشه منكووشه]

هلا سوسو

حبيبتي ماتقصرين وتسلملي عيوونج يالغاليه

 

[مجنونة حبه]

السلام ومساء الخير بنات اشلونكم
ماعليش زوجي كان معطل فهلكناه بالطلعات
رحنا متحف تكنولوجي وسينما اي ماكس وااايد حلوه حق اليهال
والحمدالله اهله وصلوا بالسلامه بس مو عندي عند منطقه بطوط
وان شاءالله في رحله قريبه انسويها كتغيير جو قبل الصيفي
رحت الدكتوره حمل والحمدالله طمنتني على صحه البيبي وباجر عندي تحليل السكر الي اصوم
ووووووقالتلي اشيك علمستشفى طلبته خصوصي واخذ تور عندهم
ووجميعا اشلونكم وشلون صحتكم
بطوط ليش مختفيه
توفي
حياتي توته شلونها شكلها ملعوزتكم نطري شوي عليها ماشفتي شي
خوخه
اشلونج قلبو وشخبار ولدج والحمال
شنول
اتروحين وترجعين بالسلامه قلبي
دعووول
بشرينا ان شاءالله بس قاعده تمشين كل يوم حركي علشان الجنين ينزل تحت

كوووشه ازيك ياجميل وشخبار الحلوه
وباقي البنوتاات اشلونكم

 

[De3La^85]

سوسو ونوني
اهلين حياج الله معانا ..

توفي
شخبارج ؟ متى بتردين الكويت ؟ واشلون بنوتج ؟ يا حلو البنات عسى الله يخليها لج

بنات كلكم اشلوونكم ؟

والله قاعده امشي كل يوم ,,, مره ساعه ومره نص ساعه ,,, واكل تمر ,, بس مفيييييش فايده الله كريم ان شاءلله اهم شي الصحه والعافيه بس لا تنسوني بدعواتكم

مج مج
متأكده ان حق تحليل السكر لازم صايمه ؟ تأكدي لان انا رحت صايمه جان تقولي اكلي شي خفيف وحاولي تبتعدين عن السكريات وتعالي


وبنات الي ولدو اهني سؤال ... انا الحين صارلي اسبوعين بالتاسع بس ما سويت سونار من زمااااان تقريبا من الثامن او السابع ! طبيعي ؟
وكل ما اقولهم الدكتوره تقولي ما تحتاجين,,, وقالتلي وزن البيبي ووضعيته وكلشي من غير سونار !! اشدراها ؟

 

[Miss Chanel]

الســــــــــلام عليكم
شخباركم بنــــــات


سوسو ياحياتي تســــــلمين ع الدعوه ولج بالمثل يارب

اهلين ام كوشه شخبارج ياقلبي وشلون الحمال معاج

هلا والله خوخه شلونج

مج مج عليكم بالعافيــــــــه الطلعه ...
والحمدالله على سلامة اهلكم

توفي شلونج وشلون الكتكوته معاج ..

دعول ياقلبي الله يهون عليج انشالله ويقومج بالسلامه
لاتفكرين بالولاده ترآآ البكر تطول شوي
وليـــه مايسون لج سونار لازم سونار يشوفون ماي البيبي والمشيمه


ام دووونه وينج
شخبار نواره طمنينا عنها

 

[q8_toffee]

صباح الخير

شلونكم شخباركم فردا فردا اللهم زيد وبارك بنات دوانيتنا

مج مج عليكم بالعافيه والله يخليلكم ابوكم يارب

ام كوشه والله برنامج هذا حلوو بسألج ريلي واردلج خبر

بطوط شلونج شخبارج حبيبتي الله يسهل ويهون عليج يارب يقولون البجر تاخذ شهرها كله انا ولدت باول يوم من اسبوع الاربعين
وتحليل الجلوكوز انا كنت صايمه وابتعدي عن اي شي في سكريات حتى علج مايصير

وبالنسبه حق سونار عادي من يطمنون من السونار الى سويته بالشهر الخامس او السادس ويعرفون المقاسات البيبي وكل شي الحمدالله اوكي في صحته وطوله مايسوون الا حزة الولاده يشوفون راس البيبي تحت

انا سالت دكتورتي على وضع راس البيبي قالتلي تحت كانت تضغط وتعرف حتى لمه تسوى الفحص تقول اذ كان الراس تحت وحاشته او لا

انتي لاتحاتين كل شي بوقته ياحلووو

شنول هالبنيه لاعبه فينا لعب ماكو نووم ولا طلعه



​

 

[doode cool]

السلام عليكم

كيفكم بنات

مج مج

عليكم بالعافيه اطلعه ويخلي لكم ابوكم ي رب والحمدالله ع سلامت اهلكم وبيجلسون الصيف كله وبيجون يجلسون عندك<<<وناسه مشاءالله الله يتمم عليكم

شنول

شلونج شو اخبارج في شي تبيه روحي لكل شي قبل تسافرين شي غريب من الاكل ماتبين تاخذين<<<تحب الاكل تشيز كيك والله خطير <<شوبك ع اتشيز كيك شكلك اول مره تاكلين:krkrkr:مادري ابيك تنبسطسن اي شي تحسين عجبك بامريكا روحي له شبعي عنونك فيه والله يحفظكم ويحفظ ابوكم ي رب مسكين برمضان انتي مو عنده :eh_s(10):

امم الكوش

شلونك شو اخبارك كل شي تمام

ام دونه

لبى قلبك شلونك وشلون البنات واخوج وصلو << ادري مو فضيه للدواينه الله يحفظهم ويلم شملكم دوم علا خير ي رب

توفي

من جد الله يعينك يبله جم شهر وتكبر وترتاحين

خوخه

شلونك وشلون الدراسه والدك بالروضه تاقلم وتحطين له فطور شنو تحطين

بطوط

شكلها اجازا زي مج مج

نوني وسوسو

نورتي والله ويالله الحمدالله بتردين لاهلج وتقر عنونج بشوفتهم

دعول

خذي مني جلسي بالبانيو بمويه دافيه بعدين طلعي وحطي رجولك بمويه دافيه وخلي يسون لها مساج بزيت زيتون ودهني ظهرج بزيت زيتون هذا كثير معروف انو يفتح الرحم المويه الدافيه والمساج وزيت زيتون مره ممتاز وموصين فيه جربي مراح تخسرين شي الا تاخذين ريلاكس


باقي البنات شلونكم
​

 

[De3La^85]

اهلين بنات

اي والله ما يسوون سونار بس تفقص الدكتوره بايدها,, تضغط على بطني وقالتلي راسه تحت ووزنه وحجمه ,, ويوم سألتها عن المشيمه والماي قالتلي بالخامس هالاشياء نتطمن عليها وبس ما نشوفها ,, بس قالتللي اذا يريحج السونار اسويلج بس انا نزل علي وحي الادب والحيا وقلت لها لا خلاص مو لازم ,,,

ودودي
الحين بترس البانيو وبقعد فيه ,, انا كل يوم اخذ شور بماي دافي بس بجرب طريقتج وعسى الله يكتب الي فيه الخير

بنات شخبار ضيون ؟ ولهت عليها

 

[Miss Chanel]

لوووول توفي الله يخليها لكـــم ..


دودي انا الحمــــــدالله بخير انتي شلونج ..
هههههه اي والله طلعنا وتمــــشينا واستانست لله الحمــــدالله
واكثر شي عجبنـــي مطعم مادري شسمه بس مشهور بالجيز كيك خخخخخ
وعجبتني الباستــــا عندهم حيل تجنن



دعول لاياقلـــبي ماعليج منها سوي سونار احسن عشان تطمنين ان كل شي اوكـ انشاللهـ