** تجمع مسافرات دبـــــي 2011 **

[رزينه بكلمتي]

وترى الشارجه مافيها اماكن سياحيه وايد بس قناة القصباء اتمنى تمرون عليها وفيها جمن حديقه والكورنيش

 

[غلا عيوني]

اختي رزينه ياقلبي تسلمين على كل كلمه تقولينها طالعه منج عسسل
بس حبيت استفسر ابي فندق يكون سعره معقول بدبي؟ انا قبل جم سنه سكنت بتاج بلاس وعجبني بس غالي شوي وحتي المطاعم فيه ناار
وابي اسالج ابي محلات المواعين الترامس الجاي والقهوه فهمتي علي؟من وين ينباعون ولج مني الف شكر؟؟

 

[Lahoma]

بنات يعطيكم العافية

بغيت أسأل عن المدن المائية

اللي اهي وايلد وادي و اللي موجود في اتلانتس

السؤال :
احنا عايلة مع عيالي ، أقدر اروح ،،، أمان ،،،، ماكو مناظر تخل بالحياء العام ؟؟؟؟؟؟

و الا اشيل هالأماكن من الخطة ؟؟؟؟

مشكوريين وااااايد​

 

[بنت العميد]

انا بسويلي كفر على صوره اليهال حق الايفون و بسوي لهم حق الايبودات فأبي اعرف وين يسونه بدبي ؟؟؟

 

[ام الكتكوته]

الله انا بعد ابي كفرات من وين

معقوله موجودين بالسوق الصيني

 

[الدلال]

انا بسويلي كفر على صوره اليهال حق الايفون و بسوي لهم حق الايبودات فأبي اعرف وين يسونه بدبي ؟؟؟

انا مسويتهم في هامليز لندن وافتحوا هامليز بدبي مول بس مادري اذا يسوون ولا لا

 

[زينة الهيلا]

غلا عيوني انتي هني طحت عليج هههههه وزينه بكلمتي بيض الله وجهج وعسي ربي يحفظ الامارات ويزيد خيرها ويحفظ اهلها ويرحم أبوكم زايد ويحلي عياله ويرضي عليهم وجعل الامارات دوم بتطور ونما وازداهر تستأهل هالديره وأهلها اللي شعب مثل طيبته واصالته ماعرفنا ولا شفنا لا يهونون باقي الخليج حارس عليكم يالخليج

 

[Al-7almah]

أنزيـــن ... أبي محلآت يبيــعون كفرآت للنوكيــآ
بس تكون حللللوة .... تهقون في السوق الصيني !!؟؟

 

[رزينه بكلمتي]

اختي رزينه ياقلبي تسلمين على كل كلمه تقولينها طالعه منج عسسل
بس حبيت استفسر ابي فندق يكون سعره معقول بدبي؟ انا قبل جم سنه سكنت بتاج بلاس وعجبني بس غالي شوي وحتي المطاعم فيه ناار
وابي اسالج ابي محلات المواعين الترامس الجاي والقهوه فهمتي علي؟من وين ينباعون ولج مني الف شكر؟؟

العفو حياتي والله انتو الي عسل ويامرحبابج في دارج
عن الفنادق عندج دوست في شارع الشيخ زايد وبعد عند المروج وذا ادريس عند دبي مول
ورافلز راقي
المنزل بعد حلو بس حاليا مابتحصلين شي سعره اوكي غير الششقق الفندقيه لانه الفنادق رفعت اسعارها لكثرة تواجد الخليجين والعرب في دبي ماشاء الله هالسنه اغلب المسافرين حولو وجهة سفرهم لدبي فانصحج بالشقق الفندقيه وراها راقيه وايد
وعن المواعين بتحصلينهم في سوق نايف وعندج محل بروبحر في الشارجه عنده شغلات غريبه وحلوه

 

[رزينه بكلمتي]

اختي رزينه ياقلبي تسلمين على كل كلمه تقولينها طالعه منج عسسل
بس حبيت استفسر ابي فندق يكون سعره معقول بدبي؟ انا قبل جم سنه سكنت بتاج بلاس وعجبني بس غالي شوي وحتي المطاعم فيه ناار
وابي اسالج ابي محلات المواعين الترامس الجاي والقهوه فهمتي علي؟من وين ينباعون ولج مني الف شكر؟؟

مرحبابج يالغاليه والله انتو الي عسل
عن الفنادق مابتحصلين شي ارخيص الحينه اقل شي غرفة وصاله اب 1200يعني حرام تدفعين عن المبلغ وانتي تقدرين تدفعينه لشقق فندقيه لمدة يومين عاد براحتج بس بخبرج بالفنادق الي اسعارها لاباس بها
عندج دوست في شارع الشيخ زايد والمروج روتانا فندق وشقق فندقيه عند دبي مول
رافلز عند مركز وافي
هذيلا الي اسعارهم اوكي بالنسبه للبقيه بس نصيحتي لج تسكنون في بييرل كوست او كورال خوري في البرشاء جريب الامارات مول
وعن المواعين بتلاقين في سوق عكاظ وسوق نايف في دبي وفي الشارجه محل بروبحر فيه شغلات حلوه وراقيه
العفو حبيبتي لاشكر على واجب وبتنورينا
واذا شي في خاطرج اسدحيه هنيه وان شاء الله بجاوبج

 

[رزينه بكلمتي]

بنات يعطيكم العافية​

بغيت أسأل عن المدن المائية ​

اللي اهي وايلد وادي و اللي موجود في اتلانتس​

السؤال :
احنا عايلة مع عيالي ، أقدر اروح ،،، أمان ،،،، ماكو مناظر تخل بالحياء العام ؟؟؟؟؟؟​

و الا اشيل هالأماكن من الخطة ؟؟؟؟​

مشكوريين وااااايد​

الويلد وادي مب صوب اتلانتس بعيده عنه وهي مدينه مائيه وفي يوم مخصص للحريم مااعرف شواقولج بس بتشوفين الكل لابس ملابس سباحه بحكم انها حديقه مائيه
وعن الي في اتلانتس الاجانب اكثر شي فيها فانصحج لاتسيرين لها عموما عالبحر الناس يلبسون الملابس المخصص للبحر اكيد بتشوفين مفاصيخ بس اجانب انتو عندكم بالكويت اكيد شي اجانب وتعرفين شو يلبسون
اما اذا تقصدين حركات ماصخه ممنوعه ويعاقب عليها القانون

وترى حبيبتي اهم شي الوازع الديني فعيالج من يكبرون بيشوفون هالمناظر يعني من وجهة نظري واسمحيلي عليها خلهم يتعودون علشان من يكبرون مايلفت انتباهم وهم كبار انا من اسير اي مكان عيالي مول مايطالعون لانه خلاص تعودو يعني مايلفت انتباهم والتربيه تلعب دور كبير في هالشي
وبعد انصحج اتودينهم لمدهش بتفتح ابوابها الاربعاء 28/6لين 31/7وااااايد بيستانسون ووديهم كدزينيا في دبي مول عالم خاص بالاطفال يسوون كل مهن الكبار وبطريقه طبق الاصل وااااااااايد حلوه هالمدينه بيستمتعون فيها وربي يوفقكم ويسعدكم
وبتنورونا حبايبي همس اخيره حبيبتي الزين والشين بكل ديره اهم شي الوعي والنصح

 

[رزينه بكلمتي]

غلا عيوني انتي هني طحت عليج هههههه وزينه بكلمتي بيض الله وجهج وعسي ربي يحفظ الامارات ويزيد خيرها ويحفظ اهلها ويرحم أبوكم زايد ويحلي عياله ويرضي عليهم وجعل الامارات دوم بتطور ونما وازداهر تستأهل هالديره وأهلها اللي شعب مثل طيبته واصالته ماعرفنا ولا شفنا لا يهونون باقي الخليج حارس عليكم يالخليج

ياااااابعد عمري عسى ربي ينولج مرادج عالدعوه الحلوه والرمسه الي ترد الروح والله انتو ياشعب الكويت من حبي لكم مااعرف كيف اوفيكم حقكم اللهم امين ويحفظ الكويت حكومه وشعب

 

[رزينه بكلمتي]

الاخوات الي يسالون عن الكفرات سواء للبي بي او النوكيا او الاي باد بتحصلونهم في السوق الصيني ودبي مول و دبي مارينا
وبعد يسوون طباعة الصور والكتابه عليها

 

[دآهيــه بحـلاهآ]

الله انا بعد ابي كفرات من وين

معقوله موجودين بالسوق الصيني

اي موجودين فالسوق الصيني انا شايفتهم بعيني وسعرهم زين بعد اررخص من اللي بدبي مول وحلوووووووين

 

[غلا عيوني]

هلا زينه الهيلا شفتي شلون هههههههههههههه انا اخذلي جوله بلمنتدى والله ودي بدبي بس ريلي مو اي شي يوافق عليه وبناتي ودهم يغيرون جوو ويسافرون
رزينه ياقلبي وفيتي ياقلبي على الرد بس انا فكرت ابي شقق فندقيه احسن من الفندق لاني احب المطبخ موجود واخذ راحتي اكثر؟ابي شقق فندقيه تكون راقيه مو غالي سعرها وبجم تقريبا اذا عندج فكره ليله الوحده ؟وماقصرتي ياقلبي ووعسى عمرج طووويل

 

[الدلال]

انا حق سفرتنا بالعيد باذن الله حجزت شقق فندقيه اسمها كورال الخوري يم الامارات مول بالبرشا

سفرة الاسبوع الياي حجزت بولمان الامارات موول

 

[جوجو 1966]

هلا والله فيكم جميعا
الاخت رزينة بكلمتي فديتك انا حجزت في فندق تاج بالاس انا ادري ان موقعه مش حلو بس انا جاية انا وبنتي فقط ، كيف مستواه حسب معلوماتك
وكم المسافة بينه وبين دبي مول بالتاكسي وهل قريبة منه محطة المترو
الف شكر على تفاعلك ولا هانوا اهل الكويت فديتهم والله

 

[جوجو 1966]

بالنسبة للاخت اللي سألت عن السكن في الشارجة
ممكن افيدك انا بنتي تدرس في الشارجة في شقق راقية جدا مقابل مجمع صحارى بينهم جسر المشاة جدا راقية وتصلح للعوائل

 

["*آآآنؤؤؤقهـ*"]

ام الكتكوته

روحي الامارات موول وااااي كفرات تجنن راااقييين ذربيييين حيييل

كذا محر بس لاتسأليني عن اساميهم لاني مريتهم مرور الكراااااام

بس قلت لو ابي اشتري من عندهم المرات الجاااايه

 

[كلمة مضيئه]

السلام عليكم أختي رزينه ماقصرتي فديتج والله والبنات بعد الله يعطيكم العافيه :hjy5jewf:
بنات أنا من زمااان ما رحت لدبي وبروح إن شاء الله آخر الشهر أبيكم عفيه تساعدوني بكتب الاماكن اللي ودي إن شاء الله أروحلها بس ما أعرف شنو الاماكن القريبه من بعض عشان أروحلها بطلعه وحده مع التاكسي الاماكن دبي مول كيدزانيا عشان عيالي :ioljnmlk: والنافوره والامارات مول سكي دبي و ابن بطوطه والمنضاااد وبرجمان الباص العجيب وميركاتو وفستيفال سيتي وسوق البحار ومرشد ونايف وقريه البوم وحديقه الخووور مع العلم ان بنوصل لدبي عالساعه 12الظهر وبنقعد إن شاء الله 5 ايام والسادس بنرجع نكون العصر بالمطار
ادري قرقت عليكم :cxxxp: بس والله مو عارفه اسوي جدول ساعدوني باسرع وقت يا الغاليااات :yaaaaaarb: