هل شفتي طليقج بعد الطلاق ؟؟؟؟ او صار موقف بينكم ؟؟؟ اسدحوووه هنا

[أم شيوووخة]

الله يعوضكم كلكم ياااااااااااااااااااااارب
والله يرد كل وحدة حق ريلها إذا تبي تردله ياااااااااااااارب
وادعولي إن الله يردلي ريلي .. لأن أحبه واااااااااااااااااايد
وخاااايفة يصير بينا شي مو زين وأفقده
الله يخليكم ويجزاكم كل خير ادعولي .. لأن من غيره أمووووووووووووت ..

 

[ياسمين وجوري]

اختي ربي رضاك والجنه الله يصبر قلبج ويهدي بالج المشاعر اللي انت تمرين فيها مشاعر طبيعيه مع الوقت تخف وتنتهي مثل لما نفقد انسان عزيز وكله يتراوالنا انه بيرد يعيش مره ثانيه لكن مع الوقت نصدق انه مات وننسااااااااااه انت الحين قاعده تمرين بحالة انسلاخ والحاله هذه صعبه وتعور ويبيلها صبر وقوه لكن في النهايه راح تطيبين انشاالله مثل عملية علاج الادمان لانج انت ما حبيتيه كثر ما ادمنتيه ولا بذمتج اذا فكرتي في فعايله فيج وظلمه وبعده عن ربه ما تقولين بينج وبين نفسج أنا شحبيت فيه ؟؟ لكن اهم شي ان الطلاق صار منهم مو منا إحنا يعني أنا اتصور اذا كان قرار طلاقي جاي مني أنا أكيد كانت مشاعري عقب الطلاق عذاب وندم لكن اذا كان هالشي جاي رغم عن ارادتج وما سعيتي فيه ولا كنت حابه انه يصير وحاولتي المستحيل انج تستمرين مع هالشخص رغم عيوبه وبالاخير يجي اهو بارده مبرده يقولج انت طالق صدقيني اهو الخسران واهو الندمان لان دايماً سبحان الله ما يتعذب ويتحسر الا الطرف اللي سعى بالطلاق سواء رجل او امرأه

 

[دلوعة حمني]

والله بنات القصص تعور القلب ... الله يعوضكم بالريال الصالح و الذرية الصالحة اللي تفرح قلوبكم

 

[الجورى 2007]

بقول لكم شغلة قريتها يقولون الرجل يعانى من الطلاق بس ما يبين هالشى ونفسيا يتعب وخصوصا اذا الزوجة هى اللى طلبت الطلاق وحتى لو تزوج مازالت عقدة بداخله انه انرفض هذا يكسره كسر ويكابر حسب الدراسات ,,,
اختى اللى تقولين تطلقتى بالثلاث وتحسى انك بترجعين له ليش لا الله قادر كثير كان استحاله رجوعهم وسبحان مغير الاحوال رجعوو لبعض بس الوحدة تعيش حاضرها ما تعيش على امل ممكن يكون احلام يقظة

 

[Zen&7ala]

الله يعوضكم يا رب


انا رفيجتي المسكينه متزوجه و حماتها ماخذه اخوها

يعني رفيجتي و اخوها ماخذين من نفس العايله و اخوان

المهم اخو رفيجتي صاارف خلاف بينه و بين مرته و طلقها الي اهي حمات رفيجتي !!

و رفيجتي ما تدري !! يالها زوجها و طقها (اهيا شكو) و طردها من البيت الفير و البنت من غير حجابها و لابسه

بجامه و ما عندها لا مفتاح سيارتها ولا شي و اهيا مو ساكنه في بيت حموله و توها متزوجه صارلها 3 شهور

مسكينه تقول بجيت لين قلت بس و شافت هندي البيت الي يمهم و خذت تلفونه و دقت على اهلها


الصراحه حرام بنت تنظلم و اهيا بس صارلها 3 شهور متزوجه !!

و الغلط من مرت اخوها الي اهيا حماتها لان لسانها طويل و ما تتعاشر الله كريم و الله يعوض يا رب

 

[ايماني قوي]

هلا خواتي . . .​

قريت كلامكم من صفحة 1الى 10 ​

كل مشاركة من اخت لنا تطلقت كنت اقرى كلماتها مصاحبة لموسيقى تصويرية ​

لما شافت طليقها اللي بجت لانها شافته متهني وبمطعم مع اهله ولا تأثر انه طلقها وصعبت نفسها عليها وانهارت . . .​

واللي كانت في قمة كشختها وناستها وانبساطها وشااافها واهي حاطة حمرة لون ما يحبه كانت سعيدة بتبين له انها ما انكسرت في غيابه وطلاقه لها . . .​

واللي كسرتني من داخل الاخت اللي الكون كله وقف لها لحظة بسنة لما مد لها صورة من ورقة طلاقهم في نفسها جزء منه جنين يكبر ​

هالاخت بإذن الله عندي احسااس انها ترجع لطليقها . . .:denya:​

كل وحدة فيهم حكاية وقصة منهم اللي طوت الصفحة وكملت حياتها ومنهم اللي طوتها لكن الله كريم ​

ومنهم اللي ما انطوت والبوم العرس يم مخدتها ومسيف ضي عيني ربي يردها لزوجها ويبعد عنه بنات ابليس يااارب . . .​

تكفووون خواااتي اللي تطلقت من زوجها لسبب تافهة تحاول ترد له بعد ماتستخير رب العالمين ​

كلنا بألو زواجنا مشاكل وعوار راس وكفخ مكافخ وتشوووت كل شي لكن ربكم كريم والله لو مو خالتي ام زوجي جااان علوووم ​

وامي بعد تزفني جااان صارت امور لاتحمد عقباااها الصبر ثم الصبر لكن ع الرجل النظيف الشريف اللي يخاف ربه ​

زنصيحة لكل وحدة متزوجة او مقبلة ع الزواااج علشان تمضي الحياة الزوجية بينكم بقولكم شغلة بتضحكون ​

بستهزؤون براحتكم لكن الحظيظة من تاخذ فيها والله بترتاااح :​

علشااان تمشي حياتج مع زوجج اعتبريه انسان مجنون وطوفي له ​

وقولي لزوجج هالحكمة خل يعتبرج بعد مجنونة ويطوف لج زلاتج واخطائج ​

ادري قرقت وااايد لكن بخاطري اكتب واقولكم هالشي من تأثري ومن حبي لبنات ديرتي​

موضوووع حلووو مستحيل اطلع بدون ما اكتب رد

الله يعوض عليكم يارب ويرجع بنت جيرانا لزوجها مسكينه تحبه وانا عارفه وعندها اعيال منه

الله يكون بعونكم وربي حاسه فيكم مووو سهله انتي تنهدم حياته وهو في مليون وحده تبيه ويعيش حياته ويخلف اعيال ويتهناا وانتم تعيشووون على الذكرااا ولاااا خصوصا الي عندها اعيال تقعد تربي اعيالها استغفر الله والله يكون بعون الكل سوى متزوجه يصبرها على زوجهاا وظلمه او مطلقه ويبرد قلوبنا ياااااااااارب

 

[..ola..]

الله يعوضكم خير قولوا امين

 

[C U T E]

الله يعوضكم يا رب


انا رفيجتي المسكينه متزوجه و حماتها ماخذه اخوها

يعني رفيجتي و اخوها ماخذين من نفس العايله و اخوان

المهم اخو رفيجتي صاارف خلاف بينه و بين مرته و طلقها الي اهي حمات رفيجتي !!

و رفيجتي ما تدري !! يالها زوجها و طقها (اهيا شكو) و طردها من البيت الفير و البنت من غير حجابها و لابسه

بجامه و ما عندها لا مفتاح سيارتها ولا شي و اهيا مو ساكنه في بيت حموله و توها متزوجه صارلها 3 شهور

مسكينه تقول بجيت لين قلت بس و شافت هندي البيت الي يمهم و خذت تلفونه و دقت على اهلها


الصراحه حرام بنت تنظلم و اهيا بس صارلها 3 شهور متزوجه !!

و الغلط من مرت اخوها الي اهيا حماتها لان لسانها طويل و ما تتعاشر الله كريم و الله يعوض يا رب

حسبي الله عليييه .. شذنبها اهييي توها عرووس ,, بس الحمدالله على كل حال

الله يعوضهاااا ياااارب باللي احســن منه :yaaaaaarb:

 

[طيــــــــــــف]

رد: رد : هل شفتي طليقج بعد الطلاق ؟؟؟؟ او صار موقف بينكم ؟؟؟ اسدحوووه هنا

آآآآآ ه ذكرتيني

بطليقي ابو بناتي

سكنوا ببيت جديد بعد طلاقي بسنه

وسافر هو

فمريت البنات اشوف بيتهم وارتب اغراضهم

لقيته مكبًر صورتي وحاطها على الدرج بين الدور الاول والثاني


****************

المطلقة اللي عندها عيال لا بد من شوفه طليقها

سواء لزيارة العيال او لمدارسهم او لزواجهم

وانا آخر مره شفته بالمستشفى لما بنتي تسوي عمليه الزايده

الله يحفظه ويوفقه يارب

فوفو

طيب ليش ماترجعين له دام انه يحبك على الاقل علشان عيالك اذا مو علشانه

 

[نجدية2011]

قلبي أحترق
الله يعوضكم برجال مو اشباه الرجال اللي قبل
يااااااااارب

 

[منو انت]

اللـه يعوضكم وانا اقول عيشه العزوبيه ولاالزيجه الرديه يعني ياانج تكونين مرتاحه معاه او انجج تردين لبيت اهلج مرتاحه ابرك من القعده عند واحد بالاخير ماتحصلين غير القهر والامراض

 

[بدوره87]

بنات بقولكم شي انا صج تاذيت من طليقي و وايد مشاكل وايد مثل ما قلت لكم و ادري ادري حتى شقولكم يروح ينقل حق امه و ابوه و اخوانه و خواته
بس شفت اسمه عندي بالوتس اب للحين ما مسحته تصدقون كاتب بالستيت (صارت حياتي كلها هم في هم)وهذا شفته الفير يعني كنت نايمه و فزيت و شفته المهم وانا راده بنام و انا اتقلب اقول حرام اللهم لا شماته اللهم لا شماته
و من داخلي ودي ادش عليه تقوله شفيك عسى ماشر قط علي همك مثل اول بس ارد اقول الي سواه فيني ما قصر فيه و ادري بيقول حق اهله و خفت

 

[المبدعة]

الله يمسح على قلبج بدورة

 

[haya20]

ااااااااااااااااااه أنا توني قبل ساعه شفته بالمستوصف كنت رائحه أنا وبنتي جان تقول بنتي عمرها ١٠ سنين يمه أبوي أبوي واحنا كنا قاعدين عالكراسي ننطر الدور والكراسي فاضيه اصلاً قلت لها لا تطالعين خلي وجهج جدام جنا ما شفناه بعدين حسيت فيه واقف على يساري ويطالع سويت روحي مو منتبهه جان يمشي شوي شوش ويقعد ورانا وانا اقول حق بنتي سوي روحج ساهيه وما شفتيه وعقب دقيقتين ما قدرت جان اقوم واروح للكراسي الثانيه صوب الرياييل وكان مكانهم فاضي على اساس اني استحيت من الريال اللي قعد ورانا يوم جا دورنا مشينا صوبه عشان غرفة الدكتور واهو خز وبنتي ماسكه روحها من الضحك تعمدت أطول عند الدكتور عشان نطلع وما نشوفه يوم طلعنا الا قاعد بالوجه ومرتز عطيناه طاف ورحنا للصيدليه بسرعه وردينا البيت ما وصلت البيت الا دازلي رساله (( الله أقوى يا نصيبي وانا وش بيدي )) طبعا ألقصيده كامله دازها """""""""""أنا مطلقه قبل عشرين يوم وهذي الطلقه الثانيه مع العلم ان الطلاق الاول والثاني تم لاسباب غير معروفه اذكر الطلاق الاول قبل ثمان سنين قربت آجن وردينا واستمرينا سبع سنوات وتم الطلاق الثاني لكن سبحان الله الطلاق الثاني جني شاربه قلاص ماي صارت عندي مناعه من كثر صدماتي فيه لدرجة انهم قعدوني الساعه ٨ الصبح يقولون فيه مندوب محكمه جايب ورقه تبليغ طلاق وقعت عليها ورديت كملت نومي حتى اهلي انصدموا مني وعااااااااااااااادي شنو يعني بنذبح عمارنا علشانهم لابوهم لابو من عاش معاهم ((نحتاج ان نعيش معهم ولكن ما احلى الحياه بدونهم )) *

نفس الحاله انا مستغربه من نفسي مع اني كنت امووت عليه بس من كثر التحسر صار عاااديي وانا طلبت الطلاق وحنيت عليه لانه بهذلنييي ومسح فيني الارض الله يتمم علي هالاحساس وما اوله عليه:yaaaaaarb:

 

[مطيرية متواضعة]

الحــمدلله الــذي عــافــانا مما ابتـــلاكـم بـــة

وفضـلنا عـــلى كثـــير من خلــقة تفـضــــيلا


​

 

[أسيرة حبيبي]

الله يعوض كل مطلقه بالزوج الصالح الي يسعدها ياااااااااااارب
الله يصبركم

 

[بدوره87]

المبدعه اجمعين يا حياتي
حبيبتي ربي رضاك والجنه انا تطلقت بعد زواجي ب 8اشهر تقريب او اقل شوي وكنت في شقتي عادي و قبل لا يطلقني بالعكس امورنا كانت متحسنه شوي و ما مدانا يصير عندنا عيال واهوه ما يبي و كانت اخته تقولي اخوي ما يبي منج يهال

 

[ياسمين وجوري]

المبدعه اجمعين يا حياتي
حبيبتي ربي رضاك والجنه انا تطلقت بعد زواجي ب 8اشهر تقريب او اقل شوي وكنت في شقتي عادي و قبل لا يطلقني بالعكس امورنا كانت متحسنه شوي و ما مدانا يصير عندنا عيال واهوه ما يبي و كانت اخته تقولي اخوي ما يبي منج يهال

اختي بدوره انت كنت حاسه انه ما يبيح من اول ما خذاج يعني كل مره يكون عندها إحساس اذا كان الزوج منجذب لها او نافر منها وخاصتاً اول ايام الزواج اذا هالشي صار فجآه الله يهدي ما بينكم انشاالله اما اذا كان هالشي من اول الزواج الله يعوضج باللي يعرف قدرج*

 

[أم شيوووخة]

لا بنات كافي والله قلبي عورني حرااااام عليكم
بدوره حبيبتي قطعتي قلبي .. حسيتج آنا بس آنا زعلانة عليه فبيت أهلي
والله لا يفرقنا يااارب لأن أحبه وهم عشان بنتي بعد
أماااااااااااانة بنت ادعولي .. واللي يسلمكم ادعولي لأن محتاجة دعائكم أمااااااانة ..

 

[بنــت ** الشيخ]

الله يفرج هم الجميع