تفريز رمضان 2011

[dnyay_mll]

كفته التونه لذيييذه :
4 حبات بطاط مسلوق عدل
علبتين تونه الصغار
بقدونس مفروم وكزبره مفرومه
كمون - فلفل اسود - ملح

عجني المقادير مع بعض
شكلي بالشكل اللي تبين
غمسيها بطحين ابيض
ثم بيض
ثم بقسماط

 

[dnyay_mll]

هذي الكبه خذيتها من الاخت ام عزيزان الله يوفقها وين ماراحت وايد اشياء تعلمت منها
طبعا لذيذه وسهله حيل

بطاطه كبيره - كوب عيش - كوب جريش
سلقيهم مع بعض بجدر عالنار وماي يغطيهم وخليهم لما يطبخون

شخليهم من الماي عدل
وفرميهم مره وحده بالمفرمه
عجني العجينه وضيفي لها كمون وملح وفلفل اسود وكركم
وحشيها بحشوة اللحم

 

[حبيبة26]

ما قصرتي اختي يزاج الله خير بس انتي قلتي نقص جوانح الدجاج بالنص ما فهمت شلون ياليت توضحين وشنو تقصدين ببهارات الدجاج يعني بهار مشكل وصلصة الجوانح الي اهيا جكن ونجز البطل البرتقالي صح ومشكورة

 

[ranoona55]

حبيبتي انا فرزنت السمبوسه جبن بالنعناع احبها
وافخاذ الدياي سهله حدها ما يبيلها شي
سبرنغ رول الجبن والزعتر
وشريت الكبب لان ما اعرف اسويهم
وهالرمضان ما شاء الله الوقت طويل تلحقين تسويين طبخج بالراحه

 

[dnyay_mll]

ما قصرتي اختي يزاج الله خير بس انتي قلتي نقص جوانح الدجاج بالنص ما فهمت شلون ياليت توضحين وشنو تقصدين ببهارات الدجاج يعني بهار مشكل وصلصة الجوانح الي اهيا جكن ونجز البطل البرتقالي صح ومشكورة

مشكوره حبيبتي
قصي الجوانح بالنص من صوب الغضروف الابيض اسهل لج ان شاءالله فهمتي علي
بهارات الدجاج تحصلينها بالجمعيات صوب البهارات مكتوب بهار دجاج
والصلصه اهيا

 

[pink-princess]

مرحبا

شلووونكم

انا اليوم سويت كبة بطاط بالدياي و باقيلي اصابع موزريلا
و رولات توست بالزعتر

 

[شهرزاد الحكاية]

ماشاء الله روووووووووعة ماقصرتي

بجرب اصابع الموزريلا و ابلغج )


انا سويت سمبوسة بطاط و سمبوسة جبن ابيض بالنعنع
وسمبوسة جبن ابيض بالزيتون و سمبوسة حلوم
وسمبوسة شدر

اما الكبة فطلبت كبة برغل
و طلبت سمبوسة شنكاري و سبرنج رووول

باقيلي كبة دياي و اصابع الموزريلا

حبيبتي شلون طريقتج بأفخاذ الدياي الكذابة ؟؟؟
ودي اسويها ...


اما الحلو فشريت الاغراض و باقي التطبيق برمضان
و طبعا ما نسيت المحلبية والجلي و الكريم كراميل )

و عسى الله يبلغنا رمضان و يتقبله منا

والاقتراح حلو انا معااااكم

اختي بغيت اسالك شنو يعني شنكارى ؟؟؟ وايد اسمع عنها وماعرفها :eh_s(7):​

حياكم الله مشكوره مشرفتنا الغاليه عالتثبيت
ومشكورين على مروركم
افخاذ الدجاج لي الحين ماشفت طريقه عجبتني
بدور واقولج

مشكورة على الموضوع الحلو وعلى الاضافات المفيدة جاري التطبيق ان شاء الله :yaaaaaarb:​

 

[Ms. luxury]

تسلم ايييدج ع الوصفات اللي تشهي
انا كل سنة اسوي حق عيالي مخدات الجبن والزعتر :
عجينة بف باستري ترقين مربع واحد ويصير شوي طويل لاترققينه وايد بعدها حطي بالطرف جبن كيري أو اللي تحبين واطويها خليها تصير مخدة مربعه وضغطي على الاطراف غمسيها ببيض وبعدها غمسيها بزعتر وصفيها بصينية وخليها بالفريزر تجمد بعدين جمعيها كلها بعلبة وبس قبل الفطور اقلي منها بزيت غزير على نار هادية حاااامية تلقين العجينة تنتفخ وتصير مخدة وماتتبطل
بالعافية

 

[Ms. luxury]

تذكرت حشوة يموتون عليها اليهال تحشينها بسبرينغ رول العادي
( حلوم مبشور+ بصل عادي مفروم صغار+ مشروم مفروم صغار )
تحمسين بصل ومشروم بشوية زيت وكاري نتفه وسكري الجولة وخلطي هالحمسة مع الحلوم المبشور وخلطيها عدل وحشيها
عيالي مايدرون ان فيها بصل يحسبونها من طعمها دياي بالجبن خخخخخ

 

[بندوره]

عساكم من عواده
انا بديت بالتفريز.
سويت سمبوسات. وحده جبن كرافت ومالح وبقدونس وبيض ولفيتها الحين اكلنا نصها :krkrkr:
الثانيه سمبوسه جبن حلوم وطماطم وبقدزنس وملح ولفيتها
سويت حشوة دجاج مع فلفل حار لاني احبها سبايسي
حشيت ورق عنب باقي اسوي مطبق وكبة البطاطس
وبحشي اصابع الجبن للحلو
وبس هذا اهم شي عندي لتفريز رمضان *

 

[pink-princess]

حبيبتي الشنكاري اهي السمبوسو الهندية

انا بعد ماعرفها اول مره اطلبها

لووووووووووووول

اختي امدحتها لي اجربها و اقولج


اليوم قاعده اسوي رولات توست بالجبن والزعتر

حدها لذيييذة

بس عااااد مو تنسون نفسكم مع الكبب و السمبوسة و تنتفخووون

 

[هوّن على قلبي]

يسلمووووووو

بنات عفيه اشلون تفريز ورق العنب

 

[وردة-الكويت]

مبارك عليكم الشهر مقدما يابنات وان شاءالله تقظونه في طاعه الرحمن

بيتنا مايبحون التفريز كل شي طازج

بس بتابعكم

 

[هيبة ملك]

أنا مالي فالمطبخ لكن أمي جهزت أغلب شغلها
وشرت بعض أغراض رمضان من كم يوم

وعسى يهل علينا وعلى المسلمين بكل خير

 

[شيخه الغيد]

شلون تسون عجينه ابي مقادير

 

[^_^ حوراء ^_^]

امبيييييه اتحسسوني ان رمضان شهر البلعه

كل هاذا عشان نص اليوم مو ماكلين لوووووووووووول


انا شريت كبب من مرت خالي .. عليها كبب مو طبيعيه اتحط في كببها دقوس بطول اخييييييييه و كبه الخضار عندها مو طبيعيه << شكلي بقلي منهم حق غدا اليوم لووووووووووول

و بـــــــس ..!

بنات ما اعرف طريقه ورق العنب اللي بالفريزر .. يعني شلون اسويه و ما اطبخها يعني يحطه بالفريزر على طووول ؟؟

 

[احساس السعوديه]

عساااااااااااكم عالقوة
والله يبلغكم صيامه وقيامه وكل من تحبون
والمسلمييييييين يارب

 

[dnyay_mll]

يعطيكم العافيـه بنات
بجرب المخدات عجبتني الطريقه
ورولات التوست بالزعتر

اليوم سويت بعد كمية قبوط

 

[dnyay_mll]

ماننسى الشيـره واهي مهمه حيـل برمضان
انا اسوي كميه كبيره واحطها بالثلاجه واريح نفسي

4 اكواب سكـر
كوبين ونص ماي

اخلطهم عدل واحطهم عالنار
بعدها اضيف عصير نص ليمونه
وملعقه صغيره هيل بودر
وهيل حب
وزعفران

واخليها عالنار لما تثقل
تقريبا تاخذ 10 دقايق مو اكثر

 

[dnyay_mll]

هذي خلطات ما استغني عنها برمضان وغير رمضان
على طول بالثلاجه

ثوم مهروس
وزنجبيل مهروس
وشوية كزبره مفرومه
وملعقه صغيره ملح

اخلطهم مع بعض واحطهم بغرشه فاضيه
وبكل طبخه احط قفشه من الخلطه



طريقه ثانيه:
بطل ماي ورد اضيف عليه
قفشه صغيره هيل بودر
قفشه كبيره هيل حب
قفشه كبيره زعفران

واحطه بالثلاجه
استعمله فوق العيش
او للمحلبيه
او الكاستر
او للقيمات
او للحلويات



هالسنه ان شاءالله بجرب افرزن الورق عنب والملفوف والكوسا
باذن الله