تعالو شوفو زوجي شسوى فيني حسبي الله ونعم الوكيل

[يارب رجيتك]

السلام عليكم ورحمه الله وبركاته

اكتبلكم وانا دموعي على خدي حسبي الله ونعم الوكيل الي خلاني اكتب مشكلتي ابي مشورتكم والي تقولونه بسويه

اول شي انا عضوه عندكم من كبار الشخصيات لكن سجلت بنك جديد لاسباب خاصه

انا متزوجه وماعندي اطفال لي سنتين

تهاوشت مع زوجي امس ومن السالفه وانا ابكي وقررت اطلب منه الطلاق بس قبل بشوف رايكم
هو امس وداني للسوق نزلت دخلت المجمع وهو قال بيقعد بالسيااره طبعا عشان ماتنقص فلوسي واطلب منه فصرف نفسه وراح قعد بالسيااره

انا كنت متفقه معاه من قبل ينزلني لاهلي الخميس الجاي عشان تمايم ولد اخوي واهلي بالبحرين ساكنين
المهم انا قلت بشتري لهم هدايا ومو كلهم لا بس لعيال اختي صغاار اثنين
انا شريت وخلصت وحاسبت على اغراضي
نقصت فلوسي طلعت بدلتين مالت عيال اختي قلت هو بخليه يحاسبهم اقصد زوجي
دقيت عليه هو بالسياره قلت تعاال قال شنو شتبين قلت بس تعال ابيك صكررت نطرت نطرت ماجاء دااري ان السالفه فيها فلووس المهم دقيت عليه مرره ثاانيه قلت وينك تعاال قال شتبين قولي قلت تعال بس شفيك
المهم صكه شوي الادخل المحل جان اقوله باذنه
انا شريت بدلتين لعيال اختي وفلوسي نقصت حاسب انت تخيلو قدام المحاسب شقال
وانا شدخلني بوراعين خلق الله اصرف عليهم ؟؟؟

انا انصدمت جان يطلع ويخليني ويرجع للسياره انا بجيت من الكسحه والمحاسب يطالع لي ويقوول احااسب طلعت من المحل
خذيت كيسي وطلعت ركبت السياره قلت ليش سويت جذي ليش هالتصررف
قعد يصارخ وانا شدخلني بعيال اختج ومادري شنو المبلغ بس تخيلو كم 6دنانير
قلت ماعندك 6دنانير قال بس ولاكلمه انجعمي ولاكلمه فاهمه وكولي ز .. >> كلمه وسخه

ورفع يده بيضربني بس يمكن عشان بالشاررع مسك عمره ولاكان بيضربني

انا انصدمت قعدت ابجي قالي تمايم ماني موديج زين و((اذلفي ))لاهلج خلهم ينفعونج تفهمين
وانتي باجر ماراح يخطبج الا واحد متزوج واصلا ماراح يخطبج احد
واذلفي دقي على اخوج يجي ياخذج

ااه انا قعدت ابجي بالسيااره ماقدرت امسك نفسي
وينزلني بالشقه وادخل غرفتي على طوول وصيااح
وهو شسوى راح للمطبخ ضبط شيشته قعد على الابتوب شيش لحد وقت نومته جاء بيناام ويشوفني منسدحه على السرير وابجي بصوت عالي ماقدرت اكتم نفسي
تخيلو شسوى طفى اليت صكر الباب راح للسرير وانخمد ولاحتى قال لي كلمه وحده وانا ابجي ماقدرت امسك عمري وطلعت من الحجره وصكيت اباب وهو كمل نومه
ااه حسبي الله ونعم الوكيل والله يابنات بحاله مايعلمه غير الله
يعني بحريقه ماهميته ومايبيني
عزه علي نفسي يابنات هو يقوول دقي على اخووج يجي ياخذج يعني مايبيني يعني لوقعدت عنده شبيقول قايلها اذلفي ومتلفظ عليها وقاعده عندي للحين
انا ابيه ومابي الطلااق بس الموقف الي امس مستحيل يمر جذي بيتماادى اذا ماشاف رده فعل كل يوم بتلفظ ويمكن يوصلها للضررب
وانا قبل هالمرره زعلت عند اهلي 7شهوور وتوني رادتله من شهر واهلي قايلن لي اذا رديتي زعلانه مرره ثاانيه ترى بنطلقج منه وهو دااري عن هالكلاام اني لارحت لاهلي زعلاانه مره ثانيه بيطلقووني ومع ذلك قالي اذلفي لاهلج
ااه انا قلت كلش الا الكراامه بقووله يطلقني وبنفس الوقت خاايفه انا ابيه وماابي الطلااق الطلاااق صعب يابناات وخاايفه مايجيني احد بعده والا يجيني اردا منه اقضب مينوني لايجيني اجن منه
احتررت شسوووي سااعدوني تكفوون لو وحده منكم مكااني شتسوووي شنوو رده فعلهاا الله يووفق الي ترد ويفررج همومهاا
والله مااعندي الا انتم اهلي مو عندي وماقدر اقولهم الي صاار لان بيطلقووني لادروو وبنفس الوقت انا احس بقعدتي عنده اهااانه لي وبتماادى بالالفاظ اذا شاااف ماافي رده فعل مني تكفووون شووروو علي الي تقوولونه بسوووويه السالفه صايره امس وانا ناويه باجر اقووله طلقني لاقام
بأدبه بس بخليه يحس اني ابي الطلاق عشان يتادب بس خاايفه ناطرتكم

 

[يارب رجيتك]

تكفوون يابنااات ردو علي والله العضيم محتااجتلكم وماعندي غيركم

هو الحين مداوم انطرره لين يجي وبقوله طلقني ابي رايكم احس قعدتي عنده اهانه

 

[توتا الكتكوته]

اطلبي الطلاق ،،،

​

 

[Tom ♥ Jerry]

.,،


من صجج تتطلقين على هالسالفه !
الي فهمته انه زوجج بخيل .، و مآ يبي يصرف على آحد غيركم ؟!
> هاذا اذا كآن يصرف عليكم .،
بس قولي الحمدلله آنه آنتي لج معاشج و مثل مآ قال آهوة " انا مآ آصرف على عيال خلق الله " !

خلاص .، لا تكبرينهآ عآد آنتي .،
كيفه لا يصرف و صج مو مجبور يصرف على عيال الناس !
صج انه موقفه يبط الجبد ! بس دآم آهوة بخيل يعني الله يعينج !
.، و انتي الصراحه غلطآنه دآم تدرين انه بخيل ومآ يحب يصرف على عيال الناس
و قعد بالسياره بس على شان مآ تقولين له آدفع !
شكو بعد تدقين عليه و تقولين له تعال بقولك شي :/ !
جآن قلتيله من الأول تعال ابي فلوس ممكن تعطيني 6 دنانير !؟
قال اي كآن بها قال لا خلاص لا تسوين مناااحه !

و الرياييل ترا آغلبهم جي على طول من يعصبون لوحتى سالفه تافهه
يقولون روووحي بيت ابووووج ! عادي يعني !
هالـ كلمه مآلها دخل بالكرامه ترا !
و بعدين نصيحه لا تزعلين وآيد .، شنو قاعده 7 شهور في بيت ابوووج .،
مو زين حبيبتي المره تبعد عن ريلها وآيد !
جي رآح ينساج و رآح يتعود على الدنيا و العيشه بدونج
ديري بآلج و ورآج عيال خلي عنج الـ طلاق و غيره !

خلاص آنتي عرفتي شنو زوجج !
مآ يحب يصرف و اميود فلووسه مآله دآعي تسوين سوالف عشان الفلوس .،
و دآم آنتي عندج فلوسج و يعطيج مصروف ؟
خلاص آن شاء الله مآ تحتاجينه !
مره ثانيه خلج حكيمه آكثر و دبري فلوسج عدل
عشان تعرفين شلون تصرفينهم بالـ شكل الصحيح و مآ تحتاجين تطلبين منه فلوس ،

 

[المحبه للاستغفا]

حمدي ربك ماعندك اعيال منه

وان شاء الله ربي يعوضك خييير ياقلبي عليك بصراحه مايستاهل تصبرين عليه

 

[مناير البيت]

زين يمكن زووجج ماعنده فلوس ترى خبرج احنا تقريبا خلصت معاشاتنا وننتظر معاش سبعه على احر من الجمر..
وبعض الرجال اذا توهقوا اخر الشهروالمعاش بح يصيروون عصبيين ونفسياتهم خاايسة ..
اذا صج تبينه اقعدي وياه وتناقشي معاه بهدوء ..
شوفي هو ليش يعاملج جذي !!
هو داايم يسبج جذي؟​

 

[انا لحبيبي .]

حبيبتي ماحد رح يفيدك غير نفسك ، بدك تطلقي من زوجك عشان موقف عصب فيه ؟؟ بعدين انتي من البدايه عارفه موقف زوجك انه قعد بالسياره عشان ما بدو يدفع ولا فلس ، ليش تحرجي نفسك وتحرجيه معك ؟؟ انتي عارفه موقفه بتروحي بتتصلي عليه ؟؟


زوجك صح هانك وكلامه بجرح ، ليش ماتحاولي تقعدي معه وتجبري على احترامك ، وتتكلمي معه وتصلحي زوجك وتكسبي فيه حسنات؟

ولو زوجك ما بدو ياكي كان وداكي بيت اهلك ، بس هو اخدك على بيتكم لانه بدو ياكي ، حاولي صلحي من زوجك احسن ما تفكري تفكير غلط ، وتندمي عليه

الانسان بتغير ، لاتحطي ببالك ، صلي واطلبي من ربنا الله يهدي البال ويصلح الحال ، بس امسكي زوجك وكلميه واحكيلو امبارح جرحتني وهنتني كان بامكانك تحكيلي ما بدي ادفع بس مو تحرجني قدام العالم وتحرج نفسك ، المشاكل بتصير بالحياه الزوجيه حبيبتي بس المره الحكيمه بتعرف تتصرف ، وهادي مجرد اراء رح تسمعيها لا اكتر ولا اقل ، يمكن رائي منها يفيدك ورائي منها يوديكي ورا الشمس

فكري انتي بمستقبلك ، فكري انتي كيف بتقدري تصلحي زوجك اذا في قابليه انه يتصلح ، الانسان بشر وبضل يغلط ، حاولي خلي زوجك يحترمك بوجودك وبغيابك ، عاقبي زوجك عقاب بس مو تروحي عند اهلك وتحرميه حقوقه ، بالعكس اعطيه حقوقه بالبيت وبكل شي بس ماتعطيه كلام متل كلام على قد السؤال

حاولي حبيبتي بتكسبي أجر في تغير انسان ، الله يهدي البال ويصلح الحال يارب العالمين

 

[انا_حلاوه]

حبيبتي هدي نفسج ماعليه ادري الموقف محرج بس ماتوصل للطلاق تره في حريم ينسبون بكلام قوي وينطقون طق بس تتنازل مو لان ماعندها كرامه تتنازل لانها شاريه بيتها للامانه مبين انج كارهته ومبين انج بايعته وتبين الطلاق بس خايفه انج ماتتزوجين عقبه,

انا من رايي ماراح تقدرين تأدبينه حياتي لانج ذكرتي انج كنتي بيت اهلج سبع شهور :eh_s(12)::eh_s(12):
تره غلط غلط غلط وماراح يفيدج ودليلج شوفي رجعتي من شهر وتهاوشتو اهوا مبين ان ريلج مايبي يصرف على عيال الناس للامانه من حقه يختج(اذا كان يصرف عليج طبيعي وعلى بيته ومايقصر وبس مايحب يصرف على احد بره)انا اقولج هالشي مومشكله كبيره,عموما هدي بالج والله يوفقكم وتره كلمه أأدب الريال حجي فاضي تبين حل قعدي معاه قوليله بكل هدوووء انا تضايقت من موقفك وبعدين ياعمري اساسا اهوا قعد بالسياره وانتي عارفه السبب ليش تحطين نفسج معاه بموقف محرج ؟؟

 

[لمعة سراب]

مادري بس اذا هو كان بخيل عليج فـ شلون لايبتوا عيال !!

وهذي اول سنتين عيل بعد سنين شيصير !

انا ماقول تطلقي ، بس اقعدي وتفاهمي وياه اذا انتي ماتبين الطلاق ،

كلميه ليش جذي ، اذا تمادى ووصلت ضرب واهانات اكثثر لا حبيبتي لاتسكتين الف يتمناج ،

 

[احساس ملكه]

حمدي ربك ماعندك اعيال منه

وان شاء الله ربي يعوضك خييير ياقلبي عليك بصراحه مايستاهل تصبرين عليه

اناا معااها زوجج ردى ومايستحى الله يسخره لج يااارب

 

[فاطمه الهاجري]

لاتروحين بيت اهلج ولاشي واقعدي على قلبه شنو طلاق ماطلاق من صجج؟؟؟بعدين تجاهلي وجوده فالبيت واكشخي يوميا بدون لاتعطينه وجه ولاتنامين بغرفه ثانيه لاحبيبتي نامي معاه بنفس الغرفه وانتي على سنقه عشره،،،،يعني كاشخه ولابسه قميص نوم وعادي جنه ماصار شي،،،،،بس سوري عندي سؤال ،،،ادري مصختها،،،،اهو هذا طبعه من خذيتيه ولامتغير عليج؟؟؟؟؟

 

[متلثمه بغترة ابوها]

انا بقولك رايي واناي بكيفك واتمنى ماتزعلين وتفهمين اني مااهاجمك
انا مستغربه لهالدرجه صارت الحياه الزوجيه لعبه عندكم!! شنو بتطلق عشان هالسالفه وبأدبه!! هذا موولدك عشان تأدبينه واذا عاندتيه انتي الخسرانه بيكبر راسه اكثر وبعدين بصراحه انتي الغلطانه حتى لو نص دينار مااطلب منه عشان اشتري لأهلي دام هو مايبي وادري انه مايبي ليش احرج نفسي وبعدين كان قلتيله بالتلفون ناقصتني فلوس شحقه تنزلينه من السياره وتحرجين نفسك الموضوع كله بليس ركب راسك وراسه والموضوع تافه مايستاهل اصلا تبكين عليه لانك انتي الغلطانه انتي احرجتي نفسك ومتوقعه ردة فعله لو تدرين انه بيدفع كنتي قلتيله بالتلفون بس انتي حبيتي تحرجينه قلتي يمكن لاوصل وحطيته جدام الامر الواقع بيستحي وهذا اكبر غلط...
الحين اقعدي استغفري وانسي السالفه وسولفي معاه ولا كأن صاير بينكم شي وبعد كم يوم اذا مافتح معاك الموضوع نطري لم يكون هادي ورايق وقوليله اللي بخاطرك من غير هجوم وتأسفي منه لأنك احرجتيه هني راح يحس بغلطته بعدها قوليله وانت بصراحه تصرفت تصرف ماتوقعته منك شلون كلمتني بهالطريقه وانا زعلانه من كلامك وصدقيني راح يطخ ويبوس راسك
الله يهديكم لبعض*

 

[أغلى حبيبه]

انتي تدرين انه قاعد بالسياره عشان مايدفع شي

جان شريتي على كثر فلوسج

ليش تحرجين نفسج جدام الناس دامج تعرفين ردت فعله

والسالفه ماتستاهل طلاق

المره مو كل يوم لها زوج

ودامه يصرف عليج الحمدالله

واذا تبين تشترين هدايا يمعيلج بيزتين اشتري فيهم

انا اقول زعلي شوي وتغلي عليه وشيلي الطلاق من راسج

واليوم الاحد يمدي لي الخميس تكونين ملينه راسه شوي

وان شاءالله يوديج تشوفين اهلج

 

[zqertya]

شوفي انا من راييي ماحب الريال البخيل واصلن معروف هالشي عند الناس ان المره ماتقدر تعيش مع واحد بخيل وتصرفه جدا غلط واسمحيلي ريلج مو متربي يعني يعز عليج 6 دنانير وفوق هذا اسلوبه معاج مو شي وطردج يعني في ريال يكلم مرته جذي بهالطريقه وجدام الناس وفي ريال يروح السوق ويقعد بالسياره ماينزل مع مرته ؟؟

وبعدين لو يحبج صج مايسوي جذي انتي شنو تشوفين يحبج ؟؟

و لا اتحطين ابالج مثلا اذا تطلقتي محد يتزوجج نفس ماقال النصيب بيد الله سبحانه ويمكن يرزقج بالي احسن منه على شنو شايف نفسه اهم شي شوفي وين راحتج انتي مرتاحه ولا لا ؟؟

انتي تعرفين ريلج اذا زين ولا لا واذا بخيل ولا لا ؟؟ ترا البخيل عمره مايتغير لاتقولين يغيره وهالشي معروف

 

[يارب رجيتك]

توه بدى يغلط علي
قاالي كولي زق (اعذورني ) بالله من بترضى تمرر لزوجهااهالكلمه عقب الي سواها والفاضه اقعد معاه واتنااقش من صجكم انتم بس كلام لكن لاصاار لكم مثلي مارااح تسوون الي كتبتوه
ابي اادبه عشاان مايعيد ويغلط بالكلاام ويتماادى للضررب شنوو اقعد معااه واسوولف اتنااقش عشاان ينجن زيااده ويكبرر رااسه انتم ماتعرفوونه مو ماال نقااش ابد لاكلمتيه ونااقشتيه انجن زيااده وطلعني غلطاانه مايتفااهم ابد

ااااه بس محتتااااره ماابي الساالفه تمر جذي ااه يالهم الي على قلبي وربي من امس وانا ابجي

 

[هيبتي بحضوري]

الخوات كفو و ووفواا ...
وانا براي انج تتفاهمين معاه وتشيلين فكـره الطلاق حبوبـه وربي يهديــه ويهـديج :eh_s(17):

 

[سحـورة]

أيما امرأة طلبت الطلاق من زوجها في غير ما بأس فالجنة عليها حرام




بكلمج بصراحه مع اني واقفه ويااج
قلتي انج لج سنتين متزوجه لزوم تكونين فااهمه أطباع ريلج و تصرفاته
بعدين انتي غلطانه / لو دقيتيله فالمحل و قلتيله نقصت فلوس و ابيك تكمل
مش تعاال تعاااااااااال ؟؟ ومايدري شسالفه ..
ليش متردده قوليله و إنتهى الموضوع يعني مش لازم تنحرجين قدام اللي بالمحل
بس إنتي بنفسج حطيتي عمرج بهالموقف ،



شنو الطلاق ؟؟؟
أصلا شسالفه ؟
يا قلبي يا حياااتي لا تفكريييييييييييين بالطلاق
بنات البلاد متكدسسين مطلقات مش عسب السمعه
بس هالشيء بيضرج جد لا تسمعين كلام غيرج اللي تقول طلبي الطلاق
انا أحب لــج الخير صدقيني ، ريلج يحبج بس دااريه أكثر
لا تبينله ضعفج وتقعدين تصيحين
خلج قووووووووووويه بأخلاقج و ردج عليه بكل نضج و أدب
إتفاهمي معااه بـ لطف ،
و إبتعدي عن الأشياء اللي يكرهها و لا تزيدين عليه



حافظي على بيتج و ربي يرزقج الذريه الصالحه يا قلبي
بلييز ماباج تقرين ردود اللي تقولج الطلاق و الطلاق ربـج كريم
و إصبري إن اللع مع الصابرين .. أجرج مضاااعف أضعاف الأضعاف
لا تشيلين ف خاطرج

 

[عاشقة هواك]

الله يعينج

 

[Hi--class]

َََ

غلط غلط اللي تسوينه !
خلاص خليه يومين 3 يهدى بعدين تناقشي معاه وقوليله ان انتي غلطانه
اي غلطانه..ولا تزعلين ريلج عشان يدفع لناس مو مجبور فيهم؟!
وانتي تدرين ان ريلج ما يحب يصرف وايد ..
فعلى شنو طالبه الطلاق ..وترى الريال كثر ما تقوليله ابي الطلاق ابي الطلاق بيتركز بمخه و بيمل ويطلقج ويشوف غيرج ..
خليج عاقله وطوفيله ..ترا بني ادم خطاء مو معصوم عن الغلط..
ولاا تكلمينه الحين عن هالسالفه
كلميه باسلوب عادي سولفي معاه عادي..لي شفتيه هدى شوي كلميه بحنيه وقوليله ان اول شي انتي غلطانه وبعدين قوليله عن العصبيه مالته..
وترا اغلط الرياييل لما يعصبون ما يدرون شنو يقولون فطوفي..

الله يسخره لج انشالله ..


َََ

 

[أم روعة]

مادري احس الموضوع مايسوا الطلاق هو غلطان واسلوبه كان موشي بالمره بس نطري جم يوم تهدا الامور وكلميه وعاتبيه قوليله ماحب هالاسلوب ياريت ماتكلمني بهالاسلوب مره ثانيه
وانتي غلطانه حطيتي روحج بهالموقف جان قلتيله بالتلفون انج تبين فلوس هو أسالج جم مره وانتي عاندتي