تعالو شوفو زوجي شسوى فيني حسبي الله ونعم الوكيل

[عاشقة الدوحة]

ادري ان المبلغ بسيط .. بس هو فعلا مب مجبور يدفع .. او مب حاب يدفع .عشان عيال الناس .. تجنبي هالمواقف مرة 2 ..
واللي اقدر افيدج فيه .. انج تستخيرين وتدعين وتستغفرين .. وتهدين اعصابج وشوي طنشيه.. يعني خلج عقلانية وهادية ويمكن تنحل السالفة وتهدأ اعصابه .. لا تطلبين الطلاق .. قولي له أنا اخاف الله عشان جذي مابي اطلب الطلاق ومابي اغضب ربي.. وخليه يتخذ قراره بنفسه اهم شيء انتي ما يطلع منج الغلط.. والله يهديه ان شالله ..

 

["روز"]

لاحياتي لاتهدمين بيتك بيدك انتي عنك
ولدين الله يخليهم لك وهو يمكن كن بلحظت غضب
انطري لا تطلبي الطلاق نصحتك شوفي وشاخرتها يمكن
يتصل ويقول ارجعي ربي كريم​

 

[farina]

انا من رايي
لا تطلبين الطلاق بس عطي درس علشان لا يعيدها ثاني مره لان الصراحه اللى سواه غلط بغلط شنو احنا الحريم مو جواري عندهم علشان يعامللونه جذي المفروض يحمدون ربهم لاقين حريم مثلنا

 

[غنج اهلها]

جلست اقراء ردودج بالموضوع كله


مشكلتج اللي تاركتج ماتاخذين موقف جدي وحازم معاه انج تحبينه ومن جذي مالج الاتحاولين تهدين اللي بينكم فترة


تجنبيه بالبيت قومي بواجبه دون ماتحتكين فيه بطلبات


فترة يهداء الوضع وتقدرين تتكلمون وتتفاهمون


ردي هذا لان من كلامج ماتبين الطلاق ولانج تحبينه ومن جذي لازم تصبرين


وهم لاتنسين الدعاء

 

[كويتية تكفي مية]

شوفي انا رايي انتي تصرفج غلط شلون هانت عليج نفسج وانتي تعرفينه وتعرفين طبعه
بعدين ترا الحركه كلش مو حلوه تنزلينه من السياره وتحطينه بموقف محرج تبين تحرجينه يعني اهو فكر جذيه واحرجج زياده اهو ريلج نوعيته ماينحرج مفروض سنتين معاه تكونين فهمتيه بعدين قشله صراحه يقولج هالكلمه اصرف على اهلج انتي مفروص ماتخلين الموقف يوصل لهدرجه انا بعد ماحب اخذ من ريلي فلوس او اخليه يدفع لاهي اهو شكو لا وبالغصب بعد !!

انا اقول انتي غلطانه وتبينه اعتذري له

ونصيحه لا تذلين نفسج له ولا تطلبين منه شي خليه يدري انه عندج كرامه واكرميه وخلج كامله بشغلج وابيتج وبكشختج وبتنظيفج لا تقصرين وتوظفي واغتني بمعاشج لا تنطرينه يعطيج دامج تبينه وترا وايد حريم ريايلهم مايعطونهم دينار بس مغتنين بمعاشاتهم حتى يسفرونهم على حسابهم

 

[نوفلتي]

شوفو تاريخ الموضوع قبل لاتكتبون الردود وان شاء الله تكون البنت رجعت لزوجها والله لايجيب الزعل بينهم مره ثانيه....

 

[pure.pearl]

والله دنيا سبحانه يارب
الحين شو ه الدلع بذمتج شو ها
بتطلقين ليش
السالفه عاديه جدا بس انتي حساساه ودلوعه سيري استسمحي لريلج
يمكن ماعنده بيزات الله يهديج

الطلاق على شو ريلج لايشرب خمر ولايسوي خربيط مع حريم ولاشي يستوي في المل البيوت الصبر زين وطولة البال الله يهديكم لبعض

 

[قديت امي]

انا نصيحتي جهزي اغراضش ع اساس بتروحين بيت هلش وكشخي ولبسي وتبخري خليه يشوفك باحسن حالاتك اذا فاتحش بالسالفه كلميه وناقشيه اذا طنش فباين عليه انه بايع روحي لاهلش ولاتفكرين فيه لان هذا اختياره ومابيدش شي وترى الله الرازق لاتفكرين بهالسالفه وتسبب لك عقده

 

[Kaido]

والله اروح بيت اهلي
الله يقولي ذلفي عند اهلج و ردي بيت اهلج وبغا يرفع ايده شبي فيه عوووووع اقعد عند اهلي معززه مكرمه ولا واحد جذي يسوي فيني
قالج اياها روحي عند اهلج

 

[yam_yam]

اكثر ما يجرح كرامة المراه اللسان الطويل و عدم الاحترام
ياربي مادري متي الرياييل بيفهمون
احنا مانبي منهم شي غير الكلمة الطيبة
ترا مهما كنتي معصبه و تبجين لو يقولج كلمه او يراضيج بطلعه او سينما خلاص كل شي ننسا
يعني شصير لو قبل لاتنام البنت يراضيها بكلمتين و بس والله تقعد الصبح كل شي ناسيه
بس يتحسفون يقولون كلمة سنعه جنها بفلوس و لا بيتحاسب عليها كان المرا ماعندها قلب و لا مشاعر
حتا لو ماعنده فلوس بكل هدوء يقولها بييب بوكي من السياره و ارجع و لاركبوا يقولها ماعندي فلوس و خلاص اعوضج مره ثانيه لو بالجذب
بس مايتكلم بهالاسلوب

بس شتقولين الله يعينج العن احساس لما تنامين و دموعج علي خدج و هو مو حاس فيج
و بالنهايه انتي تطلعين الغلطانه

 

[* Snow White *]

الحمدلله والشكر بس عشان جذي؟
وعلى فكره انتي الغلطانه، شكو من الاول داقه عليه وتقولين له تعال وتعال
شوية احترام حق زوجج وشغله ثانيه كان المفروض تقولين له شتبين
او تحسبين جم عندج فلوس وجم طلعت بضاعتج قبل لاتحطين نفسج بموقف محرج
واذا طلع اكثر تروحين له السياره وتكلمينه اذا رضا بيعطيج اذا مارضا ماراح يعطيج
ماله داعي التصرف اللي سويتيه هذا كلللش اصرف غلط وتصرف وحده تبي تدور الزله على زوجها وتتمشكل
انتي مو صج فشلتي مفسج وزوجج
واكيد بيرفض وبيكون جذي ردة فعله لان انتي جيتيه بطريقه غلط!

 

[* Snow White *]

الي ايده بالماي مو مثل الي ايده بالناار

زين انا بشيل سالفه الطلاااق من راسي ولاراح اقوله وبسمع كلامكم

انزين وان تكررت سالفه السب واللعان
وان مد يده بعدين
وش بينفعني صبري عليه

الحين قولو لي شلون اخليه مايتعودها

ازعل عليه ماكلمه ماطبخ له مانام جنبه بنفس الغرفه والا شلون
ابي اخليه مايكررها فهموني مابي تتكرر السالفه انا الي بتعذب طول عمري اذا خذها طبع السب والهوااش

شلون ازعل عليه زعله جاايده مارضى بسهووله فهمووني ترى مالي خبرره بهالسواالف تكفووون

ليش التهمه عليه بس؟ اعترفي بغلطج بعد اذا نرفزتيه بيتنرفز ولكل ردة فعلً فعل، سنعي من روحج اول بيحبج وبيحترمج

 

[shak!shoka]

والله انا اقول الخلاف سخيف ومادي


انتي الظاهر مو موظفه ؟


قوليله ابي اتوظف وشيلي نفسج و قبل كل شي الاحتراااااام


يمكن

 

[atc666]

انتي غلطانه اتصلتي فيه قلتيله تعال يسألج ليش ماتردين عليه طنشج رديتي اتصلتي تعال تعال يسألج ليش هم ماتقولين له تبين تحرجينه جدام البياع وتحطينه امام الامر الواقع اهوا مثل ما احرجتيه احرجج واهوا صاج شكو بخلق الله ؟؟ انتي عندج فلوس تسوقي وييبي هدايا على قد فلوسج وتحنين تقولين له تعال المحل تحرجينه اكيد بيفشلج لو انا بداله جان سويت اكثر يكفي انه موصلج السوق وناطرج مثل السايق شتبين بعد

 

[تولة مسك030]

ليش رافعين الموضوع
صارله اكثر من 3 سنين ههههههههههههههه

 

[تولة مسك030]

:eh_s(4)::eh_s(4)::eh_s(4)::eh_s(4)::eh_s(4)::eh_s(4):

 

[his only]

مادري اذا اهوا بخيل او صج ما عنده فلوس و ما قدر يقول لان الرياييل هذا موضوع حساس بالنسبه لهم
بس سالفه الاهانه صراحه هذي الي تقهر
:eh_s(14)::eh_s(14)::eh_s(14)::eh_s(14):
لازم يوقف عند حده