تعالو شوفو زوجي شسوى فيني حسبي الله ونعم الوكيل

[هيراس]

شوفي الواحد لما يعصب مايدري شيقول ولا يحاسب علي كلامه
واغلب الرجال كذا والكلمه اللي قالها لك روحي عند اهلك هم عادي
يقولها لو تغيبين عنه يوم يفقدك مايستغني عنك ويمكن حاس بالغيره
والنقص بما نه لكم سنتين وماعندكم عيال ووده انه يشتري لعياله وهذا اللي خلاه يعصب اكثر

 

[(*ام عهــــد *)]

الله يسخركم لبعض يارب

 

[ابلة دلال]

بعدين عندي تعليق على ردود البنات ياجماعه انتو بدال ما تهدون المرة وتريحونا بالراي الصحيح والعاقل تزيدون النار حطب والله يعني الواحد يا يقول كلام فيه خير والا يصمت اسمحولي
ولعلمج ))يارب رجيتك)) تلقينهم هذيل الي يقولون الاهانه والكرامه اكثر ناس مدبوغين وعايشين عند رياجيلهم جنه العيد عندهم

 

[طموحه بزياده]

@@@


اسمحيلي كان اسلوبج ينرفز داقه عليه تقوليله تعالي ابيك وهو يقول شتبين وانتي تردين تقولين تعال لالالالاا اسمحيلي موقف بخليه يعصب ختى لو انه بخيل وحتى لو انه كريم جان قلتيله بالتلفون شتبين ويمكن صح هو شكو بعيال الناس يدفع من جيبه بس همن لازم تراجعين اسلوبج؟ يمكن اسلوبج ينرفز ويخلي الواحد يعصب زياده حتى لو كان عصبي انا اقول لا تطلقين عشان سالفه تافهه وعلى قولتج منو بياخذج لي تطلقتي؟؟



ادعي ربج يهديه ويألف بينكم واستخيري قبل ما تتخذين اي قرار و فكري ألف مره




@@@

 

[نونو العصله]

يمكن اذا صار عنده عيال يتغير
الله يرزقكم بلذريه الصالحه
استغفري وانشاء الله خير
يمكن صح كلام البنات
هو ما يبي يدفع لناس
وانتي حنيتي وايد

ترا وايد رياييل جذي ما يحبوون هلشكليات

الله يهديكم
مافي ريال كامل والكامل وجه الله
كل وااحد في طبع
وحتى انتي اكيد فيج طبع ما يحبه
هونيها وتهون

 

[المنقسي]

والله ياحبيبتي إذا بتأدبينه أدبيه إذا إنت عارفتله بس أنا ما أشجع على الطلاق نهائيا لأن الحياة الزوجية ياما بتشوفين فيها يوم حلو ويوم مر والرياييل أغلبهم جذيه لا احد ينكر بعد هذا الصج والمسبات ياما بتسمعيين بس ترى عليج وبإيدج تقدرين تخلينه يتغير نوعا ما وبالنسبة للبخل إهي صفة بايخة في الريال بس هم بعد حاولي تسايسينه ويغير من طبعه شوي والله معاج ويوفقج حبيبتي ويهديه ويسخره لج ياااارب

 

[زوجة عزيز]

.,،


من صجج تتطلقين على هالسالفه !
الي فهمته انه زوجج بخيل .، و مآ يبي يصرف على آحد غيركم ؟!
> هاذا اذا كآن يصرف عليكم .،
بس قولي الحمدلله آنه آنتي لج معاشج و مثل مآ قال آهوة " انا مآ آصرف على عيال خلق الله " !

خلاص .، لا تكبرينهآ عآد آنتي .،
كيفه لا يصرف و صج مو مجبور يصرف على عيال الناس !
صج انه موقفه يبط الجبد ! بس دآم آهوة بخيل يعني الله يعينج !
.، و انتي الصراحه غلطآنه دآم تدرين انه بخيل ومآ يحب يصرف على عيال الناس
و قعد بالسياره بس على شان مآ تقولين له آدفع !
شكو بعد تدقين عليه و تقولين له تعال بقولك شي :/ !
جآن قلتيله من الأول تعال ابي فلوس ممكن تعطيني 6 دنانير !؟
قال اي كآن بها قال لا خلاص لا تسوين مناااحه !

و الرياييل ترا آغلبهم جي على طول من يعصبون لوحتى سالفه تافهه
يقولون روووحي بيت ابووووج ! عادي يعني !
هالـ كلمه مآلها دخل بالكرامه ترا !
و بعدين نصيحه لا تزعلين وآيد .، شنو قاعده 7 شهور في بيت ابوووج .،
مو زين حبيبتي المره تبعد عن ريلها وآيد !
جي رآح ينساج و رآح يتعود على الدنيا و العيشه بدونج
ديري بآلج و ورآج عيال خلي عنج الـ طلاق و غيره !

خلاص آنتي عرفتي شنو زوجج !
مآ يحب يصرف و اميود فلووسه مآله دآعي تسوين سوالف عشان الفلوس .،
و دآم آنتي عندج فلوسج و يعطيج مصروف ؟
خلاص آن شاء الله مآ تحتاجينه !
مره ثانيه خلج حكيمه آكثر و دبري فلوسج عدل
عشان تعرفين شلون تصرفينهم بالـ شكل الصحيح و مآ تحتاجين تطلبين منه فلوس ،

معاها انا

 

[يارب رجيتك]

الله يعيني ويفرجها علي ياارب ويجيب العواقب سليمه ياارب

 

[كويتيه شماليه]

وييييع شالنوعيه هذي
وانتي ليش مرخصه نفسج خلاص اذا طاف هالموقف وعادي صدقيني راح تكون حياتج كلها جذي
يا انج تتحملين عمرج كله معاه بهالطريقه لان راح يتمادى اكثر وللحين ماشفتي شي او تبعدين والله يعوضج باللي احسن منه

بصراحه هذا بايعح مايبيج وانتي بيعيه ولا يهمج

 

[ام ميميتو]

بصراحه انا لو مكانج من البدايه ماطلع من بيت زوجي ولا اقعد 7 شهور عندي اهلي المره بس تطلع من بيت زوجها يتعود على غيابها حتى لو عصب خلي لا تكلمينه و بعدها اختاري الوقت المناسب و كلميه فيه ترى في ريايل اذا عصبو يسون اكثر من جذي الله يهديه لج و يهديج له ان شاءالله

 

[om_dodo]

يابنت الحلال كبرى عقلج والسالفه ماتسوى
اهو بخيل مايحب يقط فلوسه على شى اهو مومقتنع فييه
خلااص يا اختى مره ثانيه اعرفى له ولاتظغطين على الريال تعال ادفع
وعسى الله يصلح الامور ويوفقج يارب

 

[كويتيه شماليه]

بعدين عندي تعليق على ردود البنات ياجماعه انتو بدال ما تهدون المرة وتريحونا بالراي الصحيح والعاقل تزيدون النار حطب والله يعني الواحد يا يقول كلام فيه خير والا يصمت اسمحولي
ولعلمج ))يارب رجيتك)) تلقينهم هذيل الي يقولون الاهانه والكرامه اكثر ناس مدبوغين وعايشين عند رياجيلهم جنه العيد عندهم

قولي لا اله الا الله حرام عليج الله سبحانه عز المرأه وحط لها حقوق ومن حقها انها تعيش بكرامتها الا الاهانه
انتي ترضين زوجج يغلط عليج بالكلام الجارح والوسخ واسلوب شوارع وحمامات وتقعدين عنده

صدقيني اذا اسكتت بيتمادى والله يقول هذي ميته علي ومرخصه نفسها علشاني

وهي ما اغلطت يوم دقت عليه تحسبه شهم بيوقف معاها ويدفع ويفرحها شدعوه ماسوت شي المره
من حقها تشتري هدايا لاهلها ومن حقها انه يصرف عليها بس ما اقول الا حسبي الله ونعم الوكيل


والله يكتب لها اللي فيه خير لها يارب

 

[بنــت ** الشيخ]

الله يسخره لج ويهديه ويوفقكم شيلي فكرة الطلاق من بالج واستغفري ربج ولاتكلمينه بالموضوع لين اهو يكلمج ومو ضروري تمايم ولداخوج انتي توج رادة من اهلج ترى ماينفعج الا ريلج والا الاخوان كل واحد بيلهى فبيته والام والابو مو دايمين لاحد حطي بالج على بيتج

 

[المرعوشه]

انتي غلطتي لما طلبتي منه يجي المحل ويعطيج فلوس وانتي عارفه نمونته

الله يهديكم ويخليكم لبعض

 

[رواضي قطر]

حبيتي قبل اي قرار استخرر ربك وعسى ربي يريحك بالك ويسخرل زوجك

 

[نونو العصله]

ترا والله في وايد رياييل ما يحبون يوجبون وما تهمهم هلشغلات
اعتبريها سحابة صيف
بلابتسامه والكلمه الطيبه تجيب راس الريال
ترا الريال ما همه
المره بدالها مره
المره هي الخسرانه
ابدي صفحه يديده مع ريلج
ومو كل سالفه تبين تطلقين
تعوذي من ابليس وكبري عقلج

 

[Mrs.Q]

حبيبتي شتبين فيه من صجج هذا مايحترمج لا يقللون البنات من عينج السالفة حدها جايدة
يا يحترمج من صج يا تطلقي منه وافتكي من شره

 

[نونو العصله]

استغفري ربج \
يعني انتي شهامج
هيي اللي بتضرر مو انتي

 

[يارب رجيتك]

الي ايده بالماي مو مثل الي ايده بالناار

زين انا بشيل سالفه الطلاااق من راسي ولاراح اقوله وبسمع كلامكم

انزين وان تكررت سالفه السب واللعان
وان مد يده بعدين
وش بينفعني صبري عليه

الحين قولو لي شلون اخليه مايتعودها

ازعل عليه ماكلمه ماطبخ له مانام جنبه بنفس الغرفه والا شلون
ابي اخليه مايكررها فهموني مابي تتكرر السالفه انا الي بتعذب طول عمري اذا خذها طبع السب والهوااش

شلون ازعل عليه زعله جاايده مارضى بسهووله فهمووني ترى مالي خبرره بهالسواالف تكفووون

 

[*ريما*]

سالفة كلش ماتستاهل الطلاق
والله يهدي النفوس