تعالو شوفو زوجي شسوى فيني حسبي الله ونعم الوكيل

[swanyway]

كلكم غلطانين , انت غلطتي لانه فعلا مو مسؤول عن عيال خواتج وانت تدرين انه جالس عشان مايدفع , تقومين تسحبينه على وجهه وتعال وتعال وينزل وحالة

وهو غلط وغلطته اكبر باللفظ القبيح ورفعه اليد

وترى انت متزاعلين 7 شهور يعني لازال فيه تراكمات من الزعل وكلام كثير انقال وغيره ومابعد ترجع غلاتج مثل الاول

وجهه نظري وبكل صراحة احسه انه يبغاك تطفشين و يبغى الطلاق يجي منج لان انت قلتي انه عارف ان اهلج بيطلقونج منه ثاني مرة يصير فيه زعل فحتى لو هددتيه بالطلاق ماراح تفرق معه

 

[~lonly-sister~]

حبيبتي اسمعيني عدل

الحين انتي متضايقه حييييييل ومقهورا حيييييل فطبيعي لمن انقولج انتي الغلطانه تنقهرين زياده
بس هذا هو الصج هاذي اهي الحقيقه لو تردين حق اصل السالفه بتلقين انج انتي الغلطانه
ولاتزعلين من كلام الحق والكلام اللي يفيدج ويفيد مستقبلج مابي اقول (لو) لأنها تفتح عمل الشيطان
بس لو من الأساس ماسويتي اللي سويتيه وناديتيه ونزلتيه وعنيتيه واحرجتيه قدام البايع ماكان صار اللي صار!
* بس* هذا مايعني انج تحطين الحزن بالجرن مثل مايقولون وتقولين ابي اتطلق _ سبني _هاوشني _ قالي روحي
ذلفي ... قالي كلام موزين .. وبعدين يعني انتي اصلا منقعدتج عند اهلج 7شهور الصراحه ولاتزعلين مني غسلت ايدي منج (من غير زعل حبيبتي) ماتدرين انتي يمكن للحين متضايق من زعلتج القدينه وانتي ماصارلج شهر راده بتقولين بروح احضر تمايم ولد أخوي وابروح السوق اشتري لهم وانت ادفع !!!!!!!!!!!!!!! لو ربع دينار لو عشر فلوس حتى!!
اصلا قعدتج عند اهلج 7شهور لازم تعوضينه فيهم وتخلينه يندم انه زعلج (بس بالطريقه الزينه والسنعه)واذا سبج ولو يسب اهلج
معليش يعني ((((بقولج على جوهره قالياها اخوي نفسه))) قالي يافلانه افرضي زوجج سبج وقالج العن ابوج!!! سوري ع الجرؤه بس بنقلكم الصوره وهو شوفي اخوي بعد اللي ابوه ابوي قلت نعم وأنا بمزح قلت: اطلب الطلاق .. قام يضحك وقال اكيد تمزحين
قلت اكيد قالي شوفي يافلانه الرجل لمن يكون معصب مايشوف قدامه يسب ولعن ويطق الي قدامه ومن شطارة المره انها تحتويه
((( سمعتيني تحتوييييييييييييييييييييييييه))) لو هو بخيل لو هو عنيد لو هو الفاضه سيئه تحتويه وتتحمله وهاذا انتي نفسج قلتي انا ابيه مابي الطلاق ... أنا مااقولج لاتزعلين لا زعلي بس الزعل بالوقت المناسب والكلام بالوقت المناسب لما صار لكم الوقف انتي ليش راددتيه بالسياره ؟؟؟ ليش تعرفين انه معصب لازم تلتزمين الصمت الين ماتوصلين البيت الين مايتحجى اصلا
علشانه راح يهدى بروحه

حبيبتي انتي {اول شي تسوينه تعوذي من الشيطان الرجيم 3مرات وبعدها قومي توضي وصلي ركعتين لربج وادعي فيهم وانتي ساجده بأن الله سبحانه يسخره لج ويهديه ويهدي من سره وبعدها امسكي القرأن واقري سورة البقره كامله (ولاتقولين طويله) اذا تبين تحلين مشاكلج بذن الله واردته ووبعده لبسي وتعطري وتزيني تر العطر الطيب يهدي النفسيه وشغلي قرأن بالبيت ودوم استغفري بنيت الله يسخره لج ويهدي من عصبيته ولو جى وهو معصب لاتردين عليه خليه يفرغ كل اللي بخاطره ولاتعدين سالفة السوق مره ثانيه هاذي انتبهي اذا تبين ريلج وتبين الستر والذريه الصالحه
ارد واقولج اعرفج محروره الحين بس خلي سالفت التأديب ولاتسمينها تأديب سميها عتاب ابي اعاتبه علي سواه ترا رجال وملي هدومه لو يبي يطلقج كان طلقج من يوم انج عند اهلج صح ولا لا ؟؟؟ وسالفة السب هاذي طنشيها وكل مايسب استغفري ان الله يهديه ......................................

 

[مسك النور]

حبيبتي زوجج اطباعه شينة اذا انتي شايفة انج تقدرين تتحملينه وتتحملين اطباعه وتصبرين قعدي عنده واذا لا انتي ادرى بنفسج وصدقيني ماكو احد راح يحس باللي انتي فيه كثر نفسج وادعي ربج ان الله يصلحه

 

[a7la-elbanat]

لا بصراحه غلطانه
الريال اللي مايحترمني شنو ابي منه وشنو يبي مني
خليييه يولي والله وتطلقي منه دامه مو عادج مره وصدقيني لو انتي وحده غير زوجته جان سمعتي منه كلام مثل العسل
بس خليه يولي عنج والله يرزقج باللي احسن منه

 

[ReDLOve]

من صجج الريال اذا ما حطيتله حد بتمادى والي ما يحترمني ماحترمه و غيره 10 و ربي بعوضج بالي احسن ان شاء الله لانج مظلوومه

ماكو شغل يسبني و يضطقني جدام العالم اقعد وياه ماكو كرامه مثلا بيت اهلي عايشه ملكه فيه ويييييع الصرااحه

طاح من عيني مو ريااااااال الى يمد ايده و يغلط على مرته !!!!

معن هم انتى غلطانه لان انتى تدرين ان مايبي يدفع وانتى جبرتيه ايي المفروظ اتعززين ولا تطلبين لانج ما تطرين منه

بس مهما كان المفروظ ما يتصرف جذى !!!!!!!

 

[كويتيه شماليه]

دقي على اخوج حبيبتي شنو ناطره واللي تقولها لبسي قميص نوم ليش مافي كرامه
راح يقول في نفسه ميته عالجنس علشان جذي قاعده عندي الحل اللي يحفظ لج كرامتج دقي على اخوج وقوليله بيني وبينك
واذا وصل خليه يتدخل بالموضوع اذا وقفه عند حده وتفاهمتوا اوكي واذا زوجج عاند وقام يغلطج لا بالله اشكره مايبيج

والاكيد ان لاتكشخين ولا تعطينه وجه زوجج مال تدقرينه وشكو يقولج محد يخطبج ليش لهالدرجه طايحه من عينه!! حسبي الله على الشيطان*

 

[ثريا الكون]

اكره المراءه الضعيفه والي تقول محد ياخذني الله يكبر عقولكم

 

[بنت حلال]

واهو شكووووووووووو بعيال اختج؟؟؟

موقفه سليم..مسؤول فقط يصرف عليج مو عليهم!!!
وسالفه كلامه اكيد قالها بعصبيه!!
انتي الغلطانه..تدرين فيه مايبي يصرف وقاعد بالسياره!!!
انتي بغيتي تحرجينه وانتي احرجتي نفسج!!!

واذا كل مرة بتطلب الطلاق بسبت موقف جذيه<<<محد بيقد متزوج بالكويت!!!!!!!!!!


الله المستعان

 

[^الاسود يعبر^]

الله يعييييينج بناااات انتوا من صجكم ترضون تقعدون مع واحد يهينكم جذي ولا شنو قاعدين بجبد نفسكم

لما زعلتي وقعدتي عند اهلج 7 تشهر هذا دليل انه مايبيج و مو شااااريج كفااااايه انه عمرج قاااعد يمشي بعوار القلب نصيحة لا تضيعين وقتج معااااه

اهم شي اهلج يكونون فااااهمينج لانه في بنات يكسرون الخاطر بس تتطلق البنت يلعنون خيرها جنها مسوية منكر ستغفرالله

الله يرفع عنج ان شاللله ويهدي سررررررج

 

[ام ناصر 2009]

انا بقولك رايي واناي بكيفك واتمنى ماتزعلين وتفهمين اني مااهاجمك
انا مستغربه لهالدرجه صارت الحياه الزوجيه لعبه عندكم!! شنو بتطلق عشان هالسالفه وبأدبه!! هذا موولدك عشان تأدبينه واذا عاندتيه انتي الخسرانه بيكبر راسه اكثر وبعدين بصراحه انتي الغلطانه حتى لو نص دينار مااطلب منه عشان اشتري لأهلي دام هو مايبي وادري انه مايبي ليش احرج نفسي وبعدين كان قلتيله بالتلفون ناقصتني فلوس شحقه تنزلينه من السياره وتحرجين نفسك الموضوع كله بليس ركب راسك وراسه والموضوع تافه مايستاهل اصلا تبكين عليه لانك انتي الغلطانه انتي احرجتي نفسك ومتوقعه ردة فعله لو تدرين انه بيدفع كنتي قلتيله بالتلفون بس انتي حبيتي تحرجينه قلتي يمكن لاوصل وحطيته جدام الامر الواقع بيستحي وهذا اكبر غلط...
الحين اقعدي استغفري وانسي السالفه وسولفي معاه ولا كأن صاير بينكم شي وبعد كم يوم اذا مافتح معاك الموضوع نطري لم يكون هادي ورايق وقوليله اللي بخاطرك من غير هجوم وتأسفي منه لأنك احرجتيه هني راح يحس بغلطته بعدها قوليله وانت بصراحه تصرفت تصرف ماتوقعته منك شلون كلمتني بهالطريقه وانا زعلانه من كلامك وصدقيني راح يطخ ويبوس راسك
الله يهديكم لبعض*

معاااها:eh_s(15):

 

[$حبيبة عبودي$]

لاتروحين بيت اهلج ولاشي واقعدي على قلبه شنو طلاق ماطلاق من صجج؟؟؟بعدين تجاهلي وجوده فالبيت واكشخي يوميا بدون لاتعطينه وجه ولاتنامين بغرفه ثانيه لاحبيبتي نامي معاه بنفس الغرفه وانتي على سنقه عشره،،،،يعني كاشخه ولابسه قميص نوم وعادي جنه ماصار شي،،،،،بس سوري عندي سؤال ،،،ادري مصختها،،،،اهو هذا طبعه من خذيتيه ولامتغير عليج؟؟؟؟؟

معاااااااااااها :eh_s(15):
بنات اللي يقولون اطلبي الطلاق ياويلكم من الله ..:bbbiu:
لاتطلقين ولا شي وصارلي تقريبا نفس موقفج زفني جدام راعي المحل
شتسوين بعد لاعصبو خلاااااااااااااص ..ينسون اللي جدامهم ..
انصحج اسلوبج تطلبين فوق فلوسج لاتسوينهاااااااااااااااااااااااا
خلاص توبي من هالحركه قعد بالسياره عشان هالحركه لانه عارف انج تسوينها نصيحه
بطلي هالحركات واكتفي بفلوسج ومولازم هدايا لكل العايله شستفدتي الحين !!!
الهديه بس للكبار امج وابوج الباجي مالهم داعي ..دام ميزانيتج ماتسمح ..

 

[إم نصور]

انسي موضووووع الطلاق لومايبيج جان وداج لاهلج ولا قالج بسرعه دقي علي اخوانج خلهم ياخذونج لاتدميرين بيتج بيدينج اصبري جان تحبينه وتبينه وانسي السالفه الرياجيل بالحظه العصبيه ينسون نفسهم و خليج اطيب منه ماتدرين يمكن ندمان وحاس بالغلط اللي سواه بس مايقدر لو انتي بديتي بتاسف له راح يتاسفلج وبدي حياه جديده هذي حياتج عشان بكره ماتندمين ياليتني ماسمعت كلام فلانه وفلانه دامج تبينه ودامه رجعج ترا الرجال شاريج لو مايبيج كان خلاج عند اهلج ودز ورقتج استغفري ربج هذي الحياه الزوجيه مو كلها عسل لو كل وحده سفل فيها زوجها تطلقت جان الكويت كلها تطلقت يابنت انسي السالفه نامي يمه واطبخي له وخليج اطيب منه ومارسي حياتج وادعي ربج يهديه لج

 

[عيوني مودي]

لاتسكتين لة والمرة الذكية تعرف اذا زوجها يبيها والى عايفها
ومايبيها اجلسي معاه وصارحية واذا حسيتي انة مايبيك
انتي الي اسحبي علية وروحي لهلك والله بيعوضك انشا الله
وماني ناسيتك من دعائي عورتي قلبي

 

[نبض شرياني]

تعوذي من ابليس واستخيري قبل كل شي
وعسى ربي يسخره لج ويصير احسن من جذي

 

[بنـت ابـوـوها]

لا لا يا اختي ابغض الحلال الطلاق خليه اخر خطوه تفكرين فيها ..
حاولي تغيرين من نفسج بدون لا يحس انج مهتمه فيه واايد ..
سوي اللي يرضيج ويرضي ربج ..
ولا تسمعيين اللي يقولج تطلقي لانج راح تضيعين ..
وهم ادري انى اللي سواه مو شوي ..
اتمنى اني افدتج ..

 

[رحيل المرافيء]

بصراحة مالج حق تزعلين
الريال ماهو ملزوم بأهلج المرة مالها حق تتصدق بشق تمرة <نص تمرة> شفتي شلون تتصدق مو تعطي لاهلها بعد
من غير اذن زوجها اذا المال ماله طبعا
وانتي تبين بدلات حق عيال اخوانج
ماهو ملزوم يوديج السوق على شانهم ولا ملزوم يدفع فلس ويضيع وقته
ثانيا يبتيه على ملى ويهه تعال تعال ايه قوليله بالتلفون هو عارف تبين فلوس وطنشج وانتي اصريتي
وتصرفج ينرفز صراحة
وهو يمكن حز بخاطره بتشترين لعيال اخوانج وانتو ماعندكم عيال يمكن بعد يت على الجرح

ولو تطلقتي اهلج بيعاملونج زين يعني ؟؟؟؟ ممكن يعاملونج اسوء من زوجج الحين
ترى البنت اذا تطلقت ولاكبرت ماتزوجت تصير ثقيلة على اهلها ويتغيرون عليها
وتبين تتطلقين انتي الخسرانة هو ريال مايعيبه شي
والريال ماقال شي ترى عادي معصب وقال هالكلام وماطقج رفع ايده بس شدعوة
ولاتطلقتوا نسيتوا الكرامة وتراكضون وراهم وماتخلون احد ماتدقون عليه عشان تردون
عن العيارة



**** وبنات شلون عرفتوا انه الريال بخيل ؟؟؟
يمكن راتبه على قده عليه ديون شدراكم
والحياة صارت غالية ماهي مثل قبل 6 دنانير فيها بنزين اسبوع

 

[رحيل المرافيء]

ونسيت لا اقول اذا تطلقتي لاعيال اخوانج بينفعونج ولا اخوانج كل من منشغل ببيته وعياله
وانتي بتصيرين متفرجة فقط
ياترى اخوانج يسووون اللي سويتيه مع ازواجهم وحريمهم عشان يشترون لج هدايا؟؟؟؟

 

[EleGanZa]

الله يعينج حبيبتي ويصبرج ويهدي ريلج ويسخره لج يارب ..

ادعيله بالهدايه ..

وشوفي انتي راحتج وين معاه ولا بدونه ..

محد يعرف ريلج كثرج ..

 

[دلوعة حمني]

الله يسخره لج حبيبتي... بس الصراحة البخل ماله حل ابدا!

 

[نشيج الروح]

السلام عليكم ....
سبب الهوشة جداااا تافه بس كبرت شوي شوي ........ أول شي الغلط كان منج بطلبج منه أن ينزل من غير ما يعرف السبب ويصرف على على أهلج وهو مو ملزوم فيهم وأنتي عارفة طبعه ...... بعدها هو رد هالغلطة بغلطات أكبر وأكثر هاوشج وزفج وأهانج ولا عبر زعلج مثل ما أنتي ما عبرتي بوكه وجيبه ..... المهم الحين هو غلط غلطة جبيرة وسبج شلون تتصرفين بطريقة تأدبه ؟؟؟ عندج واحد من أهله ما شاء الله عليه حكيم خوش ريال أو من أهلج ويخلي السالفة سر بينكم ؟؟؟ يقعد معاه قعدة ريال ويفهمه شلون المرة وطبيعتها وشوي يعطيه عين حمرا عشان ما يتمادى ....... وإذا تبين تحلين المسألة بروحج فصعبة شوي يعني لازم تصبرين مراااااات ومراااااااات على إهانات سنعة وتحاولين بهالفترة تدعين له وتقوين علاقتج فيه وتفرضين احترامج من خلال الجدية في بعض الأمور ومحاسبة لسانج قبل ما تتكلمين وتعرفين متى تضحكين ومتى تسكتين ومتى ترفضين ومتى تقبلين ....إلخ ،،،،،،، ليما يتعلم على شخصيتج اليديدة الي تخليه غصب يحترم....
أما عن الطلاق فلا تفكرين فيه حاليا لسبب أن السالفة ما تسوى الطلاق لعدم تكررها وتماديه بس تسوى وقفة ريال حكيم

والله يوفقج ويسعدج