هل الكويتيين صج مفرورين؟؟؟؟؟

[كويتيه وبس!!]

هل الكويتيين صج مغرورين؟؟؟؟

بنات ..في موضوع بطرحه عليكم واتمنى من خواتي الغير كويتيات ان يجاوبون بصرااحه ولا ابي غيرها بعيد عن المجاملات.. وسؤالي اهو هل صحيح يعتبر الشخص الكويتي واتكلم عن الجنسين ترا هل فيهم غرور.. وايد اسمع من صداقات لي خارج الكويت هالشي .......هل احنا فينا غرور وموحاسيين شاركوني خواتي الغير كويتياات بالرد بدون مجامله.........

 

[بنوته86]

انا والله كويتيه
بس بجاوبج
في بعض من الكويتيين مغروريين وفي بعض مو مغروريين
ومو بس احنا الكويتيين كل دوله في ناس منهم مغروريين وفي ناس لأ ..
هذا رايي

 

[supermarket]

ودي اتحجى بس اخاف بنات ديرتي يزعلون لاني راح اكون ضدهم بوايد اشياء

 

[Ga6waah83]

انا بعد ودي اتكلم بس كلام الحـــق يزعل هالايام
...

 

[blue diamond]

أنا كويتيه واقولها لج ابصراحه
اي في كويتيين مغرورين ومو حاسين بهالشي بس ترا مو الكل

 

[كويتيه وبس!!]

اشرايكم بنات نغير الموضوع وانتكلم عن هالغرور اللي فيناا وانكون اكثر شجاعه.. اتوقعون ليش هالغرور شونو الاسباب اللي خلته صفه فينا؟

 

[فاطمة82]

مرات اللي بره الديره من الحره يقولون جذيه
بس هم مايمنع انه فيه ناس عندهم غرور
بس هالشي بكل الدول ناس مغروره وناس متواضعه

 

[blue diamond]

في أسباب وايد و أولها ان ديرتنا مدلعتنا مقارنه مع الدول الثانيه

 

[Hello_kitty]

والله اقولها اي نعم مغرورين وشايفين حالهم ولاحد يزعل مني..
يعني كفاية كل ما اروح البحرين اقارن بين البحرينيين وبينا صج فرق اهم بساطة وعفوية وتواضع وطيبة قلب من قلب والحياة عندهم ما فيها عقد عكسنا احنا خل اسكت بس لا انطق

 

[حبيبة دودي]

معقوله!! الله يشفي المسلمين من هالابتلاء مهما كانت النعمه علينا مايجوز نغتر لان النعمه زواله ماتدوم لاحد
وتذكروا لايدخل الجنه من كان في قلبه مثقال ذرة من كبر

 

[ii DareeN ii]

لكويتين حالهم حال اي شعب فيهم الزين والشين فيهم المغرور وفيهم الي يبذل نفسه عشان راحه وايد ناس كويتين وغيرهم والنماذج وايد عندنا ناس وايد معروفين بطيبهم على المستوى العربي والعالمي
ليش بدل ما نصلح صورتنا الي البعض شوها نروح نشوه صورتنا اكثر

 

[كويتيه وبس!!]

والله اقولها اي نعم مغرورين وشايفين حالهم ولاحد يزعل مني..
يعني كفاية كل ما اروح البحرين اقارن بين البحرينيين وبينا صج فرق اهم بساطة وعفوية وتواضع وطيبة قلب من قلب والحياة عندهم ما فيها عقد عكسنا احنا خل اسكت بس لا انطق

وانا هم نفس الشي رفيجتي البحرينيه قالت عنا نفس الحجي بس صدقوني كثر ما اقدر ابين للي بره الكويت ان احسن مافينا ككويتيين حبنا لبعضنا كشعب وهذي اجمل مافي الكويت ويمكن هالشي مايعجب الشعوب الثانيه

 

[توته79]

بعلق على كلام الاخت بلو ديموند ان ديرتنا مدلعتنا ترا في دول مدلعين شعبهم اكثر منا بس طبيعين ماعندهم الغرور اللي عند بعض الناس اللي بديرتنا مابقول الكل بس في وايد كويتيين مغرورين صراحه مادري على شنو

 

[jasmine_flower]

كل بلد فيها الشين والزين بس ما اقدر انكر انه بعض الكويتييين الله يهداهم فيهم طبع الغرور والتعالى على الجنسيات الثانيه مو فى جمله تنقال( كيفى انا كويتى) انا اختى كانت تدرس بامريكا ويوم ارجعت الكويت كله مقارنات بين معامله الامريكين لها كغريبه مرحين ويساعدونها وبين بعض الكويتيين لاء حيل حيل نفسيه ومغرورين وسبب من الاسباب التربيه بعض الاهل ربو اعيالهم على الماديات وربط قيمه البنى ادم بفلوسه ونسبه انا كويتى احسن من المصرى والبنغالى والهندى , انا اعشق بلدى واموت فى ترابها وعلشان اعشقها لازم انقدها علشان انصير احسن الناس بتواضعنا واخلاقنا وعلمنا والله يحمينا من شر الغرور واتمنى البنات مايزعلون لانه المنتدى مع حريه الراى طالما ما تعدينا حدود الادب

 

[blue diamond]

بعلق على كلام الاخت بلو ديموند ان ديرتنا مدلعتنا ترا في دول مدلعين شعبهم اكثر منا بس طبيعين ماعندهم الغرور اللي عند بعض الناس اللي بديرتنا مابقول الكل بس في وايد كويتيين مغرورين صراحه مادري على شنو

كلامج حبوبه صح وفي محله انا كنت اقصد بالتعليم والصحه والاسكان والضرايب المنخفضه نسبيا ترا نادر ما تلقين دوله تقدم كل هالخدمات بالمجان وحتى اذا كان بمقابل فهوا يكون رمزي >> وهذا سبب من الاسباب مو سبب واحد بس ​

 

[الغاليه نونو]

الغرور مرض واعتبره مقبره للانسان<<<بايقتها من لقاء بقناة روتانا ههههههههههه


لاوالله بكلمكم جد الحين لما تفكر الوحده بالغرور ماااااتقول هالمقروده باجر وين مكانها وشالفرق بينها وبين الطرار المنتف؟؟؟؟؟؟

ترا السالفه كلها حفره وزبيل تراب ومترين خام ابيض علي حساب البلديه هههههههههههههه

والله العظيم لوكل انسان يطبق قول المصطفي صلي الله عليه وسلم .... من تواضع لله رفعه

جان مااشفنا الهبال بين الناس خصوصا اللي يرفعون خشومهم علي شنو مادري المشكله ان المظاهر والماديات طغت علي فئه وقله قليله من الناس خلت التعالي والغرور مثل الغشاوه علي عيونهم وهالشي مايصير للانساان الا من نقص الوازع الديني الله سبحاااااااااااااانه جلت قدرته قال ... ان اكرمكم عند الله اتقااكم

والناس يادافع البلاااااااااا طايرين بهالدنيا جنه لاحقهم جلب ملغوث ههههههههههههههه

بكل مكان وزمان نلاقي صفة الغرور بجميع دول الخليج موبس بالكويت

والسلام عليكم ورحمة الله وبركاته"

تصفيــــــــــــــــــــــــــــــــق"

 

[blue diamond]

... ...

 

[brettey]

للاسف في كويتيين مغرورين على شنو مادري
وموبس بالكويت في كل مكان في ناس مغرورين

 

[moody-q8]

انا الي اشوفه ان الغرور ما ينطبق على عيال الكويت بس

بالعكس في دول وايد تلقى اغلب شعبها مغرورين بصراحه وهالشي مو بالكويت بس

وتقدرون تلقون هالشي بالشات وبرامج المحادثه يعني تلقيين ناس يقعدون يسبوون ويقولوون انتوا يالكويتيين مغروريين واغلبهم تلاقيينهم من الدول الي حاقده عالكويت واهم معروفيين وكلمة الغرور متردده وايد على لسانهم
ليما بدينا احنا نشك بأنفسنا ان فينا هالصفه مع ان الي اشوفه ان اغلب الكويتين محترميين انفسهم يعني ومافيهم هالصفه الا فئه قليله مثلنا مثل اي ديره ثانيه

يعني بصراحه هالموضوع ماله داعي ومو اي واحد يقول شي عنا انأيده بكلامه بالعكس احنا شعب مسلم ونخاف ربنا ومافينا هالصفه كافي ردود البنات على الموضوع

ومشكوره اختي وعسى ماكون ضايقتج بكلامي بس هذا الي بقلبي وقلته

 

[مرت ريلي]

بصراحة اي
وطبع فينا
وللأسف مو
قادرين نغيره