إللي عندها أي استفسار بخصوص الديكورات والبناء تتفضل ( للفائده فقط )

[tattoma]

السلام عليكم بالتوفيق حياتو بس بغيت أسأل
أنا برمم غرفتي ومحتاره بين الألوان كل يوم أختار لون غير أهيه الحين بالون الوردي الفاتح
و أنا ابي ألوان تفرح و بنوتيه والله مادري أي لون بحط بليييز عطيني حل :eh_s(2)::eh_s(2)::eh_s(2):

وعليكم السلام.. مشكورة حبيبتي

الألوان اللي تفرّح درجات الأصفر، وممكن تدخلين لون ثاني وثالث بالأثاث يعني أخضر تفاحي مع أحمر

يعني الطوفة لونها أصفر مثلاً والأثاث فيه أصفر والوان ثانية

 

[tattoma]

السلام عليكم اختي اسماء
ابي اسالج انا عندي حمام الضيوف بره مغاسل و طبعا داخل الحمام نفسه في مغسله والمرحاض
اول شي بره عند المغاسل الارضيه تكون نفس سيراميك الصاله ولا غير؟ وانا ابي اصبغ الطوفه شرايج صبغ احسن ولا بورسلان؟
وداخل صوب المرحاض الارض غير عن بره و الطوفه احط عليها بورسلان ولا صبغ

وعليكم السلام حبيبتي
بالنسبة للمغاسل والحمام مالهم علاقة بالصالة، بس المغاسل والحمام لازم يكونون نفس الأرضية، وإذا الحمام مافيه شور ما يمنع تستعملين الصبغ بس حطي ببالج العمر الافتراضي أقصر من لو كان سيراميك، لأن الرطوبة تقشر الصبغ..

وأكو نوعية سيراميك فخمة تنفع للطوفة مو بالضرورة البورسلان اللي يلمع

 

[انوار87]

مشكوره وماقصرتي

 

[-MaYa-]

مرحبا اختي يعطيج العافيه
انا افكر احط باركيه طبيعي بغرفة نومي
حبيت اسأل تنصحين فيه ولا لأ .. وتركيبه سهل ؟؟ .. وجم راح يكون ارتفاعه عن الارض لان بره الغرفه الممر ماراح يكون باركيه

 

[tattoma]

مشكوره وماقصرتي

حياج الله

 

[tattoma]

مرحبا اختي يعطيج العافيه
انا افكر احط باركيه طبيعي بغرفة نومي
حبيت اسأل تنصحين فيه ولا لأ .. وتركيبه سهل ؟؟ .. وجم راح يكون ارتفاعه عن الارض لان بره الغرفه الممر ماراح يكون باركيه

الله يعافيج يا هلا

الباركيه في منه أنواع، ممكن يكون خشب أصلي وممكن يكون سيراميك وممكن يكون القشرة وإذا تحبين الأصلي له عيوب إن يجمع الحشرات، وماله علاقة سهولة تركيبه أو صعوبتها لأن إذا دش العامل راح يكون هذا شغله سواء ركّب سيراميك أو باركيه خشب انتي بالنهاية بتشوفينه خالص وحلو إن شاء الله، أنا بالنسبة للارتفاع لازم العامل يشوف الممر اللي برا الغرفه، واذا غرفتج فيها سيراميك وتبين تشيلينه ماراح يكون في اي مشكلة بالارتفاع، أما إذا بتركبين فوقه أكيد ما يصير

 

[شرقاويه*]

اختي بغيت اسالج انا عندي غرفه المعيشه صابغتها رمادي فاتح وجدار واحد مخطط رمادي فاتح ورمادي غامج شتنصحيني لون الاثاث

 

[برينسيسا]

لا زعلت صراحه رديتي علي كل البنات وخليتيني لالالا زعلت

 

[أغلى حبيبه]

شلونج حبيبتي

بغيتج تعلميني الفرق بين الاثاث الكلاسيكي والمودرن بالصور واللي يعافيج

وشرايج بالمطبخ البنيان يعني تكون الارفف من الصبه وانا بس اركب البيبان

انا سمعت انه ايمع الحشرات وصعب تتعالج انتي شرايج

 

[ريما يا دنيا]

الله يخليك ساعديني بصبغ غرفتي النوم راسي يوجعني من التفكير

مرحباً
الله يخليك ابي مشورتك في صبغ غرفتي
لون الأثاث بني غامق وظهر السرير جلد والستارة سكري والاريكه سكري
تعبت من التفكير مره اقول بصبغ سكري ومره اقول عنابي ومره اقول بنفسجي
اربعه جدران الجدار اللي وراء السرير عليه ستاره و مأخذه. اغلب الجدار لان الستارة كبيره
انصحيني وهل الصبغ ممكن يقيدني بمفرش السرير اذا غيرته بعدين ونسيت أقولكم لون السجادة سكري السجادة صغيره لو صبغت غير السكري هل لازم اغير السجاده ؟؟؟

 

[أغلى حبيبه]

شلونج حبيبتي اسماء

بغيت اسالج شرايج بالشفاط المركزي حق الحمامات تكرمين

ايهوالاحسن العادي والا المركزي

 

[PoP^Diva]

قووووة يا عمري...انا ساكنه فبيت حمولتي و بيتهم ما فيه عوازل..فلو يتحجون بالتلفون تحت اسمعهم و انا فوق....شنو الحل؟؟

 

[ناسي626]

يعطيج العافيه
انا عندي شقه تتكون من غرفة نوم 6*7
وصالة 6*7
وغرفة بنتي 5*4
ومطبخ
وحمام
بسوي ديكور السقف جم يكلف اذا بحط لفلين واللي داخل اضاءه مثلا رزقا وباجي الديكور سبوت لايت نفس الشكل لكل الغرف واذا عندج اقتراحات بالديكور اكون شاكره لج
ونفس السؤال اذا بسوي سراميك حق الثلاث غرف جم يكلف؟؟

 

[انثى مهاجره]

حبيبتي مشكوره جدا على فكرة الموضوع ويعطيج العافيه
حبيت اسأل عن مغاسل الضيوف الحجريه بشكل دائري وين ممكن احصلهم بغيت أسماء المحلات واللي عندها فكره لا تتأخر ومشكوره مره ثانيه

 

[اسرار الغلا]

السلاام عليكم يعطيج تاتوما. انا ببتدي ابني بيتي وابي مصممة او مصمم ديكور شاطر وفنان واسعاره معقوله ياليت تفيديني

 

[اسرار الغلا]

[ حتي انا quote=نجمه الحالمه;25374463]نبي رقم مهندس ديكور شغله واو ؟؟؟؟؟؟؟؟؟؟[/quote]

 

[tattoma]

اختي مجهودج واضح وتشكرين عليه وحبيت اخذ رايج في صاله خصصتها للقعدة وبنفس الوقت بخلي مكان للبوفيه دايم بس محتاره بدزاين معين ان اسوي صبه وتحت مثل كبتات علشان احط اغراض البوفيه او اني احط طاولات ومفارشهم والله ماني عارفه الطريقه ياليت تزوديني بصور وافكار واكون شاكرتلج واااايد

مشكورة وما تقصرين

ما أنصح بالصّبة كلش، وأنصحج بطاولة الأكل الطبيعية

أما طاولات ومفارش ما فهمتها، إذا قصدج طاولات مدورة إنسي الموضوع

 

[tattoma]

اختي بغيت اسالج انا عندي غرفه المعيشه صابغتها رمادي فاتح وجدار واحد مخطط رمادي فاتح ورمادي غامج شتنصحيني لون الاثاث

بما إن اللون مودرن (عصري) أنصحج باللون الأبيض للأثاث وممكن تدخلين لون ثالث: بنفسجي، تفاحي، أو مجموعة ألوان (برتقالي وفوشي وبنسجي) بس طبعا بكميات محدودة لكسر اللون الرمادي

 

[tattoma]

[السلام عليكم شلونج اختي الله يعطيج العافيه بغيت اسال شلون صاير ديكور الطوفه ولو في صور يكون افضل ومشكووووووووووورهsize="6"][/size]

حبيبتي أنا آسفة جدا واعذريني يمكن طافت علي مشاركتج سهواً ومو قصدي

هذي مجموعة ديكورات من تنفيذي في عمارة بالكويت:
http://asmaconcept.blogspot.com/2011_08_01_archive.html

 

[tattoma]

شلونج حبيبتي
بغيتج تعلميني الفرق بين الاثاث الكلاسيكي والمودرن بالصور واللي يعافيج
وشرايج بالمطبخ البنيان يعني تكون الارفف من الصبه وانا بس اركب البيبان
انا سمعت انه ايمع الحشرات وصعب تتعالج انتي شرايج

هلا والله حياج الله

غرفة نوم كلاسيك:


غرفة نوم مودرن:



صالة كلاسيك:


صالة مودرن:



حبيبتي ما أنصح بالمطبخ البنيان، يفضل الأثاث دايماً يكون متحرك والصبة تصلح فقط لدوانية خارجية مثلاً بس ابتعدي عن الصبة بالبيت، واللي ييمع حشرات نوع معين من الخشب مو كل الخشب ولازم تعتنين بالنظافة بصفة مستمرة