خريجة يديدة و سجلت بالديوان و مو عارفه شالموضوع ،، ياليت تعلموني شسوي ..

[بنات حواء2]

اي والله صاجه ماني مضيقه خلقي
انتي المجلس الطبي متا قالولج تعالي حق فحص الدم اي تاريخ ؟؟
انا قالولي ٢٨
يعني الخميس الياي
بس ماراح يمدي لاني انا اقتصاد منزلي و يبون مني تحليل زراعه و هذا ياخذ ٣ ايام و اليوم ماسويته مامداني و لعوزوني على هزراعه

 

[ذكريات عشاق]

انا سويت اشعه وتحليل سكر يوم الثلاثاء اللي طاف وخذيت النتيجه يوم الاربعا والخميس سويت الدم والخميس الياي باخذ نتيجه الدم
عادي يطولون السوالف لان ماعندهم شغل فعشان جذي يتمططون ويخلونا نروح مليون مبنى بيوم واحد

 

[miele]

ههههههه .... ام زنوب واااااي ظحكت ظحك علا ياحلوة يا صبيه... ههههههههههه. هيلق ماشافو خيير

انا ماقدرت ارووح اليوم.... وزيين اني ماارحت لان كل بنات الفروانيه ردووهم ومنهم رفيجاتي ويقولون علا تاريخ ٧ /٨

دنيتي صلوح : 7 / 8. يصاادف احد موو سبت

 

[بنات حواء2]

ذكريات طمنتيني مشكرره حبيبتي فديتج شغلهم كله حرق اعصاب قسم بالله

miele
ههههههههههههههه
والله انا حزتها تعبت نفسين بس بعد مامشيت ضحكت قلت ويع لاعت جبدي من نفسي و الله ذكرني بلاغاني العدنيه لاعت جبدي والله
مايعرفون يغازلون حتى مغازلهم ييب اليهد
استغفر الله

 

[بنات حواء2]

miele خلاص روحي ٧-٨ لاحول و لاقوه
انا الحين قاعده افكر بورقت التحليل الي انختمت اخاف مايرضون يحللون لي و السبه الختم
والمشكله عقب ماختمت تقولي دشي الدكتور يسويلج ورقه مثلها بدال ماهي تصلح غلطها
انقهرت والله

 

[ذكريات عشاق]

ختم شنو انا مافهمت .؟؟؟؟؟؟؟؟؟؟؟؟؟؟؟؟؟؟؟؟؟


انا بعد ماخذيت النتيجه ختمليلقيتهم خحاتميلي على الاوراق وخالصين

 

[دنيتي^صلوح]

ان شاء الله 7\8 راح اروح
سوري غلطت باليووم يصادف الاحد مو السبت

 

[miss roro]

بناات انا اليوم رحت اول شي البنك بعده المنطقه التعليمية مبارك الكبير وعطوني ورقة الفحص وعقبه رحت الصباح الناس مو وايد ماكان لويه داخل عال11 ونص المهم رحت عند الشباك مال الموظفين جان أسأل الموظفه قتلها انا يايه بخصوص فحص التعيين اليديد جان تعطيني ورقتين وتقولي هالورقتين تودينهم مستوصف منطقتج وحده حق السكر والثانيه حق اشعة الصدر قتلها بس !!!:eh_s(10): جان تقولي اي والخميس اتيبينهم ... جان اقولها شلون مو لازم اسوي فحص دم عندكم مني ليش ايي عشان ورقتين جان تقولي انتي وزارة التربيه يوووو حدكم لعوزوتنا قتلها ليش جان تقولي قابلين منكم 10000 قتلها اووولااا شدعوا بس 3000 جان تقولي لا اكثر ..
المهم خذيت الاوراق ورحت مستوصف العدان كانت الساعه 12 وشي وحدي احاتي انهم يكونون مصكرين جان ادش واسوي تحليل بول عزكم الله و اشعه صدر ماااااكااان في ولاااا احد اشوه الحمدلله :rerrerek: خلصت خذيت اشعتي و التحليل وبسس سلامتكم .:eh_s(8):
موعدي معاهم الخميسس الله يعيييييين عالزحمه اليوم حده كاان لويه بالطريج :/ بنات نصيحه حاولو ماتروحون بروحكم لان اعتقد تحليل الدم بتعبكم وبغيت اقولكم ترا يمكن لازم تكونون موماكلين لفتره طويله انا اليوم ماتريقت وحديييييي تعبت من الحر ..
موفقييين حباااايبييي:eh_s(17):​

 

[miele]

وييي miss roro لووية صج .. ١٠٠٠٠ مقبوولين لااا بالله رحنا وطي

 

[بنات حواء2]

ختم شنو انا مافهمت .؟؟؟؟؟؟؟؟؟؟؟؟؟؟؟؟؟؟؟؟؟


انا بعد ماخذيت النتيجه ختمليلقيتهم خحاتميلي على الاوراق وخالصين

ذكريات انا اقصد ختم المستوصف
ختمت على ورقت التحليل عبالها عزج الله بول و عطتني الورقه
انا سألتها متى يخلص قالتلي بعد ساعه قلت لها مستحيل هذا وراعه يوم شافت قالت وي انا عبالي بول لا اختي روحي مستشفى العدان ما عندنه هذا التحليل
فانا خايفه ان يردوني و يسوولي قيل و قال على ختم المستوصف
علافتوا شنو قصدي

 

[بنات حواء2]

سبحان الله محد عاجبه الوضع
انا ليلحين عبالي بحلم صح بنات لا تروحون مستشفى منطقتكم ما تحتاجون لانه كل شي موجود بالمستوصف و اخف مو زحمه مثل المستشفى وافدين و عفيسه
انا لمن رحت حق امستوصف مبارك الكبير اسوي فحص البول عزكم الله لقيت غرفه حق الاشعه قلت حسافه لو ادري جان مارحت العدان حق البهذله بس ماكنت ادري ان في اشعه
بس انا سالفتي كلها واقفه على الزراعه
وهذي الزراعه مايسوونها للكل انتو بس بول و اشعه
بس انا تخصصي اقتصاد منزلي الي تخصصها اقتصاد منزلي تسوي براز اضافه للبول و الاشعه
مادري شنو الحكمه ان بس مدرسات الاقتصاد المنزلي .؟؟؟؟؟
شي غريب و الله ودي اعرف الحكمه السبب و بسألهم لانه شي غريب شمعنى احنه ليش ؟؟؟؟؟؟؟
الله اعلم انا باجر اكمل الجزء الثاني من العذاب
و مشكلة الزراعه انها تاخذ 3 ايام يعني ماراح الحق علموعد مال الدم
قسم بالله تخبط في تخبط
اشلون يعطوني تحليل زراعه ويقولون موعد الدم ايوم 28 علاقل يعطوني مجال 4 او 5 ايام اسوي التحليل مو فوقه فوقه
بس شقول من شاف الممر مالهم و الشبابيك تقول مقصف
لاحول و لاقوه
بس و الله احس حرام جذي يسوي فينه مانبي مباني كشخه و لا نبي ممرات سنعه بس نبي نظام و ترتيب و ان تكون المختبرات بمكان واحد الله يرضى اليوم انا مستشفيين رايحه و 3 مستوصفات و فوق هذا باجر برد اروح العدان يعني شقا و بعدين برجع بعد 3 ايام اروح العدان عشان اخذ نتيجة الزراعه عفيسه بعفيسه
انا يوم رحت المجلس الطبي زحمه و مخامط و كل من يدش يكسر بدور يعني اذا شفتي زحمه نصيحه سوي مثلهم دشي و حطي ورقتج
لانج اذا بتوقفين دور لا راح تاخذين اوراقج و لا راح تخلصين

 

[miele]

ام زنوب تهقين احنا علوم اسرة نفسكم ؟؟ في تحليل زراعة مادري شنو هذا ؟؟؟ لاااا بليز لاتقوليين اي .. انا تحليل بول عزكم الله ومستحيه.. لان احتمال اخوي يوديني ... بعد يطلع شي ثاني؟؟

انزين لما كنتي بغرفة الفحص ودش الهندي عما بعينه .. هذا وين بالمجلس ؟؟؟ وليش سويتي الفحص هذا وليش طلبومنج تفصخين ملابسج؟؟؟حق شنو

 

[beauty rose]

واي بنات تعبت من المشي اليوم بالحر و الشمس
مصخوها ليش اغلب المناطق استلموا منهم و احنا لا
ظلم يخلونا نحوس برمضان تعبو تأخير

بس مادري ليش اتوقع يفتحون التعيين قبل 8/7

 

[أنـوآر الـكويـت]

السلام عليكم

شلونكم ياحلوات

بنات عندي سؤال الحين بعد الفحص الطبي لما تطلع النتيجه نروح المنطقه صح

لمل نروح راح نعرف احتا بنتوظف بأي مدرسه؟ والا متى نعرف؟

والدوره للتعين الجديد صج انها بأخر رمضان؟؟

 

[miele]

واي بنات تعبت من المشي اليوم بالحر و الشمس
مصخوها ليش اغلب المناطق استلموا منهم و احنا لا
ظلم يخلونا نحوس برمضان تعبو تأخير

بس مادري ليش اتوقع يفتحون التعيين قبل 8/7

والله انا مااتوقع بالمرة قبل 7 /8 ... يووومهم عن سنه

 

[بنات حواء2]

ام زنوب تهقين احنا علوم اسرة نفسكم ؟؟ في تحليل زراعة مادري شنو هذا ؟؟؟ لاااا بليز لاتقوليين اي .. انا تحليل بول عزكم الله ومستحيه.. لان احتمال اخوي يوديني ... بعد يطلع شي ثاني؟؟

انزين لما كنتي بغرفة الفحص ودش الهندي عما بعينه .. هذا وين بالمجلس ؟؟؟ وليش سويتي الفحص هذا وليش طلبومنج تفصخين ملابسج؟؟؟حق شنو

لالا تطمني حياتي انتو لا بس الاقتصاد المنزلي بالمسمى القديم انا عشان جذي مستغربه و راح انزل لكم النشره تقرونها المدرسات الوحيدين الي نسوي هلفحص زياده عن اي مدرسه و شلحكمه مادري بس اعتقد ان السبب قرادتي ههههههههههههههههههههههههههه :rerrerek: خاصه و ان هلتحليل مو بكل مكان يسوونه انا رحت 3 مستوصفات اليوم و قالوا مو عندنه مانسويه لازم بالمستشفى و ياخذ 3 ايام
من صجج انا اليوم مت ضحك و اختي و رفيجتي فصلو علي على البراز
يقولولي يومج كله براز في براز قسم بالله مقهوره على شي يضحك و يفشل عاد الحين حق الشماته يا سعد وقاعدين يقولولي شلون بتسوين بعلبه
لوعت جبد و ارف و الكل يتخيل و يضحكون علي انقهرررررت منهم
لالا الاشعه بمستشفى العدان و شخلتهم كلهم طلعت حرت الدوخه و التعب فيهم
هي تقولج فصخي لانه مايصير يكون ملابسج فيها حديد و لا ستيان في حديد فديروا بالكم من هنقطه

 

[miele]

السلام عليكم

شلونكم ياحلوات

بنات عندي سؤال الحين بعد الفحص الطبي لما تطلع النتيجه نروح المنطقه صح

لمل نروح راح نعرف احتا بنتوظف بأي مدرسه؟ والا متى نعرف؟

والدوره للتعين الجديد صج انها بأخر رمضان؟؟

لا حبيبتي اول يوم بالدورة 5 /9 ...والفحص لما نخلصه نوديه للمنطقة .... بس انا ودي اعرف اكثر عن تحديد المدرسة والمرحلة .. هذا اللي ماعرف عنه

 

[بنات حواء2]

واي بنات تعبت من المشي اليوم بالحر و الشمس
مصخوها ليش اغلب المناطق استلموا منهم و احنا لا
ظلم يخلونا نحوس برمضان تعبو تأخير

بس مادري ليش اتوقع يفتحون التعيين قبل 8/7

انا اشهد و الله على كلامج اليوم انا شربت تنكر ماي من العطش و بنادي خلصت البراده و ليلحين عطشانه
:krkrkr:

 

[بنات حواء2]

السلام عليكم

شلونكم ياحلوات

بنات عندي سؤال الحين بعد الفحص الطبي لما تطلع النتيجه نروح المنطقه صح

لمل نروح راح نعرف احتا بنتوظف بأي مدرسه؟ والا متى نعرف؟

والدوره للتعين الجديد صج انها بأخر رمضان؟؟

هلا و غلا حبيبتي انا بعدي ماخلصت اوراق الفحوصات فماعندي معلومه بنسبه حق هشي
شكلج بجهزين واسطه
ههههههههههههههههههههههه
عمومن ياريت البنات يفيدونه بهلخصوص عشان نعرف الي لنه و الي علينه لانه مادري بالضبط شنو الي راح يصير

 

[بنات حواء2]

حتى انا ودي اعرف اكثر لانه احس الموضوع مبهم و اشوف الكل يدقدق يبي واسطه
قتلهم ماعندي و حتى لو عندي ماراح اسعى في ظلم احد احس حرام
لانه احس ان هذا شي من ربج ماتدرين كل وحده تاخذ نصيبها و تشوف وين الله كاتبلها
ماله داعي اييب واسطه و اظلم غيري على حساب نفسي احسها ظلم و انانيه