طباخات كل مرة تلصق ما تطلع واتفشل

[ms gucci]

السلام عليكم يا طباخات رمضان مبارك مقدما ..... يا ريت تساعدوني لأن حاولت بكل الطرق ما في فايدة ... المشكلة اني أسوي الكيك طعمه جنان لكن الشكل مو شي ليش....... :eh_s(2):

لأن يلصق بقالب الكيك ومل يطلع وأطر أقصه مربعات ودي ولو مرة :yaaaaaarb:يكون شكلة على شكل القالب الي حاطة فيه الكيك تصدقون عندي كل الأشكال قلب ووردة ... الخ ومو مستفيدة لأن الكيك يلصق .... أبي طريقة تخلي الكيك ما يلصق ويطلع بشكل القالب .... ...... وأشكر لكم تعاونكم:eh_s(17):

 

[احساسي غريب]

امسحي القالب بشوية زيت من داخل ومن الأطراف ورشي رشة خفيفه من الطحين وان شاءالله بتطلع معاج الكيكه وماراح تلصق ولا تفشلج

 

[ms gucci]

شدعوة يا بنات ....... تطلون وما تشاركون .... الي تعرف لا تبخل علينا الله يخليلها زوجها وعيالهاويشوفون ان شاالله كل شي فيها حلو

 

[ms gucci]

امسحي القالب بشوية زيت من داخل ومن الأطراف ورشي رشة خفيفه من الطحين وان شاءالله بتطلع معاج الكيكه وماراح تلصق ولا تفشلج

مشكورة حبيبتي على المساعدة وجزاج الله خير لكن هاذي الطريقة الوحيدة الي أعرفها وهم يلصق فأطر أستخدم السكين وتعالي شوفي الشكل:cxxxp:

 

[للطوفه]

حطي زيت ثم رشي دقيق قبل ماتحطي خلطة الكيك

 

[جارة القمر]

لا حبيبتي



السكين تخرب الكيكه حبيبتي


ادهني حبيبتي القالب بشوية زيت ورشيه بطحين


أو بالهردة شوي ادهني القالب لا تكثرين



وممكن تستخدميييييييييييييييين بخاخ الزبده

 

[ms gucci]

لا حبيبتي



السكين تخرب الكيكه حبيبتي


ادهني حبيبتي القالب بشوية زيت ورشيه بطحين


أو بالهردة شوي ادهني القالب لا تكثرين




وممكن تستخدميييييييييييييييين بخاخ الزبده

مشكورة حبيبتي والله يرزقج بالذرية الصالحة بس من وين أشتري بخاخ الزبدة؟ وشنو نوع الصحون الي تنصحيني فيها حق الكيك؟

 

[كنوشة 2009]

مسحي قالب الكيك بالزبدة وحطي عليه طحين
بعدين لازم يكون الفرن حار 180 درجة بس من تحت لا تشبين الفرن من فوق حق الكيك
وخليه 45 دقيقة ولا تفتحين الفرن الا اذا مرت نصف ساعة على الاقل

 

[dnyay_mll]

مثل ماقالو البنات دهني القالب بزيت ورشيه بالطحين
ولما تطلعين الكيكه من الفرن لا تقلبينها على طول عشان ما تكون لازقه وتتفتت
خليها تبرد ربع ساعه ووقت اللي بتقلبينها
حددي اطراف الكيكه بسكين
وقلبيها على صينيه كبيره
وطقي القالب من فوق شوية
وان شاءالله ماراح تتفتت

وبخاخ الزبده تحصلينه بمركز سلطان

 

[وين نك نيمي]

يعطيكم العافيه

 

[Queen of Sadnes]

البنات ماقصروا واذا تحبين تقدرين تستخدمين ورق الزبده تقصين منه وتحطينه في القالب وبعدين تصبين عليه الخليط. لما تخلص الكيكه وتقلبينه على طول بتنزل معاج وشيليه شوي شوي

 

[جارة القمر]

هلا حبيبتي


البنات ما قصروا



أنا استعمل قالب كيك شاريته من مركز سلطان وعندي قالب كيك شاريته من سوق شعبي

قبل اسوي الكيكه بهالقالب وتضبط ألحين لأ



وحتي قوالب السيلكون حلوه

 

[أحلى همبه كويتية]

انا ادهن القالب بزيت بس مو خفيف مثل ما قالو البنات
اكثر شوي وارشهه بطحين

ولما أدخلها الفرن على حرارة 180 بس وما أفتحه اول ثلث ساعة
واذا استوت احمرها من فوق شوية

وعقبها اخليها بره الفرن 10 دقايق ثم اقلبها على شبك عشان تبرد عدل

اشحلاتها ما شاء الله

 

[مولاي الفرج]

اذا خليتي تحت القوالب شوي ماي دافي راح يطلع الكيك بسهوله

 

[~✿ ارتـِوآآآء روح !]

مآقصرووووآ البنآآآت

 

[Lovely_R]

بطنييها عدل حبي...

اخذي قطعة زبدة صغنوونة ومسحي فيها الصينية عدل مدل من كل مكاان وبعدين رشي طحين عليهم وبطنيها عدل وطقي عدل على الصينية لين ما ينزل الطحين الزااايد وبس حطي خليط الكيك... عمرها ما تلصق معاي ابدا الحمدلله..

وداايما لا تقصين الكيكة علطوول خليها ترتاح 5 او 10 دقاايق عقب قصيها...

بالتووفيق

 

[<<لمار>>]

مثل ماقالوا البنات

 

[ms gucci]

يعطيكم العافية يا أحلى كويتيات ما قصرتو

 

[رحيل المرافيء]

مثل ماقالوا مسحي القالب بزيت وطحين
واذا يلصق بعد يا الكيكة مو مستوية او القالب نوعيته مو شي
ولاتستعجلين عليها خليها تبرد وبتطلع بروحهاا وهي حارة صعبة تطلعينهاا