صباح الخير
بعد عمري بنات مشكورين على وقفتكم معاي ماتدرون حالتي النفسيه شلون صايره اكس
وامس يوم رحت المستوصف كنت ماخذه معاي العلبه حق العينه ، عاد توني خلصت المهمه بالبيت
وباخذ العينه معاي المستشفى و بسلمها وانشالله ما يطلع فيها شي ، و ماني قاطتها مبارك ، بوديها الصباح ،
لان 3 ايام بس النتيجه ، يعني اقطها اليوم و استلمها الاحد انشالله
و ام زنوب ، اي حبيبتي اسمه سالمونيلا ، انا ما كتبته لانه ماعبالي ماتعرفون يعني ما همكم التفاصيل ، بس صح كلامج اهو سالمونيلا ، وفعلا حتى انا بتخصصي درسته عند دكتور عصام ، واعرف شمنه وشفيه ، بس وقتها والله طار الاسم من مخي الله يعافي صراخها ، و ترى صج انا اموت بالدياي ما اكل لحم الا مرة بالسنه ، وكل يوم ابلع دياي ، و توقعت المشكله منه ، بس في رموز واحرف وارقام يم السالمونيلا و الدكاترة قالولي معناته ابسط نسبه بحيث انها لا تذكر ولا تسمى تسمم غذائي
و امي وعليا تحاتي ما ظل احد من اهلنا ما دقت عليه تبي تعرف منو فيه دكاترة بالعايله حتى لو بعيد قاعده تحاتيني ما تحاتي التعيين ، و على قولتها حصلت بعد اثنين غير اللي كلمتها اول مرة ، و كلهم قالولها اللي فيها تسمم غذائي خاص باكلها ، و احتمال كبير التحليل الياي يروح ، اما اذا ظل معناته الاكل اهي مستمره فيه و زادت نسبته عادي ماله علاقه بالتعيين ، والحين اهي متطمنه عقب ما سألت اكثر من شخص .
ميلي ، حبيبتي العينه العاديه والزراعه اللي اقصد فيها ، لانج لما تسوين تحليل براز ، النتيجه بتكون بورقتين ، الورقه الاولى اهي زراعه البراز ، و الورقه الثانيه اهي العام للبراز ، يعني ثنتين ، يسمونهم العاديه والزراعه ، بس كلهم يخصون شغله وحده ، و هالدكتورة من المجلس الطبي وكانت وحده بس ماكان في غيرها ، لاني كنت يايه من الصبح قبل يفتحون و انظم البنات بعد واعلمهم الدور لاني قبلهم كلهم وشايفه شكو ماكو ، والله ما كان في غيرها
المهم بنات ،،
انا الحين بلبس و بطلع بروح الصباح اسلم العينه .
وعقبها بدش المجلس الطبي مرة ثانيه خو يم بعض
بروح اسألهم عن شي طاااار عن بالي والسبه سالفه امس
واللي اهو ( سحب الدم ) اللي سويته
بنات انا طلعت من سحب الدم ماعطوني لا ورقه ولاشي كلش
علطول دخلت عالدكتورة وصار اللي صار و طلعت
يعني الحين سحب الدم شلون يعرفون انها عينتي و اهم كل يوم يمر عليهم الف شخص
وانا ماعندي لا ورقه ولا خذيت شي ولا صار شي ولا كلمتهم
فبروح اكلمهم عن عينه سحب الدم مالتي وشلون وشسالفه
انتو شرايكم شتعرفون عن هالموضوع ؟؟
و مفكرة بعد اجرب حظي ادش عند الدكتورة اذا شفتها وحده ثانيه اكلمها بهالموضوع
واذا هم اهيا عندت ، او اذا كانت اهي نفسها ماغيرها ، بشوف منو مسؤولهم وبدش
و بقوله عطني لائحه الامراض اللي تمنع من التعيين ، وعقبها بقوله قصه التسمم الغذائي
والله كريم ، المهم اني بحاول بوايد اشياء
ويلا بنات اردلكم عقب ما اخلص
مابي اتأخر ابي اكون قبل يفتحون عشان اكون اول شي واقدر اراكض واسوي كل اللي ابيه
مع السلامة
