رواية عواطف وخالد (( آآه لو تدري حبيبي كيف ايآمي بدونك , تسرق العـمر وتفــوت ))

[جوري الغلا ~]

رد: ما خدعنا بعضنا .. الزمن بينا خاان .. روايتي الثانية واقعيية 50 % منآل ..

اوكي حبيبتي ناطرينج ..

 

[سميتك الغلا كله]

رد: ما خدعنا بعضنا .. الزمن بينا خاان .. روايتي الثانية واقعيية 50 % منآل ..

بنات انا الحين فاضيه وبنزل لكم بارت ..

 

[princess roro]

رد: ما خدعنا بعضنا .. الزمن بينا خاان .. روايتي الثانية واقعيية 50 % منآل ..

نآطرينج حيآتي *_-

 

[سميتك الغلا كله]

رد: ما خدعنا بعضنا .. الزمن بينا خاان .. روايتي الثانية واقعيية 50 % منآل ..

 

[سميتك الغلا كله]

رد: ما خدعنا بعضنا .. الزمن بينا خاان .. روايتي الثانية واقعيية 50 % منآل ..

مها وخالد يكلمون بعض ..
مها : واضح انك تجذب علي .. ما ادري متى تشرف وتخطبني L
خالد : مهاوي انا بكلمج بموضوع ..
مها : شنو ؟!
خالد : انا لقيت الي احسن منج ..
مها : ممنو ؟!
خالد : بصراحه انا احب عوآطف .. وعوآطف خوش بنت ..
مها : وانا شنو ؟!
خالد : ابيج تنسيني والله يوفقج مع غيري ..
مها : وليش تخليني احبك ..
خالد : انتي وحده ضايعه .. خنتي اهلج يا مها تخونيني ..
مها : مستحيل انت تكون خآلد ..
خالد: مع السلاآمه ..
مها : خالد الله يخليك خلك ع الخط لا تسكره .. انت تجذب علي صح ؟!
خالد : مهآوي حبيبتي .. انتي بنت مشالله عليج جميله و الكل يتمنآج .. بس بصرآحه ما تعجبيني والله يوفقج مع غيري ..
مها : ليش ما اعجبك ؟!
خالد : لانج رخيصه .. قلت لج تعالي شقتي سيدا جيتي ..
مها : أي بس لأني كنت واثقه فيك .. وادري ما راح تسوي فيني شي .. و انت ما سويت فيني شي ..
خالد : مهاآ مالي خلق .. الله يوفقج مع غيري .. وانا بكمل حياتي مع انسآنه عآجبتني و انتي بصراحه ما تعجبيني .. لا بلبسج ولا بشكلج حتى ..
مها:خالد الله يخليك لا تقول جذي الله يخليك ..
خالد : مها بآي .. وسكر التلفون ..
كان جذي يحب البنات ويعلقهم فيه و بعدين يقطهم مثل الحمير .. بس ما كان يسوي فيهم شي ..

البنت هذي خآيسه .. وبايعه روحها ..قلت لها تعالي بسرعه جت .. ورقمتها وسيدا اتصلت .. لا يبا ما ابيها .. انا ابي عوآطف شكلها خوش بنت ..
وانا احبها .. و وعدتها اني اغير رقمي .. و اتسنع واصير خوش رجال ..
وفاليوم الثآني ..
كان خالد جاآي مبجر بس عشان يشوف عوآطف .. كانت لابسه سككني و بلوزه بولو بيضا ...< لوول هي هبله كانت تحب البلايز الرياضيه ..
و خالد كان لابس دشدآشه و ناسف الغتره ..
ف الكفتيرياآ ..
مشاري : خالد مهآ تبي تكلمك ..
خالد : شنو ؟!
مشاري : مها تبي تكلمك ..
خالد : شتبي هذي ..
مشاري : ليش تغيرت عليها ؟!
خالد : خلاص انا احب عوآطف و قلت لها اني راح اخلي البنات .. حرام اجذب ع البنت ..
مشاري : انزين البنت تبي تكلمك ..
خالد : يحوول ولو شافتني عوآطف ..
مشاري : يعني خايف منها ؟!
خالد : مو خآيف منها .. بس ما ابيها تزعل ..
مشاري : كاهي مها جت صوبك ..
خالد : ياليل ما عندها كرآمه ..
مشاري : اسكت جت ..
مها : قوه خآلد ..
خالد : هلا هلا مهآ ..
مها: ممكن اكملك بروحك ؟!
مشاري : يلا عن اذنكم ..
خالد : انثبر انا بروح الحين .. امشي مهآ ..
وكانو يتمشون ف الجآمعه ...
مها : خالد بعرف ليش ما تبيني ؟!
خالد : مها .. الله يوفقج مع غيري .. خلاص انا لقيت البنت الي تعجبني والي اكمل معاها حيآتي ..
مها : وانا شذنبي ؟!
خالد : انا عارف سوالفج كلها .. انتي جم واحد كلمتيه قبلي ؟!
مها: واجد .. بس بعدك والله ما عمري كلمت ...
خالد : مها انا مو واثق فيج ... وخلاص امسحي رقمي ...وما ابيج تتصلين علي مره ثانيه ...
مها : ما ابي .. ما راح امسحه .. خالد الله يخليك ابيك ..
خالد : يا عمي طيري .. لا تمسحينه بس انا راح اغيره .. يلا بآي ..
مها ردت لرفيجتها (( امل )) ,,
مها : ما يبيني ما يبني .. كله من عواطف ..
امل : عواطف شكو ؟!
مها : يحبها يحبها ..
امل : خالد يحب عواطف !؟
مها: اي يحبها ..
امل : بس دايم هم يتهاوشون .. شلون يحبها ..
مها : يموت فيها .. حسبي الله عليج يا عوآطف ..
امل : مهاوي اننتي ما خسرتي شي .. هو الي خسرج ..
مها : ما راح اسكت لها لو شنو يصير .. والله لفرق بينهم ..
امل : البنت شذنبها ؟!
مها : ذنبها انها خذت حبيبي ..
امل : اي بس مالها ذنب ..
مها : لا حبيبتي لها ذنب ونص .. ما راح اسكت لها .. اذا ما خربت سمعتها ف الجآمعه ...
امل : شبتسوين لها ؟!
مها : بتعرفين ..
نرد لخآلد وعوآطف كانو قاعدين يسولفون ..
عواطف : شوف خالد .. اليوم مالي خلق انطرد من القاعه .. فصير مؤدب ..
خالد : هههه حاضر من عيوني بصير مؤدب ..
عواطف : اي واذا قالك الدكتور اطلع برا تطلع وانت سآكت ..
خالد : انشالله عمتي ..
عواطف : انزين بسألك سؤال ؟!
خالد : اسئلي حبيبتي ..
عواطف : انت تحب غيري ..؟!
خالد : شوفي انا اكلم بنات اقولها لج صح .. بس والله العظيم من امس وانا قاعد ازفهم و اقولهم للا تتصلون وبغير رقمي بس عشآنج ..
عواطف : اكيد ..
خالد : اكيدين انا احبج .. وما ابي غيرج ..
عواطف : انزين امش نروح .. ما بقى شي وتبدي المحاضرة ..
خالد : انزين .. بس عآدي امسك ايدج ؟! < يستهبل شوي ..
عواطف : بايعها انت .. شتبي النآس تقول .. لا لا ..
خالد : افففففف .. شعليج من كلام النآس ..
عواطف :انا سمعتي نظيفه .. وما ابي اخربها ..
خالد مشى وهو معصب ..
عواطف : بعرف ليش انت زعول وبسرعه تعصب ؟!
خالد : شكو .. ما زعلت .. بس كل ما قلت لج شي قلتي كلام النآس وكلام النآس ..
عواطف : ههههه ..يلا عآد لا تزعل ..
خالد : مو زعلاآن .. بس مالي شغل اليوم تطلعين معآي ..
عواطف : وين ؟!
خالد : كيفج اي مكآن تبينه اوديج .. تبين تريقين تغدين تعشين .. براحتج ..
عواطف : لا لا ما اقدر ..
خالد : لا تقدرين .. خلاص اليوم لا نحضر المحاضره ونروح نتريق شرايج ؟!
عواطف : لا اخآف ..
خالد : مو واثقه فيني يعني ؟!
عواطف : خالد الله يخليك .. بعدين مو الحين ..
خالد : انزين بسألج سؤال ؟!
عواطف : اسئل ..
خالد : ليش مو واثقه فيني ؟؟
عواطف : من قال اني مو واثقه فيك .. بالعكس واثقه فيك ..
خالد : اجل خلاص خلينا نروح نتريق ونجي ..
عواطف ما حبت تبين له انها خايفه منه .. و قالت له : اوكي .. بس تردني بسرعه ..
خالد استانس : اوكي من عيوني ..
عواطف ميته من الخوف ما تدري شلون قالت له اوكي .. يآربي انا بايعتها ..
خالد : شرايج بـفور بوينت ؟!
عواطف : لا بعيد بعيد ..
خالد : بس ريوقهم حلو .. لا تخآفين تو النآس للحين اصلا ما بدت المحاضرة .. و نرجع بعد نص سآعه ما نطول ..
عواطف : اي بس ..
خالد : تراج خوآفه .. المهم اتصلي على نوف وقولي لها تنطرج ..
عواطف : اوكي ..
عواطف : قوه نوف ..
نوف : انتي وين رحتي ..؟! من اليوم ادورج ..
عواطف : نوف انا رحت مع خالد بروح اتريق واجي لا تروحين ولا تخليني اوكي لاأني برجع معآج ..
نوف: بايعتها انتي .. شلون تطلعين معآه وانتي ما صار لج معآه الا جم يوم .. صج انج حمآره ..
عواطف : يلا بآي نوف .. ولا تنسين تنطريني ..
نوف :انا اوريج يا عوآطف .. باي ..
عواطف : اوكي كلمتها ..
خالد : بتنطرج ..
عواطف : اي ..
ولما وصلو .. و خالد كان يبلع بس عواطف ما كآنت تآكل ..
خالد : بعرف ليش ما تآكلين ..
عواطف : قاعده اكل ..الا صج خلود انت خال .. عم .. ؟! < تستهبل
خالد : ولا شي.. يا هبله انا قايل لج ما عندي اخوان .. J .. وانتي ؟!
عواطف : لا ..اختي الي تزوجت الله ما رزقها للحين ..
خالد : اها .. الله يرزقها ..
عواطف : اميييين .. تصدق حيل تكسر خآطري .. ما ادري احس انها مو مرتآحه ..
خالد : ليش ؟!
عواطف : اصلا ساعات تجينآ مكفخه .. هو حيوآن .. تصدق محترق دمي عليها ..
خالد : دام يكفخها .. اسمحيلي اقولج .. انه ما فيه ذرة رجوله ..شنو يطقها وين قاعدين ..
عواطف : اي هو حيوآن .. والمشكله انه ماخذها عن حب .. وهذا الي خآيفه منه .. اليوم تحبني وبآجر تطقني ..
خالد : ههههههههه .. شكو اصلا الي يمد ايده على بنت مو رجآل .. و بالعكس اصلا انا راح ادلعج ..
عواطف : نشوف نشوف ..
خالد : انزين عوعو ..عمرج حبيتي من قبل < قام يدلعها عوعو
عواطف : لا ..
خالد : أشوا .. انتي ابوج توفى صح ؟!
عواطف بصوت فيه حزن شوي : اي قبل سنتين صار له حآدث ..
خالد : وانتو عايشين الحين عند منو؟ !
عواطف : ف بيتنا ..
خالد : وعمانكم مخلينكم ؟!
عواطف : لا .. اصلا ما عندي الا عم واحد .. وعمي مو مقصر معانا بشي .. بس ليش تسأل ؟!
خالد : لا بس بعرف كل شي عنج ..
عواطف : انزين انت عمرك حبيت من قلب ؟!
خالد : شوفي انا كل البنات الي حبهم وربي بس اضحك عليهم .. وهم يصدقون ع بالهم اني احبهم ..
عواطف : حرام عليك .. ليش جذي نذل ؟!
خالد : بلعنتهم .. اصلا خليتهم بس عشانج انتي ..
عواطف : انزين شنو نهاية الحب هذا ؟!
خالد : شنو شنو نهاية الحب هذا .. اكيد اتزوجج كم مره قلت لج ؟!
عواطف : اوعدني انك ما تجذب علي ..
خالد : وربي ..
عواطف : انزين خالد انت يعني ما ودك يكونون لك خواآت او اخوان ؟!
خالد : لا ..
عواطف : غريبه .. ليش ؟!
خالد: عشان ابوي اذا مآت ... انا اورث الحلال كله ..
عواطف : صج انك ما تستحي ..
خالد : هههههه اضحك اضحك .. بس انتي هبله .. كل وآحد يتمنى ان يكون عنده اخوآن .. بس عآدي .. انا تععودت ..
عواطف : بس اكيد انت دلوع ...
خالد : يدلعوني اهلي .. كل شي ابيه يجيني .. بس مو ترفه ..
عواطف : ههههه اانا قصدي يدلعونك .. مو ترفه يا غبي .. انزين خلنا نقوم شبعت ..
خالد : بس انا ما شبعت ..
عواطف : اوكي ..
خالد قعد يضحك عليها كانت خآيفه و واضح انها خآيفه ومسويه روحها انها عآدي ومو خايفه ولا شي : هههه بعد عمري .. اموت على الي مسويه روحها مو خاآيفه..
عواطف : اي انا اصلا مو خآيفه ..
خالد : هههههه طيب امشي امشي .. لا تسوينها على روحج ..
عواطف : تدري ان انت انسان مو محترم ... :S
خالد : ادري ..
عواطف : امش ودني الجامعه ..
خالد : من عيوني ..

 

[سميتك الغلا كله]

رد: ما خدعنا بعضنا .. الزمن بينا خاان .. روايتي الثانية واقعيية 50 % منآل ..

وبالجآمعه نوف و حلا < حلا رفيجتهم >
نوف : هبله والله هبله .. شلون طلعت معآه .. تااخرو ليكون صار فيهم شي ؟؟
حلا: فال الله ولا فالج .. لا تفأولين عآد
نوف : لا والله هم طالعين قبل لا تبداأ المحاضرة .. لما اتصلت علي .. والحين خلصت .. وقالت لي ما رآح نطول .. وينج يا عواطف وينج
حلا : نوف جب عآد لا تخرعيني عليها ..
نوف : الله ياخذج يا عوآطف ... الله ياخذج .. لو صار فيها شي .. شلون بنقول لاأمها .. الله لا يوفقج ..
حلا : جب عآد .. استغفري .. لا تدعين ع البنت ..
نوف : يعني انا ادعلي عليها لاأني اكرهها مثلا ؟!
حلا: ادري انج تحبينها.. بس لا تدعين عليها .. هي الحيوأنه غلطت .. بس لا تدعين ..
نوف : غلطت وبس .. الله لا يسآمحها ..
وبالسياره ..
عواطف : شوف الحين اول ما نرجع انت تنزل واقعد مده وبعدين انزل ..
خالد : اوكي .. من عيوني ..
عواطف : تسلم عيونك حبيبي ..
خالد : قوليها مره ثاآنيه ..
عواطف : انت مال احد يقولك كلمه حلوه .. كل ما قلت شي قلت عيديها وعيديها ..
خالد : الله يخليج عيديها ..
عواطف : حبيبي..
خالد : يا لبى قلبج .. يلا الحين بنزل .. و بشغل السيآره لج .. عشان ما تخيسين من الحر .. و انتي نازله جيبي السويج معآج ..
عواطف : اوكي ..
خالد : يلا باآي ..
عواطف: بايات ..
وبععد خمس دقايق انزلت ..

مشاري : وين رحت خلود ؟! ليش مو حاضر اليوم ؟!
خالد : طلعت مع عواطف .. ونآسه ..
مشاري : العن خيرك .. والله انك مو هين ..
خالد : هههههه ..
مشاري : عآد انت تحب البنت صج .. ولا تجذب عليها ؟ !
خالد : والله احبها واموت فيها .. وناوي اتزوجها .. لانها تعجبني. .
مشآري : انزين البنت الحين وينها ؟!
خالد : بسيآرتي .. الحين تجي ..انا نزلت اول بعدين هي تنزل ... فرضا شافنا احد و احنا نازلين مع بعض ..
وعبدالله كان يكلم واحد مع ربعه بالفوون
مشاري : يعني ذكي انت و وجهك ؟!
خالد : اكل تبن .. البنت شفيها ما نزلت .. اي كآهي يلا بروح اخذ السويج ..قعد يمشي ويطالعها و اهي تطالع تحت ..
عواطف : هلا خالد .. تفضضل ..
خالد : يلا بسرعه روحي .. الظآهر يحاتونج ..
عواطف : اوكي ..ورآحت ..
مشاري : مزيونه ..
خالد : اكل تبن ..
مشاري : يعني معصب انت و وجهك ..
خالد : اكل تبن شكو تغازلها .. صج انك حيوآن ..
مشاري : حيوان شكلك .. المهم انا رآيح تامر على شي ..
خالد : حتى انا بروح .. لا سلاآمتك ..
مشاري : الله لا يسلمك .. يلا باي ..
خالد : بايات ..

يمكن كآن احلى يوم بحيآة خآلد .. قعد معآها واستآنس حيييييييييل .. وهي بعد بس كاآنت مستانسه بس شوي خآيفه ..
مشاري طلع قبل خالد و عبدالله وشاف حلا .. قعد يغازلها ..
عبدالله : المزيونه هذي اول مره اشوفها ..
حلا ملسونه شوي : انت فارج يلا .. ويع صج ما يستحي ..
عبدالله : اقول يا حلو تاخذ الرقم ؟!
حلا : انت والله العظيم لو ما وخرت افضحك اسويلك فضيحه لا صارت ولا استوت ..
عبدالله : هههههههههههه لا بوخر لا تخآفين يا قممر ..
حلا: ويع شلون متحمليينه ..ولما راح عبدالله
نوف وحلا : ليش تأخرتي ؟!
عواطف : ما تأخرت .. كآني جيت لكم ..
نوف : صج انج حيوانه و مجنونه .. شلون تروحين معآه ؟!
عواطف : نوف اشوفج تطلعين مع مشعل ومحد قالج شي ..
نوف: لا والله .. حياتي مشعل غير .. خالد واحد ضايع و خربآن .. بس انتي هبله جذب عليج و صدقتيه ..
عواطف راحت و هي معصبه من كلام نوف ..
حلا : عاجبج .. البنت زعلت ...
نوف : خل تزعل .. حيوانه شلون راآحت معآه ..
حلا : نوف يعني الحين انتي تطلعين مع مشعل .. ومحد قالج لا تطلعين معآه .. خلاص خليها تطلع مع انسان اختآرته وحبته ..
نوف : يآربي ... مو قصدي ازعلها بس هي رفعت ضغطي ..
حلا : بسرعه روحي تأسفي لها .. اكيد هي الحين ف الكفتيريا ..
نوف وراحو للكآفتيريا و ما لقوها ..
كانت واقفه برآ تنطر السآيق ,,
نوف : وين رآحت ؟!
حلا : كله منج انتي .. ترى البنت مو جآهل عندج عشان تزفينها ..
نوف : انا خآيفه عليها ..
حلا : اي بس ما تسبينها ..
نوف : ما ادري شلون سويت جذي ..
حلا: انزين بتصل عليها ..
نوف: انا من اليوم اتصل عليها ما ترد علي ..
حلا: يمكن راح تردعلي ..
نوف: هي سخيفه ليش زعلت ..
حلا : بصرآحه انتي تغثثين .. شعليج فيها.. كيفها البنت تحبه و هي كيفها.. انتي شكو ..
نوف : شنو انا شكو .. انا رفيجتها وخاآيفه عليها.. وبصراحه خالد يخوف .. وراعي مششآكل ..
حلا: الوووو .. هلا عواطف وينج ..
عواطف :هلا حلا.. انا برآ انطر الساآيق ..
حلا : يلا عآد بلا دلع ... اليوم الخميس وبنطلع وانا ويآج ونوف ..
عواطف : لا خليها مره ثاآنيه .. احس تعبآنه ..
حلا: اقول ما عندي دلع .. الحين بنجيج و بنطلع ..
عواطف : الحين السايق بيجي..
حلا : انتي من جم يوم صايره ترجعين مع نوره .. خربانه سيآرتج .. ليش رايحه مع السايق ؟!
عواطف : مالي خلق لها .. صايره تغث .. وتسب ..
ابتسام: صدقيني هي حآسه بغلطتها وتبي تأسف لج .. لا تصصيرين دلوعه ...
عواطف : انزين.. يلا انا برآ انطركم ..
عواطف اتصلت على شيخه : يمآقولي لكومآر لا يجي .. انا بطلع مع نوف و حلا اوكي ..
شيخه ( امها ) : الله يحفظكم ..
عواطف : يلا باي يما ..
شيخه : مع السلآمه حبيبتي ..
و جو حلا و نوف ..
نوف ظمت ريم جدام العآلم .. : انتي زعلتي ؟!
عواطف : لا ليش ازعل ..
نوف: صدقيني انا قلت لج هالكلام والله لأني خآيفه عليج .. واحبج ..
عواطف مآسكه بجيتها : ادري حبيبتي ..
حلا : بس عآد فشلتونا امشو سيآرتي عازمتكم على غدا ..
عواطف : لا يبا انتي غشيمه ما تعرفين تسوقين .. ما صار لج الا جم شهر ..
حلا : جب عآد .. المفروض تشجعيني .. تقعدين وتعايرين ..
عواطف : هههههه يلا بس تكفين خففي عند المططبه ..
حلا ونوف : هههههههههه ..
و راحو لـلأفنيو و تغدو بـ (( سوآح )) , ومرو زارا و h&m و لوكسست ..

 

[سميتك الغلا كله]

رد: ما خدعنا بعضنا .. الزمن بينا خاان .. روايتي الثانية واقعيية 50 % منآل ..

عواطف كانت فبيتهم قاعده مع امها وخواتها ..
عواطف : مامي اليوم بتجي امون ؟!
شيخه : والله ما ادري اتصلي عليها وشوفي !؟
عواطف : برور روحي جيبي تلفوني تلقينه فوق
ابرار : قولي لععبير بس انا الي كارفيني
عواطف : اوف مالت عليج .. عبوره روحي جيبي تلفوني ..
عبير : انشالله ..
عواطف :فديتج ..
عبير راحت لغرفة عواطف وشافت تلفونها ( 94 مكالمه لم يرد عليها ) و (14 رسالة ) ,
عبير : اووووووخ ...منو ههذي ؟!
واتصل الرقم نفسه ..
عبير : صارو خمسة وتسعين
عبير : الوو ..
خالد سمع صوت مو صوت عواطف .. : ريم ؟!
عبير : لا غلطان اخوي ..
خالد : اوكي اسفين ..
عبير : لا عآدي .. بس النآس تدق مره وحده مو مليون مره ..
خالد : اقول اذلفي .. وسكر التلفون ..
خالد : اووووووووف .. اشوا اني ما قلت شي .. واستوعبت انها مو عواطف ..

عبير نزلت تحت : طافج واحد قعد يتصل يمكن فوق الأربعه وتسعين مرررره و يطرش رسايل واخخير شي الرقم غلط هههههه ..

واطف : هآه .. اي تلقينه خخبل ضيع رصصيده ., خذت التلفون و شافت ولا يطلع رقم (( خالد ))
عواطف شافت الرسايل كلها كانت رسايل تكفين ردي , مشتاق لج : معقوله لهدرجه يحبني .. وبسرعه يشتآق لي .. حتى انا احس اني مو شايفته من سنين .. رغم اني اليوم الصبح
طالعه معآه .. ممو مصدقه .. خالد الي قبل انا ويآه ما ندآني بعض .. كل ما شفنا بعض لازم تصير هوشه .. ومحد له خلق يشوف الثاني.. اما الحين .. غير والله غير ..

عواطف اتصلت على اماني ..
عواطف : قوه اموون ,
اماني : هلا عواطف ..
عواطف حست ان اماني متضايقه من صوتها وطلعت و قعدت تمشي بالحديقه : اماني شفيج ؟!
اماني : ما فيني شي ..
عواطف : الخبل سعود طاقج !؟
اماني : لا سعود ما سوو فيني شي ..
عواطف : بتجينا اليوم ..؟!
اماني : لا ما اقدر تعبآنه ..
عواطف : انا بجيج اوكي ؟!
اماني : هاه .. لا انا بطلع مع سعود ..
عواطف ركبت سيارتها ( كانت خربآنه وصلحتها ) : انا الحين بجيج ..
اماني : عواطف .. اقولج بطلع معآه ..
عواطف : اوكي ..
عواطف راحت لبيتها كان قريب عندهم وشافت سعود طالع بروحه و مششى وكان يسب و هو معصب ...
عواطف : اكييد مزعلها .. مالت عليه ما احبه .. اكييد هو مضايقها ..
عواطف دخلت بيتها , كانت رايحه لها بجاآمه < غبيه بس لاأن صوت اماني تعبآن .. وهم حيل يحبون بعض ويخافون على بعض ..
عواطف صعدت لداارها : اموووووون ...
اماني : شعندها جآيه ؟!
عواطف : قوه ..
اماني : انتي هبله ما تفهميين ؟!
عواطف : اي ما افهم انا شفت سعود رايح بروحه .. اماني شفيه وجهج صاير احمر .. انتي بآجيه ؟!
اماني : لا لا بس تعبآنه شوي ..
عواطف : قالولج مقصه عندج .. واضح من عيونج انج بآجيه ..
اماني قعدت تبجي وعواطف ظمتها
عواطف : الحيوان زآفج ؟! مد ايده عليج ؟!
اماني : كل يووم يطقني .. كل يوم ..
عواطف : يععل ايده للككسر .. الي ما يخاف ربه.. وليش ؟!
اماني : عشان العيال .. انا شذنبي اني ما اجيب اعيال شذنبي ...
عواطف كسرت خاطرها امآني : اماني .. خليه يولي .. و طلبي الطلاق منه ..
اماني : انا احبه والله احبه .. ما ابي اعيش من دونه ..
عواطف : خل يولي ... الحيوأن الحقير ..واصلا الدنيآ الحين تطورت .. وتقدرين تعالجين .. وبعدين شدرآج ان انتي المريضه .. يمكن يكون هو مريض .. عاد يا سلام متحمله واحد معقد نفسيا و لا مريض والله تدخلين الجنه ..
اماني : يمكن انا الي اكون مريضه مو هو ..
عواطف : ويمكن هو ..
اماني : ما ادري ..
عواطف تضايقت حيل على اختها ..
عواطف : انزين ليش ما تعآلجين ..؟!
اماني : كل ما اكلمه يقولي لا ..
عواطف : ولوا انشالله .. ليش ؟!
اماني : يقول فشله مرتي رايحه دكتور ليش لأنها مريضضضضه ما تجيب اعيال ..
عواطف :حمدلله والششكر .. المرض صار عيب .. يارب يكون هو المريض مو انتي قولي اميين ..
اماني : لا انشالله ..
عواطف : صج هبله ..تسكت وتكمل : اصلا انا لو اني منج جان تطلقت منه ... وما قعدت مع واحد خبل مثله ..
اماني : صدقيني هو طيب .. بس وده يكون ابو ..
عواطف : هذا وجهه وجه ابو .. خبل مو صآحي ,,
اماني : حرام عليج ..
عواطف : تححرم عيشته .. قومي اللبسسي و عطيني اي شي البسسه وامشي الدكتور ..
اماني : انهبلتي انتي ؟!
عواطف : يمكن تكونين سليمه .. وما فيج شي .. الللللله ونآسه تجين وتقولين له طلقني ما اقدر اعيش مع واحد مريض مثلك .. تخليينه يموت قهر..
اماني : حتى لو كنت انا مريضه .. بعيش معآه .. انا احبه ..
عواطف : حبتج القراده يا عوآطف .. من زينه عشان تحبينه ..
اماني : اماني ترى والله ما ارضى عليه..
عواطف : يعني ترضين انه يذلج .. قامت و طلعت لها عبآيتها . وكملت ... و عطيني بدله بلبسها .. جايتج بجآمتي ..
اماني : ههههه صج انج هبله ..
عواطف وراحت وبدلت ولبست نفنوف لونه تركوآز سآده و بنصه حزام بنفسجي و عليه فيونكه .. وحطت قلوس خفيف وردي و مآسكر .. وشكلها يهبل ..
اماني : حمدلله والشكر .. رايحين مستشفى مو عرس تارسه وجهج ميك اب ..
عواطف : وي عاد انا ما صدقت على الله اجي عندج .. ياىي مكيآجج يههبل ..
اماني : هههههههه اخذيه ..
عواطف : لا يبا خليه لج .. شرايج بشكلي ؟!
اماني : حلو نآعم ..بس مو حق مستشفى الله يفشلج ..
عواطف : عيونج الحلوين يلا اممشي ..
اماني :بس اخاف يدري ..
عواطف : عآدي ..
اماني : انزين .. يلا امشي ..
و ركبت سيارتها كانت سيارتها ( بورش كايين ) مو دديل السنه ..
وحاطه اغنية (( لاششحد حبك نجوى كرم )) ,, ومطووووله ..
اماني : صبي والله صبي .. قصري الله ياخذج فشلتينا ..
عواطف : افففففففففففف .. انشالله عمتي اماآني ..تسكت وتكمل .. الا صج اي مستشفى الحين بنروح؟!
اماني : اي مستشفى ..
عواطف : امشي بوديج السلام .. ما فيه احس منها وثقه ..
اماني : اوكي..
وصلو وقعدو ينطرون دورهم ..
و عواطف كانت تقرآ رسايل خالد ..
عواطف : والله احبه .. يآي فديته ..
طرشت له مسج ...
عواطف : االلــــــــه 94 مكآلمه .. لهدرجه انا مهمه عندك!؟
خالد : واكثر .. اليوم فيه هبله ردت علي .. رقعت السالفه وقلت وين ريم و قالت مضيع ..
عواطف :ههههههه هذي اكيد عبوره ..
خالد : اختج ؟!
عواطف : يس اختي ..
خالد : اها .. الله يخليها لج .. عآدي اتصل < يعني مودب ..
عواطف : لا انا مع اختي الكبيره ..
خالد : اوكي .. خلاص اليوم باليل اتصلي علي ..
عواطف : اوكي ..
اماني : شفيج انتي من اليوم وانتي ماسكه التلفون وتطرشين مسجآت ..
عواطف : اي هذي نوف الهبله ..
اماني : انزين يلا امشي وصل دورنا ..
عواطف : انشالله تبيني ادخل ويآج ؟!
اماني : اي تكفيين والله اخاف ..
عواطف : افففف امري لله ..
ودخلو وسوو فححوصآت .. وبعد نص ساعه ..
عواطف : هاه دكتور بشر ؟!
الدكتور : المدآم ما فيهاش حآقه .. سليمه ..
عواطف : صصج دكتور ؟!
الدكتور : آآه .. بس يمكن يكون العيب ف قوزها ..< مصري
عواطف: اوكي يلا دكتور مشكور وما تقصر.. و لما طعلت : مالت عليه و لا يعآيرج وطلع هو المريض .. حيوان والله حيوان
اماني وهي تبجي : عواطف لحد يدري .. الله يخليج لحد يدري .. انا احبه والله العظيم احبه .. و ياليت انا المريضه مو هو ..
عواطف : لا انشالله .. خليه يولي .. حيوان ما حس فيج .. وقعد يسبج ويقول المريضه والمريضه .. وباالنهآيه هو المريض .. مو انتي ..
اماني : الله يخليج عواآطف .. ما ارضى عليه والله ما ارضى عليه ..
عواطف : اففففف .. بس هو رفع ضغطي .. ليش يسبج .. الله يشفيه ..
اماني : انا ابي اعيال .. وبنفس الوقت ابيه ..
عواطف : تطلقي منه .. الأعيال اههم ..
اماني: لا هو اههم ..
عواطف : مالت عليج هبله والله هبله ..
اماني :آآآآه احس اني تعبآنه ..و اغمى عليها من كثر ما كانت تعبانه ومتضايقه ..
عواطف قعدت تصآرخ و تبجي و جو الدكآتره و انقلوها لغغرفه ..

 

[سميتك الغلا كله]

رد: ما خدعنا بعضنا .. الزمن بينا خاان .. روايتي الثانية واقعيية 50 % منآل ..

اماني لما صحت ..
عواطف وهي تبجي : هلا امون حبيبتي ..
اماني : عواطف .. انا وين ؟!
عواطف : انتي بالمستشفى يا قلبي ..
اماني تذكرت السالفه : امي درت بالسالفه ؟!
عواطف : لا محد يدري لا تخآفين ..
اماني : انزين انا ما فيني شي .. خل يكتبون لي خروج ..
عواطف : لا يبا انتي تعبآنه ..
اماني : ليش.. شفييني ؟؟!
عواطف : والله ما ادري .. بس نطري الدكتور خل يجي ونشوف ..
اماني اوكي .. بس الساعه الحين جم ؟!
عواطف : 11 باليل ,
اماني : اتصلي على سعود وقولي له اني بالمستشفى ... اخاف يحآتيني ..
عواطف : درى عنج هو ..
اماني : حرام عليج .. والله يحبني ويموت فيني ..
عواطف : انزين جم رقمه ..
اماني :...........9
عواطف : قوه سعود ..
سعود : هلا .. منو معآي ..
عواطف تستهبل : حبيبتك ..
سعود : منو انتي ؟!
عواطف : اضحك اضحك .. انا عواطف يعني ما عرفتني ؟!
سعود : هلا هلا عوآطف .. شعندج متصله ؟!
عواطف : لا ما عندي شي .. بس بقيت اسولف معآك ..
سعود : خير انشالله شلي بيني وبينج ؟!
اماني ميته ضحك .. كانت عواطف حاطه سبيكر ...
عواطف : احبك ..
سعود : حبج برص قولي اميين .. العنبو دارج استحي انا زوج اختج .. استحي ..
عواطف : هههههه استهبل والله العظيم استهبل .. بشوف عندك هالخرابيط ولا لا ..
سعود : شعندج متصله ؟!
عواطف تقول لأمآني :قطييعه .. كلش ما يعطي وجه .. من زينه عآد .. : لا ما فيني شي .. بس انت ليش واحد معقد وتافه و ما تضحك بس كله ماد البوز ومعصب
سعود : اقول عواطف ماني فاضيلج شعندج داقه ..
عواطف : ما عندي شي ..بس اماني بالمستشفى ..
سعود فز قلبه : شفيها ؟!
عواطف : عشتو .. خايف عليها ..
سعود : عواطف لا تحرقين اعصابي اماني شفيها ؟!
عواطف : ما فيها الا العآفيه .. اغمى عليها و وديناها ..
سعود : اي مستشفى ؟!
عواطف : السسلام ..
سعود : انزين انزين الحين جآي ..
عواطف : ععشتو .. لهدرجه خايف عليها ..
سعود : ايي اخاف عليها .. اذا ما خفت عليها اخاف على منو ..
عواطف تقلده : اذا ما خفلت عليها اخاف على منو .. انزين يلا باي باي ..
سعود : طسسسي ..
عواطف : انا اطس ..
سعود سكر التلفون ..
عواطف : زوجج هذا قليل ادب ..
اماني : بعد عمري يخآف علي ..
عواطف : يحبج صح .. بس ما يقدر مشاعرج ..
اماني : كل واحد يتمنى انه يكون ابو ..
عواطف : انزين انتي شذنبج .. هو الحمار المريض مو انتي ..
اماني : جب عواطف .. ما ارضى عليه ..
عواطف : وين الدكتور ليش تأخخر ..

عواطف كانت تسولف وتستهبل وتهاوش مع سعود ..
لانه ولد جيرأنهم ومطيحه الميآنه .. لما كانو صغار بس انقلو وسكنو ف بيت ثآني .. ولانها متعوده علييه هو واخوانه .. اربعه وعشرين يا هي ف بيتهم ولا هم ف بيتها ..

سعود عمره 28 , اسممر , طويل , مما فيه من الحلا شي بس مملوح حيييييل , و حلم كل بنت , مهندس كمبيوتر , دآرس ف امريكا .. كان يموت بأاماني بس يجرحها ..... ويحبها من كان صغير ..

و كان دآيس وبسرعه وصل للمستشفى و راح لها ..
سعود ما طق الباب حتى سيدا درعم و دخل وما سلم : اماني حبيبتي فيج شي ...
اماني : لا ما فيني شي .. بس تعبآنه شوي ..
سعود قعد جمبها بالسرير وقعد يلعب بشعرها وكان قلبه يعوره وصوته فيه حزن : مني صح ؟!
اماني : لا مو منك ..
عواطف : لا بوسها جدامي .. يلا بوسها ..
سعود : انتي اكلي تبن .. وربي مو فاضي لج ..
عواطف : اقول يلا عآد .. ترى انا الي جأآيبتها المستشفى .. انتي مال مستشفى خاص .. انتي الأميري تخب عليج ..
سعود : برا برا برا ..
عواطف : انا افتك من الدكتور تجيني انت .. خلاص بسكت ..
سعود : والله بس تقعدين عشان اماني ..
عواطف تذكرت موقف الاأستاذ لماكان بيطرد خالد بس قاله بتقعد عشان ابوك وقعدت تضحك ..
سعود : حبيبتي .. انا اسف .. والله ما كان قصدي .. بس كنت معصب شوي..
اماني تبجي .. لاأن سعود مريض .. مو عشانها تعبآنه ولا تبجي عشان سالفة اليوم .: لا عآدي ..
سعود : انزين لا تبجين .. وربي ما احب اشوف دموعج .. ومسحها ..
سكت وكمل .. وبعدين انا ما ابي الأعيال اهم شي انتي ..
اماني : حبيبي انت ..
سعود باس راسها : احبج ..
اماني ابتسمت ..
عواطف : جريء مشالله عليك ..
سعود : وانتي شكو .. اسكتي ..
عواطف : يلا كمل .. والله صكيتو على افلام الأبيض والأسود ..
سعود قعد يضحك على عواطف .. عواطف دمها خفيف و هبله و تحب تستهبل .. بس ما ترضى احد يغلط عليها .. ولا على وحده من خواتها ..

الدكتور دخل : السلام عليكم ..
سعود : هلا دكتور .. بشر المدام شفيها ..
الدكتور : الف مبروك .. المدام حآمل ..
سعود مآت من الونآسسه ... استآنس حيل .. عقب اربع سنين حملت .. : صصج دكتور ؟!
الدكتور: ااه .. الف مبروك..
سعود : الله يبارك فيك ..ولما طلع الدكتور ..
سعود : مبروك حبيبتي ..مستآنس حدي .. مبروك يا قلبي مبرووووووووك ...
عواطف من كثر ما استانسست دمعت عيونها : مبروك امووون ..
اماني : الله يبارك فيكم ...
عواطف بينها وبين نفسها .. , هذي شلون ما درت انها حآمل .. ما تأخرت عليها .. بس الحمدلله انها حملت .. والحمدلله ان الخبل سعود مو مريض .. الحمدلله يارب .. الحمدلله ..


عواطف اتصلت على تلفون البيت ..
شيخه ردت : الوو ..
عواطف : هلا يما ..
شيخه : عواطف .. وين رحتي وخبصصتي قلبي ..
عواطف : انا عند اماني بالمستشفى ..
شيخه : اماني فيها شي ؟!
عواطف : ما فيها الا العآفيه .. و ابشرج يا يما اماني حآمل ..
شيخه : صج ..
عواطف : اي والله .. لا تشوفين سعود شلون مستآنس ..
شيخه : بططير من الفرحه .. خلاص حنا الحين جايينكم .. اي مستشفى ؟!
عواطف : السلام ..
شيخه : خلاص حنا ف الطريج .. يلا مع السلامه ..
عواطف : باآي ..
شيخه: عبور .. بروره .. قومو لبسو بسرعه خلونا نروح عند اموون ..
عبير وابرار : شفيها اماني ؟!
شيخه : مبروك اماني حملت ...
عبير : ونآٍسسسه .. واخيرا بصير خآله ..
ابرار : يس ونآسه .. اكييد الحين هي وسعود مستانسين ..
عبير : يلا يما الحين نلبس ونجي ..
شيخه : لا تأخرون انا انطركم تحت ..
عبير وابرار : انشالله يما ..
شيخه راحت هي وبناتها للمستشفى .. وكانو مستانسين حيل .. واخخيرا بعد اربع سنين حملت .. الكل كان متضايق انها ما حملت.. بس الحمدلله الله رزققها ,
عبير : مبروك اماني ..
ابرار : والله استانست لج ..مبروك ...
اماني: حبايبي الله يبارك فيكم ..
شيخه تضحك : حسبي الله عليج يا امون بتخليني اصير جده وانا توني شباب ..
اماني: ههههههه .. يما انا ما صدقت على الله احمل وانتي تحسبين علي ..
شيخه : مبروك يا قلبي .. تسستآهليييين .. والله يوفقج .. وتكلم سعود شوف يا سعود دربالك عليها .. لا تضايقها و لا تزفها ..
سعود : ههههه لا تخآفين خالتي .. بحطها بعيوني ..
اماني : يما وين ضاري ؟!
شيخه : ضاري رايح مع ربعه ..
اماني : وين هاآيت ؟! الساعه 12 ..
شيخه : راح الأفنيو ..
اماني: هههه ليكون رايح يغاأزل والله هالآيام جاهل هطول يجي و يغازل ويرقم بععد ..
عواطف : هههههههه .. اي و يعطيج رقمه وايميله و البيبي بعد ..
اماني : شخبار النسبه جم جآب ؟!
عواطف : اخوج الثآني على الصف ...
اماني استانست : صج ؟!
عواطف : يس .. وجآيب 65 الحمدلله انه ناجح ..
اماني :ِ شتقولين ؟!
عواطف : والله العظيم مدرسته خوشش مدرسه ..
اماني: ههههههه والأول جم جايب ..
عواطف : الأول فلسطيني ما ادري مصري ..
اماني : ههههههههه .. يا حلو ضضويري والله طلع شآطر ..
عواطف : اي وجاينا مستآنس يما نجحت باركيلي وانا الثاني ع الصصف ويقول مالي شغل وابي ايفون .. كشخه اخوي ..
اماني : هذا بو لييييت يخخب عليه ..
عواطف : ههههههههههه ..
سعود : لا يستآهل ضاري .. والحمدلله انه نآجح .. و بآجر ف المتوسط دخلوه خآص و خلو ينجح وبالثنوي يشد حيله ..
عواطف : اي بيدخل خآص هذا وجهه وجه حكومي .. الله يستر من المتوسط مغغيرين المناآهج وصايره صصعبه ..
اماني : صدقيني لو درس ينجح لأنه ذكي اسمالله عليه ..
عواطف : اخوج وين والدراسه وين .. خليها على الله يا معوده ..
سعود : يلا انا استأذن بروح ابشر الوالده تامرون على شي ..
شيخه : سلامتك ..
سعود : يلا مع السسلامه ..
شيخه : الله يسلمك ..
ولما طلع شيخه : دربالج جييبي ولد مو تجيبين بنوته ..
اماني : هههههههه يما شفيهم البنات ..
شيخه : بس زهقنا منهم ..
اماني :ههههههه الي من الله حيآه الله ..
شيخه : يما اضحك لا تصدقين ..

 

[جوري الغلا ~]

رد: ما خدعنا بعضنا .. الزمن بينا خاان .. روايتي الثانية واقعيية 50 % منآل ..

استانست حييييل لأماني وسعود
و عواطف وخالد الله يوفقهم و كفو يا خويلد زين انك خليت مهاويو بس الله يستر من هالمها
يعطيج الف عافيه حبيبت قلبي

 

[بحـةةِ غيـآبِ ≈ ™]

رد: ما خدعنا بعضنا .. الزمن بينا خاان .. روايتي الثانية واقعيية 50 % منآل ..

يعطيج الف عافيه حبوبه ع البارت الحلو

 

[سميتك الغلا كله]

رد: ما خدعنا بعضنا .. الزمن بينا خاان .. روايتي الثانية واقعيية 50 % منآل ..

استانست حييييل لأماني وسعود
و عواطف وخالد الله يوفقهم و كفو يا خويلد زين انك خليت مهاويو بس الله يستر من هالمها
يعطيج الف عافيه حبيبت قلبي

الله يعافيج ..
منوره ..

 

[سميتك الغلا كله]

رد: ما خدعنا بعضنا .. الزمن بينا خاان .. روايتي الثانية واقعيية 50 % منآل ..

يعطيج الف عافيه حبوبه ع البارت الحلو

الله يعافيج .. عيونج الحلوين حبيبتي ..
منوره ..

 

[MaNo0$H]

رد: ما خدعنا بعضنا .. الزمن بينا خاان .. روايتي الثانية واقعيية 50 % منآل ..

البارت كاان حيل حلوو....

يعطيج العافيه....

كملي .... ولا طولين علينا

 

[رآآحٺ آيآمڪْـ]

رد: ما خدعنا بعضنا .. الزمن بينا خاان .. روايتي الثانية واقعيية 50 % منآل ..

فديتجًً يً الاميررٍرة. ،.
تكفيًن ً يً قًلب ...
كملي *

 

[Føzöø]

رد: ما خدعنا بعضنا .. الزمن بينا خاان .. روايتي الثانية واقعيية 50 % منآل ..

سلااام حبيبتي شلوونج !!
يسلمووو حياتي ع البارت عجيييب
حيااتي اماني اخيرا حملت استانستلها حبيبتي والله
و خالد يحليله شكله يحب عواطف من صجها بس الله يهديه
اممم و اتوقع هالمها مو خاليا بتسوي شي
امم و اتوقع عبدالله راح يحب حلااا و حلا بعد (( ادري كيفي خخخخ )( *
ووووو بس ناطرينج يا قلبي نبي كل البارتات جذي طوال
و يسلمو مره ثانيه ع البارت
و اب اب اب لعيونج

 

[جفاكـ ضيع غلآكـ]

رد: ما خدعنا بعضنا .. الزمن بينا خاان .. روايتي الثانية واقعيية 50 % منآل ..

تسسسلم ــايييدج ع الروآيــة عجيييبــة


ونااطرييين التـــگمــللـة ؛*

 

[سميتك الغلا كله]

رد: ما خدعنا بعضنا .. الزمن بينا خاان .. روايتي الثانية واقعيية 50 % منآل ..

فديتجًً يً الاميررٍرة. ،.
تكفيًن ً يً قًلب ...
كملي *

فداج كلي يا الغلا .. :eh_s(22):
ابشري انشالله اليوم بكمل الفجر ..

منوره حبي ..

 

[سميتك الغلا كله]

رد: ما خدعنا بعضنا .. الزمن بينا خاان .. روايتي الثانية واقعيية 50 % منآل ..

سلااام حبيبتي شلوونج !!
يسلمووو حياتي ع البارت عجيييب
حيااتي اماني اخيرا حملت استانستلها حبيبتي والله
و خالد يحليله شكله يحب عواطف من صجها بس الله يهديه
اممم و اتوقع هالمها مو خاليا بتسوي شي
امم و اتوقع عبدالله راح يحب حلااا و حلا بعد (( ادري كيفي خخخخ )( *
ووووو بس ناطرينج يا قلبي نبي كل البارتات جذي طوال
و يسلمو مره ثانيه ع البارت
و اب اب اب لعيونج

وعليكم السلام .. تمام الحمدلله وانتي ؟!
الله يسلمج يا الغلا ..يمكن ..
لوووووووووول يمكن يحبون بعض .. و هالمها الله يستر منها ..
لوول من عيوني ..
الله يسلمج .. ثاآنكس فديتج ..

 

[سميتك الغلا كله]

رد: ما خدعنا بعضنا .. الزمن بينا خاان .. روايتي الثانية واقعيية 50 % منآل ..

تسسسلم ــايييدج ع الروآيــة عجيييبــة


ونااطرييين التـــگمــللـة ؛*

الله يسلمج ..

انشالله اليوم الفجر بكمل ..

 

[سميتك الغلا كله]

رد: ما خدعنا بعضنا .. الزمن بينا خاان .. روايتي الثانية واقعيية 50 % منآل ..

يعطيج الف عافيه حبوبه ع البارت الحلو

الله يعافيج ... عيونج الحلوين قلبي ..
منوره ..