تحبين زوجج ؟؟ اكيد؟ عيل ليش ...... ها ؟ بعدج متاكده؟

[رحيل المرافيء]

مصيركم بتتواجهون عند ربكم وياخذين حقج لو كان ظالمج وتزوج عليج ونتي مو مقصره عليه وتارستله عينه

الزواج الثاني مو ظلم حتى لو كانت الزوجة مو مقصرة ترى

والله ان النساء وردة هالدنيا .. والريايل مو حاسين يعاملونهم بقسوه وفضاضه وانانيه

وبالاخير هن اكثر اهل النار

عندج اعتراض ؟؟؟
هذا حديث للرسول اكثر اهل النار نساء
يعني الرسول غلطان

 

[وردة^الكويت]

الله يجزاج خير

 

[mi corazon]

الزواج الثاني مو ظلم حتى لو كانت الزوجة مو مقصرة ترى


ادري حبيبتي .. مو حرام .. بس لو كان يهدم بينته ليش يسويه؟ حبيبتي الريايل هالوقت ياخذون من الدين اللي يعجبهم ويخلون اللي ما يعجبهم

ياما شفت ريايل يتزوجون بعد ما ينكلون بالاولى وحتى يجردونها من فلوسها والثانيه اهي الكل بالكل .. والله ياخيتي شوفة عيني .. تزوج عليها بعد ما صبرت عليه سنين وتعبت علشانه .. ولما اعترضت طلقها وعلشان ما يصرف عليها ولا على عياله اخذ اقساط اخوانه وخواته كلهم خلاهم عليه علشان يفهم القاضي انه ما يقدر عالنفقه .. واهو الله فاتح عليه من سعه .. بس شتقولين .. الله الهادي

عالعموم ماعندي اعتراض على هالشي بالذات وكان عارض في موضوعنا .. ما ناقشتيني بلب الموضوع ورحتي للجانبيات




عندج اعتراض ؟؟؟
هذا حديث للرسول اكثر اهل النار نساء
يعني الرسول غلطان

ليش انتي عندج اعتراض؟ ومن وين يايبه انا هالكلام؟ مو من حديت الرسول صلى الله عليه وسلم

كلنا نعرف بالدين الحمد لله

اقري الكلام عدل .. نعم هن اكثر اهل النار .. يستغربون الحريم يقولون الحين احنا نصبر ونداري والريال يسوي البلاوي واحنا اكثر اهل النار؟

حبيبتي هذا حديث نفس اعتقد معظم النساء تفكر فيه .. انا ما اتبلى بس الموضوع للنقاش مو النجره

الزوجه الشاطره تعرف شلون توافق بين بيتها وربها .. ولا بتخسر دنيتها واخرتها واهي تدور بس رضى الزوج

استغربت بصراحه .. جنج قاعده تدورين الثغرات بالموضوع علشان تناجرين مو تناقشين

المهم شرايج بالمضمون؟ ماقلتيلي؟

 

[EleGanZa]

دُرَرْ ! يزاج الله خير حبيبتي

 

[FeShinGoOo]

لا يخون ولا يتزوج ..

وماله حق لو مهما كانت الاسباب

اوكي مقصره خل يقولي ترى مقصره هالشي مو عاجبني هالشي مظايقني مو يخون مره وحده

يبي يتزوج من حقي اعرف ومن حقه يتزوج محد يمنعه وانا من حقي اختار اذا بستمر معاه او لا

بس في نقطه صح ان حب رب العالمين اهو الاهم

بس انا بسألج امج وابوج اذا حبيتيهم بتكونين مقصره بحق ربج او بتكونين راكظه ورى الدنيا ؟؟

لا بالعكس الحب من الرحمه والرحمه من صفات المؤمن وكذلك حب الزوج رحمه وموده بين الزوجين


وكافي رسول الله عليه الصلاة والسلام بين منزلة الزوج العظيمه لما قال : { لو كنت آمرا لأحد أن يسجد لأحد لأمرت المرأة أن تسجد لزوجها }

يعني حتى حب الزوج وطاعته لج اجر عليها

اصلا لو الوحده ماحبت زوجها احس فيها خلل بشخصيتها ونفسيتهاا

 

[classicyah]

انا استغرب من مجتمعنا الع الخليجى بالذات ومن تفكيره

ليش لا عنين ابو اسلاف المرأه ..... ليش المراه تستحمل كل شىء عشان رضا ريال يمكن ما يستاهل
ولا اللى يسبب الالم للمرأه المرأه نفسها يعنى احنا عدوات بعض لمصالحنا ....

بصراحه الريال لو تزوج 4 بعد الاربع ما يشبعونه وبيقعد يخووون ... هاى ريايلنا عندهم المرأه اداه جنس فقط .............
ليش كل الدفاع عن الريال
خاطرى اجوف مواضيع كيف تحترم زوجتك ؟ كيف تفرح قلب زوجتك ..
ترا احنا علمنا ريايلنا يطالعونا بنظره دونيه ... يبون الوحده زوجه خدامه مربيه صديقه عشيقه وهو شيصير حضرته ... ؟ ماموقعه من الاعراب .. الفراش وبس ... ليش يكون فاشل فى زواجه ومع عشيقاته فنان مو يقدر يوفر هالكلمتين وجم دينار لزوجته يفرح قلبها فيهم ... نسى قول الرسول رفقا بالقوارير بس الحبيب من طنقر وتملل راح تزوج ولا خان ... وبعدين تحطون كل العيب على زوجته
ليكون الرجل الخليجى ملاك ولا سوبر مان وما يغلط .. والمرأه الخليجيه الرجل الحديدى والا المرأه الخارقه ... صراحه انا قمت اتنرفز من هالافكار القديمه ... بصراحه انا وحده من واحد من اهلى يطنقر على زوجته اهديه واسايسه واقوله روح خذ لها هديه ودلعها وطلعها انت اللى بترتاح .. ولما يطبقون هالشى يرجعون لى فرحانين .. ليش لان احنا ما ننصح احنا بس اوووه عورت راسك روح تزوج عورت راسك روح خوونها مو هو يمكن اهبل ومو حاس بزوجته ولا فاهمها انا لو عندى ولد عمرى ماراح اربيه على تربيه الخليجيين .. بربيه ان المرأه شىء مقدس له احترامه يمكن مستقبلا يطلع جيل عدل .. يعرف يحس ويحترم زوجته ونفتك من الطلاق والمشاكل

كلآمج بالصميمْ . . :eh_s(11):

و الله كنت بكتب مثل هالرد بالضبطْ ،

أوآفقج 100% على هالرآي ،

و الله ألحين الريآييل مآ يستآهلون اتسويـن لهم شيْ ،

كلهم أنآنيـن ،

نحـن يآ الحريم الي انتعب عمآرنآ ،

و يآليت لو يبيـن بعيونهم ،

يآمآ حريمْ ، صآروآ مثل العشيقآت عشآن يرضى هالزوج و لآ يطآلع غيرهآ ،

يآمآ حريمْ ، زوجوآ ريآييلهم 3 بدل الـ وحده ، عشآن يستآنس و يعيش مرتآح

شو حصلوآ غير بطة الجبد و أمرآض الدنيـآ . . :eh_s(16):

مآ يستآهلون ،

خل هم أول يتعلمون كيف يحترمونآ ، كيف يقدرونآ ،

و عقب يصير خير :eh_s(15):