شركات التغذيه منو احسن فيهم وجم نزلنى (الجزء الثانى وبالصور)

[حياة زوجي]

منال القلب
عليج بالعافيه بس ممكن اسال انتى من اول ما اشتركتى حاطين لج هالكميه ومستمره عليها
ترا انا نسيت لووووووووووووووول
وسآل الثانى وزنج قاعد ينزل على هالكميه
لانى بصراحه تفاجئت الكميه وايد بس ما عليج من كلامى طبعا الاخصائيه تفهم اكثر منى
بس ابى الاجابه لغرض معين فى نفسى يراودنى خخخخخخخخخ

 

[حياة زوجي]

----


بصراحه مازلت متحبطه ..... كنت بجرب شركه يديده بعد العيد وحيل كانت ببالي دايت سنتر
بس مااااميش عروض
وهيلث كومباني لو لاحقه ع العرض جان اشتركت بس خيره لاني مابي اقابل الاخصائيه الفاشله
محتااااااااره
تهقون بالعيد يسوون عروض ؟

عنيد يمكن خيره والشركات احتمال تسوي عروض بالعيد واذا سمعنا راح نبلغج
صديقاتج وياج راح يعلمون كلنا على قلب واحد صرنا حمله لووووووووووووول
انتى هالايام حاولى يكون اكلج بكميات محدوده علشان ما يصعد الوزن اوفر
والبنات اذا اسمعو بشى ما راح يقصرون

 

[فنار الكويت]

مراحب بنااااات
بصراحة أنا اقول اللي ماشتركو يشتركون عقب رمضان أحسن ويبتدون بداية حلوة والجو يكون تعدل وتقدرون تمشون وما أحس ان وجبات الشركات برمضان فيها شي مميز بناء على ماشفته من الصور
ودمتم بود
​

 

[حياة زوجي]

مرحبا



تمر

شوربه الدجاج بالذره

فتوش

الربيان بالمنيور وخضروات

صب القفشه

مينى تورتيلا مشروم مع جبن

سلطه فاكهه المانجو والخوخ والفراوله

متبل وخبز

بيتزا كالزون بيبرونى

روب بالفاكهه

 

[منال القلب]

حياة زوجي
ان شالله اقولج... تامرين

طبعا قبل لا ادخل دايت كير كان وزني

64 وطولي 172

وحطتلي 1400 كالوري
مع انها مو مقتنعة وكانت تقولي
وزنج حلو ماني عارفة ليش تبين تضعفين!!
وبعد أسبوع وياهم صرت

63

ولما رحت أول مراجعة وقلتها دكتورة انا احس بيوع
وما أقدر أصبر بين الوجبات جان أقولها دكتورة أبي
أثبت وزني.. جان تقولي وأخيرا اقتنعتي ان وزنج حلو ماله
داعي انج تنزلين.. جان تقولي راح احطلج 1700 كالوري
جان أقولها اوكي..


قعدت أسبوع على هال 1700
وصار وزني

60.2

مع ان المفروض يثبت على 63 بس مادري شصار..

ومن جم يوم وزنت وصار وزني 61.5

والمفروض أروح هالايام مراجعة بس كنسلت لأن مالي خلق برمضان

واشتراكي راح يخلص يوم السبت الياي

والظاهر وزني راح يستقر بين 61 و 60

والف الحمدلله..

مادري انا شلون جسمي صاير الصراحة

لاحظي انه مو ثابت على وزن معين..

 

[حياة زوجي]

عيل تدرين اشلون انا مراجعتى يوم الاربعاء وراح اقول للاخصائيه تعطينى 1400 وبشوف وزنى راح ينزل والا لا بجرب مده اسبوع وراجعهم بشوف وزنى وعلمج
مشكلتى وزنى ينزل بطئ لانى مافينى دهون وحاليا وزنى 57 وابى 55
وبصراحه انا ملتزمه من اول رمضان بس فى يوم واحد خربطت مع الاهل وخبصت عدل

 

[منال القلب]

انا أحس ان رفعتي عدد الكالوري ينزل الوزن فجأة من بعد
ما كان متعود على كالوري معين... فشوفي وجربي يمكن ينفع
وياج.. وان شالله يضبط وياج نفس ما ضبط معاي.. موفقة يارب
وبالعافية الأكل..

 

[راعية الطويلة]

عليكم بالعافية الوجبات

بس حيوت كم طولج عشان تبين 55 !
مو كأنه يضعفج حيييل

عاد تصدقين حيوت

التزمت فترة بسيطة بالشركه
و عقب كملت من نفسي
و صاجة المفروض أخاف على وزني
و ما أنسى نفسي
و أنا ملاحظة على نفسي..

الأكل بالليل يسمني >>طبعا التخبيص و الدسومات

و الله يعيننا يا رب و ننحف بعافية و صحة و راحة بال

آمين

 

[حياة زوجي]

انا طولى 162 بس انا ابى 55 علشان مهما اخربط يصعد كيلو كيلووين اقدر ارجعهم مره ثانيه

 

[عنيّد]

عنيد يمكن خيره والشركات احتمال تسوي عروض بالعيد واذا سمعنا راح نبلغج
صديقاتج وياج راح يعلمون كلنا على قلب واحد صرنا حمله لووووووووووووول
انتى هالايام حاولى يكون اكلج بكميات محدوده علشان ما يصعد الوزن اوفر
والبنات اذا اسمعو بشى ما راح يقصرون

اي الحمدلله على كل شي
وصدقتي والله انتوا مومقصرين ابد الله يعطيكم الف عافيه :eh_s(17)::eh_s(9):

مراحب بنااااات
بصراحة أنا اقول اللي ماشتركو يشتركون عقب رمضان أحسن ويبتدون بداية حلوة والجو يكون تعدل وتقدرون تمشون وما أحس ان وجبات الشركات برمضان فيها شي مميز بناء على ماشفته من الصور
ودمتم بود
​

مراااحب فنووور
تصدقين انا أأيدج
امس كنت اقول حق اختي وولد خالتي ان رمضان نص اليوم مجبورين صاكين الحلج ، وباقي اليوم قصير وسهل الواحد يحكم نفسه ، يعني الرجيم هيّن برمضان بالذات هالسنه لان فترة الصيام اطول من الفطر
عشان جذي نويت عقب العيد




قراري الي اتخذته امس ... شفت موضوع قطوووه ، واللنكات الي حاطتها ، هممم اقتنعت بشركة كالوري كنترول من ناحيتين ، المكان لانه قريب وهالشي مهم بالنسبه لي لاني ابي مراجعاتي فترة الصبح استاذن من الدوام فأبي شي بالديره يمي
وعشان نوعية الاشتراكات عندهم مختلفه والاسعار مناسبه
عاد قلت بجرب اشتراك الثلاث وجبات + سناكين ... طول الاسبوع بدون اليمعه والسبت ، وهالشي عجبنييييييييي عشان لا يتكرر الملل الي صار معاي المره الي طافت وماصدقت متى خلصت من الحياة الكرتونيه بسبب شوقي لأكل البيت فبتكون فترة الويك اند من اكل البيت وبحدود الرجيم طبعا
بس الي ماعجبني شغله وحده ، ان مراجعة الاخصائيه كل اسبوعين :eh_s(10): لكن بحاول اتغلب على هالشي :yaaaaaarb:
عاد دقيت امس وحجزت موعد عقب العيد .... وبما اني ببلش رجيمي يوم الخميس ١١/٨ فخليت موعدي تقريبا عقب شهر :eh_s(15):

 

[قطوووة]

بنات انا ان شاء الله بعون الله بنزل الصور واكمل يومياتي باجر .. لان باجر اخلص فاينل

وانزل لكم باجي الايام اللي مانزلتها وتقدرون تشوفون وتحددون وجذي ..



عموما ..

في شغلة لاحظتها بنات .. انا حطوا لي الكالوري 1200 وبعد اول موعد اللي هو كان اسبوعين من اشتراكي نزلوا لي 1100
كان وقتها علي الدورة .. ونزلت بس 500 غرام .. وقالت لي ماينفع اخذ وزنج وانتي عليج الدورة ناخذه المرة الياية ...
لان الدورة تزيد جم كيلو ..

عموما .. الحلو ان نسبة الدهون نزلت وانا حسيت بخفة نوعا ما .. يعني جينزي حسيته وسع شوي




السؤال هو

ليش انتوا اكثر من 1200 ؟ هل طبيعه الجسم اوو ع حسب الطول او الوزن لان استغرب البعض 1500 باليوم
احس وايد يعني



اي صح .. المفروض موعدي اليوم بالليل . لكنهم امس دقوا وقالو ان الاخصائية ماراح تكون متواجدة وتأجل الموعد للخميس ..

يالله سهالات

وسلامتكم ...

 

[حياة زوجي]

منيو اليوم




تمر

شوربهثمار البحر الحامضه بالفلفل

بريانى ربيان

سلطه الرقى

مينى فطاير لحم مفروم

تشيز كيك فراوله

متبل شمندر

شاورما لحم

روب بالفاكهه

حمص

 

[منال القلب]

قطوة: ناطرينج.... اما عدد الكالوريز على حسب جسم كل شخص اعتقد

حياة زوجي بالعافية وتشيز كيك فراولة انا ذايقتها روووووووعة

 

[منال القلب]

upp

 

[عنيّد]

صباح الخير


اشفيهم الربع طاخين :eh_s(10):

حياة ،، عليج بالعافيه الاكل ، اشتهيت الرقي الحييييين ، ياربي الصيام عطششش اكثر من اليوع


قطوووه ،، يالله ننطرج اليوم انشالله تخلصين :ggdw:




همممممم بنات انا في قرارة نفسي "متعوب عليها ادري " اي عاد انا بقرارة نفسي مقرره شي خطير ويخوف بالنسبه لي
انا وحده مليت من الرجيم وكنت متفقه مع نفسي ببداية هالسنه اني مابيها تخلص الا وانا ضعفانه ، وللاسف للحين ماحققت ولا شي :eh_s(2):
فقلت بآخر اربع اشهر بهالسنه خلاص بحكر عمري بالوجبات وهذا بالنسبه لي عقاب لاني مو راعية حياة كرتونيه وامل من ثالث اسبوع بس بحاول اجبر عمري
اقلها شهر شركه وشهر بالبيت .... مابقى شي عالسنه خلاااص وانا نفسيتي تعبتتتتتتتتتت

 

[q8**girl]

السلاااام عليييكم ...

شلونكم يا حلويين ؟

مليييت مليييت مليييت من الرجيم وخلاص اتخذت قرار ان اشترك بالوجبات لما اضعف وكل شهر بجرب شركه .. انا كنت مجربه دايت سنتر ونزلت ٨ بشهر بس مارديت اشتركت هالكلام من سنه يمكن فكنت طالبه فشوي صعب اشترك كل شهر بس مدام اللحين توظفت خلاص ماكو عذر

بشترك بعد العيد بس بسالكم عن شركتين ..
لو فات وكالوري كنترول ؟

لوفات ذايقته وعاجبني واختي مره اشتركت فيه بس كالوري كنترول شلون اكله واهم شي فيه زفر ولا لا حدي متعقده وجم تقريبا انزل بالشهر ؟


والله يضعفنا بصحه وعافيه كلنا يااارب ؛**

 

[عنيّد]

q8**girl ،، شكلنا كلنا بنلجأ لأضعف الايمان وهو الوجبات لول
المهم بالنسبه لكالوري كنترول فبتشوفين بالموضوع صور قطوووه مشتركه معاهم ، وحاطه اللنك الي فيه يومياتها هذا هو http://www.q8yat.com/t896448.html
دخلي موضوعها وانشالله تستفيدين منه

 

[حياة زوجي]

وهذا منيو اليوم





تمر

شوربه العدس

سلطه الطماط المشويه مع صلصه الثوم بالاعشاب

حمسه اللحم البقرى مع البطاط والجزر مع الخبز

سلطه الرمان مع البوملى

بيتزا مورتديلا

ترايفل الرمان

تغميسه خضار مع صلصه قيصر

فول على الطريقه المصريه

روب

 

[LUXURY]

السلام عليكم يا رشيقات
انا كنت متابعتكم من الجزء الاول
صراحه انا كنت معارضه فكرة شركات التغذيه
واحنا بجمعيتنا في دايت كير وفي لو فات يتني فتره انا اخذ بحيث ما اعدي 1500 كالوري وكنت امشي كل يوم ساعه والعب عالاجهزه
وما اخربط وعقب اسبوعين انصدممممت اني زايده كيلو ونص
وماكان وقت دوره كنت مخلصتها يعني المفروض حتى وزني الدوره ينزل

رفيجتي اشتركت قبل شهر بدايت كير ونزل بشهر 4 كيلو بس اهي وزنها قريب من الوزن المثالي
يعني كانت تبي تنزل اخر 10 كيلو
وبسراحه انا ادري دايت كير اكلهم لذيذ بس ما ينزل الوزن

تشجعت على هيلث ستوب بس لما شفت تجربة عنيد ما تشجعت @@
شفت قطوه وملكة زماني يمدحون كالوري كنترول بس للأسف ملكه ماحطت وزنها النهائي

أنا طولي 162 ووزني 75
ابي انزل 20كيلو
ودي اجرب شركه لو اسبوعين انزل والتزم بالريجيم وبعدين اكمل بروحي

اشرايكم؟؟ كالوري كنترول والا هيلث ستوب؟؟

 

[^^ROSE^^]

1500 وايد
1200 اكثر شي اذا تبين تنزلين

انا بجرب هيلث كومباني عقب العيد ان شاء الله
وان شاء الله اضعف
لان الحين قاعده اضعف بسرعه ماشاء الله على رجيمي فأخاف اشترك ماينزل وزني
منو مجربه عقب ماسوت رجيم ونزلت تشترك بشركه؟