الشهر التاسع والنفسة الزفت والتعب ...حياكم نسولف ؟؟

[anooma_86]

صح يزيد اذا معدتج فاضيه الله يعينج.. انتي الحين بأي اسبوع؟؟

 

[وردة النرجس]

يقولون ان الحارج يعني البيبي عنده شعر راس وايد

والله يعلم

انا بنتي الثانيه وايد حارج كان معاي وصج يبتها عندها شعر كثيف

والثالثه ماحاشني وايد وطلع شعرها خفيف

وناس تقول ماله علاقه مايندرا

 

[anooma_86]

انا لم كان فيني حارج ولدي طلع عنده شعر شحليله و هالمره بالسونار الدكتوره ورتني شفت شعرها سبحان الله مبين بالسونار و شكله وايد فأتوقع مو شرط

 

[وردة النرجس]

ماشالله انوما الله يخليهم يارب

شكلج متشوفه حق العروس ناطرتها مزهبتلها الكوشه ودزتها والورديات واي ياحلاة البنات

ذكرتيني باحساسي يوم دريت ان فيني بنيه بعد ولدي البجر علطول نزلت السوق وشريت هالوردي والنفانيف

ياختي عالبنات سوالفهم واشيائهم تشوق انج تشترين

 

[بيرلا ستور]

الحمد لله ما اتوقعت اصبر واصوم برمضان

للحين صامدة وقاعدة اصوم الحمد لله

بدش الاسبوع ال38 باذن الله

يالله هانت متى ماربي يريد مابقى شي

 

[كويتيه بالفراوله]

انوما

الحين انا ٣٨ أسبوع يالله مابقى شي.

 

[كويتيه بالفراوله]

ليدي

شخبارج والله أنا نفسج ماتوقعت اصمد للحين يالله شكلنا بندخل الولاده مع بعض.

 

[anooma_86]

ماشالله انوما الله يخليهم يارب

شكلج متشوفه حق العروس ناطرتها مزهبتلها الكوشه ودزتها والورديات واي ياحلاة البنات

ذكرتيني باحساسي يوم دريت ان فيني بنيه بعد ولدي البجر علطول نزلت السوق وشريت هالوردي والنفانيف

ياختي عالبنات سوالفهم واشيائهم تشوق انج تشترين

اييييييييه جنج تدرين انا لم دريت ان فيني بنوته ينيييييييت و استخفيت من دخلت شهري الثالث و انا أجهزتها هالعروسه و اسمها منقيته من قبل لا حمل فيها الحمدلله الحمدلله و انشالله اشوفها جريب

 

[anooma_86]

انوما

الحين انا 38 أسبوع يالله مابقى شي.

انتي سابقتني. بأسبوع انشاءالله تولدين قبلي

 

[anooma_86]

الحمد لله ما اتوقعت اصبر واصوم برمضان

للحين صامدة وقاعدة اصوم الحمد لله

بدش الاسبوع ال38 باذن الله

يالله هانت متى ماربي يريد مابقى شي

الحمدلله انشاءالله تصومين لين تولدين بالسلامه والله احسلج عشان مايصير عليج دين وايد

 

[كويتيه بالفراوله]

انوما

الله كريم الله يهون علينا انتي عشان قيصريه عارفه موعد ولادتج.
*

 

[بون سواريه]

هاي انوما مشكووره حبيبتي
اي والله ومشكله الصخووونه ما تروح منج لان مناعتج ضعيه
بنات تكفووون عطونا طريقه نولد فيها انا احس بطني ارتفع فووق
شراب شي.
انقذووونا

 

[بون سواريه]

واااي الحارج اخر شهر خياال الله يهون علي كل حامل يااارب.

 

[Rinoa]

السلام عليكم ورحمة الله

وناسه حلو التجمع
للبنات اللي عندهم الحارج , اهو يزيد بالصيام بس انا اكتشفت علاج له
قلت لدكتورتي زينات (دار الشفاء) وكتبت لي على علاج رهيب اشربه بعد السحور

تذكرونه اللي كانوا يحطون دعاياته بـ MBC لوول
رهيييييييب الحارج اختفى نهائياً حتى مع الصيام والبطن الفاضي..

انا لي 6 ايام من دخلت التاسع ومو حاسه بشيء ولا امشي ولا ابذل مجهود
ابي اولد على نهاية التاسع على العيد إن شاء الله يا رب , بنات جم الولاده الطبيعيه بمستشفى السلام :eh_s(7):​

 

[anooma_86]

Rinoa حبيبتي مشكوره و زين سويتي حطيتي صورته انا كنت ناسيه اسمه و صج رفيجتي وقت الحمال كان يريحها من الحارج.. و على سعر الولاده مادري والله لان انا دكتورتي بالسلام بس سعرها أغلى من الدكاتره الثانيين بس في وايد مواضيع فيها الأسعار و انا كنت حاطه موضوع و ليلحين سعر الولاده ماتغير

 

[anooma_86]

هاي انوما مشكووره حبيبتي
اي والله ومشكله الصخووونه ما تروح منج لان مناعتج ضعيه
بنات تكفووون عطونا طريقه نولد فيها انا احس بطني ارتفع فووق
شراب شي.
انقذووونا

حبيبتي المشي على تراب البحر وايد زين بس ديري بالج لا تشربين أعشاب اذا ماكنتي مفتوحه عالاقل واحد سانتي

 

[وردة النرجس]

انا مجربته هذا الشراب زين يريح المعده

وفي منه اقراص بعد

انا مثلج رينو موقاعده ابذل مجهود ولا قاعده امشي وابي اكمل شهري علشان اولد على اخر رمضان ومايكون عندي دين وايد

 

[anooma_86]

شفينا كلنا مانبي نولد بسرعه اول مره اشوف قروب الشهر التاسع جذي هههههههه عاد اليوم بطني احسه نازل حتى حماتي لاحظت و ماسكني عوار بظهري الله يستر

 

[وردة النرجس]

يه يه يهه

ها انوما جنج بتخونين

الله يسهل بس

طمنينا عنج

 

[anooma_86]

وااااي وااااي عوار الي ماسك ظهري مو راضي يروح و نزلت علي افرازات بيضه ثقيله الله يستر ابي بنتي تكبر شوي مابي اولد