شركات التغذيه منو احسن فيهم وجم نزلنى (الجزء الثانى وبالصور)

[LUXURY]

هلا منال كاننا هههههههه

هذي وجباتي لليوم
بانشغل اليوم عنكم لان وراي عزيمه ان شاء الله اشبك بليل اقولكم برايي بباجي الاكل

الفطور
ريزوتو بالطماط + شوربة جزر

السناك
فراوله + عصير خوخ + كب كيك تفاح

الطبق الجانبي كبه باللبن + عيش ابيض + روب (الروب زدته ماي وشوية ملح وخليته لبن حق الفطور خخخخخ)

السحور
يابولي خضار مقصصه (خس خيار زيتون طماط وجبن ابيض وخبز صاج) + سلطة سيزر بدون دياي

الريزوتو كان زوين بس ماكملته اللي يحبون صلصات الطماط والدقوس بيحبونه اكثر
والشوربه حلوه بس مبين فيها طعم زيت الزيتون
وقلتلكم الروب سويته لبن خخخخ شسوي ابي لبن ومابي اخربط
والحاجه ام الاختراع

وبس فتكم بعافيه


بنات اليوم احس راسي يفررررررر وايد واحس راسي ثقييييل
مادري اشفيني

 

[قطوووة]

فطورج اليوم نفسي
شوربه جزر وريزوتو طماط





انا مرتاحة مع الفطور احسه خفيف حتى اني ماكملته
والله ان الفطور الخفيف رااااااااااااااااااااااااااااااااحه

 

[منال القلب]

بالعافية عليكم الأكل لاكجري وقطيوة..
وماشالله روعة حلوياتهم وفاكهتهم وعجبتني سالفة الخيار والجبن والخبز الصاج
ولاكجري شي طبيعي تحسين بدوخة لان معناها جسمج قام يتعود على الاكل.. كلها أسبوع وراح تصيرين عادي
انا جذي اول اسبوع كنت بحالة يرثى لها بعدين عاااااادي لاتحاتين حبيبتي
كثري شرب الماي والتزمي بوجباتج..

 

[الجوريات]

خواتي شنو احسن شركه اقدر اشترك فيها ودي انزل واجد من وزني احس خلاص بموت من التفكير ودي اسوي تكميم معده بس بعدين اقول لا الريجيم احسن ابي رايكم تعرفون ناس نزلوا اوزانهم حيل علي شركات التغذيه تكفوون جابوني خلاص انهبلت

 

[منال القلب]

^
^

نصيحة نصحية
لا تسوين تكميم معدة
اذا بايعة عمرج وتبين يصير فيج شي اسم الله عليج روحي وخاطري..
ترا جسم عن جسم يفرق صج صج بتندمين..
عندج هالشركات اشتركي وايد زينين لو وزنج 1000 راح ينزل بس يبيله عزيمة وارادة
وكله دلع:

احس الشركات

= دايت كير
= كالوري كنترول
= دايت سنتر
= هيلث كومباني


لا تختارين غير هالأربعة وكلهم اكلهم حلو وناطع وانتي تختارين الأكل بنفسج..

 

[نـعـوومـه]

وجباتي اليوم من كالوري كنترول

عيش ودياي و سلطه خضره




السناك عصير خوخ سلطه فاكهه كب كيك



كبه لحم ماكليتها لاني ماحب الكبب و عيش ابيض ومادري شنو صوصهم وروب




خبز وجبن و سلطه بطاط

 

[LUXURY]

امبيه بنااااات اليوم معزومه وخربببطت
اللي عازمتني تدري مشتركه بشركه تقولي لعبي رياضه يومين كل يوم ساعتين يروح خخخخخ
وايي حق اختي ابيها تزفني والا تقولي عادي انا اليوم بعد خربطت
خخخخخخخخخخخ
كملت
عاد سويتلي مطارة جاي اخضر مع حبه حلوه وينسون وكراويه مركززززززززززز
وقاعده ادردع قبل الامساك
وبالع باجر رياضه ساعتين

وقالتلي اخت رفيجتي انها اشتركت بدايت كير ومستحيييييييل تنزليييين بدون رياضه عالاقل ساعه الا ربع يوميا
بس باجر باذن الله باعوضه
بادق عالاخصائيه باقولها قللو الاكل وزيدو السوائل لان ماقدر عايشه جذي على مشروب واحد باليوم :\

 

[قطوووة]

16-8

الفطور :
تشريبة :
بطاط بوريه
خضار سوتيه
روستو ستيك لحم

السناك
ام علي
فاكهه
عصير برتقال

تفاحة امس

من قرقيعان امس

اطباق جانبيه :
سندوتش جكن
ناشوز
بخبز التورتيلا


عجيبة

السحور:
بيتزا مشروم
سلطة بباناشيه

صورة ام علي مو راضية تضبط :/

 

[قطوووة]

خواتي شنو احسن شركه اقدر اشترك فيها ودي انزل واجد من وزني احس خلاص بموت من التفكير ودي اسوي تكميم معده بس بعدين اقول لا الريجيم احسن ابي رايكم تعرفون ناس نزلوا اوزانهم حيل علي شركات التغذيه تكفوون جابوني خلاص انهبلت

انا مشتركة بكالوري كنترول وعاجبني اكلهم وسعرهم مناسب :شوفي موضوعي :
http://www.q8yat.com/t896448.html

امبيه بنااااات اليوم معزومه وخربببطت
اللي عازمتني تدري مشتركه بشركه تقولي لعبي رياضه يومين كل يوم ساعتين يروح خخخخخ
وايي حق اختي ابيها تزفني والا تقولي عادي انا اليوم بعد خربطت
خخخخخخخخخخخ
كملت
عاد سويتلي مطارة جاي اخضر مع حبه حلوه وينسون وكراويه مركززززززززززز
وقاعده ادردع قبل الامساك
وبالع باجر رياضه ساعتين

وقالتلي اخت رفيجتي انها اشتركت بدايت كير ومستحيييييييل تنزليييين بدون رياضه عالاقل ساعه الا ربع يوميا
بس باجر باذن الله باعوضه
بادق عالاخصائيه باقولها قللو الاكل وزيدو السوائل لان ماقدر عايشه جذي على مشروب واحد باليوم :\

تصدقين انا لاطلعت برا البيت اخذ اكلي وياي مابي اخربط صج صج ابي انزل ..


نعومة

بالعافية

 

[LUXURY]

قطوه
بالعااافيه ياقلبي
واي ذكرتيني بام علي يم يم اول يوم يابوها لي
اليوم الحلو نتتتتفه :\


الفطور
شوربة ملفوف ومرق باميه مع ارز بسمتي ولبن

السناك
كيكة تمر بالتوفو وقطع اناناس (لاتغيركم كلمة كيكه تراها نتتتتفه)

الطبق الجانبي
كورنفيكس فتنس وحليب خالي الدسم (وااااااااااااااي حبيبي ولهت عليييييييييييييه)

السحور
صاج باللبنه والزعتر ويمه قطع خيار وطماط + تبوله

الفطور كان لذييييييذ ولا جنه اكل ريجيم يهببببل
بس ماكملت العيش علشان اشرب قهوه

 

[راقية بأخلاقي]

مرحبا حباتي احباتي

اليوم الفطور كان لذيذ بس صارلي يومين مسكبة عالشوربة وامس خبصت الصراحة بس قاعدة احاول اعوض بالحركة

الله يستر عقب باجر موعدي والاهم انه راح اكون كملت ١٠ ايام مع دايت كير

 

[اللؤلؤة 22]

قوه ينات
شلونكم؟

الله يتمم عليكم ان شاءالله

انا وحده كلللش ماعندي اراده
وزني كان 125
اشتركت هيلث كومباني وكالوري كنترول ووصل 113

وهديت الاشتراك والحين رجع 127
وحدي متضايقه

كلهم يقولولي سوي عمليه تكميم
وانا خايفة اقول اشترك بالوجبات احسن

شرايكم؟

 

[راقية بأخلاقي]

لولوة مايصير نزلتي ١٢ كيلو وتوج على اول الطريق

لاتفكرين بالتكميم

انا عن نفسي عشان اشجع نفسي قمت اكره الاكل قمت اقول الصنف هذا حلو بس حرمني من اشياء واجد والاكله هاذي ولهت عليها بس ولهت على صحتي

ابدي خطوة صح ولا تستعجلين حطي خطتج على سنة وامشي بالهداوة وصدقيني راح تلقين نتيجة شجعي نفسج وكافئي نفسج راح توصلين لهدفج
وصدقيني الليً قاعد نسويه كله دلع لان صج اللي تبي شي راح توصلله

واي نصيحة انا حاظرة ترى اللي معاج كلت طراق وصحت قبل لا يفوت الاوان ونزلت ٢٣ كيلو بشهرين لما حست ان حياتها ماتستاهل الاكل وترس البطن

 

[(الحب)]

بنات سؤااااااااااااااال
ضعفتو من بعد الشركه ولا لا وجم نزلتو

مايهمني شنو الاكل حلو ولا لا مرده اكل رجيم واكيد الاكل العادي احلى

اهم شي الوزن ينزل ولا لا

 

[^^ROSE^^]

قوه ينات
شلونكم؟

الله يتمم عليكم ان شاءالله

انا وحده كلللش ماعندي اراده
وزني كان 125
اشتركت هيلث كومباني وكالوري كنترول ووصل 113

وهديت الاشتراك والحين رجع 127
وحدي متضايقه

كلهم يقولولي سوي عمليه تكميم
وانا خايفة اقول اشترك بالوجبات احسن

شرايكم؟

حراااام انتي قاعده تنزلين لا اشتركتي مو اللي مانزلتي ونزولج ماشاء الله زين
كملي اشتراك حتى لو 4 كيلو بالشهر بس شي طبيعي
الحين هاين عليج تقصصين بجسمج مو هاين عليج تلتزمين باشتراك؟
اذا ما اعندج اراده ماتنفعج العمليه
الرجيم هو تغيير اسلوب حياتج للاحسن
فكري باللي تحطينه بحلجج شكثر بيضرج و شكثر يبيلج عشان تحرقينه
وفكري بصحتج

ماتحتاجين عمليه شدي حيلج واشتركي وان شاء الله تنزلين بدون عمليه ولا عوار قلب
الله يسهل عليج ان شاء الله وينزل وزنج بصحه وعافيه

 

[أم حمد 4]

حبايبي بسئلكم كالوري كنترول لازم تحليل ولا عادي

 

[قطوووة]

هلا وغلا ..
17-8

الفطور :
دجاج بصلصة الطماط
شوربه كيما وميت بولز < ماذكر اني طلبتها .. وماعجبتني ماكملتها .. حطيت بدالها روب اكتيفيا

برغل للدجاج مع الطماط



الفطور كان نايس ..

سناك :
عصير مانغو
فاكهه الموسم
بودينغ الشوكولا

اطباق جانبية :
شاورما دجاج بخبز لبناني

السحور :
سندوتش هيرو الخضار بصمون
سلطة روب وخيار

والحمدالله كان يوم حلو:yaaaaaarb:







¨°•√♥ يومياتي مع .. كالوري كنترول ♥√•°¨

 

[قطوووة]

حبايبي بسئلكم كالوري كنترول لازم تحليل ولا عادي

كل الشركات لازم حبيبتي عشان يشوفون السكر والحديد والكلسترول
روحي باجر لمستوصفكم وحللي ..

18-8

الفطور :
ريزوتو بصلصة الطماطم
بالنسبة للريزوتو الاصلي .. فمال كالوري كنترول قوامه حلو ونكهته غنية (( وخذيت ربيانه من فطورنا ههههههههه ))

كلش ماحسيت اني اكل ريزوتو تبع دايت ..

جان اضيف سلطة

شوربة جزر ..
حلوة بس ماكملتها .. احس انتفخت



جاي مع بوقتادة وبونبيل :ggdw:

بعد الفطور طلعت من البيت .. وشريت هالحبوب اسمهم فات بيرنر .. مدحوهم لي
قلت اجرب ..

سناك
سلطة فواكهه
اوبرا كيك ( حلوة وفيها نكهه الموكا .. يمي عجييييييييبة )
عصير خوخ

اطباق جانبية :
ساندوتش بطاط بالزيتون بالصاج

ياربي انا اموت على سندوتشاتهم عجييييييبه كل ماطلب شي طلع احلى من اللي قبله

السحور :
جبنه لايت
خضار وزيتون
سلطة جيرمان
خبز صاج

حبيت سلطة الجيرمن حيل .. بطاط وفيه مثل جبنه كريميه خفيفة وعجييييييييبه غير المخلل واااااااااااااي

الجبنة اللايت خفيفة وملوحتها حيل زينه .. معتدلة



والحمدالله لك يا رب عالنعمة الفضيلة ..:yaaaaaarb:​

 

[راقية بأخلاقي]

قطوة عليج بالعافية
لاكشري وينج بشريني عنج
انا موعدي عشر بالليل والله يستر حرقت نفسي رياضة وحرمان وحكرة واحس موعد مقابلة توظيف مو موعد تغذية

بس اللي حولي كلهم لاحظوا ويقولون مايمديج توج ١٠ ايام

واصلا خايفة حماسي ينكسر عشان جذي حتى لو مو نازلة ما راح اقهر نفسي راح اقول عادي يبين عقب شهر

 

[LUXURY]

السلام عليكم

قطوه عليج بالف عافيه حبيبتي


لولوه
انا رايي بالضبط نفس راي روز
انتي لو تشتركين وماتنزلين نقول تدورين حل ثاني
بس ماشاء الله دام نزلتي استمري حرام تقصصين بعمرج
يعني قولي العمليه لو ب1000 دينار اشتركي فيها 5 شهور وجبات وبهال5 شهور انتي روحي الممشى يوميا نص ساعه غير حركتج بالبيت وشربي جاي اخضر
لو تضعفين 4 او 5 كيلو بالاسبوع اقلها بتنزلين 20-25كيلو عالاقل اذا مو اكثر لان وزنج فوق ال100 راح تنزلين اكثر
وبجذي تودعين ال3 ارقام على قولتهم وشوفي وضعج عقبها تروحين لدكتور تغذيه والا تكملين وجبات
والله نصييييحه نصييحه حرام تلعبين بعمرج
الاراده انتي تحطينها بنفسج مو العمليه بتحطها فيج


راقيه
ننطر موعدج
سكتي حايشني احباط واكتئااااب
لان مو قادره العب رياضه ولا امشي فحاسه اني ماراح انزل ومتضااااااايقه
بس ان شاء الله تنزلين وننزل معاج يارب