أستجواب وزيرة التربيه !!!

[كويتية صغيرة]

اولا اشكر صاحبة الموضوع:
فضلت ان انتظر الاستجواب لما يخلص و بعدين أعلق.

بصراحة

* توقعت ان يكون الاستجواب عن خطأ في التعليم او عن قانون في وزارة التربية أصدرته الوزيرة...... او امر تربوي بحت
لكن بعد الاستجواب

لاحظت ان الهدف الأساسي منه هو حادثة الاغتصاب و من الذي يحاسب اذا اغتصب طالب بمدرسة ؟؟؟؟ من هو المسؤول ؟ الإدارة المدرسية طبعا ..... الوزيرة ليست حارس امن فوق رأس كل طالب !! و كم مدرسة بالكويت ؟فيها آلاف الطلاب بالكويت و كل خطأ نضعه في رأس الوزيرة و على فكرة هناك حوادث اغتصاب حصلت من قبل ان تتسلم الوزارة في عهد الوزير السابق و لم يتحرك أحد (نفس النواب و نفس المجلس) ....... !....حتى المواضيع الأخرى عادية جدا و اغلبها أخلاقية تحاسب عليها تقصير إدارة المدرسة نفسها ....... لكن ....... لو حبتك عيني ماظامك الدهر

* ما الهدف من الاستجواب ؟
ليس الإصلاح ...... الهدف واضح و اللعبة مكشوفة ......
الوزيرة ليست على مزاجهم و لاتنفذ مايريدونه ...... باختصار تعمل ماتراه مناسب و تعمل ماتريد هي و لاتعمل مايريدون ...... و بالتالي لا تحقق مصالحهم لذا لايريدونها واصبحت شخصية غير محبوبة و غير مرغوبة .....

* اي شخص حين تعطيه منصب ..... يجب ان تعطيه فرصة كافية قبل ان تحاسبه .....خصوصا منصب مثل منصب وزير .... خصوصا وزارة صعبة مثل وزارة التربية ..... و اهي مامداها تتنفس في المنصب الجديد ......

* اسئلة الاستجواب ركيكة ، و ردودها جدا راقية بصراحة

* هل الوزيرة شخص من خارج وزارة التربية ؟ هل هي جاهلة بوزارة التربية و مشاكلها ؟ هي بنت نفسها طوبة طوبة على قولة المصريين ....... و انا شخصيا اعتبرها كفاءة و هي ابنة وزارة التربية

* اي شخص لايريدها حين احدثه ليش تؤيد الاستجواب ليش ماتحبونها ..... و خصوصا المدرسات ..... ألاحظ الأجوبة لانها لم تنفذ لي ماأريد ...... استنتاج عام ..... هي انسانة متفانية في عملها و لاتعترف بالمصالح الشخصية تعمل من اجل العمل نفسه و ليس من اجل فلان او علان و فوق هذا شخصيتها قوية و فرضت احترامها على الكل من خلال ردودها الراقية ...... و الأعضاء لايريدون شخص بهذه المواصفات

* اخيرا

ارجو و اتمنى حل مجلس الأمة ...... لأن على قولة كاتب صحفي ...... واضح الهدف من كل استجواب و صرنا مثل الأطفال..... و صار الوزير يكره انه يصير وزير

 

[أدووويا]

نورية الصبيح وزيرة و النعم فيها و انا معاها

لانها امرأة كفو و تستاهل هاللمنصب و اكثر

لانها غيرت اشياء بالتعليم و لها فضل في في كل شي

انا معاها معاها معاها معاها وللي يوقفون ضدها مايبون مصلحة الكويت يبون خراااابها و يبون واسطات فوق القانون و انا كلي فخر اني معاها ......

 

[توته الحلوة]

اشفيييج بحار هدي اعصابج حبيبتي
الحجي اخذ و عطا
لوووووووووووووووووووووول

 

[Hambka Q8]

ضد الاستجواب..







وايد كبروا سالفه الاغتصاب ترا..

من كثر ما كبروها .. "قبل اسبوع تقريبا"

صبيان عمرهم 10 سنين مغتصبين واحد وياهم بالمدرسه"

هذيلا اشعرفهم !! يمه @@







و هم

اكو وحده انعرفها تقول :

اهيا تعرف نوريه الصبيح

تقول لها نوريه : انا اروح الوزاره من الصبح لي العصر

و بهالوقت كله كل شغلي اني اخلص معاملات النواب
و
لا ما يمديني !!!!!!

و من باجر بدال ما اخلص اللي عندي .. يزيدون .. اييني دبل اللي عندي ! @@

و تقول شلون يبوني اصلح الوزاره و اهما مو معطيني فجه !!





و كله عشان ربعهم !!!!!!









اتمنى ينحل المجلس !!

بس خل ينطرون لما شهر 3
عشان اكمل 21 لول ;p








و اتمنى بعد تصير الكويت دائرة وحده

عشان ما نشوف مثل هالاشكال بالمجلس !!

 

[بنت الشاميه]

السلام عليكم أنا ضد الإستجواب وأيد كلام كيدي عظيم ورفرف الاستجواب فقط لانها إمراة وغير متحجبه.... أبي واحد من النواب اللي وافقوا على طرح الثقة يصير مكانها وزير للتربيه ويصلح ويعدل الوزارة فى نفس المدة اللي قعدتها ويراقب كل المدارس والجامعات والمعاهد والوزارة نفسها ....خله يصير سوبر مان........... بس عاد الكويت صارت مهزله

 

[رفرف]

hambka

حبيبتي سالفة الاغتصاب اصلا كبيرة لو هم عيالج او اخوانج الله يحفظهم بيهونون عليج ؟؟
بس مو نورية اهيه الملامة على هشي ..

 

[بطاطا]

انا علقت شوي لكن ما ابديت رايي الا لما شفت الجلسة كاملة بدت 7 و خلصت 3 الفير


المهم


ضد الاستجواب


المحاور الاربع كلها ما لها معنى للأسف !!! و لو بنقول مو كلهم خل نشيل محور منهم و اللي فيه اتهامات مثل ما يقولون قانونية

يقول لها : عدتي حق مدرس طلب 3 مرات شلووون يرسب و تعيدين له .. ردت عليه ان القانون يسمح بــ 3 مرااات حسب اللوائح بعد ما يرسب يقدر يقدم بعد شهر وااااحد مرة و مرتين " بلا شلووون تستجوب و تتكلم في شي مو عارفه "




و شنو تستجوب على انها ليش قبلت استقالة شخص بالوزارة بدوون لا تقول له ليش استقلت ؟؟؟!؟!؟!؟!




سالفة العارضية و مشرف و الطلاب الخمس و البنت اللي اهانت القرآن و الاسلام انا معاكم مالها يد فيها .. لكن الغلط بردة فعل الوزيرة بس !!! و اعتقد ان هالشي ما يستحق استجواااااااب مو تهوين بالحادثة و اللي صار لكن قولا للحق !



الوزيرة انسانة تربوية 100% و كافحت لحد ما وصلت لهالمنصب .. و اهي اهلا له و اللي بيي وراها بيتعب لانه ما راح يقدر يسوي نص اللي سوته !!


كلامها منطقي و الله يا بناااات و مقنع


و الدكتور سعد الشريع " مقدم الاستجواب " يناقض نفسه بنفسه بصحيفة الاستجواب يقول كلام و امس اثناء الجلسة قال كلام مضاااد و لما يقولون له ايهو الصح يقول الاثنين !!!!! هذا رد ريال تربوي و دكتووووور !

و اهوا اللي يبي يصفي حسابات مو الوزيرة مثل ما يقول ان اهيا اللي تبي تصفي حساباتها و حاط هالشي ضمن محاور الاستجواب بعد !




شنو استجوب وزيرة على هدية طلعت مكسوورة لاحد المدرسات ؟ مسخرووها المدرسة قالوا نعطيج قلب يديد بس فكينا من شرج ؟!



بلا هذا استجوااااب ؟؟؟؟؟




احييها على جرأتها و صدقها حقيقة و حتى لو في بعض الاخطاء فهي غييييييييييييييييييييير مؤثرة و ممكن تتصلح و الكل وااافق على ان الانسان مو معصوووم من الخطأ عيل استجوب عشان قلب مكسووور و لا قبول استقالة بدون لا اسال ليش ؟




لكن قدموا 10 نواب طلب طرح الثقة و الحل بالجلسة الياية اذا ظل العدد او زاااادوا فطارت الوزيرة و اذا قلوووا ظلت





و انا ارد الحين طلع اعلان بالتلفزيووون بنت مجابلة اللاب توب يقول لها ابوها قومي درسي هدي الكمبيوتر عنج و لا ترد ! يبا وزااااارة التربية ما قصرت حطت لنا دروس تقوية و مراجعات في مواقع عشان نراااجع منها !!! و انا اقول الاساس الوزييييييييييييييييييييييييرة بعدها الباجي









و هذا احنا الزين ما نبيييييييييييييييييييييه :0bee2e8d89:



على قولة مادري منووو : انتوا النظيييييييييف ما تبوووونه ​

 

[بطاطا]

اي نسسسييييت


حادث االاغتصاب في العارضية اللي صار اهم شي في الاستجواب صار بعد ما قدم د. الشريع طلب استجواب الوزيرة



شوفوا شلوووون لف الموضوع ؟

 

[misi]

معارضه للاستجواب والله يوفقج يا ام عادل
والطبطبائي ياب ربعه وعفس الوزاره وحطهم في مناصب وباق ونهب ومشى واسطات عشان جذي محد استجوبه
ولانه الوزيره ماشيه سيده وماعندها هالخرابيط ولاوسايط مايبونها
ومدام الديره بأييد هالاشكال الله يستر من اللي ياي

 

[A.Designer_90]

شي يعوّر القلب ..
حسبي الله ونعم الوكيل ..
ليش ديرتنا قاعد يصير فيها جذي

الله كريمْ ..
كل ما بغينا نصير أحسن ونخطي خطوة جداّم نرجع عشرة ورااا ..

وااي قلبي يعورنـيي ..

بس بتحجىى أنا مع الإستجوابْ ..

كل إلي ما يؤيدون ما يحسون بـ إلي إحنا قاعدين نحسه بالمدارس والثنوياتْ ..

يارب تيّسر إليّ في الخير لأهل الكويت ، وتصلح أحوالنا وتعزنـا يا رب ..

 

[دلع الكويت]

السلام عليكم
اولا انا كنت معارضة و بشدة الاستجواب و ما حبيت اعلق إلا اشوف الإستجواب وبعد ما شفت الاستجواب نعم مؤيدة مؤيدة مؤيدة امس بكيت بحرقة لمن شفت الاستجواب القرآن نعم القرآن سالفة القرآن هذي مثل ما قال المحلل السياسي اللي على قناة الوطن هذي يبيلها استجواب بروحها مع العلم ان المحلل ما كان راضي عن الاستجواب بتقولون الوزيرة شكو آنا اقولكم الادارة المدرسية مع التوجيه اصدرو قرار بعقوبة فصل 5 أيام و نقل الطالبة إلى مدرسة ثانية لكن الوزيرة للأسف ردت الطالبة إلا المدرسة و الغت العقوبة طبعا الوزيرة انكرت هذا الشي وقالت ما ألغيت العقوبة و الطالبة ما زالت منقولة بس لاحظو ان الادارة والمدرسات يؤكدون ان الطالبة ردتها الوزيرة والدليل ان المدرسات اشتكو وقالو انهم حطو دروس توعية للطالبات و لزميلات الطالبات لان يمكن هذي الطالبة اثرت عليهم لكن بكل أسف تجي الوزيرة وترد الطالبة للمدرسة طبعا الوزيرة انكرت هالشي بس المدرسات يؤكدون وتم ذكر اسماء المدرسات بالاستجواب و ما اتوقع مدرسات اسلامية وتوجيه و ادراة المدرسة تكذب و الوزيرة هي الصح لا تقولون ان البنت قاصر اذا كانت قاصر اللي اعرفة انه حسب الشريعة الإسلامية البنت مميز ومثل هذي القضية تتحول للقضاء لأن الوزيرة تقول ما فيه شي يثبت ان البنت هي اللي كاتبة هالعبارات و مشخبطة و مخربطة على كلام الله خلاص حولي الطالبة للقضاء والقضاء يتصرف هذا قرآن و الكلام اللي كاتبته الطالبة قمة بالاستهزاء لاحول ولا قوة إلا بالله و هذي السالفة ما يتهاون فيها بالنسبة للي يقولون الوزيرة توها ماسكة ما يمديها تسوي شي اذا هذي بدايتها شنو تنطرون يصير اكثر من جذي....لا حول ولا قوة إلا بالله فعلا استغرب من العضوات اللي يقولون الاستجواب ما يستاهل لا والله كنت معارضة وبشدة الاستجواب بس بعد اللي شفته أؤيد وبشدة نعم للإستجواب سالفة القرآن والاستهزاء به بهذه الطريقة بروحة تستاهل مليووووووون استجواب ...
الوزيرة بالإستجواب حسب ما شفته كلة تعتذر انا آسفة حق فلان وعلان يعني هذا دليل على ارتكابها للأخطاء وسالفة الدكتور عواد الظفيري تقول سافر وخلة الطالبات بالصيفي و راح تايلند ومدري شنو وما اذكر شنو اتخذت عقوبة بشأنه عشان هذي الحركة بس كان رد الدكتور الشريع اقوى بكثير منها لأن جاب دليلة معه وهو جواز الدكتور الظفبري مع جواز زوجته وفيه يبين الدكتور سافر بعد الصيفي مع زوجته إلا تايلند وقال لها راح وهو محصن مع زوجته مراح حق؟؟؟؟طبعا الوزيرة اعتذرت من الدكتور عواد الظفيري ولاحظو حطو الكامرة على الدكتور و الوزيرة اعتذرت منه ليش اعتذرت وزيرتنا من الدكتور عواد اذا هي مو غلطانة.
بعدين سالفة الحفل و الاختلاط بحمام السباحة الوزيرة تنكر و المستجوب يؤكد بالشريط اللي عندة صراحة عجبني الدكتور بإسلوبة لمن قال هذيلا عيال الكويت عيالنا ما نبي نفضح فيهم وانه قام بتغطية الوجوه بالفيديو واللي يبي يشوف الشريط من الأعظاء فقط لاحظو يا كويتيات قال الاعظاء فقط يجي عندي بعد الجلسة ويشوفه ومراح اي شخص ياخذ نسخة(اعجبت بشدة باسلوب الدكتور) هذا دليل قاطع على الحفلة و وزيرتنا تنكر..
بالنسبة للإعتداء ما قالو ليش صار الاعتداء يا بنات ركزو قالو تعامل الوزيرة مع الحدث خاطئ لأن الوزيرة انكرت و قالت استحالة و سالفة مفبركة بذمتكم لو عيالكم هالشي صاير فيهم و قاعدين تسمعون هالكلام من الوزيرة شنو بتكون ردة فعلكم....

بعدين القضاء كلنا نعرف القضاء اذا صدر امر خلاص يتنفذ 40 قضية من القضاء و مصدقة من الامير الوزيرة ما نفذتها تقول وزيرتنا القضاء له شأن واحنا لنا شأن آخر هذا اسلوب وزيرة تربوية طبعا الوزيرة ما ردت على هذا الشي...

جمعية المعلمين و اضاء هيئة التدريس بالتطبيقي و الجامعة و مركز البحوث حاطين استنكار بالجرايد وشكوى إلى الاعضاء انهم ما يقدرون يتعاملون مع الوزيرة و قراراتها تعسفية نجي احنا ونقول الوزيرة ما اغلطت وما تستاهل الاستجواب ليش الناس منتخبين الاعظاء عشان شنو يتفرجون على شكاويهم او بس نبي القروض تطيح ...

وارد اكرر بالنسبة حق اللي يقول ان الوزيرة توها ماسكة لو نلاحظ ان الوزيرة كانت بالوزارة من زمان وهي المسؤولة عن نظام التعليم الجديد اللي الكل يشكي منه استغربت من الوزيرة لمن قالت انها راحت لطلاب الثانويةبصباح السالم و سوت مقابلة معاهم عن سبب الرسوب بالفيزياء مثل ما تقول الوزيرة قالو لها المعلمة تمام بس مشكلتنا عندنا ضعف بالفيزياء لاحظو بالفيزياء راحت سوت اجتماع بالمتوسطة مع المسؤولين قالو هذا الشي من الابتدائي فغيرت التعليم غريب هل الفيزياء ندرسها من الابتدائي أو من المتوسطة..

سالفة الامتيازات ليش توها تطلع ليش قبل الاستجواب بيومين و لللأسف فيها اسماء و اذكروها لا تستاهل وهم غير كويتيين وعلى فكرة اليوم سمعت من رفيجتي مدرسة تقول بعد في ناس ميته و ناس منهية اعمالهم بالوزارة و خذو امتياز...

الكتب الجنسية و حث على العلاقات بين الجنسين تباع بكلية الدراسات التجارية بتقولون هذي الكتب تباع بكل مكان عادي اوكي بس هذا الكلام مردود عليه مايصير هذي الاشياء تنباع بمكان تعليمي ادري بتقولون الوزيرة ما لها ذنب و مو مسؤولة غريبة من المسؤول كان يجب على الوزيرة ان تتخذ عقوبة بشأن هذا التصرف..

اذا كانت وزيرة التربية ليس مسؤولة عن هذا كلة من المسؤول اللي ياخذ الوزارة يتحمل ياما ناس ارفضوا هذا الوزارة لأنهم ما يتحملون المسئولية لا تنسون ان الوزيرة قبل ما تكون وزيرة كانت ماسكة منصب بالوزارة وهي اللي حطت النظام اللي الكل يشكي منه سواء طالبات او معلمات و هي اللي كانت تصدر القرارت و امس قالو لها هذا الكلام وردت عيهم بسالفة الفيزياء اللي ذكرتها...

ملاحظة اللي تقول الوزيرة من الصبح لي العصر بس عشان تخلص معاملات الاعضاء ما اتوقع عطوها الوزارة عشان معاملات و واسطات حلو وزيرتنا تعترف بأخطاء ارتكبتها طيب اللي ما عنده واسطة هذا شنو يسوي..

ادري طولتها بس حبيت ابين بعض الاشياء اللي لازم الكل يعرفها و لا تقولون شوهوا سمعة البلاد بالعكس هذي الديقراطية اللي متعودين عليها من زمان صراحة امس كان الاستجواب راقي جدا جدا سواء من اسلوب الوزيرة أو اسلوب الدكتور المستجوب وهذا مو بس كلامي كلام جميع القنوان الفضائية الكويتية و حتى من خلال اللقاءان مع المؤيدين او المعارضين الكل يثني على اسلوب واحترام كل من الوزيرة و الشريع.

 

[بطاطا]

البنت اختي مسك للحين ماردت ؟

الوزيرة اعتذرت منه ليش اعتذرت وزيرتنا من الدكتور عواد اذا هي مو غلطانة

اعتذرت لانها ذكرت اسمه مو لشي ثاني !!!!



مع احترامي لبقية الرد

 

[دلع الكويت]

البنت اختي مسك للحين ماردت ؟






اعتذرت لانها ذكرت اسمه مو لشي ثاني !!!!



مع احترامي لبقية الرد

لا بطاطا هو اساسا جوازة موجود عند الشريع واللي ذكر اسمه الشريع بعدين ما اعتذرت له هو بس اعتذرت للدكتور غازي الرشيدي لمن قالت اي اساءة اسأتها لك اسحبها وكان استجوابها كلة اعتذرات صدقيني بطاطا كنت ارفض بتاتا الاستجواب بس انصدمت من اللي انذكر و غيرت رايي...

اختي بطاطا اي بنت ما ردت ؟؟؟؟؟؟؟

 

[بطاطا]

لا بطاطا هو اساسا جوازة موجود عند الشريع واللي ذكر اسمه الشريع بعدين ما اعتذرت له هو بس اعتذرت للدكتور غازي الرشيدي لمن قالت اي اساءة اسأتها لك اسحبها وكان استجوابها كلة اعتذرات صدقيني بطاطا كنت ارفض بتاتا الاستجواب بس انصدمت من اللي انذكر و غيرت رايي...

اختي بطاطا اي بنت ما ردت ؟؟؟؟؟؟؟

هلا اختي

لا اختي اسمحيلي اخالفج بسالفة الاعتذار

خلي غازي على صووووب


اختي عواد حطوووا الكاميرا عليه و اهوا يضحك و اعتذرت له و قالت له " مو قصدي " ان تذكر اسمه و صورووه تقريبا 4 مراااات و اعتذرت له حوول 3 مرات



البنت اللي مشوهه القران ماردت الدوام ... بيني و بينج في تناقضات ناس " النواب و الوزيرة اقصد " تقول ردت و ناس لا !!!؟

 

[softlady]

بنات اشفيييييييييكم


هدوا اللعب


وما داعي للغلط والاهانات وخمه وما ادري شنو؟؟؟


ومو كل الوزراء مو زينين


حتى اعضاء مجلس الامة ممكن يطلع فيهم شخص مو زين مع ان احنا الي ننتخبهم


بس النقاش يكون بطريقه هاديه وبدون تجريح في احد












بعد قلبـ قلبكمـ

مع تحياتيـ softlady

 

[ii DareeN ii]

تنبيه :الرجاء الالتزام بقوانين قسم وطني الكويت

 

[دلع الكويت]

هلا اختي

لا اختي اسمحيلي اخالفج بسالفة الاعتذار

خلي غازي على صووووب


اختي عواد حطوووا الكاميرا عليه و اهوا يضحك و اعتذرت له و قالت له " مو قصدي " ان تذكر اسمه و صورووه تقريبا 4 مراااات و اعتذرت له حوول 3 مرات



البنت اللي مشوهه القران ماردت الدوام ... بيني و بينج في تناقضات ناس " النواب و الوزيرة اقصد " تقول ردت و ناس لا !!!؟

اوكي لو نفرض انها ما اعتذرت له بس الاكيد ارتكبت خطأ ضدة وهي بالجلسة كلة تعتذر بالنسبة للبنت انا متأكدة انها ردت للمدرسة لأن النائب مسلم البراك أكد هذا الشي الدليل ان البنت ردت ان المعلمات اشتكو انهم سوو فصول توعية للطالبات لأن يمكن اثرت عليهم بس الوزيرة ردتها والوزيرة تنكر هذا الشي نفس حمام السباحة ما زالت تنكر و الشريط موجود هذا دليل قاطع على ان الوزيرة بس تنكر .
بطاطا صدقيني القرآن بس يبيلة مليوووون استجواب يا جماعة هذا قرآن امس ليس انا فقط بل حتى زوجي بكينا لمن سمعنا سالفة القرآن مع العلم ان في عبارات لم يذكرها الاعظاء مكتوبة على القرآن لأن لا يستطيع اللسان ان يتفوه بمثل هذه الكلمات فعلا لا حول ولا قوة إلا بالله...

 

[ii DareeN ii]

تنبيه: بنات كل وحده تقول رايها وتحترم راي الاخر من غير شد ولا نجره لوسمحتو ولا راح يتسكر الموضوع

 

[دلع الكويت]

بنات اشفيييييييييكم


هدوا اللعب


وما داعي للغلط والاهانات وخمه وما ادري شنو؟؟؟


ومو كل الوزراء مو زينين


حتى اعضاء مجلس الامة ممكن يطلع فيهم شخص مو زين مع ان احنا الي ننتخبهم


بس النقاش يكون بطريقه هاديه وبدون تجريح في احد












بعد قلبـ قلبكمـ

مع تحياتيـ softlady

فلا اختي كلامج صحيح مية بالمية وانا مجرد طرحت رايي و ما اتوقع جرحت احد

 

[دلع الكويت]

تنبيه: بنات كل وحده تقول رايها وتحترم راي الاخر من غير شد ولا نجره لوسمحتو ولا راح يتسكر الموضوع

اختي دارين ما انا ما شديت و لا ناجرت احد مجرد راي قلته و الكلام اللي قلته الكل شافة امس بالمجلس و اليوم موجود بالجرايد و البلوتوثات والنت ما جبت شي من عندي