ماشالله عليج يا ام زنزب
يعطيج الف عافية على شغلج الحلو
بغيت اعقب على كلامج اشوي : انا ما قصدت انج تنعزلين عن المعلمات و تقعدين ابروحج
ترى العلاقات الشخصيه مفيده لازم تقعدين معاهم و تتعرفين عليهم و تلتمون على الريوق بس بدون ما ياثر على نشاطج
لانه راح يجي اليوم اللي تحتاجين مساعده منهم
خليج دايم معاهم عشان تكونين بالصورة عشان لا يصير شي او حجي من وراج
و حرصي على شغلج ولا تخلين احد يستغلج
و الله يوفقج و انشالله تتعينين بالثانوي و تجين عندي
الله يسمع منج يارب
حبيت حكمتج في التعامل مع هلامور
ماشالله تبارك الرحمن
شوفي انا كنت اقعد وياهم بس بشكل محدود مثل ماقلتي قلاص قهوه علريوق وياهم مايمنع
بعدين بدا التحبيط بلشوا يحبطون فيني
يعني وحده الله يسامحها كانت تقولي اشفيج دايسه بانزين لا تصدقين نفسج هدي هدي
كانت وايد تحبطني الله يسامحها
و بدا البعض منهم يحفرلي عند رئيسة قسمي و للاسف صدقتهم لمجرد كلام
فقمت حتى عريوق ما اقعد اصلن مو مستفيده الا القيل و القال و للاسف كان القسم احزاب تخرع
هههههههههههههههههه
بس رئيسة قسمي كانت عسل و تهبل و تينن بس بنهايه انا ميداني يعني شي مؤقت و اهمه الي دايمين و يعلم الله اني استفدت من حكمتها و طيبتها و الله يعينها بصراحه معذوره و يمكن لو انا مكانها ما ادري اشلون اتصرف
بس ليلحين في جم وحده من الابلات انا ليلحين متواصله وياهم و روحهم حلوه و مندفعين و تعلمت من خبرتهم
يعني تقريبن كنت وسطيه او اقل من وسطيه في تعاملي وياهم
بس انشالله باذن الله يكون قسمي حليو و ادوم وياهم
و يسلمو حبيبتي على النصايح بصراحه نصايحج من ذهب و لفتي نظري على شغلات ماكنت حاطتهم في بالي الله يوفقج يارب و يفتج عليج ابواب الرزق و الخير من كل مكان
و يارب تصيرين رئيسة قسمي و اتعلم من حكمتج و خبرتج ماشاء الله تبارك الرحمن
انا اول مايقولولي اي مدرسه بقولج يمكن الله يجمعنه وي بعض ماتدرين
و اذا ربج ماجمعنه يارب يجمعنه في جنه عرضها السموات و الارض
و ياريت تتواصلين وياناه على طول و متقطعين بصراحه طلتج علينه منوره الموضوع و زايدته فايده
ذكريات عشاق
وااااااااااااو ماشاء الله تبارك الرحمن يهبلون تدرين انج يبتي كل السكرابز الي ادور عليهم اصلن ذوله كلهم راح استفيد منهم الحين بحملهم و بخشهم
واو بصراحه تدرين عاد تعبت و انا ادور هذي الانواع و مالقيتهم
يسلمو حبيبتي ماقصرتي و يعطيج الف عافيه
على فكره شفتي الفهرس
افكار للاجتماعيات ترى تقريبن كل الصفحات الي يمه من انجازاتج انتي و درة اهل الطولات بعد مو مقصره و فراي و ميلي و المها
بصراحه مابي اخص احد بس صج انتوا اكثر ناس لكم ردود دخلت في الفهرس و كذلك دروس الفوتوشوب حق العضوه كويت بينق
حدي مستانسه و انا اتصفح في الموضوع نفظته نفاظ مابقيت اضيع ولا مجهود و الحمد لله تم بعون الله
ميلي اهلين و سهلين
اضيف على اختي مريم ص معنها كفت و وفت
ملف الانجاز هذا حق كل انجازاتج بكل سنه مايتبدل يعني هو واحد طول فترة خبرتج بتربيه تحطين فيه كل شي يخصج شهايدج دوراتج اي انجاز لج اذاعه ورشه معرض نشاط اي شي صوريه و حطي في هلملف مسبوق بتقرير من صنع ايدج الحلوه
و احب اشكر اختي مريم ص على المعلومات الحلوه عجبتني طريقة الفواصل
