ضاااااع مستقبلي ! ما يسوا تعبي

[يآآآرب]

واتس اب يا بعد رووووووحي انا ما فتحت الرابط بس وربي قلبي رقع حسيت بشعور غريب


سواء كلامج صح ولا لا بدعيلج
يا عل ربي يوفقج بحياتج و لا تذوقين الهم و ينولج الي في بالج


والبنات الي ردوا جميعا و ارفعوا الموضوع و دعولي الله لا يوريكم يوم هم بحياتكم و يرزقكم من اوسع ابوابه

 

[what's up]

حبيبتي لا يرقع قلبج ولا شي ان شاء الله امورج كلها بتيسر
بس انتي تفائلي دام عندج المعدل تقدرين تدخلين الاساسيه غصبن على الي ما يرضى
يتشرفون فيج و التربيه الاساسيه و ان شاء الله يعادلون لج مواد الجامعه و ما تاخرين وايد
و اي شي تامرين فيه انا حاضر اهم شي لا تتكدرين اليوم عيد


عساكم من العايدين و الفايزين

 

[يآآآرب]

انا الي معور قلبي اني سحبت من التربيه الاساسيه وما ظنتي يقبولني مره ثانيه

الي تقدر تفيدني بهالشغله او مرت فيها راح تخفف من معاناتي حييييييييييل مو شوي ؟؟؟؟؟؟؟؟؟؟

 

[أميرة طفولتي]

توج صغيره والمستقبل جدامج لا تايسين وتقعدين تحطين ايدج على خدج
راكضي وعابلي ماصار جامعة الكويت روحي حق الاساسيه وسالي اذا يقبلون اوراقج مره ثانيه
انتي متاكده ان لمن سحبتي اوراقج منهم قالولج ماتقدرين تقدمين عندنا بعد ؟؟

لاقدر الله ماصار
الجامعات الخاصه كلهم يقبلونج عادي وكل شي بالفلوس يصير

واذا خلاص تصكرت بويهج مره وحده ومالقيتي حل لا سمح الله
تقدرين تروحين تقدمين على الثانويه مره ثانيه وتعيدين سنه وحده بس
اذا كنتي تبين نفس تخصص شهادتج القديمه
يعني اذا كنتي ادبي وبتظلين عليه بس تعيدين (4 ثانوي)
واذا بخاطرج تغيرين التخصص من ادبي لي علمي تعيدين سنتين ( 3 و4 ثانوي )
والعكس صحيح
وانتي اسم الله عليج توج صغيره يعني لو تعيدين سنه بتتخرجين عمرج 21
وقدمي على الاساسيه وانتي وشطارتج تقدرين تخلصينها ب 3 سنين ونص اذا شديتي حيلج وخذيتي صيفي
مايصير عمرج24 الا انتي متخرجه ومتوظفه والمكان الي تبينه وتحلمين فيه

ان شاء الله اكون فدتج وخففت عليج لو بشي بسيط
والله يوفقج ويسهل امورج

 

[صب القفشه]

الله يفرج همج يارب

 

[يآآآرب]

واتس اب انا بروح اسأل بس خايفه والله خايفه اوصل و ادش و يردوني

مابي اتحطم مره ثانيه والله ما اتحمل


ومابي اقط فلوس على شهادة دبلوم ما تنفعني و وظيفتها ما تناسبني

تخيلي طول عمرج عندج طموح و متفائله و فجأه تاخذين طراق غير متوقع لاااااا شعوووور صعب صعب صعب

 

[يآآآرب]

يعني لو ابي اضل بتخصصي ادبي بس اعيد 4 ثانوي و اقدم مره ثانيه ع الاساسيه و يقبلوني ؟

مو بالعه فكرة الاعاده كل شوي اتذكر نفسي شلون كنت ادرس الفاينل بضمير و ما اغشش و اقرا ادعيه و يوم النتيجه شلون بجيت و الناس باركتلي !!!؟؟؟


هذا كله راااااااااااح وماله معنى ؟؟؟؟؟؟؟؟

سوري ازعجتكم بأسئلتي و قاعده اتحلطم بس مالي غيركم اشكيله همي




مشكووووووزين عالدعاوي كلكم ما توقعت هالاستجابه مشكورين

 

[bobo lover]

لا حول ولا قوة الا بالله
كلمي عميد كليتج وخلي ريلج يكون معاج وفهميه الظروف. الله ييسر أمورج ويسهل عليج.
استانسي بالعيد ولا تحاتين والله يكتب لج اللي فيه الخير.

 

[el lulu]

توج صغيره والمستقبل جدامج لا تايسين وتقعدين تحطين ايدج على خدج
راكضي وعابلي ماصار جامعة الكويت روحي حق الاساسيه وسالي اذا يقبلون اوراقج مره ثانيه
انتي متاكده ان لمن سحبتي اوراقج منهم قالولج ماتقدرين تقدمين عندنا بعد ؟؟

لاقدر الله ماصار
الجامعات الخاصه كلهم يقبلونج عادي وكل شي بالفلوس يصير

واذا خلاص تصكرت بويهج مره وحده ومالقيتي حل لا سمح الله
تقدرين تروحين تقدمين على الثانويه مره ثانيه وتعيدين سنه وحده بس
اذا كنتي تبين نفس تخصص شهادتج القديمه
يعني اذا كنتي ادبي وبتظلين عليه بس تعيدين (4 ثانوي)
واذا بخاطرج تغيرين التخصص من ادبي لي علمي تعيدين سنتين ( 3 و4 ثانوي )
والعكس صحيح
وانتي اسم الله عليج توج صغيره يعني لو تعيدين سنه بتتخرجين عمرج 21
وقدمي على الاساسيه وانتي وشطارتج تقدرين تخلصينها ب 3 سنين ونص اذا شديتي حيلج وخذيتي صيفي
مايصير عمرج24 الا انتي متخرجه ومتوظفه والمكان الي تبينه وتحلمين فيه

ان شاء الله اكون فدتج وخففت عليج لو بشي بسيط
والله يوفقج ويسهل امورج

بعد عمري الله يفرج همج ويهون عليج مصيبتج .... قولي الحمدلله انا متأكده الي صار فيه خيره لج و كلام اميرة طفولتي عين العدل كل شي قالته صح اسعي وتوكلي على الله وربج ما راح يخيب ظنج الحين فكري باللي راح يصير لي جدام لا تندبين حظج واللي صار صدقيني تعبج ما راح يضيع نطري بس اجازه العيد تخلص وروحي التربيه الاساسيه سأليهم اذا بتردين تقدمين شلون واذا ما يصير فكري تعيدين رابعه ثانوي بس ولا عندج الجامعات الخاصه شكثرهم ولا تنسين بكلللل خطوه استخيري بكل شي مو مره ولا مرتين انشالله لو عشر مرات بس استخيري والله راح يفرج همج وما يضيع تعبج

وطمنينا شيصير معاج

 

[عجميه زوغه]

على اي اساس حكمتي التربيه الاساسيه ماتقبلج

شوفي روحي عديليه واستفسري هناك لاتسبقين الاحداث وانا خريجه تربيه اساسيه واقولج اياها كل شي بواسطه تمشي

انا وقفت قيدي بواسطه ورديت وبدعت في التسجيل ومره حاطيلي ماده بالصيفي ومسقطيني وشلتها بواسطه ورد معدلي بالعربي كلها واسطه كل مكان عندج واسطه تمشي امورج

شوفي اذا ماعندج واسطه كل يوم نشبيلهم دشي عند اكبر راس والله يمشونج سالي مجرب

 

[يآآآرب]

طاب خاطري من الجامعه الخايسه ما ابيها

انا ابي التربيه الاساسيه و مشكلتي فيها اني سحبت اوراقي بالاول
بس ساعدوني بهالنقطه منو اسحبت و ردت لها مره ثانيه

انا ما اعرف بسوالف الواسطه

بس اذا تحتاج واسطه دلوووووني
ساعدوني الله يوفقكم
مابي اقعد بدون دراسه مو متخيله حياتي شلون بتصير

انا صغيره و عندي عيال و احتاج الوظيفه الزينه الي تعيشني عدل
انا حتى مصروف من زوجي ما اعرف اطلب و معتمده على نفسي و اعانتي


يارب فرج همي و ارحمني *

 

[عجميه زوغه]

واذا كلش كلش صكت الابواب عليج دشي تجاري وتفوقي كورس وحولي تربيه اساسيه

 

[يآآآرب]

انا اخرتي تجاري يا عجميه

هاذي مشكلة الي تشد حيلي بزياده و تنصدم و تييها خيارات ما كانت لا ع البال و لا ع الخاطر

بس يا بعد قلبي كافي انج رديتي و اقترحتي علي

مشكوووره و عساج ما تشوفين الهم و الضيقه يااااااارب

 

[عجميه زوغه]

التجاري بس تقعدين فيه كورس واحد وتحولين

انا اعرف وايد بنات حولوا من هندسه وعلوم لي تجاري

واعرف خريجات تجاري خلصوا واقبلتهم الجامعه وكملو علوم اداريه وفي شريعه بعد

انتي فكري كورس واحد تجاري ولا سنه رابعه ثانوي وتعب ودراسه

وانا اقول ومتاكده ان لي رحتي العديليه وقدمتي على التربيه الاساسيه بتقبلج انشاءالله

انا بسال سؤال انتي قدمتي واقبلوج يعني طلع اسمج بالقبول بالتربيه الاساسيه وحطوج بتخصص ولا بس قدمتي وسحبتي

 

[عجميه زوغه]

على اي اساس حكمتي التربيه الاساسيه ماتقبلج

شوفي روحي عديليه واستفسري هناك لاتسبقين الاحداث وانا خريجه تربيه اساسيه واقولج اياها كل شي بواسطه تمشي

انا وقفت قيدي بواسطه ورديت وبدعت في التسجيل ومره حاطيلي ماده بالصيفي ومسقطيني وشلتها بواسطه ورد معدلي بالعربي كلها واسطه كل مكان عندج واسطه تمشي امورج

شوفي اذا ماعندج واسطه كل يوم نشبيلهم دشي عند اكبر راس والله يمشونج سالي مجرب

شكلج ماقريتي ردي بالصفحه الثانيه لان انا وياج نزل ردنا بوقت واحد

 

[CUTIE-THUG]

ان شاء الله يصير الي بخاطرج يارب و تدخلين التربية الاساسية و تتخرجين وتصيرين احسن مدرسة قولي امييين
و استانسي بالعيد ماعليج والله يفرج همج و يسرلج عيال الحلال ​

 

[سمو الغلآ]

ي ربي يعيينج


والله ماعندي خببره بهالسوالف

 

[يآآآرب]

اي عجميه انا نزل قبولي و تخصصي بعد بس بنفس الوقت كان نازل قبول الجامعه و سحبت من التربيه الاساسيه و يااااريتني ما سحبت




الي سحبت من التربيه و ردت لها تكفاااااا تقولي و تفيدني لو بالخاص

لا تخلوني بنات مالي غيركم

 

[لياليـ]

اب
اب
لعيونج

 

[عجميه زوغه]

حبيبتي ماودي يضيق خلقج اليوم عيد^_^

شوفي دشيت موقعهم

وكانت شروطهم

*

الشروط العامة للقبول
أن يكون الطالب كويتي الجنسية
- 1
يقبل أبناء دول مجلس التعاون لدول الخليج العربية ، وطلبة المنح الدراسية من الدول العربية والإسلامية وأبناء الوافدين العرب بنسبة لا تتجاوز 15% من مجموع الطلبة المقبولين سنويا طبقا للقواعد والنظم التي تضعها الهيئة في هذا الشان
- 2
أن يكون حاصلا على شهادة الثانوية العامة أو ما يعادلها بحسب طبيعة الدراسة بالتخصص الذي يرغب في الالتحاق به شرط ألا يكون قد مضى على حصوله على المؤهل الدراسي اكثر من سنتين للقبول بالكليات
- 3
أن يتفرغ الطالب للدراسة تفرغا كاملا
- 4
أن يكون لائقا صحيا للدراسة في التخصص الذي سيلتحق به.
- 5
أن يجتاز بنجاح الاختبارات التي تجريها بعض الكليات والمعاهد كشرط للقبول في بعض التخصصات
- 6
بالإضافة إلى ما تضعه الهيئة من شروط أخرى يعلن عنها بعد التسجيل كل عام
*
*
الأوراق المـطلـوبـة
*
أربع صور شخصية
- 1
البطاقة المدنية على أن تكون غير منتهية وقت تقديم الطلب
- 2
صورة مصدقة عن شهادة الثانوية العامة أو المقررات بحيث يتم تسليم الشهادة الأصلية بعد القبول
- 3
بالنسبة للطلبة الذكور إذن دراسي من التجنيد لم يمض عليه اكثر من شهر عند تقديم الطلب
- 4
مبلغ 5 دينار كويتي رسوم تسجيل(يعفى عن الرسوم* المتقدمين عن طريق الموقع الالكتروني)



يعني تقدرين تسجلين

والمرجع موقعهم

http://www.paaet.edu.kw/mysite/Default.aspx?tabid=67&language=ar-KW