تجمع رجيم الدكتور محمد ربيع - 5 كيلوات بالاسبوع

[للعرايس فقط]

بسم الله . .

بنات انا فتحت هالموضوع :

http://www.q8yat.com/t928759.html

وفي جم بنت تفاعلوا معاي جزاهم الله خيير وبفتح هالموضوع للتجمع مالنا واللي يبي يشارك

*والمطلوب :

1- تصوير الميزان أو ورقة اللي تطلع مع الميزان

+ الطول

2- الالتزام اليومي والحضور .

3- اذا خالفتي الرجيم أو خربطتي نزيد بالرياضه واهي 6 مرات الدرج روحه ورده .

4- تحطين هدفج الأول والثاني والثالث "التجمع لمدة شهر".

وراح نبدي ان شا الله تاريخ 6-7-2011

يعني باااااجر ماكو مجال كل وحده تروح توزن وتخلص أغراضها . .

 

[للعرايس فقط]

[ الأسبوع الأول]


*نصايح : كثرة الحركه , كثرة الماء 8 قلاصات وأكثر يوميا , الأكل ببطء .

*الإفطار : شريحتين توست + جبن أو لبنه + جاي مع قفشة شكر أوعصير "انا أشرب عصير برتقال باللب اللي بالجمعيات اللي تبي تضعف أكثر تستبدله بأناناس"

*الغدا :

1- نص دجاجه مشويه + طبق سلطه + عصير.
2-هامبورجر مشوي + سلطه + عصير.
3-من7 الى 10 روبيان مشوي + سلطه + عصير .
4-طبق خضار مشكله بالفرن + سلطه وروب + عصير.
5-من 6 الى 7 قطع شيش طاووق + عصير . << موكاتب سلطه بس اللي تبي عادي.
واليوم السادس والسابع تكرار.

*المغرب: من 3 الى 5 تمرات مع نسكافيه أو قهوه عربيه . << واللي تبي نسكافيه دايت اللي أستخدمها تقولي ولذييذه.

*العشا: شريحتين توست + 2 بيض مفيوح أو مقلي بزيت أو جبن أو لبنه + سلطه وعصير أو جاي مع قفشة شكر .


وبسس شرايكم ؟؟

بيت عمي كانت تمشي نص ساعه باليوم بس انا بسوي رياضة الدرج 6 مرات روحه ورده قبل وبعد الوجبه << نظام الدكتوره فوزيه العوضي كنت رايحتلها من زماااان بس والله ضعفت بعد منها .

و بهالموضوع راح تلقون ملخص حياتي مع الرجيم لوووول

واللي تبي تضعف زياده تشرب عصير كيوي بأناناس مع العشا وعالعصر جاي رويال .



[انا عن نفسي :

بسوي رياضة جهاز الغزاله 10 دقايق +رياضة الزنود+ قبل وبعد كل وجبه 6 مرات الدرج روحه ورده + جاي رويال العصر]

آرآئكم بنات قريت وحده بمنتدى فكره للماي تقول حطي منبهه كل نص ساعه حطي منبه وشربي ماي , بس انا طريقتي

وانا قاعده بالصاله أطالع التيفي او شابكه او على تلفوني أحط دولكة ماي قبالي وكل شوي أشرب ماي والله الطريقه هذي عجيبه.

 

[للعرايس فقط]

- اللي بتشارك معاي تقولي بالموضوع اللي حطيته هذا واليوم أول وآخر يووم للتسجيل لأني مو قادره أنطر :

http://www.q8yat.com/t928759.html

و العضوه للحين ناطره معاااي

وهالموضوع راح يكون فيه أهم شي تشجيييييييع وتقوية إراده .

مووفقيين :*

 

[للحين ناطره]

ان شالله نتايج الريجيم اتبين علينا من اول اسبوع
بسالج الدري 6 مرات روحه ورده اشلوووووووون؟
يعني الصعده 1 النزله 2 الصعده 3 النزله 4
ولا صعده ونزله 1 صعده ونزله

 

[للعرايس فقط]

لا لا الصعده والنزله مره والصعده والنزله الثانيه اثنين << والله ضعفني حييييييل على رجيم فوزيه العوضي ما شا الله

وانتي تمشين شفطي بطنج يتقسم الجسم ويروح البطن

يالله باااااااجررر ان شا الله مووفقيين

 

[ورده اوراد]

سجلني معاج من باجر انشالله وزني ٧٦ ابي ارصل ٦٠

 

[فجر_الكويت]

الله يوفقكم يارب

 

[ورده اوراد]

هلا بنات
انشالله بتبع الرجيم الي حطيته
وبشرب شاي اخضر وزنجبيل
وبمشي كل يوم نص ساعه
وابي اوصل الي ٦٠ انشالله بحول الله
والله كريم

 

[للعرايس فقط]

ان شا الله يا ررب نبي باجر صور الميزان والأهداف وإضافاتكم ع الرجيم

موووفقيين يا ررب

 

[للعرايس فقط]

ايي بنات نسيت لا أقول اسبوعيا لازم نوزن ونحط وزنا

يعني باجر ان شا الله والاثنين اللي بعده وبعده لمدة شهر

 

[~*الزين الاصيل*~]

،’
آلسلآم عليگم ورحمه آلله وبرگآته
موفقيين

6-7-2011

آلحين آحنآ مو بشهر 9 ولآ يترآوآلي


،’

 

[للعرايس فقط]

ههههههههههههههههههه طوفي طوفي كاتبته وانا سهرانه ومستعجله بضضضعف خخخ

أجمعين حبيبتي منووره :*

 

[؛؛حلاوه؛؛]

قوه

شلونكم بطوطات

وزني 76 وهدفي 60


نظامي

اكل مره وحده باليوم شي خفيف والباجي سوائل

واشرب كل يوم زنجبيل وينسون
وامشي شوي بشقتي


اهم شي انام وانا يوعانه

 

[خاتم ذهب]

ابي أشارك معاج

 

[للعرايس فقط]

يا هلاا يقويييج لا حطي هدفج الأول والثاني والثالث

تو ما نور التجمع فديتج :*

وانا وزني 75 وطولي تقريبا 54 بس باجر ان شا الله بحط لكم صورة لورقة الميزان

الهدف الأول 70 الهدف الثاني 65 الهدف الثالث 60 :eh_s(15):

ان شا الله ما في شي صعب على ربي بناات لاتنسون الإستغفار بنية الضعف بصحه وعافيه :yaaaaaarb:

وهذا راح يكون بتواقيعنا للتذكير والتشجيع والحماس :eh_s(9):

 

[للعرايس فقط]

ابي أشارك معاج

حيااج الله منووره والله

حبيبتي حطي اضافاتج ع الرجيم اذا فيه وثلاث أهداف لج :eh_s(15):

لأن باجر بنبدي ان شا الله وصوري الميزان لو ما عليج أمر :eh_s(7):

 

[للعرايس فقط]

- أسماء المشاركات في رجيم الدكتور محمد ربيع مع للعرايس فقط :

1- للحين ناطره

2- للعرايس فقط

3- ورده اوراد

4- خاتم ذهب

5- ؛؛حلاوه؛؛


>> هل من مزيد ماكو وقت الساعه 12 يوقف التسجيل

حياااكم الله حبايبي وان شا الله تجمعنا بالصحه والعافيه :eh_s(17):
عسى ربي يوفقنا وانا كليي حمااس للرشاقه بإذن الله:eh_s(15):

ان شا الله على تاريخ 6-10-2011

بنوصل كلنا للوزن المثالي والله بنات لي متى احنا جذي !!
الناس كلهم تسنعوا الا احنا متاااااان واللبس يفشل علينا :eh_s(10):

بالرد الجاي ان شا الله بوريكم صور لتقوية الإراده :rerrerek:

 

[مملكة الجروح]

وانا بعد وياكم باجر انشالله اشوف وزني بالميزان والله يستر وانشالله اكسر حاجز ٨٠ وادخل بالسبعينات ايه والله اني مليت من السمنه ونبي الاراده القويه

 

[للعرايس فقط]

- أسماء المشاركات في رجيم الدكتور محمد ربيع مع للعرايس فقط :

1- للحين ناطره

2- للعرايس فقط

3- ورده اوراد

4- خاتم ذهب

5- ؛؛حلاوه؛؛

6- مملكة الجروح

تم إضافتج يا هلا وغلاا منووره

 

[للعرايس فقط]

شرااايكم ؟؟

ما شا الله تبارك الرحمن مع انها كبيره بالسن بس قادره على نفسها

انا طلعت صورتها من فيديو منزلته لنفسها باليوتيوب لي الحين متينه بس أرحم من أول ع الأقل طبيعيه