عمليتي السبت , شنو اختار ابره ظهر ولا كمام ؟

[April 29]

حبيبتي ابره ظهر

ولازم دكتوره شاطره متخصصه هل شي دكتورتج تفيدج فيه

بولادتي دكتورتي كتبتلي اسمي دكتورتين قالت غيرهم لا

اي هني المشكله لازم دكتور شاطر
الله يسهل
مشكوره ماقصرتي

 

[April 29]

الله يسهل عليك يارب

انا كمام سويت اتوقعه اسهل من الابره

امين يارب
اي بس عقب ماقمتي من الدوخه شصار فيج ؟ بلغم وكحه ولوعه جبد ؟ صح ؟ ولا عادي ؟

 

[April 29]

هلا حبيبتي

الصراحه انا مجربه البنج العام ومريح تقعدين بعد فتره صج بتكونين دايخه بس هم راحه

الحمدالله اما ابرة الظهر كلش ما انصحج فيها اعرف وحده طلبت ابرة الظهر ووقت العمليه تحركت الابره وحست بكل شي وقامت تصارخ

وتداركوا الوضع وبنجوها عام بسرعه يعني العام نعمه واريح لج *

اف اف اف مسكينه الله يعينها !!
والله شكلي بختار الابره المخدره اللي يحطونها بالدرب .. وربج يسهل
مشكوره ماقصرتي

 

[April 29]

انا عمليتي بنج كامل
نص ساعه وبس
ودكتورتي استشرتها بابره الظهر
قالت لا مانصحج مفعولها مايبين الا بعدين

وعقب ماقمتي من البنج الكامل شحسيتي فيه ؟
كحه وبلغم ولوعه ولا عادي ؟؟ بس راسج ثقيل ؟

 

[April 29]

ابرة الظهر اي خطأ ترة تسبب شلل انا سامعة!

بس امي مجربتها عن دكتور زين .. لمن ولدت قيصيرية .. الحمدلله ماصار فيها شي بس اللألم فظيع تقول!

,

اي انا بعد سامعه جذي
لكن شنو الالم اللي حست فيه بعدين ؟؟ الم الجرح يعني ؟ ولا الم الابره ؟؟

 

[نهاوند]

حبيبتي ابرة ظهر احسن لج تشوفين البيبي وتكونين مصحصحه حتى بعد العملية وانا جربتها والحمدلله من فضل الله

 

[April 29]

نهاوند
اي هذا اللي انا قاعده افكر فيه ودي اشوف البيبي واصحصح
بس خرعوني البنات

 

[om MaRyooM]

والله يحقلج تحتارين

انا نزلت جم موضوع عن الابرة والتجارب حيرتني زيادة
ناس تمدح وناس تذم

وهذا كله يوقف على شطارة دكتور التخدير

فأنا بكون بالsafe side وبطلب بنج عام .. لأن دكتوري مانصحني بابرة الظهر
قالي تحملي العام يومين من دوخة وجذي وبعدها بتصيرين اوكي
اما ابرة الظهر لها اثارها واحتمال تظبط وقت العملية واحتمال لأ .. هذا للامانة اللي قالي ياه

وتقومين بالسلامة ياااااااااااارب

 

[pяiήcєşš]

والله ماعندي خبره لا بهذي ولا بهذي بس خايفه عليج والله قلت الكمام لاني اخااف من اخطاااء الاطبااء ولو لي انا رح اختارر الكمااام


عسى الله يقومج بالسلامه وتشووووفينه وتنسسين كل عوااار الدنياااا

 

[بشاير الميموني]

لا اله الا الله..

انا افضل البنج الكامل عن النصفي وماتشوفين شر وان شاء الله الله يقومج بالسلامه ...

 

[anooma_86]

أنا توني قبل 18 يوم والده قيصريه بإبرة ظهر و انصحج فيها صج تجربه حلوه و اذا تبين تفاصيل اقري تجربتي

 

[أم وهابي (عبير)]

أنا بالنسبه لي احسن لج بنج عام
أنا ثلاث ولادات بنج عام لأني خوافه حدي عيزووا يقنعوني بإبرة الظهر بس نوو وي حماتي جربتها ذبحها العوار لي يومج وعمر ولدها سنه
والله يسهل عليج ان شاء الله

 

[خاشعة للرحمن]

ياقلبي انصحج بنج كامل لاني بداية انا كنت ماخذة ابرة الظهر علشان كنت طبيعي بس بنتي تعبت واللله الدكتور يسوي العملية وانا احس وبعدين عطوني بنج كامل لااا تاخذين ابرة الظهر نصيحة ياقلبي والله يقومج بالسلامة ويفرحج بضناج يااربي

 

[الخزامه]

حبيبتي الكمام احسن تنامين وماتحسين بشي والعمليه ماتاخذ نص ساعه وبصراحه مااذكر متى صحيت بس قعدوني داخل غرفه الافاقه وانا حدي دايخه وماثبت عالوقت بس طلعوني للغرفه بعد ساعتين بس تضلين دايخه وتصحين شوي وتنامين شوي ياله تصحين بعد ثاني يوم

 

[{ ليت ظني كآن صآيب }]

شدعوا عليكم بنات

حيل متخوفين من الابره مع انها سهله و انا مجربتها

ماتعور ولا شي

و الحمدلله من اروع مايكون

و بختارها ان شاءالله بقيصريتي هالشهر

بس طبعا نو وي يشقون بطني وانا واعيه لازم اخذ منوم

بولدي سويت جذي

ابرة ظهر + منوم و قوموني لما طلع البيبي و كملت نومتي بطلت عيوني والا انا بالممر

موديني غرفة الافاقه

سهالات والله انصحج فيها

لاكحه و لا دوخه مثل البنج العام

تكونين مصحصحه و تعيشين حياتج

 

[النور الهادي]

شدعوا عليكم بنات

حيل متخوفين من الابره مع انها سهله و انا مجربتها

ماتعور ولا شي

و الحمدلله من اروع مايكون

و بختارها ان شاءالله بقيصريتي هالشهر

بس طبعا نو وي يشقون بطني وانا واعيه لازم اخذ منوم

بولدي سويت جذي

ابرة ظهر + منوم و قوموني لما طلع البيبي و كملت نومتي بطلت عيوني والا انا بالممر

موديني غرفة الافاقه

سهالات والله انصحج فيها

لاكحه و لا دوخه مثل البنج العام

تكونين مصحصحه و تعيشين حياتج

توكلي على الله لا تخافين:eh_s(15)::eh_s(15):
نفس التجربه

 

[يارب يطيب عبود]

انا انصحك بالبنج النصفي أو الكامل
ابرة الظهر تأثر عليك بعدين

 

[يارب يطيب عبود]

نسيت اقو لك
البنج النصفي ما يخليك نايمة ومتبنجة
يعني تحسين باللي حولك وتشوفين البيبي اذا طلع

 

[om deaj]

انا ولادتي الالثنين كمام وطلبته بنفسي وبالحكومة
ومافي شي اسمه تنامين وتقعدين تلين نفسج والدة الا بالخاص

معنه طلقي طول بالاول وولادتي عسرة فيهم اثنينهم بس الحمدلله كنتواعية على كل شي

 

[بخـــارى]

استخيري
انا اقول ابرة الظهر