~*~ تجمع خاص - دورة المعلمين الجدد سنه 2011- 2012 ~*~

[كويتيه cool]

Fri انتي مو صج يبا خلي أفكارج اللي استفدتيها لج لا تعلمين عليها ولا يغرونج الموجهين بالحجي حلو ترا اكثر محافظه معقده أهي حولي فروحي منطقه ثانيه وايد احسن لج

 

[jen2n]

هاي شلونكم سوري قطيت عنكم بس حدي لاهيه كريم كلين ان كلير بالنعناع سو بويهي حساسيه ومن عيادة لي عيادة ،، المهم الدوره مفيدة وعلمونا عن طريقه التحضير والموجهين حليوين وحبوبين وفادونا وايد ما قصرو

ام زنوب حسافه ما كملتي ويانا جان صرنا ربع الحين

بس ليش ما حولتي تربيه جامعه الكويت ترا مافيها خلط

واصلا حتي الآداب كانو الشباب زينين بس لمل بغيت اتخرج المستجدين خربو كل شي
ومن الطرفين البنات والشباب

ما شا الله فراي شاده حيلج بالشرح حلو ما شا الله طاقتج حلوه وشكلج نشيطه

 

[بنات حواء2]

بردة جبدكم فيها كل شوي داشه تغلط علينه و احنه ساكتين لها بنات بلغوا على ردها
http://www.q8yat.com/showthread.php?p=26738998#post26738998
دشوا شوفوا شكتبت لها



جنون
اي و الله صاجه
بس بنهايه احنه ربع و زميلات مهنه انشالله و عسى الله يوفقنه و يجمعنه يارب
لاني مليت من الغيره الي في ريلي يننتني بغيت اين عشان جذي اشتريت راحت بالي
الحين قاعده افكر اعيد البكلريوس و ادش حقوق
معني حبيت التدريس بس احب الحقوق لو على الاقل بس من باب الثقافه و الوعي مو مهم اني اخذ الشهاده و اتوضف عليها بس ابي ادرس عشان اتثقف بس لا اكثر
انا عن نفسي احب ادرس عشان هشي ينعكس على ثقافتي مو حب لاماده او حب بمنصب
و الله يقول هل يستوي اللذين يعلمون و الذين لا يعلمون
و الله يوفقنه يارب

 

[بنات حواء2]

جنون انتبهي بشرتج وايد حساسه
وقفي اي شي تستخدمينه و راجعي دكتور واضح انه بشرتج تعبانه
و حبيبتي رقي نفسج ترى يمكن عين لاني الي فهمته منج ان بشرتج مافيها اي شي فجأه صار هشي
بليز وقفي اي شي تستخدمينه و راجعي طبيب و اقري سورة البقره على ماي و غسلي ويهج فيه و لا تنسين الاذكار واضح ان عين
لان مو صج الي يصير وياج و ترى العين حق

 

[jen2n]

أمين ان شاء الله يارب ،، إيه والله الغيره مشكله،،،والله زين يصير نعيد بكالريوس؟ انا مره سالت حق اختي بس تطبيقي ان بتعيده عشان تاخذ تخصص ثاني قالو ما يصير خذت فرصتها!! أنا نفسج لما اشوف نفسي مو قادره علي التدريس بقدم استقاله وبكمل دراسات عليا والحمد الله ريلي شجعني لان اهوا توا مخلص بجامعه الكويت ماستر فان شا الله خير*

 

[jen2n]

ويه ‏
تصدقين ‏
ام زنوب توني قاعده اقلب بالمستحضر والا مكتوب ان اذا سوا حساسيه لا تستعملونه !! اما بشرتي ممكك عين وطمكك نفسيه لان مريت بظروف نفسيه صعبه حيل وما خليت موضوع ما حطيته اهني وتحلطمت لين قلت بس بس علي قولتهم الشكوي لغير الله مذله لما الحمداللله عوض صبري خير الحمدالله رب العالمين

 

[jen2n]

سوري ‏
علي ‏
البدليات والكلمه اللي مو مفهومه اهي ممكن لوول

 

[بنات حواء2]

جنون لا عادي البدليات عندي و عندج خير
بنسبه لاعادة البكلريوس
و الله انا كذا مره سمعت ان واحد حامل بكلريوس لتخصصين
فاعتقد يصير بس بتطبيقي لا
يمكن بكليات الجامعه اي يصير
بنسبه للماستر انا ابي اكمل ماستر بس اذا قفلوها بويهي ماراح اقعد بدرس حقوق لاني اعضق الدراسه عندي افضل مليون مره من الوظيفه نفسها مو لاني ما احب التدريس بالعكس اموت فيه بس الدراسه لها طعهما و فوائدها و حسها مهمن كانت الوظيفه مريحه تظل الدراسه احلى و لها طعمها
الخوف الي يصير قبل الامتحانات طعمه حلو لمن تكونين نجحتي و بدى ينعكس على وعيج و ثقافتج و مستواج التعليمي
بنسبه للماستر واي جنون ما ادري شقولج
انا معدلي يهبل
بس ناطره الفرج
كل ما اسئل يقفلونها بويهي
اي ليش
ما ادري بس اكتشفت ان احنه بديره مايبون يكتشفون طاقات الشباب و مايبون ينمونها
يبون يكتشفون الواسطات و يلبونها بس
واي انا وايد تحبطت من واقعنه من يوم ماتعينت و انا اشوف بعيني اشلون الواسطه ظامه وايد ناس و مريحه ناس على حساب ناس
انا ودي اكمل ماستر و اخذ الدكتوراه بس وين ماتروحين قافلينها بويهج
عمومن انا بحاول و بسعى و بشوف شيصير
انا راح امر المنطقه يوم الاحد عقب الدوره و بسأل عن شروط اني اكمل دراستي و الكيفيه
و متى يكون براتب كامل و متى يكون بنص راتب
اذا تطلب الموضوع سنتين براتب كامل راح اخدم سنتين براتب كامل و اذا تطلب اكثر من سنتين راح اكمل حتى لو بنص راتب حتى لو من غير اتب المهم اني اكمل قبل لا يضيع عمري و حلمي وياه

بنسبه للنفسيه حبيبتي نصيحه مني لج و انا ابي مصلحتج لا تسمحين لاي شي يكدر خاطرج مو اكثر مني صدقيني صارت فيني بلاوي مايعلم فيها الا ربي و وحده منهم بعد كتبتها هني انا حظي كلش مو شي
بس الحمدلله على كل حال
و نفس ماقلتلج مهمن كان هشي لا يتحكم فيج حاولي انتي تتحكمين فيه و تتقبلينه
يعني انا يوم حطوني بالمدرسه الي ما ابيها من بين 100 مدرسه بجيت لين جفة عيوني و نزف خشمي
منو سمعني منو رد علي
جان الطوفه ردت ردوا علي
ماكو فايده بظل اتعب نفسي ليش و كله على حساب نفسي و صحتي مو على حساب احد ثاني و لا احد بيدري عني
حبيبتي نصيحه تقبلي الامور بصدر رحب و شوفي ربج شنو كاتبلج لي جدام
و الله يسهل علينه امورنه يارب

 

[miss roro]

بنااااااااات اذا حطوني ثانوي اقدر اعترض؟؟ مو على كيفهم لاني مستحيل ادرس ثانوي

 

[( المـلاك )]

بنااااااااات اذا حطوني ثانوي اقدر اعترض؟؟ مو على كيفهم لاني مستحيل ادرس ثانوي

ماعتقد تقدرين
خلاص فات الفوت

بس شنو تخصصج حبيبتي ؟

 

[( المـلاك )]

ام زنوب

جنج شيشتيني
بس مو على الماستر لأ
على البكالريوس بتخصص ثاني

عاد انا وحده ودي بجذي صراحه

 

[fri2010]

كويت باينغ انا كل يوم ادخل واكتب بس فشله اغلب التجمع فيه ردودي جني بالعه رادو لوووول

بنت حوا اهم شي الحين ان عندج شهاده بكالريوس مهما كان مكانها جامعه والا تطبيقي

بس ترا في ماستر اون لا ين وفي جامعات بلندن يعطون ماستر بـــ 8 شهور بس

ولا وما يبون يعرفون شنو تخصصج بالبكالريوس

وما ادري اي جامعه غير جامعه الكويت بتفتح ماستر هالسنه عندنا

كويتيه كول انا مو فاهمه قصدج وبالعكس التوجيه ما قال شي خلاني انصدم!

جنووون الله يعينج عاد وراج عرس عاد استخدم كلين اند كلير بالنكهه النعناع ترا وايد زين بس اذا سوا لج حساسيه هديه استعملي شي يناسب بشرتج


ميس رورو اعتقد يصير الحين لان في وحده بمنطقه تعليميه غير عن منطقتي كانو الوزاره حاطينها ابتدائي وبالدوره داومت على اساس ابتدائي بعدين فاجؤوها ان حطوها متوسط عاد اقنعتهم انها ما تبي وحطوها ابتدائي

 

[ذكريات عشاق]

مسسساء الخخير بنات
السموحه غطيت عنكم بس شنسوي والله مو متعودين على الدوام ومن بعد العطلة كان اول اسبوع
متعب ومرهق

المهم مابقى الا يومين او 3 ايام ونخلص ونروح مدارسنا

احنا التوجيه قالنا يوم الثلاثاء بنطلعكم مبجر عشان تروحون المدرسة وتباشرون العمل

 

[fri2010]

امبيه بنات بعد ما تعودت على قعدت الصبح الساعه 6

بالويك اند قمت انام 2 ونص واقعد 11:/

اها يعني ندوام من اول ما نطلع من الدورة!!

 

[Q8Buying]

حسب أسلوب كل توجيه .. ترا ..

أو كل منطقة تعليمية ..

ما شاء الله بمنطقة العاصمة التعليمية المراقب مباشر الدورة بنفسه .. يعطيه العافية ..



هالأسبوع أحسه أكثر تشويق !

 

[ذكريات عشاق]

اي فراي على حسب احنا قالوا لنا يوم الثلاثاء بنطلعكم مبجر وتروحون مدارسكم على طول

 

[fri2010]

حلووو جان زين جذي احسه جذي بيخفف العبء النفسي اللي مال اول يوم

 

[ذكريات عشاق]

اي حححده وزين يبقا لنا 3 ايام نكون تاقلمنا مع القسم
ومستعدين لمواجهة الطالبات ونكون بعد تعودنا على رئيسة القسم

 

[fri2010]

ايه والله

بنات فشله في وحده معانا متخرجه من جامعه الكويت كليه التربيه وماخذه ميداني وما تعرف تحضر!!!

يعني معناه الدورة مفيده للطرفين ماله شغل تربويه والا مو تربويه!

 

[ذكريات عشاق]

اي احنا بعد معانا بنات من التربية يقولون ناسين ومو عارفين
اي صح وبعدين الحن المدارس مافيها طلبه على الاقل هاليومين اللي نروح فيهم للدورة نستفيد شي
مو بس قاعدين على مكاتبننناااا