روايتي الآولى : لآ تلعبين معاي تراج منتي قدي ( نوف * حمد ) / بقلمي

[shyy'Om]

••​

​

​

​

​

​

صبـآإح // مسـآإء آڷۈرد ..~ ​

آفتتحت اڷيۈم ||•​

​

رؤآيتي الآولى​

••​

آتمنى آنكم تشجعوني ​

آتمنى آنها تعجبكم ؤتكون عند حسن ضنكم ​

••​

البارت الآول ​

من حبني يامرحبا براعي الحب
وان راح ربي يحفظة كل ساعه
ولية ليةيودعني ولية لية يعذبني ولية لية يجرح قلبي وانا احبة​

نوف : وليييه وليييه هذا وين رااح بط راسي وأخيرا لقيتك
ترد على فونها ​

حمد : صباح الخير يا عسل ​

نوف : صباح النور حبيبي ​

حمد : لا يكون قعدتج من النوم ؟! ​

نوف : صج انك قعدتي و انا حدي دايخة بس ولا يهمك كل شي منك حلو ​

حمد : نوفتي متى اشووفج والله حدي مشتاقلج ما صارت جامعة وامتحانات تدرين لمن اتزوجج اول شي بسوييه شنو ؟! ​

نوف : شنو ؟! ​

حمد : بشتريلج شهادة محاسبة و اوضفج ونفتك من الجامعة الي ماخذتج مني ​

نوف : ههه هذي يديدة خبري يشترون شهادة طب هندسة مو محاسبة ​

حمد : امم شسوي بعد قمت اقط خيط وخيط والله حالتي تدهورت بدونج احبج يا بنت وربي احبج ​

نوف : سكتت شوي .... وانا أكثر والله بس شسوي ما بقا شي على الكورس بعد هالعطلة مابي آخذ صيفي و راح اتأخر لين اتخرج بعدين ماراح تنزوج بسرعة ​

حمد : لا لا كلش ولا ما تتخرجين بسرعة اخذي صيفي وشدي حيلج انا ما اصدق تتخرجين و اتزوجج كل شي ولا زواجنا يتأخر يالله الحين انا اخليج عندي قيم مع الربع ​

نوف : من صباح الله خير !! حمود انا جم مرة قايلتلك ماكو كرة ولا نسيت آخر مرة شصار فيك من الدفاشة ربعك لا يكون سيف بيلعب بعد ​

حمد : ههه فديت الي تخاف علي أي بيلعب ​

نوف : فدااك انا بس لا تضيع السالفة ماكو لعب ​

حمد : نوفتي شقولون عني معطيهم كلمة والحين اقولهم ما اقدر ​

نوف : خلاص هذي آخر مرة قولي وعد ​

حمد : وعد والله وعد ​

نوف : حمود ​

حمد : عيونه ​

نوف : احبك .... ​

طووط طووط طووط > سكرت الفون ​

حمد : ههه صارلنة كملنة 2 سنين مع بعض وبعدها لمن تقولي احبك تسدة الله يخليلها لي ​

••​

​

أعرفكم على الشخصيات ​

نوف ​

عمرها 20 تدرس محاسبة بجامعة AUM برونزية و شوي شعرها مشوقر عيونها زيتية و وساع ورموشها طوال خشمها دقيق ابتسامتها روعة طولها زين مملوحة حيييل ​

من ناحية الشخصية شخصيتها قوية محد يقدر يأثر عليها بنفس الوقت مرحة واجتماعية مو بسرعة تتنرفز تعرف الي قبالها من اول نظرة ذكية و شيطانة بنفس الوقت ​

حمد ​

اسمر . سمارة حلو وعيونة حدهم خياال عسليين خشمة ضعبف و طويل جسمة تحطييم وايد ابتسامتة حيييل تجذب شعرة كستنائي وناعم مسوي قفل وحييل جميل يعني حلم كل بنت على قولتهم ​

من ناحية الشخصية حبوب وطيب حييل حنون بدرجة مو طبيعية بسرعة ينحب و بنفس الوقت بسرعة يحب و صعب ان ينسى او يكره اذا كرة يكره حييل عمره 22 ويدرس هندسة بجامعة الكويت, بسرعة يدش القلب ​

••​

نرد حق أحداث قصتنا ​

من حبني يامرحبا براعي الحب
وان راح ربي يحفظة كل ساعة
ولية لية يودعنيولية لية يعذبني ولية لية يجرح قلبي وانا احبة​

نوف : وربي قمت أكره الأغنية بسبة فوني ​

( ترد على فونها ) ​

نوف : نعم ​

عبد الله : شنو هالاسلوب من الصبح الناس صباح الخير قوة شلونك وانتي نعم !!​

نوف : خلص امي شتبي ​

عبد الله : ترى انتي اليوم كلش مو مضبوطة ​

نوف : كيفي بتقول شتبي ولا أسدة ترى مو فاضيتلك ​

عبد الله : اكلي تبن شوي خليني اتكلم ​

نوف : خير ​

عبد الله : خير بويهج انشاء الله الخروف الي عندج مو ناوية تخلصين موضوعة ولا نسيتي الاتفاق لا أخاف نسيتي عشان اذكرج​

نوف : اللهم صبرج يا روح لا ما نسيت و كلها جم اسبوع والموضوع خالص انشاء الله ​

عبد الله : اتمنى والله يا خوفي يا نوفو انج قاعدة تلعبين بذيلج من وراي بس والله والي رفع سابع سمة .....​

تقاطعة نوف : بس بس حفظت الاسطوانة مالا داعي كل صبح اسمع نفس السيناريو مالك قتلك كلها جم اسبوع والموضوع خالص تبي مترجم مثلا ؟! ​

عبد الله : انجعمي ولا تطولين لسانج لا كف أعدل مزاجج حقج ​

يسد الفون بويها ​

••​

نوف : عمة تعمييك والله اني ابتلشت ما طحت الا بألسان عبيد ​

عبد الله يكون ولد خال نوف و ماسك عليها شي كبير انشاء الله بالبارتات الياية راح تفهمون أكثر
ابيض خشمة سلة سيف شفايفة صغار وشعره أشقر عيونة لونها أخضر عندة سكسوكة كلة يقرع بس مجسم شوية أشباه جنة أمريكي طالع على امه الأمريكية جدام أهلة أطباعة أطباع المسلمين والكويتيين بس من وراهم أطباعة كلها اجنبية وما عندة غيرة كلش على أهلة و حييل مستغل شغلة ان امه امريكية ​

نهاية البارت ​

••​

توقعاتكم

‘ + آرائكم + انتقاداتكم ​

وآتمنى تفاعلكم

'​

 

[laco$te]

بدايه حللوه
اب اب اب اب اب اب اب اب اب اب اب​

 

[Føzöø]

البداايه تشووق

موفقه

تعليقاتي ع البارت ..،

احم

احم


عبدالله ويع ملييغ كلش ما حبيته

و حمد حبيته وااي حلاته والله ؛)

و نووف حبيتها بس تشوقت اهيه شمسويه !!

وو بس نااطرين التكمله حياتي ،،.

 

[shyy'Om]

انشاء الله بعد شوي انزل البارت الثاني :$

و بلييز ابي تفااعل اكثر من جذي عشان اكمل

 

[shyy'Om]

البارت الــ2
••​

​

نوف تدش الحمام تكرمون تغسل ويها تفرش اسنانها تطلع تبدل حق الجامعة

لبست تيشيرت على سبونج بوب وسيع حييل وقصير لي نص بطنها تحتة بلوزة بيضة حفر مع سكني أسود و كعب شوي طويل حطت لها بلشر برونز مع حمرة وردية و كحل أزرق وآخر لمسة الي اهي المسكرة ​

••​

​

نزلت تحت تتريق

نوف : صباح الخير

نواف : صباح النور يا هلا بتوأمي

نوف : ههه نوافؤ يا هلا و صباح النور توأمي شعندك

نواف : والله يا وخيتي عندي طلب عنونو

نوف : تفضل

نواف : ابييج تحليلي الــــــhome work

نواف : انا أقوول ... وليش ما حليتة انت انشاء الله .... ترى وايد قزرتها علي

نواف : انا اخوج الي أكبر منج بــ5 دقايق لازم تخدميني

نوف : مشكلة هالــــ5 دقايق ذليتني عليهم الله يسامح الدكاترة الي طلعوك من بطن الماما قبلي يالله ييبة لا تقولي انه واجب math 120

نواف : بالضبط

نوف : يالله بسرعة عطني احلة ​

••​

​

طبعا نواف يصير توأم نوف وأكبر منها بــ5 دقايق لوول ما تتصورون اهم شكثر مع بعض بما انهم توأم كانوا يحسون ابعض بدرجة مو طبيعة علاقتهم ابعض كانت حييل قوية والشبه بينهم مو طبيعي

نواف كان لونة نفس لون نوف برونزي و شعرة أسود عيونة عسلية والي يعجب انه عندة غمازة على خدة اليسار نفس مكان قمازة نوف و عندة شامة تحت حواجبة مثل شامة نوف خشمة كان صغيرون و شفايفة صغار ونفس ابتسامة نوف كان حبوب وطيب حييل واطباعة نفس اطباع نوف بالضبط يحب اختة حييل واهي عندة بالدنيا كلها ​

••​

​

تدش ام نواف غرفة الطعام

ام نواف : صباح الخير

نوف و نواف مع بعض : صباح النور يا نوور

ام نواف : ههههه سبحان الله صج توأم ماما اليوم متى كلاساتكم تخلص

نوف : انا آخر كلاس عندي يخلص الساعة 2:30

نواف : وانا آخر كلاس 11:30 نوفوو طحسي

نوف : ايا النذل هذا أي كلاس الي يخلص الساعة 11:30 انا مسويتلك جدولك ما اذكر في كلاس يخلص 11:30

نواف : (يطقها من تحت الطاولة ) شفييج حايشج زهايمر كلاس MATH 120

ام نواف : مو علي هالسوالف على فكرة طقيت ريلي بدال لا تطق ريل أختك

نواف : (انحرج ما يدري شقوول )

نوف : كاااااك عشان ما تجذب

ام نواف : يما لا تنسى انكم بعثة على الحكومة يعني لمن تسقط 3 مرات راح تنطرد من الجامعة محد راح يدفع غير ابوك

نواف : انشاء الله يما آخر كلاس عندي الساعة 2:30 بس ماراح اتغدى بالبيت لا تحسبوني بروح مع خلؤد ماكي الافنيوز

نوف : اخييييه ما تاخذوني خو خويلد جنة اخوي و حسابكم علي

نواف : دام حسابنة عليج ما نقول لأ

ام نواف : يالله يما خلصوا اكلوا لا تتأخرون انا الحين رايحة العيادة

نوف : الله وياج يماا

نواف : مع السلامة ​

••​

​

طلعت ام نواف

ام نواف دكتورة انف وأذن و حنجرة عندها عيادتها الخاصة تعتبر من احسن الدكاترة الي بالكويت بهالمجال عمرها 40 بس شكلها كلش ما يوحي شكلها حييل صغير جميلة حييل و متزوجة ابو نواف عن حب ​

••​

​

نواف و نوف توهم طالعين من البيت الا ابوهم داش

نوف : صباح الخير يبا

نواف : هلا بالوالد هلا بالحبيب

بو نواف : صباح الخير يبا نوف

نواف : ها يبا توك راد من الشغل

بو نواف : أي يا يبا والله انا كبرت و تعبت شكلي بتقاعد مليت من هالشفتات

نوف : يعطيك العافية يبا و بعدك شباب جنك البخت بس تدلع شوي

نواف : صج ما تعرفين تسولفين في وحدة تقول حق ابوها تدلع

نوف : (تضيع السالفة ) يالله انا تأخرت

تطلع سويج الموستنق من جنطتها وتمشي

نواف : عقدني عقدني نوفو

نوف : اقوول يالبرستيج توكل توكل ​

••​

​

بو نواف كان يشتغل مهندس بشركة النفط K.O.C و عندة شركة ورثها من ابوه كان مو مقصر على عيالة بولا شي ولا يبخل عليهم عمرة 42 وحبوب حييل وكان يحب عيالة بشكل مو طبيعي و مستعد يسوي أي شي عشانهم ​

••​

​

تركب نوف سيارتها تطقها سلف تشغل المسجل على اغنية من لهيب الشووق ودخلت جو الا تلفونها يرن

نوف : صباح الخير هلا بالحب

حور : هلا فييج انتي وينج لكلاس ما بقا شي و يبلش

نوف : يعني قاعدة على صوت الدعلة حمد تبيني اتوفق من صباح الله خير

حور : حرام علييج انا مادري انتي وين بتوصلين

نوف : يالله كلها جم اسبوع و تخلص السالفة

حور بعصبية : يعني انتي مصممة على الي براسج ؟!

نوف : لا تعصبين أي مصممة و ما بذني ماي بعد

حور : الله يهديج يالله انا بدش الحمام تكرمين سي يو

نوف : سي يو ​

••​

​

حور تكون رفيجة نوف الروح بالروح من الابتدائي و اهما مع بعض وكانت خطيبة نواف اخوها بس صارت مشاكل و انفصلوا : بيضة بياض الثلج و شعرها أشقر عيونها لونها أزرق و جسمها حدة حلو بشرتها مثل بشرة اليهال حدها حساسة و طيبة حييل حبوبة بدرجة مو طبيعية و ما ترضى بالغلط ​

••​

​

نهاية البارت

....

توقعاتكم

' & رايكم

'​

​

 

[Føzöø]

يسلموو ع البارت

اذا ما عليج امر ( غمجي الالواان ؛) )(

نووف مو عاجبتني

و ليش حاطه ع حمد وعليا اهو شسواا

ليكوون عشان المليق عبدالله

وو بس

نااطرين التكمله :/

 

[m!ss shosha]

رووووووووعه

اب
اب
اب
اب
اب
اب
اب
اب
اب

نااطريين

و نووف هذي بااطه جبدي

حراام حمد ما يستاهل

 

[جفاكـ ضيع غلآكـ]

بدآيــةة حلـؤؤؤؤة !


ثأأنــ ك ــسسس ..


شوقتينا نعررف قصصصتهم ~*

نآطرييينـج ~~

 

[shyy'Om]

يسلموو ع البارت

اذا ما عليج امر ( غمجي الالواان ؛) )(

نووف مو عاجبتني

و ليش حاطه ع حمد وعليا اهو شسواا

ليكوون عشان المليق عبدالله

وو بس

نااطرين التكمله :/

العفو وانشاء الله المرة الياية اغمج الالوان لعيونج :eh_s(22):
انشاء الله بالبارتات الياية تعرفيين لوول

 

[shyy'Om]

رووووووووعه

اب
اب
اب
اب
اب
اب
اب
اب
اب

نااطريين

و نووف هذي بااطه جبدي

حراام حمد ما يستاهل

مرورج الروعة فديتج :eh_s(22):
منورة حياتي

 

[shyy'Om]

بدآيــةة حلـؤؤؤؤة !


ثأأنــ ك ــسسس ..


شوقتينا نعررف قصصصتهم ~*

نآطرييينـج ~~

عيونج الحلوة حبيبتي :eh_s(22):

العفو منورة :eh_s(22):

 

[m!ss shosha]

بعد شبزي انتي متى البارت

 

[مجروحة الخاطر]

حلوووة الرواية .... يعطيج العافية حبيبتي :d ... متى بارت الياي ؟!

 

[جفاكـ ضيع غلآكـ]

نأأطـــرييــنج حيأأتــي ..~​

 

[shyy'Om]

يالللله يا حلوين الحين بنزل بارت :$

منورين الحتة فديتكم :$ :$

 

[shyy'Om]

سوري لاني تأخرت عليكم

ّّ
البارت الثالث

!!
••

​

حمد تريق بروحة لان امه و ابوه و اخو كانوا مسافرين علاج حق اخوه
اخوه حمد كان مريض بكبدي وبائي صارلهم مسافرين 6 اشهر علاج بلندن
طلع من باب البيت وصل صوب السيارة الا يلقى وردة حمرة على سيارتة
حمد : اووف اووف مادري متى راح افتك من اللزقة هذي خنشوف هالمرة شكاتبة بعد
خذة الورقة كانت كاتبتلة
لمني في محجر عيونك حبيبي وخلني اشوف نفسي في عيونك وأطمئن
صباح الورد
شيؤم
••

​

حمد : واااو الصراحة .... اهم شي انها مدلعة روحها قال شيوم قال (عفس الورقة جان يقطها على الارض ) خذة الوردة وقطها بزبالة الشارع
ركب حمد السيارة الا يرن تلفونة شاف الرقم الا تدمع عيونة مسح دمعتة بسرعة و رد على التلفون
حمد : هلا بو مشاري عساك بخير
طلال : بخير الله يسلمك ... انت شلونك
حمد : بخير دامك بخير تعال طلول ما قتلي طلعوك من الـــbox والا بعدهم
طلال (بصوت حزين) : لا ما طلعوني انت متى تخلص من الجامعة وتيي عندي مشتاقلك
حمد : انشاء الله ما بقا شي طلال وانشاء الله تصير زين و انت تيي عندي مو انا ايي عندك
وخر طلال سماعة التلفون وقعد يمسح دموعة
طلال : حموود ... حمود
حمد : هلا حبيبي معاك
طلال : وينك ليش مو رايح الجامعة
حمد : كاني بالسيارة رايح الجامعة
طلال : يالله انا اخلييك لا أشغلك والحين انا بتريق
حمد : لك الوقت كلة حبيبي انت .... يالله بالعافية اكلمك اليوم بالكام الساعة تكون عندكم 10 اوكييه اشبك لا تنسى
طلال : انشاء اللله ما انسى
حمد : سلم على امي و ابوي
طلال : يوصل مع السلامة
••​

حمد ماقدر صفط عند حارة الامان وقعد يبجي يبجي كان عندة احساس قوي انه اخوه الوحيد ماراح يعيش
حمد : استغفر الله اعوذ بالله من الشيطان الرجيم اعوذ بالله من الشيطان الرجيم
يمسح دموعة الحارة يرفع راسة يطالع صورة طلال الي كان معلقها على منظرة السيارة
حمد : يارب رد اخوي لي بالسلامة يا رب عافة يا رب رجعلي اهلي يا رب يارب مالي غيرك اشكي يارب ...
كمل طريجة حق الجامعة
طلال يكون اخو مشاري المريض عمره 20 ذكي حييل كان يدرس طب اسنان بس وقف قيدة عشان العلآج

••
​

نوف واهي بالطريج حق الجامعة
خذت آيفونها قاعدة تدور اسم نواف بالــwhatsapp
نوف : امبييه شفيك وراي وراي جم مرة قتلك ما اعرف جذي ليش ياي من هالطريج
نواف : كيفي وخلي عينج ع الطريج
نوف تدوس حييل
نواف : اقوول خففي لا كف
نوف : تتحداني اوصل الجامعة قبلك
نواف : هههه ضحكتيني من شاف الموستنق مالتج يالعقيدية
نوف : شووف العقيدية شنو بتسوي بالكمارو مالتك يالبرستيج
تدووس نوف
نواف يدوس
تدوس
يدوس
رن فون نوف
نواف : انتي حماااارة ولا شموضوعج
نوف : عادي الطريج سالك وانا بمصخرك اليوم
نواف : خففي لا اطلعلج من الفون وربي
نوف : اطلعلي يالله
نوف ( كانت تبتون بين السيايير و تروح من حارة لي حارة بدون لا تطق اشارة )
نواف : صفطي يمين
نوف : مابي
نواف : قتلج اوقفي لا والله ما يصير خير
نوف شبتسوي يالله سلام يالـــ loser
راحت نوف يم سيارة نواف عطتة بوسة و داست
نواف : انا اورييج يالجلبة


••​

كلاس نوف و نواف بدة وكل واحد من ربعهم يرقعلهم
مس سارة : where is nouf ?!
حور : she will be late because she has emergency case
مس سارة : late again !! she already has 3 late before
حور : لانها حمارة
مسسارة : what ?!
حور : nothing miss
نوف داشة ميتة ضحك على نواف نحاشت منه قبل لا يكلمها
حور : انتي وينج صار عندج 4 ليتات
نوف : متأكدة 4 ليتات
حور : أي توة المس قالت
نوف : يعني مو 4 ابجورات
حور : وييع وييع يالمليقة بعدين شفيج ميتة ضحك
نوف : بعدين اقولج

••​

بكلاس نواف
نفس الحالة الدكتور يسأل عن نواف و خالد رفيجة يرقعلة انه عندة حالة طارئة لوول

••​

نهاية البارت

اتمنى انه يعجبكم بليييز توقعاتكم + تعليقاتكم

​

 

[ندوي المطيري]

روعه حياتي بس سؤال انتي مخلصتها ولا للحين تكتبينها
يعطيج العافيه
اب
اب
اب
تقبلي مروري

 

[m!ss shosha]

الباارت قصيير

بسس عالعمووم يعطييج العاافيه

ناطريين الباارت

 

[جفاكـ ضيع غلآكـ]

ثأآنكــسس ع البآرت النآيس بس مو جنه قصيير ?¡

حرآم حممـد مسكيين ..


أإب

أإب

 

[ندوي المطيري]

وينج يلا نبي بارت بسرعه تراج وايد تتأخرين انتي للحين تكتبينها