இணஇ حملة تعالي معنا و اسعدي♥للمتفائلات♥ج 2 இணஇ

[PO PO22]

رد: இணஇ حملة تعالي معنا و اسعدي♥للمتفائلات♥ج 2 இணஇ

هلاااا رعوووووووووي اشتقتلج وربي

 

[راعية الطويلة]

رد: இணஇ حملة تعالي معنا و اسعدي♥للمتفائلات♥ج 2 இணஇ

نبدأ بحمد الله و الثناء عليه

الدورة الجديدة

>>الحمد لله حمدا طيبا مباركا كما يليق بجلال وجهه و عظيم سلطانه<<


ملاحظة : أتمنى منكم خواتي كلكم تشاركون فيها لأنها فعلا مهمة و ممكن الكل يمر فيها و كلنا نحتاج نشور بعض و ما خاب من استشار


* ما يخفى على أي وحده فينا أهمية الصداقة في حياتنا
و هي نعمة لها فضل عظيم لو أحسنا استخدامها
و ممكن كلنا لنا معارف حلوة و جميلة مع خوات في الله ما عاشرناهم في مكان واحد
و لا شاركونا حياتنا المادية
لكنا جميعا نحتسبها لله و نجني من ثمارها الشيء الكثير
و الأجر الجزيل


تخيلي إن لج نوع من هالعلاقات يعني لج أخت في الله
تتبادلين معاها الوعظ و الكلام الطيب و التجارب الخالصة


و إنت ِ كقناعة و مبدأ ..

من ناحيتج الشخصية غير مطالبة بالإفصاح عن ظروفج الشخصية و أسرارج >>و هذي نقطة مهمة<<
و لا إنت مطالبة بتقرير يومي عشان تثبتين لها إنج إنسان
و لج مشاغلج اليومية اللي تزيد و تقل



لكن ...


تلاحظين هالأخت إذا ما رديتي عليها بالفون أو الرسالة القصيرة

تشك فيج و تقول لج بالشهر3 مرات :

إنت ِ متضايقة مني

أنا زعلتج !!
إنتِ ليش متغيرة علي؟!!
إحساسي يقول جذي !!!

و هذي كلها في الواقع عبارات سلبية

تدخل تحت مسمى سوء الظن >>البعض يسميه حساسية زايدة <<




مع ذلك ..

تشرحين لها كذا مرة إنها عزيزة و غالية

لكنها الظروف الخاصة!!!!<<مثل ما قلنا صندوق مسكر ما ينفتح

الظروف طبعا ما لها علاقة بالزواج

الظروف تعتري الجميع

و هذا بديهي و ما يحتاج

لكن في كل مرة تحسين نفسج متهمة بدون جريمة !!!

و مطالبة بالدفاع عن نفسج مع إنج واثقة إن ما كو سبب
يدفعها لهالكلام ..
لكن غلاها اللي في قلبج يخليج كل مرة تتعاملين معاها باللين و طوووول البااال ..



** في رأيج و من خلال خبرتج شنو اللي يدفع بعض الأشخاص لسوء الظن بالطرف الآخر
على الرغم من عدم وجود مصلحة دنيوية !!!!!>>إحنا قلنا إخوة في الله يعني من أسمى المعاني




** لو كنت مكان الأخت اللي هذي
هل راح تسوين نفسها و تكررين كل مرة نفس كلامج لها:
إنها عزيزة و غالية بس ظرف خلاج ما تردين على إتصالها!!!
و لا من البداية يكون لج موقف معين تبترين فيه ظنونها!!!



** في واقع الأمر هالنوعية من الناس اللي تسيء الظن بغيرها و توجه لهم عبارات سلبية مثل :
إنت ِ زعلانة مني ؟؟ إنت متغيرة علي ؟؟

ممكن تستمر صداقاتهم لوقت طويل !!!!
و لا تبعث في الطرف الآخر الإحباط ..فينسحب ..


** شنو الحل في نظرج لهالمشكلة و هي إنج بديتي بأمر طيب و حلو إحتسبتوه إنتو الثنتين لله
بس بعدين قلب عليج الأمر و صرتي إنت دايم متهمة بدون جريمة و بدون دليل!!!



** في نظرج أي صديق في الدنيا و خاصة مثل ما قلنا أخوة في الله

ممكن نفصح له عن ظروفنا الخاصة و العامة !!

و لا المفروض يكون الصديق حسن الظن دايما ؟؟؟؟








أنتظر منكم أفضل التجارب و الآراء و الخبرات

ما قصرتوا خواتي في الله

أحبكم كلم في الله

 

[راعية الطويلة]

رد: இணஇ حملة تعالي معنا و اسعدي♥للمتفائلات♥ج 2 இணஇ

هلاااا رعوووووووووي اشتقتلج وربي

حبيبة قلبي يا الغالية

الله يسعدج يا أحلى عروس

أنتظر مشاركتج:eh_s(15):

 

[PO PO22]

رد: இணஇ حملة تعالي معنا و اسعدي♥للمتفائلات♥ج 2 இணஇ

مرحباا رعووووي

والله وجبتيهااا صح هذي الحركه باطه جبدي الزعل وليش ما ليش

اناا تصير فيني جذي اناا بطبعي ما احب اتكلم بالتلفون واايد يعني بالاسبوع مره او مرتين كاافي بس رفيجااتي يبوني كل يوم ادق عليهم

واهم يدقون على واذا ما رديت عليهم يزعلون ويتضايقون يقولولي شنو الي يخليج ما تردين علينااا ووين رايحه وشنو شريتي والله مرات اتضايق منهم

والله مرات اتحسف اني تعرفت على البنات ياليت تكون علاقنتا سطحيه

اناا احب اقعد مع اهلى واشوف شنو يبون واسولف معهاا

والله كثرت السوالف تحيب الهم والمرض

اناا مرات اكون فاضيه ادزلهاا مسج فاضيه ولا لا مو ادق عليهاا وازعجهااا واذا ما ردت علي ازعل واتضايق

كل واحد ظروفه تختلف من شخص لاخر مو كلهم نفس الشي

الله يهديهم بس

هههه رعووووووووي جني قلت قصه حيااتي بس عاادي تحمليني

 

[PO PO22]

رد: இணஇ حملة تعالي معنا و اسعدي♥للمتفائلات♥ج 2 இணஇ

حبيبة قلبي يا الغالية

الله يسعدج يا أحلى عروس

أنتظر مشاركتج:eh_s(15):

يماآآآ :eh_s(2): رعب وربي

فز قلبي يوم شفتهاااا :eh_s(2):

 

[راعية الطويلة]

رد: இணஇ حملة تعالي معنا و اسعدي♥للمتفائلات♥ج 2 இணஇ

أحسنتِ بوبو
بارك الله فيج ع المشاركة

أكيد رأيج مهم و مفيد بالنسبة لنا كلنا


و الله يبعد عنج كل مكروه و كل رعب حقيقي

آمين آمين آمين

 

[عاشقة الدوحة]

رد: இணஇ حملة تعالي معنا و اسعدي♥للمتفائلات♥ج 2 இணஇ

دع المقادير تجري في أعنتها.. ولا تنامن إلا خـــــالي البال
مابين غمضة عين وانتباهتها .. يغير الله من حال إلى حـال ...

*****
(( اللهم يا مغير الحال و الأحوال .. غير حالنا إلى أحسن حــــال .. )) آمين ..

​

 

[‏ڝڋٸ ٵڸڪٿہـآڻ]

رد: இணஇ حملة تعالي معنا و اسعدي♥للمتفائلات♥ج 2 இணஇ

كويتية

حياج و بياج يا الغلا


صدصد

أشرقت الأنوار

صباح الخير يا كل الخير

تسلمـــــــــــين رعـــــــــــووي اشرقت بووجودكـ ي الغــــلا وهذي لكـ :eh_s(7):

صباااااح الخيييييييييييير لكـ ولجميع بنااات الحمله .......

 

[‏ڝڋٸ ٵڸڪٿہـآڻ]

رد: இணஇ حملة تعالي معنا و اسعدي♥للمتفائلات♥ج 2 இணஇ

تمااامووو يا عسسل

وانتي بشرريناا عنج

دووووووووم تمااااام ياااااارب

واناااااا الحمدلله بخيييييييييييييير ....

:eh_s(7):

 

[‏ڝڋٸ ٵڸڪٿہـآڻ]

رد: இணஇ حملة تعالي معنا و اسعدي♥للمتفائلات♥ج 2 இணஇ

أخبااااااااااااركـ بـــــــــــوبـــــــــــــــو عساااكـ بخيييييييير ......

رومنسيه ومدمد وبووونه وين رحتـــــــــــــو ........ عسى المانع خييييير ياارب ...

 

[راعية الطويلة]

رد: இணஇ حملة تعالي معنا و اسعدي♥للمتفائلات♥ج 2 இணஇ

صدصد

صبحج الله بالخير و النوير

يا الله

الدورة تنطرج يا الحلا

 

[‏ڝڋٸ ٵڸڪٿہـآڻ]

رد: இணஇ حملة تعالي معنا و اسعدي♥للمتفائلات♥ج 2 இணஇ

* ما يخفى على أي وحده فينا أهمية الصداقة في حياتنا
و هي نعمة لها فضل عظيم لو أحسنا استخدامها
تخيلي إن لج نوع من هالعلاقات يعني لج أخت في الله
تتبادلين معاها الوعظ و الكلام الطيب و التجارب الخالصة ​

و إنت ِ كقناعة و مبدأ ..​

من ناحيتج الشخصية غير مطالبة بالإفصاح عن ظروفج الشخصية و أسرارج >>و هذي نقطة مهمة<<​

تلاحظين هالأخت إذا ما رديتي عليها بالفون أو الرسالة القصيرة ​

تشك فيج و تقول لج بالشهر3 مرات :​

إنت ِ متضايقة مني ​

أنا زعلتج !!
إنتِ ليش متغيرة علي؟!!
إحساسي يقول جذي !!!​

تشرحين لها كذا مرة إنها عزيزة و غالية ......​

ترى اناا اشوفه شئ حلو خخخ قصدي انها تهتم وتتصل وتضغط على نفسهااا وفي نفس الوقت تكوون شفافه معي يعني تقولي ليش مارديتي انتي زعلانه ولا شئ ممكن يكون انو انا غاليه عليها لدرجه انها ماتبي تزعلني وكذا وفي نفس الوقت ماتبي تخلي في قلبها شئ علي وهيكـ >>> رحت بعيييييد عن السالفه خخخخ ​

اي وبعـــــــــد ممكن يعتبر سوء ظن وإزعااج في نفس الوووقت .... يعني مثلا تكوون فاضيه فتره الصبااح وانا مثلا اكوون مشغوله واكوون فاضيه فتره الظهر بس هي تبغاني غصب افضى فتره الصبح لهاا وفي نفس الوقت ممكن تحط شرووط وحقوق يعني لازم كل يوم في الفتره الفلانيه تدقين وتتطمنين عليها وتبينين لها انها غاليه وكيذا فهذا يخلي عند الطرف الاخر ممكن يخلي عنده نفوور من هالصداقه لآنهااا صداقه متطلبه وفيها مهاام ومشاق صعبه ​

** في رأيج و من خلال خبرتج شنو اللي يدفع بعض الأشخاص لسوء الظن بالطرف الآخر ​

أمممم ممكن التجارب السابقه مع اشخاص قبل وممكن يكون خوف مسيطر عليهاا انو رح تتركينها في اي وقت وممكن يكوون مو واثقه في هالشخص او بالأصح مو واثقه من نفسهاا فأنعكس على انها مو واثقه بالآخرين ......​

** لو كنت مكان الأخت اللي هذي
هل راح تسوين نفسها و تكررين كل مرة نفس كلامج لها:
إنها عزيزة و غالية بس ظرف خلاج ما تردين على إتصالها!!!
و لا من البداية يكون لج موقف معين تبترين فيه ظنونها!!!​

اي على حسب اذا ازعجتني بطنشهااا خخخ لالا من جد اذا غاليه علي مراااااا اكيييييييد رح اعتذر منها وممكن اقولها السبب >>> ماعندها موشكله تعلم كل شئ
وااذا ماقلت لهاا السبب رح ابين لها ان هالأسئله تضايقني واقلب عليها السالفه واقول لهاا : انتي واثقه فيني ولا لا ؟! انتي زعلانه انتي متضايقه ! عشان تحس با الإزعاج اللي مسببته لي خخخخخ​

** في واقع الأمر هالنوعية من الناس اللي تسيء الظن بغيرها و توجه لهم عبارات سلبية مثل :
إنت ِ زعلانة مني ؟؟ إنت متغيرة علي ؟؟​

ممكن تستمر صداقاتهم لوقت طويل !!!!
و لا تبعث في الطرف الآخر الإحباط ..فينسحب ..​

ممكن ... اذااا إيجابيات هالنوع من النااس كثيييره فيكون من الخطأ التفريط فيهم بسبب اسألتهم المزعجه فقط .. فأعتقد 70 بالميه تستمر و30 بالميه ماتستمر ​

** شنو الحل في نظرج لهالمشكلة و هي إنج بديتي بأمر طيب و حلو إحتسبتوه إنتو الثنتين لله
بس بعدين قلب عليج الأمر و صرتي إنت دايم متهمة بدون جريمة و بدون دليل!!!​

إذا قلب الموضوع علي وصرت متهمه فأحسن تتسطح مثل هالعلاقاات أو ان الواحد خلاص اذا هي لله فالله في كتابه قال ( لايكلف الله نفسا إلا وسعها ) يسوي اللي يقدر عليه وخلاص والطرف الاخر شئ راجع له بيزعل بيرضى .. فالإنساان دايم مسؤل بتصرفاته فقط وليس برد فعل الآخرييين .. ​

** في نظرج أي صديق في الدنيا و خاصة مثل ما قلنا أخوة في الله​

ممكن نفصح له عن ظروفنا الخاصة و العامة !!​

على حسب انااا اقرب صديقاتي اقولها حتى الآكل اللي أكله >> فضاوة خخخ .... يعني الشخص يحتاج انه يتكلم مع شخص يفهمه وهيك ويبث بعض من الهموم وهكذا .. لكن مو الكل اقول لهم ...​

و لا المفروض يكون الصديق حسن الظن دايما ؟؟؟؟​

المفروووض يكوووون حسن الظن بالله اولا ثم يكوون حسن ظن بالناااس ..​

يعطيكـ العاافيه ع الدوره المميزه ي رعــــــــــــوووي ...​

 

[‏ڝڋٸ ٵڸڪٿہـآڻ]

رد: இணஇ حملة تعالي معنا و اسعدي♥للمتفائلات♥ج 2 இணஇ

صدصد

صبحج الله بالخير و النوير

يا الله

الدورة تنطرج يا الحلا

هـــــــــــــلا برعــــــــــــــوي .....صبااحكـ سووكر ... :eh_s(17):

اي حليتهاااا خلاص عااد الله يعينكـ خليته تعبيييير عبيت الصفحه :eh_s(22):

 

[جولينار]

رد: இணஇ حملة تعالي معنا و اسعدي♥للمتفائلات♥ج 2 இணஇ

يوم جديد

مع اشرقة يوم جديد



هناك حلمُ جديد


وأملُ جديد


ويقينُ جديد



فما مضى قد مضى


وما أتى وسيأتي هو الأجمل باٍذن الله

 

[جولينار]

رد: இணஇ حملة تعالي معنا و اسعدي♥للمتفائلات♥ج 2 இணஇ

بالنسبة لدورة رعوي





كلمة انتي زعلانه مني ؟؟؟ انا شخصيا مااعتبرها سوء ظن على العكس تماما اعتبرها طيابة قلب


بس ماتزيد عن حدها يعني مو كل مرره ماارد تقول انتي زعلانه مني ؟؟؟



سووء الظن يكون لما تعتقد اني طنشتها او تجاهلتها لأي سبب من الاسباب


هذا اعتبرة سوء ظن + للأسف ماعرفتي زين وعرفت شخصيتي والا كان ماظنت هالشي فيني



وسالفة الأسرار في حياتنا


للأسف في بنات بحكم تربيتهم وبيئتهم يتعقدون ان من الصداقة اني اقولها كل شي ؟؟؟


ولا فيه أي شي يخفى عنها ولو ماقلت معناته ماااثق فيها واني اتوقع انها ماتحفظ السر ومن هالكلام



هالمشكلة نقع فيها سبب جهل هالفئه وجهلهم ماجا من فراغ

لاا


تربو على هالشي وعاشو في بيئة ومجتمع يعتقد هالشي ويعتمد طريقة هالتفكير




طريقة تعاملي معاهم راح تكون

بأني أؤمن ان هالبنت تفكر بهالاسلوب يعني طريقة متخلفه عن طريقة تفكيري بالكلية

ممكن احاول اشرح لها وأبسط لها الأمور + اتجاهل تصرفاتها اذا كانت عزيزه وغاليه علي


لكن لو كانت انسانة عادية او زميلة ممكن اني اخفف علاقتي معها أكثر واشتري راسي

 

[جولينار]

رد: இணஇ حملة تعالي معنا و اسعدي♥للمتفائلات♥ج 2 இணஇ


سوري اذا فيه اخطاء املائية او الكلام مو مرتب


لأني ارد وأنا على وشك نوم هههههه


تصبحون على خير

 

[PO PO22]

رد: இணஇ حملة تعالي معنا و اسعدي♥للمتفائلات♥ج 2 இணஇ

صدصد


هلاا فيج شلونج يالغلااا شخباارج

 

[PO PO22]

رد: இணஇ حملة تعالي معنا و اسعدي♥للمتفائلات♥ج 2 இணஇ

أحسنتِ بوبو
بارك الله فيج ع المشاركة

أكيد رأيج مهم و مفيد بالنسبة لنا كلنا


و الله يبعد عنج كل مكروه و كل رعب حقيقي

آمين آمين آمين

اجمعين ياارب :yaaaaaarb:

 

[راعية الطويلة]

رد: இணஇ حملة تعالي معنا و اسعدي♥للمتفائلات♥ج 2 இணஇ

صدصد
بارك الله فيج ع التجاوب الطيب

فعلا آراء محل إهتمام


جوجو

جزاج الله خير

أبدعت

آراء مميزة


في انتظار باقي الخوات الغاليات كلللللهم

 

[الصيدلانيه]

رد: இணஇ حملة تعالي معنا و اسعدي♥للمتفائلات♥ج 2 இணஇ

نبدأ بحمد الله و الثناء عليه

الدورة الجديدة

>>الحمد لله حمدا طيبا مباركا كما يليق بجلال وجهه و عظيم سلطانه<<


** في رأيج و من خلال خبرتج شنو اللي يدفع بعض الأشخاص لسوء الظن بالطرف الآخر
على الرغم من عدم وجود مصلحة دنيوية !!!!!>>إحنا قلنا إخوة في الله يعني من أسمى المعاني


ما اعتبره سوء ظن ، انما اهو سؤال عن اخيك الغائب لكن طريقتها تحقيقيه وهذا غلط

** لو كنت مكان الأخت اللي هذي
هل راح تسوين نفسها و تكررين كل مرة نفس كلامج لها:
إنها عزيزة و غالية بس ظرف خلاج ما تردين على إتصالها!!!
و لا من البداية يكون لج موقف معين تبترين فيه ظنونها!!!

نوعي اجاوب على هالنوع من الاسئله بكل برووود واقول لها لا مو زعلانه من غير اي تبرير :d ، طبعا رفيجاتي الميانه يصك ظغطهم من هالرد خخخخ

** في واقع الأمر هالنوعية من الناس اللي تسيء الظن بغيرها و توجه لهم عبارات سلبية مثل :
إنت ِ زعلانة مني ؟؟ إنت متغيرة علي ؟؟

ممكن تستمر صداقاتهم لوقت طويل !!!!
و لا تبعث في الطرف الآخر الإحباط ..فينسحب ..


ما اعتقد تستمر لانها صداقه ممله
** شنو الحل في نظرج لهالمشكلة و هي إنج بديتي بأمر طيب و حلو إحتسبتوه إنتو الثنتين لله
بس بعدين قلب عليج الأمر و صرتي إنت دايم متهمة بدون جريمة و بدون دليل!!!


انسحب بدون ما اجرحها

** في نظرج أي صديق في الدنيا و خاصة مثل ما قلنا أخوة في الله

ممكن نفصح له عن ظروفنا الخاصة و العامة !!

الخاصه محد
العامه لو ارتحت لها وحسيتها اتفديني وتعطيني حل لمشكلتي

و لا المفروض يكون الصديق حسن الظن دايما ؟؟؟؟


المفروض يحسن الظن دايما بس ما نقدر انشكل الغير على مزاجنا ومشتهانا





أنتظر منكم أفضل التجارب و الآراء و الخبرات

ما قصرتوا خواتي في الله

أحبكم كلم في الله

الله يعطيج الف عاافيه رعووي
واحبك الذي أحببتنا من اجله