تقريري لكلا من بادن بادن, انترلاكن, فلاخو النمسا, فنيسيا, زلمسي, فرانكفورت لعيونكم ..

[حلمي اكون ام Q8]

السلام عليكم ​

حبيت اقولكم تقرير سفرتي بالتفصيل وبعض الصور لاني وقتها ماتوقعت اسوي تقرير​

سفرتي كانت علي الطيران الاماراتي
من 3/7/2011 الى 24/7/2011
انا وزوجي وولدي عمره سنه " الله يخليه لي " قلبي مايطاوعني اخليه عقب 5 سنوات انتظار
صج تعبني لكن ياحلو السفره ويااه ..​

الرحله كانت ترانزيت دبي ساعتيين ..​

والرحله عباره عن ​

" بادن بادن" المانيا 4 ايام
انترلاكن سوييسرا 8 ايام
فلاخو النمسا 9 ايام
فرانكفورت المانيا يوميين​

ومنها زياره حق رست "اوربا بارك" المانيا و لوزيرن سويسرا و زلمسي النمسا وسالسبورغ النمسا و فنيسيا ايطاليا ..​

الرحله عجيييبه وحلووه وان شالله بكررها مره ثانيه ان شالله بشرط معاي خدامتي :eh_s(9): ...​

التذاكر حجزتهم من شهر 4 التذكره الوحده 300 دينار
وولدي يعتبر رضيع 50 دينار يعطوني سرير ..​

الطيران حلوووو ورووعه ومريح ..وقت الرحله الى دبي ساعه وثلث..
ومن دبي الى فرانكفورت 6 ساعات ونص تقريبا..​

اجرنا سياره من مكتب ايفيس اللى بالكويت اخذنا سياره كلفتنا الرحله كلها 285 دينار واخذو منا تامين بالمطار 170 دينار عن طريق الفيزا ..
وكرسي البيبي من مطار فرانكفورت سعره 100 يورو للرحله كلها​

موعد الطياره كان فجر 3/7/2011 الساعه 3 ونص ..​

الطيران الاماراتي مضبوط بالمواعيد ومريح ..​

ووصلنا مطار دبي ماشاء الله روووعه الساعه 6 وربع بتوقيت دبي ​

قعدنا ساعتيين وبعدها طارة متوجهه الى مطار فرانكفورت ماين المانيا ​

ومر 6 ساعات والحمدلله ولدي كله نايم لاني مسهرته قبلها وماركب الطياره الا واهو دايخ حده
معاملهم لي كانت رووعه لان عندي ياهل ..
يعطوني حقه جنطه فيها صدريه ولعبه وقفشه وكلينكس وكلينكس الماي وجيس ولوشن وصابون
وله وجبتين اكل ..​

وصلنا فرانكفورت بتوقيتهم 1وربع الظهر ..​

ماصورت المطار ولا يوم اسلمنا السياره لهيت بقشي وولدي :eh_s(15):​

​

كل شي سهالات وشغلنا القارمن لنتوجهه لمدينه بادن بادن " الغابات السوداء "
تبعد عن المطار 190 كيلو ..
صور من جانب الطريق​

​

​

​

وبعدها وصلنا لبادن بادن ​

​

اذا شفت ردووود زينه بكمل لان التقرير حييل متعب ..​

واي استفسار قولو لاتستحوون​

 

[سنبلة]

ناطره باقي تقريرج

 

[غرررررام]

يعطيج العافيه كملى

 

[دموع قلبي]

كمليييييييييييييييييييييييييييييييييييييييييييييييييييييييييييي

 

[نسمة بحر]

لااااااااااااااااااااااااااايوقف

 

[jory1-2]

لالالالالالالالالالالالالالالالالالالالالالالالالالالالالالالالالايوقف

 

[حزن الليل]

كلمي فديتج :eh_s(7):

 

[Q8stylle]

لااااااااااااااااااااااايوقف

 

[toofaa79]

يعطيج العافية وناطرين تقريرج
نستفيد ان شاء الله رايحة بعد جم اسبوع وبسالج انا محتارة بين فرانكفورت و ميونخ منو احلى انا يهمني السوق والاماكن السياحية اما الطبيعه فبروح لزلمسي ان شاء الله ف مومهم اكثر الطبيعه ههههههه انا من مدمنين التسوق

 

[حلمي اكون ام Q8]

اول شي معلومات عن بادن بادن الالمانيه ..​

تـقـع فـي أقـصـى غـرب ألـمـآآنـيـآآ قـريـبـة مـن الـحـدود الـفـرنـسيـة .. تـبـعـد حـوآآلـي 300 كـم عـن مـيـونـخ وحـوآآلـي 130 كـم عـن شـتـوتـغـآآرت ..ىوتـقـع تـحـديـداً فـي الـشـمـآآل الـغـربـي مـن الـغـآآبـة الـسـودآآء فـي ألـمـآآنـيـآآ ..
تـعـتـبـر الـمـديـنـة مـن أجـمـل الـمـدن الـسـيـآآحـيـة الألـمـآآنـيـة .. وتـشـتـهـر بـمـيـآآهـهـآآ الـمـعـدنـيـة ..​

اليوم الاول قضيناه بالتمشي في سنتر بادن بادن ..
بالنسبه لي حلووه وهاديه حييل وماتشوفين العرب قعدت فيها 4 ايام مامر علي عربي ..
وصراحه حسيت بخووف لاني اول مره اروح اوربا ونتنقل بسياره
فندقنا كان هوليدي ان الغرفه صغيره حييييل حيييل حشره ..
وهذا بعد ضيق خلقي ..
ومافيها مطاعم عربيه او بقالات اكل حلال ..
حتى اهلها قليلين ​

​

​

وهذي بحيره تتسي تقع بوسط الغابات السوداء​

​

وركبنا الزحلاقيه الصيفيه.. ركبناها بالدور اول انا وزوجي ماسك ولدي وبعدها اهو ركب وانا مسكت ولدي ..​

​

سوقها حلوو يضم ماركات عالميا ​

​

واي استفسار قولولي ..​

وتابعوني اليوم اللى بعده في اوربا بارك في رست ..​

 

[حلمي اكون ام Q8]

زياره اوربا بارك " رست "​

اليوم الثالث لنا في بادن بادن قعدت الصبح وبدلت ولدي وزهبت اغراضه وسويت غداه لان ماراح نرجع الا بليل ..
وطلعنا الساعه 10 الصبح تبعد رست " اوربا بارك " 60 كيلو عن بادن بادن ساعه الا ربع
وولدي اسم الله عليه من احطه بكرسي السياره على طول نايم ..
اهو طبيعته جذي اذا ركب السياره يدوخ وينام ..​

من طبيعي بالسياره اخذ مطارتيين شاي وقهوه عربيه وقلاصات سفري الاصغار
واخذ صمون وككاو وبطاط وهالسوالف نتسلى فيهم بالطريج ..​

نمشي على القارمن والاحداثيات ناخذها من النت ​

لفتات اوربا بارك طبعا من اشوفها اطير من الفرحه جني مو مصدقه القارمن​

​

وصلنا مدينه رست مدينه صغيره وهاديه وريفيه​

​

وبعدها نتبع اللوحات علشان نروح اوربا بارك​

​

والحمدلله وصلنا لها بالسلامه​

وهذا مدخلها مثل طريقه ديزني لاند وانا عندي هذي احلى بوايد ..​

​

​

الشخص البالغ تقريبا 16 دينار والاطفال تحت 4 سنوات كل شي باوربا مجانا ..
وقتها علينا شمس وشويه حر وطول الوقت نبي ماي من الحر
اهي حديقه كبيره حيييل حييل يوم كامل مايكفيج وماشفتي شي بعد
داخلها مثل دول والعابهم
الحي السويسري والحي الايطالي والحي الصيني والحي الافريقي
وكل حي من الاحياء يسوون ديكوراته وشنو يتميز فيه
مثال الحي السويسري يسون بيوت سويسريه تكون محلات ومكان ويحطون الاعلام وشغلات سويسريه والعاب
وهكذا​

بعض صور من الحديقه .ونص الحديقه العاب مائيه تونس..​

​

​

هذي اللعبه تلقونها في الحي الافريقي ​

​

​

وهذي هم الحي الافريقي​

​

ملاحظه الحديقه كبيره حييل وداخلها متروو ينقلج من مكان الى اخر واحفظي طريقه ردتج
مو تمشين وبس تضيعين واخذي معاج خريطه
واللى عندها يهال ديري بالج عليهم احس اذا ضاعو بيتقطع قلبج والله حييل كبيره
وداخلها فنادق اللى يبي يسكن فيها ​

السنه اليايه بسكن فيها 4 ايام ان شالله رووعه شويه عليها​

وان انتظروني في رحله يديده​

انترلاكين سويسرا وماحولها
جنه الله في الارض
وينها وين زلمسي ​

 

[M!$$.3NoNa]

واو كملي متابعه

 

[غلآ أمهـآآ ..~]

ماشاءالله

متابعه

 

[UniquẼ ♥ ώomaN]

عليكم بالعافيه

وناطرين سويسرا

 

[Samurai]

ما شاءالله رحله حلوه بس ليش حجزتو الرده من فرانكفورت
تعب من النمسا لفرانكفورت
بشهر ٤ كان عرض على الامانيه خذينا التذكره ١٨٠ ودايركت فرانكفورت
نفس الفندق اللي سكنته بادن بادن هولدي ان اكسبرس كان حلو بس ريوقه عاااااادي ومافي شي
وشوي بعيد عن السنتر مو حيل بس يعتبر مواقفه للسيارات ارخص سعر من باجي الفنادق ١٢ يورو بالليله

ناطرين الباجي
خليتيني اتذكر اوقاتي الحلوه

بس فعلا بادن بادن تستحق الزيااااره
جميله وهاديه ورااقيه
واللي لفت نظري الشياب الكشخه هناك والسيارات الفاخره بكل مكان
فعلا منتجع الاثرياء

 

[شقاوتي غير]

لايوووقف لايووقف ناطرينج

 

[حلمي اكون ام Q8]

مشكورين على الردوود الحلووه .. وابي بعد اكثر علشان اكمل سويسرا ..:eh_s(9):​

ما شاءالله رحله حلوه بس ليش حجزتو الرده من فرانكفورت
تعب من النمسا لفرانكفورت
بشهر ٤ كان عرض على الامانيه خذينا التذكره ١٨٠ ودايركت فرانكفورت
نفس الفندق اللي سكنته بادن بادن هولدي ان اكسبرس كان حلو بس ريوقه عاااااادي ومافي شي
وشوي بعيد عن السنتر مو حيل بس يعتبر مواقفه للسيارات ارخص سعر من باجي الفنادق ١٢ يورو بالليله

ناطرين الباجي
خليتيني اتذكر اوقاتي الحلوه

بس فعلا بادن بادن تستحق الزيااااره
جميله وهاديه ورااقيه
واللي لفت نظري الشياب الكشخه هناك والسيارات الفاخره بكل مكان
فعلا منتجع الاثرياء

حجزتها معاشات 4 ولا طياره ارخص من 300 الا القطريه اتذكر 280 لكن توصل فرانكفورت الساعه 9 بليل فخفنا نمشي بادن بادن بليل..

وردتنا صح صعبه من فلاخو الى فرانكفورت بالسياره 7 ساعات
اخترت فرانكفورت لاني راح اكون ويا اهلي اللى راح نلقاهم بسويسرا مطار زيورخ
اهلي امي وابوي وخواتي ثنتيين وهم ولد عمتي وزوجته وولد خاله ابوي مع عايلته
تقريبا 6 سيارات..
يطبون زيورخ وراح اصادفهم ويكون رجعتهم من فرانكفورت ..

هم على الطيران الاماراتي اختاروها جذي لاني احجزووو قبل السفر باسبووع وهذا اللى لقووه والارخص انهم يطبون زيورخ ويطيرون من فرانكفورت ..

وبعدها بتطرق لتفاصيل اهلي بالتقرير الياي ..

بالنسبه على فندق هوليدي ان لقينا يم الفندق مواقف سيارات عامه الليله 3 يورو تقريبا
ارخص من مواقفهم بوااايد
وفعلا ريوقهم موشي كلش ...

صح بادن بادن منتجع الاثرياء وتستحق الزياره ليلتين كافي ..​

 

[Samurai]

والله زين المواقف ب ٣ يورو
وين حصلتوها ممكن تعطيني وصفها او احداثياتها

اللي كلانا طول السفره المواقف والبنزين

متابعين ان شاءالله

 

["*آآآنؤؤؤقهـ*"]

مشاء الله روووعه


متابعييييييينج


وشوقتيءني لاورباااااا

 

[اسرار الغلا]

كملي متاااااابعين