••
كل أبطال قصتنا كانوا بفراشهم كل واحد فيهم يفكر باجر شلون راح يكون ؟!
نوف : حمد عطاها مهلة لي الويك اند ترد علييه سواء بالرفض او الموافقة و طول هالفترة قالها مابي اشوفج ولا اكلمج يبييها تفكر عدل بالمستقبل و حمد كان عندة اقتناع تام ان الزواج شي كبير و مرحلة يديدة يبيلها تفكير لوقت طويل
حمد : يحب نوف من قلبة و لو ما يحبها جان ما خطبها كان يفكر برد نوف راح توافق ما راح توافق متى راح ترد علييه بنفس الوقت يفكر بأهلة الي بالغربة و وضع طلال شلون يتزوج و اخوه مريض ( طبعا طلال لي الحين ما قال حق حمد عن زواجة من فاطمة )
••
طلال : كان اكثر شخص خايف من باجر خايف ان يغمض عيونة وما يبطلها خايف يموت ماكان خايف من الموت نفسة بالعكس كان حاب ان يروح عند ربة احسن من العذاب الي قاعد يتعذبة بالدنيا من المرض بس بنفس الوقت كان يبي يعيش حياتة مع فاطمة
فاطمة : خوفها مثل خوف طلال ان يموت قبل لا يتزوجون و حدها متوهقة من وين تييب مليج يملج عليهم فكرت بالعرب الي تعرفهم وقالت من باجر بدور شيخ مسلم يملج علينة
••
حور : كانت تنطر باجر عندها كلاس مع نواف تحس ان يوم عن يوم نواف قاعد يتقرب منها و شوي ويصير لها مرة ثانية .. حور تحاول تجذب نواف بكل الطرق تسوي روحها شاطرة عشان تساعدة بالدراسة .. تقضي معظم يومها عند نوف بس عشان تشوفة أكثر .. قامت تهتم بشكلها اكثر من اول و ما ترووح الجامعة الا كاشخة عالآخر
نواف : كان محتار قلبة يحب حوور حيل و موقادر ينساها بس كل شوي يفكر بالي صار قبل وشلون اهل حور كانوا يدخلون بكل صغيرة و كبيرة بحياتهم فجأة الا يتذكر ابتسامة الفلبينية ما قدر يفسر هالشي لان الذكريات الي بالعقل شي لا إرادي فجأة تنذكر اشياء ما تطري على البال استغرب من تفكيرة
••
خالد : كان ينطر ديمة ادق علييه مستغرب من روحة شلون حبها اول ما كان يؤمن بالحب من اول نظرة بس مع الي ديمة صدق ان في مثل هالحب بس بنف الوقت ما كان مرتاح من شكل ديمة و الحرية الي اهلها معطينهياها جريئة بلبسها و تصرفاتها
••
ام نواف : بعدها تفكر بمشعل و الي صار بالعيادة معقولة مشعل رجع معقولة يبي يرجعها اهي صج كانت تحب بو نواف بس حب مشعل غيير كانت مستعدة تبيع الدنيا بس عشانة و صج كانت مرتبطة فييه بدون رضا اهلها ولمن انفصلت عنة اهلها اول ناس فرحوا من هالخبر
عبدالله : كان ما ينطر باجر كان ينطر الويك اند متى يتخلص من حمد كان ناوي علييه بالموت ربع يوسف مو هينين كل واحد نادي و حديد وحالتهم حالة و أكثر من شخص شلون الحال و كلهم علة واحد الي اهو حمد
••
صار الصبح
خالد قعد على رنة تلفونة نغمتة كانت اغنية I love the way you lie
المقطع الي Eminem يغني يعني قمة الازعاج
خالد : يالله صباح خيير ( شاف الرقم الا رقم غريب ) بسم الله الرحمن الرحيم يارب الي ابالي يارب
خالد : الؤؤ
ديمة : ......
خالد : قلنا الؤؤ ترى حرام تقعديني من الصبح و ماتردين علي
ديمة : كسرت خاطري على أخر دقيقة الؤؤ توو
خالد : هههه زين والله طلع عندج احساس و ينكسر خاطرج
ديمة : ليش شايفني حيوانة مثلا يالله يالله باي
خالد : تعااالي يباا نتغشمر
ديمة : انا بشوفك اليوم لازم اكلمك ضروري
خالد بقلبة ( جذي من اول مكالمة ) : ضروري !! خير لا يكون فيج شي
ديمة : لا ما فيني شي تعال الجمعية الساعة 6 و بتعرف
خالد : بس ...
ديمة سدتة بدون لا تسمع الرد
خالد : شفيها امها هااذي ما لقت الا الجمعية اووف ابتلشنة
••
اما نواف كان نايم بسابع نومة والكلاس بلش وحور متوهقة نواف معاها بالبرزنتيشن شلون بتقدم بدونة
الدكتور : hour where is NWAF ?!
حور : I don’t know doctor …. Can I go 2 the bathroom pleace
الدكتور : that’s okii
••
حور طلعت من الكلاس ودمها يغلي حست ان مخها راح ينفجر اذا ما قدمت البرزنتيشن راح تسقط و تعتبر هذي ثاني مرة تسقط بهذي المادة المرة الثالثة يطردونها برة الجامعة ما تدري شنو تسوي
حور : يا رب شنو مسميتة شنو مسميتة ( قاعدة تدور على اسم نواف بفونها ) كاهو ( كانت مسجلتة mlyon 5a6er
قعدت تدق تدق و نواف ما يرد
حور : هذي آخر مرة اذا ما رد بروح بيتهم
هالمرة نواف رد
نواف وصوتة كله نوم : حور شفيج داقة علي أكثر من مرة
حور : انت نايم ( صوتها كله بجي )
نواف : انتي شفيج تبين تبجين
حور بعصبية : سألتك سؤال انت نايم الحين
نواف : أي نايم شفيج ؟ !
حور بصراخ : نوم العوافي حبيبي انت نايم بالعسل وانا هني عند باب الكلاس قاعدة اتبهذل انت شنو شلون نسيت ان اليوم برزنتيشن شلون
نواف توة يستوعب : حور والله انا أسف والله نسيت احط alarm ونسيت اصلا ان اليوم عندي كلاس عبالي اووف
حور : تدري اذا ما قدمت البرزنتيشن راح اسقط تدري انه الدكتور نذل وحقير ما راح ينطرك تدري ان الكلاس نص ساعة ويخلص تدري ان الحين المفروض انا معاك واقفين نقدم البرزنتيشن ليش نسيت ليش
نواف : حوور قتلج آسف الحين اقوم بسرعة اووصل صدقيني
حور : وين توصل كمل نومتك أحسلك بيتكم بجنوب السرة والجامعة بعقيلة من صجك انت
وسدت الفون بدون لا تسمع الرد
••
راحت حق الدكتور و قعدت تترجاه بس عشان يأجل البرزنتيشن او ينطر نواف ما رضا قعدت حور بواحد من الكفيهات حاطة راسها على الطاولة و تبجي بهدوء
قعد نواف يمها من غير لا تحس
نواف : حوور ... حووور قومي لا تحقريني
حور وقفت : مابي اشوف رقعت ويهك وخر عني
هدتة و مشت نواف قعد يلحقها لين راحت السيارة صعدت السايرة و سكرت الباب بوييه نواف حييل .. نواف بطل الباب
نواف بعصبية : قلنالج آسفين مو قصدنا .. والله ما ادري نسيت يعني انا قاصد مثلا .... مثل ما انتي لج درجات انا بعد عندي يعني حاب ان درجاتي تروح ... بس والله امس مانمت مبجر و نسيت احط منبه والله
حور قاعدة تبجي : اذا سقطت شنو راح اسوي اذا طردوني شنو راح اسوي آآه آآه
نواف يمسح دموعها : اسم الله عليج من الــآآآه خلاص يا حور تعوضينها خلاص لا تبجين ترى كلها جامعة ما تسوى
حور : ممكن تخليني امشي الحين تعبانة شوي بروح البيت
نواف : تكفى لا تزعلين علي والله مو قصدي
حور : الله كريم
سكرت الباب دقت السيارة سلف و مشت
••
بالدوام عن بو نواف
بو نواف قاعد يتهاوش مع واحد من المهندسين الهنادوة
بو نواف : انت غبي لييش تسوي جذي تبين كلنا يسوي موت
المهندس : انا والله ما يعرف شنو يسوي انا آسفة
بو نواف : لا آسفة ولا شي من اليوم انت ماراح تشتغل هني فاهم
المهندس : يعني انا وين يروح هني شغل مال انا
بو نواف : واللله بعطيك وقت لي آخر الاسبوع دور لك شركة واحد ثاني عشان تشتغل فيها بس هني لأ
بو نواف كان رئيس القسم الي يشتغل في هذا المهندس الهندي و قرر ان يفنشة اكثر من مرة هالمهندس يسوي تصرفات غبية يمكن انها تسبب تسرب غاز وكل الي بالشركة يموتون فــــقرر يطردة و يفتك منة
••
عند فاطمة كانت قاعدة تكلم وحدة كويتية عايشة ببريطانيا قاعدة تسألها اذا تعرف ملييج
فاطمة : ها شهود ما تعرفين
شهود : والله ما عرف انا اخوي لمن يا يملج ردينة الديرة بس عشان يتزوج ما اتوقع تلقين
فاطمة : بس احنا ما نقدر انرد ... تكفى شهود انتي صارلج 6 سنين عايشة هني سأليلي أي احد اذا يعرف مني منااك حتى لو بمنطقة ثانية غير لندن احنا انييبة هني
شهود قعدت تفكر : بس تذكرت في وحدة مغربية ذاك الاسبوع اخوها متزوج والي اتذكرة ان اهم مسلمين مو مسيييح شوفي اهي الحين رادة المغرب يبيلها جذي اسبوع على ما ترد اذا ردت آخذ منها الرقم زين
فاطمة : مشكورة حبيبتي والله اني ما اطلع من يزاج خدمتيني خدمة العمر نخدمج بالافراح انشاء الله زين ما تعرفين واحد من اهلها ولا لازم ترد اهي ؟!
شهود : لا والله ما اعرف احد والمشكلة انها ما دزتلي رقمها الي بالمغرب
فاطمة : يالله الله كريم
••
عند ديمة + خالد بالجمعية عند واحد من ممرات الجمعية كانت الجمعية شبه فاضية
خالد قعد يدور ديمة ما لقاها الا يسمع صوت وحدة تقولة ميااو ميااو
خالد : والله انها مو صاحية ديوم يالله طلعي شنو ميااو وين قاعدين قطاوة احنا
ديمة : ميااو مياااو
خالد يالها من وراها الا يغمض عيونها ديمة فزت من مكانها
ديمة : بسم الله الرحمن الرحيم خرعتني
خالد : انا خبري مواعد آدمية مو قطوة
ديمة : هههه من يوم ورايح اذا بتلقاني إلحق صووت القطوة
خالد : انتي شنو مو صاحية
ديمة : يمكن .. المهم انا بقولك موضوع ومهم
خالد : شنو ؟!
ديمة : انت تعرف عايلتي
خالد : لا والله ما حصلي الشرف اني اعرف عايلتج ليش انتي عطيتيني فرصة اتعرف عليج انا حتى عمرج ما ادري جم ؟!
ديمة : اسمي ديمة الـــ .....
خالد : أي شي ... تعرفين واحد اسمة عزوز الـــ .....
ديمة : وهذا الموضوع الي انا ياية اكلمك فييه انت رفيج ولد عمي امس اكتشفت هالشغلة لا تسألني شلون بس بلييز من هاللحظة انسى رقمي واسمي و كل شي
خالد : ستووب ستووب يعني انتي عبالج اني راح افضحج عند أهلج
ديمة : مادري انا خايفة
خالد : شفتي شلون انتي مصدومة انا مصدوم اكثر انا صج حبيتج بس مو حلوة اني اطعن رفيج عمري بظهرة وأكلم بنت عمة بس بنفس الوقت انا صج احبج ما اقدر اخلييج تروحين
ديمة : عطني وعد انه هالعلاقة اتم سر بيني و بينك انت تعرف عزوز مهاوشجي يمووت على الهواش ومو زين يعرف
خالد : وعد ... ههه لا تعلميني فييه تدرين عزوز رفيجي من متى ؟! ... من الابتدائي يعني انا الي ما ابي آخسرة هذا اخوي مو بس رفيجي
••
غريب الموقف مو ؟! ديمة تدري ان خالد رفيج ولد عمها الروح بالروح بس بعدها ما تخلت عن خالد وخالد يدري ان ديمة بنت عم رفيجة و عزوز المسكين رفيجة و بنت عمة و من ورااه شنو بكون موقفة لمن يعرف والمشكلة ان اثنينهم يدرون شكثر عزوز يغار على عرضة وشرفة بس استمروا بهالعلاقة السرية
••
نهاية البارت
توقعاتكم بليييز
.gif)
