هذا الموضوع وايد لفت نظري

[راوووونه]

صبااااحووو كويتيات ...:eh_s(17)::eh_s(17)::eh_s(17):


بدخل بالموضوع بدون مقدمات ...

لفت نظري كذا موضوع بالقسم بخصوص فرق العمر بين الزوجين ..

وشفت وااااايد بنات رياييلهم اكبر منهم ب 10 سنوات او 15 او 20 سنة !!!

يعني توني قريت مشاركة عضوة تقول ان عمرها الحين 19 سنة وريلها 34 سنة ومتزوجة

من 5 سنوااات !!!!!!!!!!!! يعني كان عمرها 14 سنة واهو 29 !!!! :eh_s(8):


وغيررررها وغيررررهاااا ....

بس اعتقد ان من المنطق وهذي وجهة نظري ان الريال اللي عمرة 27 او 30 او 35 او اكثر

المفروض يدور على بنت من عمره يعني فرق العمر مايزيد عن 3 سنوات مو 15 سنة !!


مثلا الريال اللي تزوج وهو عمره 29 من بنت عمرها 14 سنة كان بامكانه ياخذ بنت 28 او 29 او 27 او 26 ...

ليش البنت اللي باواخر العشرين واللي بالثلاثين تروح عليها ..!!

مثلا ولد خالة رفيجتي لما عزم يتزوج قال لامه دوريلي على بنت ... ( اهو عمره 33 سنة)

اخطبت له وحده من اهلهم عمرها (19) سنة!!!! انزين ليش ؟؟؟؟ وفي بنات من العايله احلى منها واسنع منها وشهادات ...ووو
ماتقطين منهم شي .....

لما سالتها رفيحتي ليش خطبتيله وحده بهالعمر ... ردت عليها ( عشان تونسه ) ...!!!!!!!!


الاهل لهم دور كبير باختيار الزوجة .... ليش ما يكون في وعي اكثر من جذي ؟؟

وهالمشكلة قاعدة تسبب حزازات بين الاهل وتاثر على المجتمع بصورة ابعد



مادري بنات هذا الموضوع وايد لفت نظري بالفترة الاخيرة ,,,,

وحبيت اناقشه معاكم واعرف رايكم ....

واسفة اذا طولت عليكم :eh_s(17):

ادعولي ربي يسهل علي اموري يزاكم الله خير

 

[ام فواازي]

والله يعني لو عندي ولد عمره 30 و ادوره مره حتى لو اخترتله وحده عمرها 25 او 26 او 27 اذا ماهي نصيبه مستحيل ياخذها واذا نصيبه بنت ام 17 بياخذها اذا ربي كاتبها له
يااختي هذي ارزاق من الله موزعه محد يقدر يغير شي البيبي من خلقته في بطن امه مكتوب له منو بياخذ يعني ماله داعي تفتحين موضوع تناقشين في رزق ربج كل واحد ونصيبه اللي باواخر العشرين والثلاثين وماتزوجت هذا نصيبه ويمكن لها خيره في تاخير زواجها او عدمه

 

[صعبه]

والله الكل يبي اللي اعمارهم صغيره هشكل الدنيييا ماشيه

كلهم يبون بين17-22
واذا قلتي لهم 25 26 بيقولون عييوز عاد انت ماشفت نفسك قبل لا اتشرط شيبه اجلح املح اقرع
ريايل اخر زمن

 

[زوجي توأم روحي]

لا عادى

انا بينى وبين زوجى فرق 11 سنة والحمد لله ماكو الا العافية

المهم التفاهم

 

[Maryam]

اتعرفين اللي تقولينه هذا شنو



هذا الحسد
محد ياخذ رزق احد
و اتوقع حرية شخصية و ذوق شخصي

 

[مارشميلو..]

ماله شغل العمر
التوفيق من الله
وعادي اذا في فرق بين الزوجين 10 سنين بالعكس احلى
انا وزوجي تزوجنا واحنا صغار كبر بعض بس مو حلوووووووو
ياليت في فرق بالعمر بينا

 

[كويتية222]

لو تحسبينها بطريقة ثانية ان متوسط اعمار ريايلينا من هالزقاير والضغوطات وغيره بتلاقينه ما يكمل وياها ام 15 وابو 35 الا اهو واصل ال 50 والا 55 ومودع الدنيا تالي تترمل بعز شبابها واهي ما وصلت لل الاربعين او متوسط الثلاثين

المشكلة انهم يبحثون عن الصغيرة لاسباب جنسية لااكثر ولا اقل مع ان الكل سواسية في البنات من هالناحية

ام 19 وما تحت لو مكملة دراستها افضل لها ما تاخذ واحد اكبر منها وشايف لين عايف بهالدنيا والقلوب اسرار

مافي واحد بيقول لمرته شنو سوى والا وين راح طيلة عمره لين وصل الى 35و36 من غير زواج



​

 

[عشقك وطن]

المرهـ يبين عليها العمر اكثر من الرجال ؛


وحلو الوحده تكون اصغر تحس بانوثتها وتدلع عليه ههههههههههههه



يعني انا عن نفسي عمري 21 اتمنى واحد عمره مايقل عن 30



وبرضو لو بدور لأخوي بآخذ وحده صغيره له مثلا عمره اخوي 29 باخذ وحده ماتزيد عن 23 وهكذا




وكل شي يظل نصيب بالاخير



يعطيك العافيه

 

[جنوبية وأفتخر]

كل واحد يتزوج بألي مقدر ومكتوب له ياقلبي .........

 

[طيــــــــــــف]

كلن ياخذ نصيبه

 

[أعرفك نفسي]

صح كل شي قسمة ونصيب بس لازم نحط بعين الاعتبار ان هذا سبب من اسباب العنوسه
عمري ٢٣ وزوجي ٢٧ احس فرق العمر حلو ،، مابي شايب شايف كل شي بالعكس ابي واحد بعمري ابي اعيش معاه لحظة بلحظة وكل التجارب
واللي تقول ان الصغيرة تونس الريال اكثر من الكبيرة اقولها عظم الله اجرك بتفكيرج

 

[اللؤلؤ المتناثر]

والله يعني لو عندي ولد عمره 30 و ادوره مره حتى لو اخترتله وحده عمرها 25 او 26 او 27 اذا ماهي نصيبه مستحيل ياخذها واذا نصيبه بنت ام 17 بياخذها اذا ربي كاتبها له
يااختي هذي ارزاق من الله موزعه محد يقدر يغير شي البيبي من خلقته في بطن امه مكتوب له منو بياخذ يعني ماله داعي تفتحين موضوع تناقشين في رزق ربج كل واحد ونصيبه اللي باواخر العشرين والثلاثين وماتزوجت هذا نصيبه ويمكن لها خيره في تاخير زواجها او عدمه

:eh_s(15):

​

معاها بكل كلمه قالتها

 

[بربيره]

عشان جذي يقولج البنت لا تتدلع باول عمرها وايد و تتشرط لان كلما كبرت تقل الفرص انا لو عندي ولد ومو متزوج و عمره ٣٠ ازوجه من وحده عمرها ١٩ و يمكن ما تتفقون لكن البنت الصغيره مرغوبه اكثر والشخص اذا تعود على شغله او طريقة عيش معينه صعب تغيرينه فالي عايشه ٢٥ سنه خلاص تعودت على نمط حياة معين صعب يتغير ولكل قاعده شواذ بس كلامي بشكل عام

 

[ثريا الكون]

انا اقول ليش الطلاق بلكويت قاعد يزيد من اليهال الي قاعدين يتزوجون واذا على سالفة ان تونسه بالعكس لكبيره خبره وركاده مو ياهل بو 19 يمكن حتى تفرش اسنانه ما تعرف عفيه نفس ريال اشكبره يمسك بنت صغيره شنو هل نفس ماتخيل وحده 14 تزوج واحد عمره 25 او 29 والله بدول الاجنبيه جان رفعوا عليه قضيه امبيه 14 ياهل اصلا اشلون تتحمل هيكل ضخم عليهااا وشنو تعرف هذي بالجنس امانه او سوالف المسئوليه وغيره انا اشكبرني وللحين احاتي امور مع ريلي

 

[الريم اللعوب]

كبرتوها وهي صغيره السيده عائشه تزوجت الرسول وهي بنت9 سنين وهي خير النساء
فعادي حياتي بالعكس اصغيره دوم الرجال يشوفها البيبي تبعه
وهاذي الدنيا وبالعكس مافيها شي
كاانا فديتني عمري عشرين وزوجي 35
وعايشه احلى عيشه وابشركم اعرف افرش اسناني على قوله الاخت الي فوووق وبعدين الرجال الي يطول مايتزوج موانه صايع ضايع اغلبهم يكون مستقبله وبعضهم عندهم مسؤليه اكبر منالزواج وبالعكس يازين الواحد يوم يكون مستقبله وينضم اموره قبل الارتباط
ارزاق وتتقسم هونها وتبسم

 

[ملكة الغيد]

كبرتوها وهي صغيره السيده عائشه تزوجت الرسول وهي بنت9 سنين وهي خير النساء
فعادي حياتي بالعكس اصغيره دوم الرجال يشوفها البيبي تبعه
وهاذي الدنيا وبالعكس مافيها شي
كاانا فديتني عمري عشرين وزوجي 35
وعايشه احلى عيشه وابشركم اعرف افرش اسناني على قوله الاخت الي فوووق وبعدين الرجال الي يطول مايتزوج موانه صايع ضايع اغلبهم يكون مستقبله وبعضهم عندهم مسؤليه اكبر منالزواج وبالعكس يازين الواحد يوم يكون مستقبله وينضم اموره قبل الارتباط
ارزاق وتتقسم هونها وتبسم

:rerrerek::rerrerek::rerrerek::rerrerek:


نفس الرأي

انا و زوجي بينا 14 سنه

والحمدلله ​

 

[pusy cat]

لو هالشي غلط جان الرسول عليه الصلاة والسلام ما تزوج امنا عائشه رضي الله عنها واهي صغيره بالعمر وهي احب زوجاته له

اشوف ان الشغله نصيب

في رجال ما يبي بنت ناضجه وعارفه كل شي بالدنيا وقويه مايقدر عليها

يبيها اطه مغمضه عجينه يشكلها على كيفه وتربى على ايده واتم شباب لفتره طويله

ودام اهيا واهلها راضين ما اشوف فيها شي

احسن من اللي ياخذ وحده كبره ومن يطقون الاربعين قام يطالع بنات العشرين ويبي يتزوج منهم


انا اشوف ان فارق 10 سنين ممتاز بين الزوج وزوجته ولا اشوفه فرق كبير لأن المره تعجز قبل الرجال حتى لو كانت اصغر منه

 

[pusy cat]

ليش البنت اللي باواخر العشرين واللي بالثلاثين تروح عليها ..!!

وليش يوم كانت فبداية العشرينات ترد الخطاب ؟؟؟

بصراحه اغلب اللي عنسو ردو خطاب ليييييييين قالو بس

وهالشي صار بعايلتنا ويوم كبر الجيل الثاني اول خاطب نزوجه عشان لا نغلط غلطة اللي قبلنا عقب انتحسر على روحنا

 

[الجوريات]

بنات ذكرتوني بوحده شفتها بالصالون كانت عروس امبيه موووصجج جاهل قاعده تلعب مع الجهال والله قلبي عورني وسالت اختها قلت صغيره حرااام ليكم قالت نصيبها بس والله راح انسي شكلها بس مادري زوجها كبير ولاصغير بس هي جاهل يمكن عمرها 13او 14

 

[om batool]

انا تزوجت بعمر 16 وريلي 28

وتاخرت بالحمل 7 سنوات بين اجهاضات وتاخر

والحمدلله اني تزوجت صغيره صعبه اتزوج بالعشربنات واتاخر سنين بالحمل واول بيبي بثلاثينات

عمري 25 وعندي ولدين الحمدلله