هذا الموضوع وايد لفت نظري

[بيتي بوب بس كويتيه]

احلى فرق بين الريال والمرا 10 سنين

 

[(رينا)]

انا بيني وبين زوجي سنه ومجنني

 

[توتا حمرا]

كل واحد ماياخذ غير نصيبه وفي حريم ياخذون رياييل اكبر منهم​

 

[ثريا الكون]

احنا ما اختلفناا ان نصيب بس حرام بنيه صغيره شنو تعرف بأمور الزواج يعني توهااا قاعده تكبرر ما عاشت حتى طفولتها ومراهقتهااا على طول زواج وريال ومسئوليه واعيال وهم وغم ليش بالعكس تكمل دراستها وتتعلم اول شئ الدين لسلامي يحرص عليه العلم واول كلمه قالها جبرائيل حق الرسول اقرأ انا مو ضد البنت ما تتزوج بس حرام انها تزوج واهي للحين مو متعلمه شغلات اساسيه بالحياة ولا عندهااا خبره ولا تنسون خواتي في امهات يستحون يعلمون بناتهم انا يمكن اوافق ان البنت تزوج اذاا كانت فاهمه وتفكيرهاا وشكلهااا اكبر من عمرهااا بس يااهل بكل شئ من الشكل لي التفكيررر انا ضد هل شئ لان وايد بنات يوم اكبروااا تحسفوااا انهم تزوجوا واهما صغااار وتوصل فيهم انهم يتمنون انهم ما تزوجواا هل ريل

 

[Hello_kitty]

وجهه نظر غريبه جدا والحمدلله اني ما شوفها عندنا

يعني من كنا بنات بالجامعه نتمنى واحد شاب مقارب لنا بالعمر نعيش معاه احلئ سنين العمر
ونكبر مع بعض شخصيا كنت اشترط ان الفارق ما يزيد عن الخمس سنوات

يعني اللي تدور حق ولدها ولا اخوها بوخمسه وثلاثين بنت ام عشرين ترى مو شرط البنت واهلها بيوافقون بالعكس حيل يتخوفون

شلي مخلي عازب لي هالسن؟ ومايرضون يزوجونه اهو بعد كبير على بنتهم اهي توها بالعشرينات واهو طاف الاربعينات وشبع
وايد كبير على عمر اطفاله ماله خلق يربي ويجابل ويلاعبهم والمره مسكينه بتظل تقارن بين ريلها الكبير وبين ازواج اللي حولها شباب

ووببدايه حياتهم واعمارهم

غير جذي الحين محد يبي وحده ما تخرجت ونضجت ياخذها ياهل ما تعرف شي ولا تتحمل مسؤوليه بيت ولا ريل وتصرفاتها لي الحين طايشه ولايقدر

يعتمد عليها اذا سافر او غاب ولا تعرف تدبر امورها بدونه تضيع يحتاج مره تعينه مو ياهل يراكض وراها ويبتلش فيها يعني الموضوع له سلبيات وايد بعد وانه ما ايد الفارق فوق خمس سنين بعد انه ابي شاب بعمري نفس تفكيري اكبر معاه مو ريال عود جني بنته

وبعدين اللي ذكروا ان الرسول صلى الله عليه وسلم تزوج السيده عائشه صغيره لحكمه عسان تتربى عنده وتتفقه بامور الدين خاصه اللي تتعلق بامور النساء كالحيض والطهاره وغيرها لان يتحرج يعلمهم مباشره وليش نسيتوا ان اول زوجاته وام اعياله وحبيبة قلبه السيده خديجه واكبر منه بوايد وباقي
زوجاته كلهم ارامل ومطلقات يعني لو الصغيره فيها ميزه جان الرسول اولئ الناس بزواج منها وحث علئ هالشي

بصراحه وايد نظلم المره البنت ام٢٦ بعز جمالها وشبابها ونضجها تشوفونها كبيره والشاب بو٣٦ تشوفونه صغير شي غريب

 

[Hello_kitty]

وبعدين على سالفه البنت تعجز قبل الريال شخباري الحين في بنت ما تهتم بعمرها ماشالله بالاربيعنات جنهم بالعشرينات

تشوفين اعيالها معاها تحسبينهم اخوانها ماشالله كل وحده واهتمامها برشاقتها ونفسها وجمالها والله الرياييل الحين اللي

يصلعون والشيب يترس راسهم يعني كلش مومنطقيه هالسالفه

 

[*درر*]

كل مو مااخذه إلا رزقه

 

[أبتسم ياقلبي]

عاادي قبل فتره واحد تزوج وحده اصغر منه ب 12 سنه
ولا تقولون الي عمرره 14 صغيررره

ياقلبي قبل صغيره الحين تعرف الدنيا مقلوبه ومتفتحاااات كثيرررر

وانا بجماعتناا مافيه تزوج صغير كلهم فوق 24

اهم شي تكون معجبته وهي موافقه



بس ســــــــــــــؤال

يصير وحده تاخذ واحد اصغر منها بالكثير 5 سنوات يعني بينهم كم سنه

 

[الشيب الفلاحي]

كبرتوها وهي صغيره السيده عائشه تزوجت الرسول وهي بنت9 سنين وهي خير النساء
فعادي حياتي بالعكس اصغيره دوم الرجال يشوفها البيبي تبعه
وهاذي الدنيا وبالعكس مافيها شي
كاانا فديتني عمري عشرين وزوجي 35
وعايشه احلى عيشه وابشركم اعرف افرش اسناني على قوله الاخت الي فوووق وبعدين الرجال الي يطول مايتزوج موانه صايع ضايع اغلبهم يكون مستقبله وبعضهم عندهم مسؤليه اكبر منالزواج وبالعكس يازين الواحد يوم يكون مستقبله وينضم اموره قبل الارتباط
ارزاق وتتقسم هونها وتبسم

معاااااااااااها وبقوة

 

[bto0olah]

اولا كل شي قسمة ونصيب وبعدين ماكو شي اسمه يهال البنات الحين ماتفرقين بين ام14 وام 20 كلهم ماشالله نفس الشي وشوفوا اغلب اللي الفرق بينها وبين ريلها 9-10 سنين حياتهم ماشالله من احسن مايكون الحياه فيها جد فيها دلع فيها تفاهم وفيها وناسه وفيها افكار جديدة يعني متنوعة ومافيها ملل

 

[عرباوية من قدي]

عيل لو اقول لكم عن ابوي عمره 52 ويبي يتزوج وحده عمرها 14 يقول القمر مايكمل الا بعمر 14 الحمدلله والشكر شذووووذ

الحين غير رايه يبيها عمرها من 20 ل 23 يعني بكبري

 

[رحيل المرافيء]

بنات شفيكم
فهموا الموضوع قبل
هي قالت ليش الكبير مايتزوج كبيرة مثله ماقالت الصغيرة ماتفهم ولا موقد الزواج
هي قالت ياخذ وحدة بعمره واهله المفروض ينبهونه لهشغله
ويمشي حال البنات الكبار هذا قصدها
وانا معاج صراحة
بس للاسف الحريم هم اللي يدورون لعيالهم واخوانهم الصغيرة
ولا فيه بعض الرياييل يبون كبيرة وفاهمة وراكزة
بس الحريم

 

[جوري الكويت]

بوجهه نظري لازم ما يتعدى الفرق بين الريال و زوجته 5 او 6 سنوات بالكثير

لان اذا صارت فوق ال عشر سنين يعني اهيا من جيل و اهوا من جيل ثاني

بس الريال اذا كان كبير ترى علشان يدلع عمره و لا تقولون يدلع البنت

الريال مخلوق اناني .. ما يفكر الا بنفسه ..

بشبابه ... يبي ياخذ وحده يربيها على ايده و يستانس بشبابها

و بشيبته ... بعد جم سنه بيكبر و يمرض لا سمح الله و يبي وحده تكون سستر حقه

ما يبي وحده اهوا يعابل فيها

و غير الحقوق الثانيه .. اللي احتمال مع الكبر و المرض ما يقدر يعطيها المراه


و من اللي الحالات اللي اشوفها مافيه وحده خذت واحد كبير و تدلعت

 

[انا لحبيبي .]

للأسف في بنات كتير مافهمو معنى سؤالك ،
الرجل يلي بدور على بنت تصغره بسنوات قليلة أو من نفس السن تقريبا ، هاد لحاجة المتعة وفي نفس الوقت لتكون له المعيلة عند الكبر .

و المرأة بدور على رجلاً يكبرها سناً ، وذلك لأن الرجال قوامون على النساء ولحاجة المرأة في مين يحيميها ويقدر المسئولية ويفوقها عقلاً.


اما بالنسبه لسؤالك فجاوبي هو ،
زواج الرجال بالمرأه يلي هي بتكون اصغر منه بسنوات كتيره ، اعتقد هالشي بحكم مجتمعنا يلي بيفضل دائماً أن تكون المرأة هي الأصغر ، ولانه الصغيرة بوجهت نظره اصغر منه عقلا وخبره يعني بيقدر انه يكون هو المتحكم وبالطبع هالشي مو صحيح ابدا ، لانه ما خص العمر ابدا ، لانه الشخصية في كل الاحوال هي يلي بتحكم على كل الحالات .

 

[بتيخه]

اب اب
اب

 

[pinkoosha]

اهيه كلمه وحده بقولها ولها معاني كبيره "تخلف"

 

[نبض شرياني]

انا اشوف عادي مافيها شي عادي
ع العقل يكون فاهم مو اخذ واحد كبري او اكبر مني ب3سنين وانا عمري22 احس توه ماشبع من الهياته يعني عمره 25
انا ابي واحد اقل شي اكبر مني ب5 سنين
افضل يكون علىى مشارف ال30 احسن يعني 28 وورا
وتكون الحياه احلى ..يعني يعودني على اللي يحبه واعوده على اللي احبه
والرجال معروف يبي وحده كتكوته
والاهم يكون منظم حياته ويبي يستقر

 

[tt2tt]

اب اب

 

[اميره1980]

الزواج قسمة و نصيب ماله شغل العمر
واحد من اهل ريلي طالب من اهله يدورون حقه زوجه و هو عمره 25 سنة و قال ابي وحدة عمرها 28 او 30 سنة خبرتها بالحياة اكثر و ابيها متينة او متنتبة اشرايج؟؟
ترا الناس اذواق و خصوصا بالزواج القسمة و النصيب

 

[سـما]

بالاول والاخير هو نصيب والله يكتب اللي فيه الخير للجميع