تطبخين لريلج وانتي نفاس ؟؟؟؟؟؟؟؟؟

[مدرسة حبك]

مرحبا

رفيجتي نفاس واهيا بشقتها
وعندها بنت صغيرره والخدامه
تساعدها وتمسك البنيه عنها

المشكله بالموضوع
ريلها
من صار لها اسبوعين
قاعد يتحلطم ويلمح يبي تطبخ له > يقصد مرته
ويوم قالت له انه ماتقدر وتعبانه
قال على الاقل اشرفي عللللليه يعني الخدامه تطبخ بس انتي حطي لمساتج عليه
قالت اصبر اطللع من الاربعين ويصير خيرر

طبعا سوت له
بس هالمره

وبعدين قعدت اسبوع ورد مره ثانيه
يلمح لها انه حريم قبل يطبخون من اول اسبوع
وووووووو الخ

والله كرهت اتنفس مره ثانيه بشقتها
على فكره اهيا ساكنه فوق اهل ريلها
يعني باامكانه يتغدى عند امه
بس متعود على طبخ مرته ..:eh_s(2):

والخدااااااامه مايبي طباخها
واصلا حتى لو قالتلها اطبخي

منو يمسك البنت لانها صغير سنه ونص
وتخرب الدنيا
ووين فيها حيل تراكض وراها
خياطه وحالتها حاله .....................؟؟؟:eh_s(8):

 

[انا لحبيبي .]

عادي تحط بنتها على الكرسي تبع الاطفال وتدخلها المطبخ معها ، او تضلها البنت مع الخدامه

وتطبخ لزوجها الطبخه كلها ما بتاخد نص ساعه

 

[بنتـ المملكه]

اانا اشوف مافيها شي تسوي له شي خفيف وهو على كيفه

 

[الـزين و الجـود]

اخاف صج بس شكوو تطبخ له منو النفاس هو ولا هي !!!!!!!!!!!!!!!
اذا مايبي ياكل عند اهله يمووت جووع احسن والله انا تعبانه ونفاس ابي من يجابلني ويطبخ لي مو اطبخ له!!

 

[مألوفة]

الله يعينها الصراحه لو بنتها عمرها سنه وشي ما تقدر عليها وهو هم المفروض يقدرها خو قبل لا يتزوجها وين كان ياكل مو ببيت اهله حرام عليه المفروض اهي ترتاااااااح من تعب 9 اشهر

 

[ام الحلوااات]

واللـــــــــــه لــــو يـــــمـــــــوت مـــــن الــــيـــــوع مــــا يـــــذوقــــــه مـــن ايـــدي وانـــا نـــفــــاس تــعــــبــانـــــه ابــــي مـــن يــطــبــخ لــي ويـــداريـــنــــي ويـــجــابــلــــنـــي وهــــو يــبــيــنــي اقــــوم اطـــبـــخ
خـــــــيــــر عـــــســى مـــو اهـــو اللـــي مـــريـــض ونـــفــاس واذا كـــلــــــش كــــلــــش خــــل يـــقـــــوم يـــشـــــمـــــــــر عـــن ايـــديـــنـــه ويـــطــبـــخ لــنــفــــســــه ولـــــي
يــعـــنــــي اذا طـــلـــــب مــنـــي اطـــبـــخ غــــــيـر هـــا الــحـــــجـــــــي مـــا عـــنــــدي​

 

[Om7aMMooD]

اختي مافيها شي

انا ولدت بامريكا وكنت بروحي وبجريه بعد

كنت اطبخ حق زوجي بس كنت اطبخ كميه عشان يبقى يومين

ومرات كنا ناكل خفايف..

خل تحمد ربها عالاقل عندها خدامه وتقدر تمشيها على ريلها

اهي تقول حق الخدامه تسوي كل شي

وبس توقف بالمطبخ تشرف عالخدامه وخلاص

عن المشاكل اللي مالها داعي

 

[شندوخه]

صراحه حده اناني ومو هامه غير نفسه
مو مقدر زوجته توها بالنفاس ويبيلها من يخدمها

 

[tbola]

ويي الله يعينها

 

[لولو كـاتي]

ع الاقل يمسك بنته كلها سااعه ونص ويمكن اقل

انا برضو كنت بكر وفي استرالياا بروحي

صج البنات ماقصرو

بس في ايام نقزرها خفايف او خلها تسوي الطبخات اللي ماتتعب

مندي بالفرن مثلا كلش ماياخذ وقت

مجبوس لحم

مطبق ربيان كل هالاشياء ماتاخذ ساعه مولازم غدا كامل

اي شي وتبين لزوجهاا انها ماتقدر تسوي اكثر تسوي الي تقدر عليه

 

[Om_Ksha]

ام حمود انتي ظروفج غير كنتي بامريكا ومجبوووره


اهيا مو مجبوره ولا مضطره عايشين عند حمووولتهم بعددددد مو اللي بطق درب عشان الغدا ينزل ويحترم نفسه كلها جم يوم والفقيره اتقوم فيه،، الظاهر وايد مدلعته لدرجه انه مافيه حنيه عليها..

انا الحين نفاس وماسوي ولا شييييي ومع هذا احس منهد حيلي وتعبانه والخياط ذابحني وبس ابي انام !! يبا هاذي ولاااااااده يعني المره تحتاج للراحه التامه ترررد طاقتها ونشااااطها المفروض اهل ريلها من نفسهم يدزون لهم اكلهم ..
وبنت سنه يعني يبيلها مجاااااااابل وين الخدامه تلحق عالغسيل ولا عالبيبي ولا شنوولاشنو فالمسكينه اكيد تضطر الام تساعدها بشي

 

[انجبر قلبي]

الله يعينها والله ريلها جنه ريلي ساكنين عند اهله و خالتي وعليه كل يوم تطبخ والاكل يزيد وتطبخ الاكل اللي يحبه و كله تقول لا تخلي مرتك تطبخ انا يزيد الاكل عندي بس اهو مصر الا يبيني انا اللي اطبخ وياكل من ايدي!! الرياييل يستانسون لمه مرته اللي تطبخ له اهو يشوف هالشغله دلال ودلع واهتمام حقه يحبون يحسون بهالشي والله ابتلشنا

حتى يقول المره اللي تبي تكسب الريال تطبخ له
والرياييل اللي حريمهم يطبخون لهم يتفاخرون بهالشي عند الربع
والله سالفه خخخخ
​

 

[*peace*]

خاف صج بس هذا اللي ناقص!!!!

نفاس وتطبخ!!!!شهالعياره ليش ماياكل تحت عند اهله مليق

ورفيجتج بعد ليش ماتنفست ببيت اهله احسن لها

 

[شقرديـه عالطل]

الله يعينها

 

[سحـورة]

عادي خليها تطبخ ،
أسبووعين يعني طااف عليها 14 يووم وتكون أحسن و حالتها اووك
ودام قالها بس حطي لمساتج تنش توقف عند الخدامه و تراويها
و بعدين عندها طفل واحد ... الأكل ما يباله عشر ساعات أقل من ساعه بعد ,.
ولدها يكون نايم هالحزة او ترقده او تحطه ع الهزاز
السالفه أبد مافيها شيء ... خوو النفاس تقعد ف الفراش وماتتحرك ؟
شهالتفكير ؟ عسب جيه تقولوون الكرشه و الحاله و المتن و السواد
كلها من هالقعده ، إستغفر الله ماعرف شهالتفكير


الحمدلله

 

[ReRez]

النفسه تحتاج راااااحه جسمها كله يكون مهدود و تعبان .. شنو هذا مايقدرها كلش !!!

الله يعينها جد والله الريال لو يحمل شهر واحد جان كره نفسه وانتحر .. و المره مسكينه تحمل 9 شهور وبعدها طلق وولاده و نفاس ومداراة الياهل .. لازم شوية تقدير من الزوج !!!!
---

سحوره البنت عندها طفل توه مولود غير البنت ام سنه ونص .. و لازم شوية تقدير .. مادري اذا انتي مجربه النفاس او لأ بس خليج مكانها نفاس و تتحركين و تطبخين و عندج بيبي يقوم كل ساعتين او 3 يبي رضعه و تغيير وتبديل غير بنت بو سنه ونص هم تحتاج امها .. اصلا ساعتها بتنسين طعم النوم .. لازم تقدير من الزوج

 

[حبيبي مالكني]

الله يعينج

 

[عشقي بناتي]

انا اشوف ان اللي لها اسبوعين والدة عادي تقدر تشرف على الطبخ مايحتاج مجهود والحركة زينة للنفاس

 

[ام دليار]

مابعرف يعني عادي ماتتطبخ شو المشكلة حتى لو نفاس

نسوان خواتي بيقعدو بس أسبوع بعدين عادي بيطلعو بيطبخو برحو على أعراس مافي مشكلة

ويلي بتقلك بيخرب جسمهامو صحيح أهم شي أنها ماتشيل شي ثقيل وبس والحركة بركة

 

[sarooona]

عادي حبيبي اصلا بالحركه بركه مو يعني نفاس الوحده لازم تنسدح بفراشها 24 ساعه
انا لما ولدت ادش المطبخ عادي