تطبخين لريلج وانتي نفاس ؟؟؟؟؟؟؟؟؟

[ام داليا07]

الله يعينها بس الصراحه لو يموت ماطبخت له هذا اللي ناقص ياكل عند اهله ولا يدبر نفسه

 

[noorq8]

انا شامه ريحة حريم بالموضووووع ......................ههههه


الظاهر ريلها مدرس عدل , حلوه هذي سالفة حريم اول

 

[مجنونه هواهـ]

زين انه متعود على طبخها وما ياكل الا من ايدها هاذا دليل انه يحبها مو يبيها تتعب عادي تحط بنتها قدامها وياها العابها والشالغه تقطع الخضار وتجهز كل شي هي تجي تحط الخلطات والاكل وتروح تتعطر وتاكل هي وياه وبنتها يعني عادي

 

[أم أنور]

رياييل مايقدرون الحين امك تحت روح اكل معاهم
واي ماجربوا الخياط والسهر والصدر اشلون يكوون وارم من الحليب واللويه وفوق هذا مطبخ لااااااااااااا

 

[روح مووود]

الله يعينها بس المفررررروض ماتشتغل الا بعد شهر

 

[رقـة الاحسـآس]

بالعكس انا اجوف ريلها وايد متفهم
يعني هو ما يحب ياكل الا من ايدها ماشاءالله ها شي وايد حلو
و لانه يعرف انها تعبانه قالها عندج الخدامه تساعدج او على الاقل اشرفي عليه

الناس مب واحد وانتي عليج بريلج وحاولي ترضينه باللي تقدرين عليه
واذا عالبنت خليه ينتبه عليها شوي وقت ما تكونين ويا الخدامه فالمطبخ
او جوفي حد من خواته ينتبهون عليها
وجوفيلج اكلات ما تاخذ وقت وايد
والله يسعدكم

 

[jooosy]

مستحيييييييييييييييييييييييييييييييييل اطبخله وانا بلنفاس
ولو كلينكس طايح بالارض ما انزل اشيله
هذا اناني
الوحده بلنفاس تبي احد يخدمها مو تخدم ريلها وتقوم تطبخ
اكفايه السهر والتعب خصوصا الياهل ابهالسن ماينام بس يبجي
خل تقوله اكل مع اهلك والا الله ماكثر المطاعم الي يطبخون الطباخ الكويتي
خل يطلبون منهم كل جم يوم*

 

[كليـ دلعـ]

عشنا وشفنا

ياكبرها عند الله

نفاس ويطبخهااا؟!؟

صج (.......)

خ يولي زين

لوفيه خير جان خلاها تنفس عند اهلها او ياب لها

طباخه مؤقته تطبخلهاا 40يوم

وجان ينزل بنته عند اهله يمسكونها

عن مويمتهاا حرام واعليااا

نفاس ووحده

وهم بيشغلهاا؟!؟

المفروض حمولتها يطبخون ويصعدون لها

ليش جذي شصاير؟

الناس للناس والكل بالله

الييران يتعاونوون موو عايله وحده يجمعها بيت

لاحبيبتي خليهاا تستريححح

ولاتعب نفسهااا مسيجينه والده ومخيطه

وتعبانه و9شهور ثقل

ويوم يا الوقت اللي ترتاح فيه ايي يطبخهاا؟!

لالا

خليهاا تفك بحالها وبصحتهاا واهووو لاحق

ع البلع (قطيعه بطيني!!))

خ ينزل عند اهله ياكل لين المريه تسترد عافيتها

لاتجهد نفسهاا اهم ماعليهاا صحتهاا.

اي والله حلوه هذي طبخيلي واهي نفاااس!!!

يمااا. راسي عورني. قهرر

 

[ورده الكرستال]

موزين حبيبتي النفاس محروسه

يصبر شوي على الاقل لين يتم لها شهر

 

[& شرطان الذهب &]

النفاااااااس تبي من يطبخ لها لا تطبخ له وحريم قبل مو نفس الحين وخل يتغدا عند اهله

 

[عيوني مودي]

عادي انا زوجي مستحيل يخليني اتنفس عند اهلي يجيبلي خدامةواجلس بشقتي ويمسك البنت عني
واطبخ لة بس يوم صار لي ثلاث اسابيع يعني ماعلي اقدر اقوم بعمري
وانا الي اطلع لة هدومة ومنشفتة وادور وراة اغراضة
ومايشرب القهوة الى من يدي
عادي لاتزود الدلع

 

[سوزي الشرقية]

والله لازوجهامشتاق الى طبخها وهي ساكنه بيت عيالها عادي تنزل بنتها اليهم طوال الوقت

 

[miss_whitemocha]

انا عن نفسي أكيد ماراح أطبخ له ما يشوف شر عندهم طباخ يطبخ و ينفخ و أصلا راح أنفس في بيت أهلي..
بس انا أستغرب من الأجنبيات ، اليوم تولد ،باجر إهيا في بيتها ماسكة عيالها و مجابلة طباخها و تنظيف و غسيل و لا خدامة ولا هم يحزنون..
يحسسوني إنه إحنا وايد دلوعات!!​

 

[Tom ♥ Jerry]

,


خل تشرف على الطبخ مره بالاسبوع على الاقل .!
عشان ريلها مآ آعتقد رآح تتعب كلها جم يوم و يخلص النفاس

 

[Tom ♥ Jerry]

,

و اهيه غلطآنه شلون مآ تروح بيت اهلها
معرووف نفاس و بجر لازم ويا آمهآ

 

[انصاريه قمره]

بصراحة ما يستحي على ويهه

البنت طلقت وطلعت روحها يالله طلعت الروح اللي فيها

وما أمداها كلها أسبوعين ومات من اليوع

لو الحمولة تستحي على ويهها جان دزوا لها لقمتها مو يعرفون إن عندهم نفسه بالبيت

ويسوون روحهم ما يشوفون ، ولا بس يبون ولدهم تحتهم ؟؟؟؟؟؟؟؟؟؟

البنات اللي يقولون ميخالف لألألألألأ يخالف هذا نفاس ولازم تتنفس عدل

المفروض تتدفى ، ترتاح ، تاكل وما يرد اللحم إلا اللحم مو تخدمه وتطبخ له

صج إذا لم تستح افعل ما شئت !!!!!!!!!!!!!!!!!!​

معااااها صج ناس ما تستحي يدرون في نفساا بالبيت بدال لا يقدرونها ويدزون لها اللقمه على الاقل يوكلون ولدهم اهي مو طاره منهم
واعليا كافي عليها تعب ال 9 شهوور وتفجج العظام و الولاده والخياط وطفل الاربعين وغيره طفله ثانيه ترى سنه ونص صغيره واعليا ما اشبعت من حنان امهاااا والله لو انا بدالها اسحب عليه سيفون واروح اتنفس ابيت اهلي اريح نفسي وجسمي والرياييل بس يبون المرا تفرخ ماكو احساس قطيعه <<<< قلبهاا متروسه لووول

 

[بنت عطا]

اختي توها والده حطت طباخه لبيتها عشان اكل النفاس وتطبخ غدا زوجها وعيالها

وزوجج قولي له امرح بس اذا صارلي شهر وردت عافيتي قمت طبخت لك لايدش فيج هوا من الحركه والا يلتهب الجرح

 

[nono78]

بنات اسمحولي حدكم دلوعات

انا كنت والده قيصريه بعد اسبوعين والله ابروحي قمت اطبخ ملينا من اكل مطاعم

اول اسبوع امي ماقصرت كانت تطبخ وتيبلي للبيت

وغير عندي يهال بالمدرسه واهوا ماقصر كان يوصلهم ويبهممم

الحياه تعاون والزواج مسؤوليه

عادي مافيها شي الا اذا في ظروف صحيه وتعبانه اكيد الزوج من نفسه يتفهم الوضع

 

[ترف بابا]

ليش امها ماتطرش لها عالاقل يوم وترك ؟

 

[*ماي الورد*]

عادي
لان الاكل حقها و حقه ولا شلون بترم عظمها من اكل المطاعم
رفيجتي اتقولي انها كانت تقعد عل الكرسي بالمطبخ و تشرف عالخدامة و تحط ادوية بالاكل البيت اكله يتنفس وياها خخخخ