تطبخين لريلج وانتي نفاس ؟؟؟؟؟؟؟؟؟

[أغلى حبيبه]

اشوفها عااااادي ومافيها شي

بس كل واحد وضروفه اهوا صج شويه املغها يعني قاعد عند امك ليش ماتاكل عندها

وبعدين اللي يطبخلج خل يطبخله معاج

 

[زوجة عزيز]

واي الله يصبرها عليه يعني دبته اهم من مرته !!

 

[dantella]

الله يعينها والله ريلها جنه ريلي ساكنين عند اهله و خالتي وعليه كل يوم تطبخ والاكل يزيد وتطبخ الاكل اللي يحبه و كله تقول لا تخلي مرتك تطبخ انا يزيد الاكل عندي بس اهو مصر الا يبيني انا اللي اطبخ وياكل من ايدي!! الرياييل يستانسون لمه مرته اللي تطبخ له اهو يشوف هالشغله دلال ودلع واهتمام حقه يحبون يحسون بهالشي والله ابتلشنا​

حتى يقول المره اللي تبي تكسب الريال تطبخ له
والرياييل اللي حريمهم يطبخون لهم يتفاخرون بهالشي عند الربع
والله سالفه خخخخ​

خل يتفاخر عند ربعه بطبخ زوجته بوقت ماتكون اهي نفاس يعني ماحبكت بيتفاخر واهي بالاربعين شهالعبو بعد
ماله حق ومافيها شي يصبر عليها كلها 40 يوم .... بصراحه اناني

 

[Killer^Girl]

عادي دام معاها الخدامه وتطبخ بس لها ولريلها مافيها شي يعني عقب اسبوعين بس خلاص قرب النفاس يخلص وارتفعت شويه
خل تشرف عالخدامه عالاقل وتراعي ريلها

 

[كيت كات]

انا احس ان المرة بعد 10 ايام تقدر تقوم وتسوي كل شي اساسا صحة لبدنها انها تشتغل
وتكو عنكم الشكليات شدعوه الطباخ ماياخذ ساعه بس راح يرسم ابتسامة ورضي بويه ريلي

 

[^^yasmina^^]

وايد معطيته ويه الصراحة
تعب الوقفه ما يطلع عليها الا بعدين اهيه بفتره تحتاج تكون مرتاحة تقوي عظامها يبيلها احد يداريها عظامها بعد الولادة فاجه رحمها ناازل من بعد الولادة لازم ترد نفس قبل بالراحة مو واقفه ساعتين بالمطبخ
دام قاعده بيت حمولتها خل امه تسويله
انا من حملت ما دشيت المطبخ الا حق الخفايف

 

[الشهد كله]

بصراحة ما يستحي على ويهه

البنت طلقت وطلعت روحها يالله طلعت الروح اللي فيها

وما أمداها كلها أسبوعين ومات من اليوع

لو الحمولة تستحي على ويهها جان دزوا لها لقمتها مو يعرفون إن عندهم نفسه بالبيت

ويسوون روحهم ما يشوفون ، ولا بس يبون ولدهم تحتهم ؟؟؟؟؟؟؟؟؟؟

البنات اللي يقولون ميخالف لألألألألأ يخالف هذا نفاس ولازم تتنفس عدل

المفروض تتدفى ، ترتاح ، تاكل وما يرد اللحم إلا اللحم مو تخدمه وتطبخ له

صج إذا لم تستح افعل ما شئت !!!!!!!!!!!!!!!!!!​

 

[أم حيدر]

لازم بدون ما تشور أحد .. هي تمشي أمورها يستر وهدوء .. الحين اللي يسمع عاد الطباخ من صعوبته كلش ... يا كثر صواني الفرن أشكال وألون .. تخلي الخدامة تزهب كلش وهي تدخل عشر دقايق تطبق الأكل وتدخله الفرن.

كل واحد أدرى بظروفه .. ولو الناس يتشابهون بأطباعهم .. ما جان ربنا خلق بصمات الأصابع ما تتشابه ، فلا تقارن نفسها بأحد ولا تاخذ نصايح من أحد لان هالموضوع مو محتاج كلش.

لا تصعبها على نفسها .. سهالات .. ولا تخلقلها مشكله من ولا شي.

 

[*الغاليه*]

امبيييه نفاااس وتدخل المطبخ مسكينه بروحها تبي اللي يقوم فيهاا وينها وين الطباخ

ماااعليه يصبر هالجم يوم لين تشد حيلها وتطلع الاربعين ترى المره حامل 9 اشهر مو اسبوع

برروحه الحمل هاد حيلها والولاده كملت عليهاا خليه يرحمها هالشهر

الزم ماعليهاا صحتها لو يصير فيها سي محد بياكلها غيرهاا​

 

[اللؤلؤ المتناثر]

أنأ ماأشوف فيها شي عادي يعني إذا إنفاس ماأتحرك من مكاني
وبعدين ماقال لها مابي الخدامه تجيس شي ﻷ قالها أشرفي عليها
لاتكبرون السالفه على شي مايسوى!

​

 

[miss_7sawiya]

انا اقووول لوو تبي رااحتهااا جاان قعدت عند اهلهاا على الاقل يخدمونهاا بس ماداام قااعدة عنده لازم تقووم بوااجبااته واذا على الطبااخ ما يااخذ وقت الله يعاافي الاشيااء الجااهزة وتشرف على الخدامة

 

[أمواج البحر]

ما يبيها سوبر وومن بعد

 

[ام زهقانه]

اختي مافيها شي

انا ولدت بامريكا وكنت بروحي وبجريه بعد

كنت اطبخ حق زوجي بس كنت اطبخ كميه عشان يبقى يومين

ومرات كنا ناكل خفايف..

خل تحمد ربها عالاقل عندها خدامه وتقدر تمشيها على ريلها

اهي تقول حق الخدامه تسوي كل شي

وبس توقف بالمطبخ تشرف عالخدامه وخلاص

عن المشاكل اللي مالها داعي

صج الله يعينها بس تدخل المطبخ وتحط البهارات وتسوي المحسه والباقي عليهاوالمقروض تعلم خدامتها قبل الولاده يمكن الرجال ما يحب اكل الهنديه مالق حده

 

[سكر فتافيت]

الله يعينها واحده واحده تعمل الى تقدر عليه
ولو والده طبيعى تقدر من اول اسبوع تقوم وتسوى كل شىء
وتاخد الموضوع من جانب انه يحبها ويحب ياكل من ايدها
مو قاصد يتعبها

 

[طموحه بزياده]

انا من رايي


كل وحده وظروفها وكل وحده وكيفها


وانا انصح رفيجتج لا تاخد نصيحة غيرها وتطبقها خل تشوف المناسب لها وتسوي

بعدين الحمدلله عندج خدامه واهوا قالها اشرفي عالطبخ مو اطبخي يعني تقدر تخلي الخدامه تطبخ وتقص عليه ان اهيا اللي سوت

 

[ام كحيلان 77]

أنا أشوف دام انها عدت الأسبوعين يعني الحمد لله تحسنت حالتها
لانه التعب بس اول عشر ايام
أنا ماقول تعبي نفسج واطبخي وانفخي
لا بس اشراااف عالخدامه شسوت وماسوت
دامه يبي هالشي شتسوين بعد
واذا قدرتي تقنعينه انج تحتاجين راحه هالفتره يكون احسن
أنا صراحه أشوف وقت النفاس الأهل يجيبون اكل للنفاس عشان ما تتحرك
واهوا العكس
الله يهديه ان شاءالله​

 

[pusy cat]

بصراحه زوجها متخلف

بدال ما يعاونها ويخفف عنها يقوم يكرفها

بس اهي غلطانه المفروض نفاسها فبيت اهلها عشان يحوفونها حوف يالله من فضلك

النفاس فترة نقاهه بعد الولاده المفروض المره ترتاح وكله قاعده والا منسدحه

 

[شندوخه]

عادي خليها تطبخ ،
أسبووعين يعني طااف عليها 14 يووم وتكون أحسن و حالتها اووك
ودام قالها بس حطي لمساتج تنش توقف عند الخدامه و تراويها
و بعدين عندها طفل واحد ... الأكل ما يباله عشر ساعات أقل من ساعه بعد ,.
ولدها يكون نايم هالحزة او ترقده او تحطه ع الهزاز
السالفه أبد مافيها شيء ... خوو النفاس تقعد ف الفراش وماتتحرك ؟
شهالتفكير ؟ عسب جيه تقولوون الكرشه و الحاله و المتن و السواد
كلها من هالقعده ، إستغفر الله ماعرف شهالتفكير


الحمدلله

ليش ماتدرين ان المره بنفاسها يزهبونلها الجفن ؟؟
عسا اعماركم طويله ان شاءالله

 

[بحر الرمال]

ليش ماتدرين ان المره بنفاسها يزهبونلها الجفن ؟؟
عسا اعماركم طويله ان شاءالله

هذاك اول الحين تطور الطب و التخدير وين قاعدين

و بالنسبه لصاحبه الموضوع اقول
خلي الخدامه تقصص و تسوي كل شي و حطي كرسي و اشرفي ترا مايبيله شي
و في اكلات سهله حيل مثل عيش مشخول و دياي اللي ينحط بجيس بالفرن مع ليمون و زنجبيل
او مقالي او شاورما امريكانا الجاهزه مع حمسه او معكرونيا
لو مكانج راح اسوي جذي اذا اهو كان زين معاج و له مواقف حلوه

 

[G!RLooNa]

امبيه ليش في رياييل الاحساس منعدم عندهم !!

و الله لو يطلقون طلقه وحده جان قعدوا سنه لي جدام ما يتحركون من التعب :|