صبحكم / مساكم الله بالخير
رحلتي الأولى والمصورة الى تايلند (بانكوك+ بوكيت)
عدد الاشخاص : انا وزوجي
الطيران: الخطوط الجوية القطرية + الخطوط التايلندية
مدة الرحلة: 9 ايام / 8 ليالي
تكلفة الرحلة:
التذاكر :
- 405 دينار ... سعر تذاكر القطرية
- 105 دينار سعر تذاكر التايلندية حق بوكيت
الفنادق اللي سكنا فيها + التكلفة :
- بانكوك اول 3 ليالي في فندق اسمه Siam @ Siam Design Hotel & Spaكلف الفندق 96 دينار ، وهذا موقع الفندق على النت
- بوكيت: 3 ليالي في فندق Cape Sienna Hotel & Villas في شاطي كامالا وكلف 3 ليالي 88 دينار، وهذاموقع الفندق على النت
- بانكوك: ليلة وحدة فندق Arnoma وكلف 21 دينار وهذا موقعه علىالنت ... وما انصح فيه
- بانكوك: ليلة وحدة فندق Courtyard by Marriottوكلفت الليلة 44 دينار ، وهذاموقعه على النت
مصرف الجيب : 600 دينار تقريبا
-----------------------------------------------------------------------------------------------------------------------------------
-----------------------------------------------------------------------------------------------------------------------------------
رحلتنا كانت من الصبح ( جدا متعبة رحلاتالفجر ما تنامون قبلها).. رحنا المطار الساعة 3 الفجر وطارت طيارتنا الساعة 5 وربعالصبح ومدة الرحلة ساعة ووصلنا الدوحة الساعة 6 وربع ..... وقفت الطيارة بعيد عنقاعدة الترانزيت وبالباص خذينا جولة حوالين المطار لين ما وصلنا القاعدة والا الطيارةBoarding وسيدة على البوابةوالحمدلله انا كنت حاجزة كرسيين لي ولزوجي ما يمهم كرسي ثالث بس اثنين يم بعض عنالعذال والحنة وطارت الطيارة الساعة 8الصبح برحلة مدتها 6 ساعات، بصراحة الرحلة كانت جدا ممتعة والكراسي مو ضيقة والترفيه عندهم شي ممتاز ماتدرين شنو تطالعين وحتى وجبات الاكل كانت حلوة ووصلنا بانكوك الساعة 7 بالليل وكنتحاجزة سيارة من الفندق اتيي تاخذنا .. والحمدلله لقيانهم ناطرينا ورحنا في جولةبين شوارع بانكوك لغاية ما وصلنا الفندق
الحين اترككم مع شوية صور من بداية رحلةالكويت الى وصولنا بانكوك ودخولنا الفندق
صورة من الطيارة بمطار الكويت قبل الاقلاع
بداية دخول الاجواء القطرية بعد رحلة ساعة
وطبت الطيارة بمطار الدوحة
على طول دخلنا بوابة الدخول حق رحلة تايلند وكان هذا خط سيرنا من قطر الى بانكوك
لقطات من الجو قبل دخول الاجواء التايلندية بشوية
ودخلنا الاجواء التايلندية وبدينا بالهبوط
وطبت الطيارة بمطار بانكوك
للاسف ما صورت المطار ، بعد خروجنا كان في سيارة مرسيدس تنطرنا من الفندق اخذتنا وودتنا الفندق وسوينا شيك ان بسرعة الاستقبال كان حلو الحمدلله وعطوما مفتاح غرفتنا بالطابق ال 17
وهاذي صور الغرفة بعدستي والحمدلله طلعت الغرفة نفس الصورة بموقع بوكينغ بس كانت شوي صغيرونة
هذا تكرمون الحمام وله دريشة تنفتح على الغرفة
بعد ما ريحنا شوي رحنا ندور مطعم قريب داخل مجمع MBK لان كان يم الفندق بس على حظنا كان بيسكر .. رجعنا الفندق واكلنا في مطعم الروف بالفندق بس بصراحة سعر العشا كان صدددددمة وايد غالي :rgewrg:
صورة المطعم من الانترنت لاني نسيت اصوره
اليوم الثاني
---------------------------------------------------
---------------------------------------------------
قعدنا متاخر شوي لان الرحلة كانت متعبة نزلنا اللوبي وسالنا عن الرحلات قالو لنا نوديكم جولة في تايلند ب 500 بات طبعا بسيارة الفندق .. قلنا اوكي
اخذت لقطتين من دريشة الغرفة
هاذي صور من الفندق
واذا لقيت تفاعل حلو راح اكمل التقرير باذن الله
