تجمع قروب passion لرجيم اتكنز المرحله (1)

[dantella]

حبيبتي باشن ناطرين تقريرج عن اليوم
وانا ترا بانتظار وعدج الي قلتي انج راح تنزلين صور عن الاغراض الي ممكن تفيد نظامنا وانا ناطرته على احر من الجمر

 

[ام أنوسه و رنود]

الله يعطيك العافيه يادانتيلا

 

[LadY BuG 80]

كيفكم ............................صبايا
دلوني على أفضل مركز تحميل الصور
يومياتي)

هلا حبيبتي

هاذا ارابط روعه شويه عليه

http://www.up-00.com/index.php

لمن تحملين اصوره بيطلع لك تحت اصوره 3 روابط اختاري الثاني . الي في الوسط و سوي كوبي و بعدين بيست في ارد الي في منتدانا عند علامت الجبلين , قبل لا تسوين بيست امسحي ال http://

و بس
انا متابعتكم لاني احب اتكنز و ما ضعفني غيره :rerrerek:

شدو حيلكم

 

[وشلون مغليك]

هلاااا بنااات ... شلوونكم مع الرجيم

اليوم تعشيت همبرجر دجاج وحده بس

ومشيت ساعه ونص

وبس

نبي فيتامينات للشعر والجسم مع الرجيم...... عندي اوميغا3 بس مالتزم كل يوم فيهم انسا اكلهم

 

[dantella]

توني خلصت عشا
مع اني ماحبه بس سويتلي اليوم بيض طماط واستغربت ان لذيذ
وشربت ماي هالمره مليت من الكولا دايت
واخذت حبه البانتوجار .......... وحاليا ناطره باشن تدش
والحمدالله عدا اليوم على خير

 

[ام أنوسه و رنود]

السلام عليكم ............................................
يومياتي .................................................
تريقت.............................................(1بيض مقلي +جبنه كيري)+2كوب ماء
غداي.............................................(1علبه تونه +سلطه 5ملاعق اكلتبس )
عشاي ...........................................(دجاج مفروم حمسته على النار مع بصل مع بقدونس)+سلطه (جرجير+خيار)+2ملعقه مايونيز +جبنه كيري
وذحين قاعدة اشر زنجبيل

 

[جوف الليل]

هلا ..
صورت غداي بس مادري شسالفه الجوال .. صج كحيان لوول .
مالقيت الصور ف الجوال !! قههــر ماعلينا من بكره بصور بالكام احسن ..

..
ريوقي كان

( بيض مفوح ) كليت بس بياض بيضه


..


( غداي )

دجاج مقطع < مسويه لي الخدامة نفس الشورما ..
بس المكونات ماخدتها من كتاب امراض السكري < الاهو ...
يعني الاكله بكبرها دايت ..
+ كليت حبة حمام > مادري اذا ممنوع ولا لا

السناكـ ..
شاي اعشاب
شمر .. كمون .. كركم ..

وبسس

الرياضة
مشي لمدة 35 دقيقة اول خمس دقايق كانو تبريد ..

+

مشي عالدرج 10 مرات ..

+

عشرين دقيقة ( كررت الفيديو )

تمارين للذراعين < اللي حطته العضوه فانتا ستوبري ..

..

12 مرهـ تمارين لشد الارداف ..< موضوع العضوه جوجو ..

وبسسس انتهي يومي ..
والماي ماعلي كلام اشرب بالهبل

 

[ام أنوسه و رنود]

)في ارد الي في منتدانا عند علامت الجبلين (, قبل لا تسوين بيست امسحي ال http://

الله يسعدك ياكوتن كاندي بس سويت كله تمام بس مافهمت اللي بين قوسين حياتي

 

[LadY BuG 80]

)في ارد الي في منتدانا عند علامت الجبلين (, قبل لا تسوين بيست امسحي ال http://

الله يسعدك ياكوتن كاندي بس سويت كله تمام بس مافهمت اللي بين قوسين حياتي

هلا حبي

شفتي لمن تسوين رد على الموضوع تطلعلك صفحه فيها المربع الي نكتب فيه

شوفي مع الخيرات الي فوق تلاقين صوره صفره عليها رسمت جبلين

و لمن تضغين عليها يطلع لك الماكن الي تحطين فيه ارابط تبع اصوره

بيست ارابط هناك بس قبل لا تحطين ارابط امسحي الكتابه الموجوده .. اتمنى شرحي واضح ,, ترا انا ما اعرف اشرح صح و احيانا الخبط الوحده معاي ههههههههه بس حاولت اساعد :eh_s(22):​

 

[جوف الليل]

)في ارد الي في منتدانا عند علامت الجبلين (, قبل لا تسوين بيست امسحي ال http://

الله يسعدك ياكوتن كاندي بس سويت كله تمام بس مافهمت اللي بين قوسين حياتي

بشرح لج بالصور

اول شي راح تضفغطين على هالاداة

موجودهـ اهني .. في هذه اللسته

بعد ماتضغطين على الاداة ..

راح يطلع لج

تمسحينه يعني اضغطي بالكيبورد backspace


بعدين تسوين بيست .. الا هو لصق < هالمقصود اللي بين القوصين

حددت لج بالاسود هذا هو

اللي راح تنسخين الرابط ( رابط الصور من موقع التحميل )
مكان الرابط المباشر ..
واضغطي اوكي بتطلع الصورة

 

[Jnaaaat]

السلام عليكم ورحمة الله وبركااااته
اليوم ثااااني يوم لنا وياااارب تدوووم الاراااده



تريقت بيض مع نص ملعقه جبن
كليته بالشوكه

مع شاي احمر وشربت ماي علي طول بعدين رحت الجامعه
رديت الساعه وحده سويت غداي

حمسه خظره بزيت الزيتون مع دياي لذييييذه
هم كليتها بالشوكه

صليت العشا وطلعت الحوش امشي
ساعه وخمس دقايق
كان مشي سريع مع رياضه للزنود

بعدين خذيت شور وشفت دعايه هارديز اصابع الدجاج اشتهيته جان ادق عليهم مايمدي علي طول طق الباب لمن كليت تذكرت انه بقصماط

وشربت بيبسي دايت

ماكملته شربت نصه احس ثقيل

بعدين خذيت كوب زنجبيل وليمووون

وخلص يووووومي وابي انااااااااام



 

[ام أنوسه و رنود]

م

سا ء الخير باشن القهوة عادي

 

[ام أنوسه و رنود]

الله يعطيكم العافيه كل وحده علمتني واستحملت الهذره ماني مصدقه اخيرا

 

[ام أنوسه و رنود]

هذي علي اليمين فوار كالسيوم علشان ظهري وعلى اليمين حبوب لتقويه الشعر نصحني فيها الصيدلي

 

[hno0oda_q8]

السلاام عليكم

انا بديت رجيم 1\10 بس مشيت على النظام الكيميائي لان جربتة قبل والتزمت فيه
لان محدد فيه الاكل يوميا لمدة اربعه اسابيع وبالهطريقة اظمن اني اتبعه وما اخربط

يوم السبت :

ريوقي بيضه مسلوقة و شربت ماي
(الريوق ثابت طول فترة الرجيم 2 بيض مسلوق+
نصف برتقالة بس ماكليت )

والغداء 2 تفاح اخضر
والعشا 2 همبرجر مشوي وبيبسي دايت


الاحد :
الريوق بيضه مسلوقه وماي
الغداء 4 صوصج لحم مفروض دياي بس مالقيت
العشا \صمونه صغيره بيض مسلوق وسلطة ودايت

وبين الوجبات اشرب شاي اخضر وقبل لا انام شاي رويال

 

[Jnaaaat]

ماااشااااء الله اخيييراا نزلتي صور يلا شدي حيلج بالصور مالج عذر

 

[passion.666]

بسم الله الرحمن الرحيم
اليوم الثاني
الأحد 2/10/2011​

الريوق​

قلاص ماي على الريج وبعدين تريقت بيضتين مقلي وعليهم قفشة جبن شدر مع كوب جاي احمر وحبة سكرين

​

الغدا​

كفتة لحم انا مسويته يعني شغل بيت مع دايت بيبسي

​

​

وعقبها نمت ريحت شويه ودرست اليهال وعلى الساعه سبع ونص دهنت جسمي كله بخلطه ماخذتها من المنتدى

​

ولبست اسوار الطاقه

​

وصلت مشرف على الساعه 8 بالضبط وشغلت التايمر

​

بالروحه قطعت ساعه و24 ثانيه

​

بالرده وقفن دقيقتين اشرب ماي

وعقبها مشيت نص ساعه وبعدين تذكرت مفتاح السياره وينه ماني عارفه رديت من المكان الييت منه صوب البراده والحمدالله ناسيته فوق البراده​

طبعا تأخرت وصلت السياره على الساعه 10:30 يعني مسيت ساعتين ونص

​

ساعة السياره

​

العشا
وعقبها تعشيت شورما دجاج مع دايت بيبسي بس قبل لأتعشى شربت قلاصين ماي

​

بعدين خذيت شور استخدمت سنفرهالمشمش وضايفه عليها ملح اليوكو
وعقبها استخدمت الخلطه الصابونيه مالت مزيونه

عقبها مسحت جسمي بقطن متروس اسكنول باليمون وفركت جسمي كله
ودهنت بزيت اللوز المر
وخذيت 2 كبسولة جنين القمح وحبة الشعر وكريم البشره

​

​

اتمنى ان يعجبكم تقرير بنات لي طلب عندكم اتمنى ان تذكرون ربكم والأنسان اللي عنده هدف لازم يتعب ويجتهد مافي تفوق ونجاح من غير دراسه ومافي رشاقه من غير رجيم اي وحده تدخل تذكر ربها علي وعلى بناتي القروب وانا ادري انكم فيكم الخير واللسانكم رطب بذكر الله وشوفكم باجر على خير
وتصبحو على خير​

 

[Jnaaaat]

ماشااااااء الله لاقوه الا بالله
تتهنين باااشن بالرشاقه والبشره والشعر امييين يااارب

 

[passion.666]

ماشاء الله تبارك الرحمن ان شاء الله تستمرين جذي يارب واضمن لج تضعفين وتنزلين نزول حلو
ودام وصلتي لي اخر الممشى بساعه يعني انج رجعتي بسرعه اكبر واكيد قطعتي المسافه بوقت اقل وهالشي وايد وايد وايد زين مو مهم التوقيت كثر ماتهم السرعه في المشي كل ماكان اسرع كل ماحرق اكثر

انا كنت امشي على الجهاز نص ساعه بس مشي سريع مايل للجري وكنت ماشاء الله ما انزل من الجهاز الا جسمي يصب صب من العرق واحرق 300 كالوري تقريبا ( ايام الرشاقه طبعا ) ههههههههههههههه وان شاء الله بس ينزل وزني ارجع للنادي وارجع اركض وامشي ياحلو المشي والله ان يشد الجسم وفوق هذا يطلع السوائل من الجسم وفوقهم يصفي البشره لان الدوره الدمويه تتحرك وزياده عليهم تحرقين الطاقه السلبيه اللي فيج عشان جذي اول ماترجعين دايم تحسين انج ريلاكس ومزاجج حلو وان شاء الله تستمرين بصحه وعافيه يارب

بعد عمري ماقصرتي على التشجيع والكلام الحلو ما يطلع اللى من الحلو والزين
حدي مستانسه

 

[passion.666]

السلام عليكم ورحمة الله وبركااااته
اليوم ثااااني يوم لنا وياااارب تدوووم الاراااده



تريقت بيض مع نص ملعقه جبن
كليته بالشوكه

مع شاي احمر وشربت ماي علي طول بعدين رحت الجامعه
رديت الساعه وحده سويت غداي

حمسه خظره بزيت الزيتون مع دياي لذييييذه
هم كليتها بالشوكه

صليت العشا وطلعت الحوش امشي
ساعه وخمس دقايق
كان مشي سريع مع رياضه للزنود

بعدين خذيت شور وشفت دعايه هارديز اصابع الدجاج اشتهيته جان ادق عليهم مايمدي علي طول طق الباب لمن كليت تذكرت انه بقصماط

وشربت بيبسي دايت

ماكملته شربت نصه احس ثقيل

بعدين خذيت كوب زنجبيل وليمووون

وخلص يووووومي وابي انااااااااام



ياعيني ععلى التقرير
روعه قوقوقو هيد