ديوانية --<-@ {{ One Day We Will Be Slim}}

[نونة حبيبها]

مرحبا بنات
وزني يوم السبت كان 67.6
واليوم 65.9
اول يوم مع دايت سنتر..
فطرت سينبون رول مع كافيه لاتيه
الغذا كان شرايح دجاج مع 4 حبات بطاطس وشوربة خضار مع سفن اب دايت
السناك كان يممممي اسمه كراك
كان كانه كيكة محشية بشوكلاة وعصير تفاح
العشا اصابع سمك مع بطاطس ولبن لو فات
احس وزني بيزيد لانه عادتي بالريجيم اقل من كذا
بشوف للاسبوع الجاي كم انزل وبعدها بقرر اذا اخفف من الاكل ولا
الدورة قريب تنزل فالشهية مرة مفتوحة بس الحمدلله الى الان مسيطرة على الوضع

 

[om l3yal]

عطوووووف والله ياني شي موووو صج بغيت اموت بس اليوم الحمد لله احسن من امس وقبله بواااايد صج دوخة خفيفة بس الحمد لله اكلت
بعدين تعالي اقول قلبي ويهم وفري كرشتج وطلعي احسن لج فاهمة ماقاصر الا الكروشات ينافسون ويدخلون معانا

 

[om l3yal]

كتووووون ديري بالج وقد اعذر مت انذر
اليوم اقول حق ريلي شكثر تبي اضعف بعد تدرين شيقولي رجعي متني ايا ابن اللذينا انا بموت نفسي علشان اضعف وهذا يقولي متني
المهم قعدت اسولف واجرجر حجي علشان سوال بقلبي جان اقوله خل اسوي شفط حق بطني تدرين شرد علي











والله استحي اقول












قال لي













اكلي تبن ذلفي يلا ذلفي بعد شق بطون وبنج ومستشفيات يلا روحي












اصلا من داخل مقهورة بس مت من الضحك من ردة فعله والله العظيم

 

[om l3yal]

اكلي اليوم
بطلين ملي علا الريج
بعد صلاة الظهر اكلت خمس لوزات تالي قبل لا اروح الدوام شريت لي دي كاف سكني لاتيه
الغدا
اكلت لي خمس جوزات وخمس سبالات وشربت شوربة كويكر بالدياي بعدها ب45 دقيقة اكلت سلطة فيها خس وخيار وبقدونس ونعناع ورمان وشوية خبز محمص
الحين قاعدة اشرب عصير برتقال فرش
العشا بالاغلب عندي خيارين يا اما روب بالخيار او توستة سمرة مع جبنة فيلاديلفيا لايت مع ان عشا عيالي يمي شي لذيذ اموت عليه صينية دياي بالكريما مع كرات البطاط عليهم بستين الف عافية
نسيت لازم اكل اناناس
والف الحمد لله الذي اطعمنا وسقانا وجعلنا مسلمين

 

[om l3yal]

نونة بالعافية عليج شوقني اكلج عسا مداخيل العافية يالغالية

 

[سارووونـه]

لولو ماعليج الرياييل كله جي
احنا نمووت عالرشاقه وهم اخر همهم
احس ماينعرف لهم تدرين
انا ماخضت التجربه للحين واحس انهم علامة استفهاااااااااام شكبرها هههههههههه​

 

[om l3yal]

سارونة حدها علامة استفهام
يوم كنت دبة كان يعيب علي
والحين هم يعيب علي
بس ماعليج مثل ماقنعته وقدرت اضعف راح اقنعه واشد بطني

 

[نونة حبيبها]

لولو يعافيك عمري والف سلامة عليك
اما سالفة زوجك يا هي حركاتهم تقهررررررررر
اتمنى بعد ماحمل وربي يرزقني بالبنت اسوي شفط بلارداف والخلفية وكروشتي الصغنونة
حلم اتمناه يتحقق

 

[اكينو]

سارووونه حياتي
الايام البروتين لازم تكون بروتين صافي
يعني بيض بس بدون اضافات


انا حاولت اتغدا صدر دجاجه متبلته ومعدلته
بس مافيه فايده
لاعت كبدي من البروتين
ابغى اضيف خضار وسلطه واجبان ارحم من الدجاج بدون شي

بس انا من يوم بديت اضيف خضار واجبان لاكلي وزني بالميزان ماينزل بس شكل جسمي
تغير كثير عن قبل

 

[ضي]

صبااااحوووووو

ماشاااءالله لا اله الا الله
الديوانيه عااااااااامره بالرشيقات والكروشاات

شلونكم حبايبي؟؟

عساكم عالقوه ويعطيكم العااااافيه

ما اقص عليكم حاولت اسوي رجيم واكل خفيف اطح من طولي مادري كل هالشحم واللحم مو فايدني ليششش

يالله الله يعينني عقب الولاده المهم نقوم بالسلاااامه

لولو حبيبتي حاسه بشعورج لمن دقرج ريلج لوووووول عاد تصدقين لوتبلشن تقصقص الحين توصلين للوزن للي تبينه وزووووود

عطوووف كاني والله اطل عليكم واشجع مووو اكثر

 

[Lady <3 A]

مرحبا شلونكم وشلون المسابقة لوول

بزبووووز النور نورج يالغالية
والله مكانج خالي والله كل دخلة حق الحرم اتذكرج وادعيلج استانست وايد بس من المطار حسيت بالتعب وحسيت ان في شي مو طبيعي بس الحمد لله اليوم احسن من امس صج مو 100٪100 بس الحمد لله

حبيبتي لولو الله يتقبل منج ان شاء الله ويستجيب دعواتج الحلوه :eh_s(7): حبيبتي والله لولو تسلمين
والله يعطيج الصحه والعافيه يارب

ليدي شلونج وان شاءالله نلتزم ونضعف بصحه وعافيه

بنات عندي ميزان عادي وميزان الكتروني احس اول مااصعد يعطيني وزن ولما اصعد المره الثانيه نفس الشي والصعده الثالثه يزيد كيلوين

شلون تعقدت من ميزان الالكتروني انتوا نفسي

الحمدلله تمام انتي شلونج حروره لج وحشه والله
انا ميزاني الكتروني اصعد عليه يعطيني رقم وثاني مره يعطيني اقل بجرامات والمره الثالثه نفس الثانيه فامشي على الرقم الثاني/الثالث
بس ماجربت اقارن بالميزان العادي

نيتك شينه

هههههههههههههههههههههه عاد انوي شي عدل عشان الله يوصلك بسرعه... من اولها تشخلع :krkrkr:

هاذا احنا يلحريم بس نضعف نتشخلع :krkrkr::krkrkr:​

:krkrkr:

بزبز شلونج صديقتي الصدوقة حبيبتي يعطيج العافية ماعليه كلنا نمر بفتره ضغط بس نرجع بقوة عقب

الحمدلله بخير انتي شلونج عطوفه :eh_s(7): اهتمي بصحتج وصحة البيبي وحطي وزنج بس عشان تحافظين ويومياتج عشان تاكلين اكل مفيد وصحي ومايزيد وزنج وايد

,

ضيون حبيبتي اهتمي بصحتج وصحة البيبي ولاحقه ع الدايت عقب الولاده ان شاء الله اهم شي اكلج يكون صحي ومفيد :rerrerek::rerrerek:

,

باقي المتسابقات :eh_s(15): شدو حيلكم وكيب ات اب وبنضعف كلنا ان شاء الله وبنوصل للمطلوووووووووووووب
​

 

[Lady <3 A]

وزني اليوم

(56.9)

يومياتي زوينة بس مو بيرفكت

ريوقي

حليب قليل الدسم بنسكافيه + جوكو باي 120 كالوري
الضحى شربت نسكافيه 3 ان 1

الظهر تغديت من بوفيه السلطات والمقبلات بالفندق الي يم البنك واكلت قفشتين سويتس لول

رديت القسم مسوين بارتي عطوني كيكة اكلت ربعها او اقل والله ما قدرت اقاوم والله

عشاي شوربة بروكلي وشريحتين خيار

والحمدلله ع النعمه

 

[Melazlaza]

لووووووووووووووووووووووووووووووول كتوووون والله يا بخت زوجج فيج دمج عسل وماتقولين جملة الا وانا ميتة ضحك
شووووفي بالنسبة لاكلاتنا الشعبية بعد هذي تراثنا المتروس دهن وكارب شنسووووووووي لابد نتشهى
والله انا ما اخذ مكانين توني ما فرشت بس يا اختي عندي شعور مريع ان بطني بارز عندي تريننغ قياسه اوكي علي بس صوب البطن موووو شي وريلي مستانس يتطنز يقول ام كروووووشة
حدي متحطمة لان توني باسم الله مو معقولة هذي كرش الحمال!!
المهم ام الكتن انا معاكم وعاااادي اذا خسرت افر المنتدى بس اذا صار فيني شي تتقاططون وتسوولي بوفيه يغذيني
ان شاءالله التزم معاكم ياااااارب والوعد بعد اسبووووع






لولو حبيبتي سلامتج لا والله ديري بالج كلش ولا الصحة
اهتمي باكلج وصج ردة فعل زوجج طبيعية كل الرياييييييييل جذي يشوفون تفكيرنا بالرشاقة سخافه
عاد رفيجتي مسوية شفط وشد تقول الشد اوكي والشفط مامن فايده ويخرب الجسم
مو انا قبل لا ادري اني حامل كنت مفكرة بالشفط والشد بس الفاس طاح بالراااااس خلاص



ضيووووون خلي اكلج هيلثي مو تخفيف انا طايحة بالخس جني ارنب لوووول بس مفيد وهم السلطات والفواكه والله يعيننا هالوزن ذبحنا
خلج عالخط معانا

 

[Melazlaza]

حبيبتي بزبز ان شالله التزم باكل صحي صج عاد انا ابالي التزم معاكم عشان لا اكل خرابيط
ترى اكلج اوكي بس الحلو زايد شوي

 

[om l3yal]

نونة شسوي ودي اذبحه بس خلج ماعليج منه ان شاالله اقنعه اقنعه اقنعه
يوم رجعت السبت من السفر ولدي الصغير يقولي يما ضعفانة يرد عليه اي ضعفانه هذي خلصت قهرني قهرني اللي يسمع يقول اهو فيل وزنه ٥٤ شيبي علا الاقل اكون اكثر بعشرة بس انا مو طماعة قلت ١٣
وبشوف يا رايي يا هم رايي اللي يمشي

 

[om l3yal]

ضيون تذكرين لما قلت لج خايفة من ردة فعله
كاهو عطاني اياها بالصميم والله من داخل انقهرت وانغثيت بس مت من الضحك عليه وياااارب الحين اقول اذا فيها خير تسهلها لي واذا فيها شر امنعها عني

 

[om l3yal]

بزبوز منا ومنج ان شاالله بس اللي كان يضحكني اني ادعي حق بزبز والله اضحك

 

[om l3yal]

عطوف تدرين ليش يفكر جذي لان ابوي الله يرحمه قبل وفاته بخمس سنوات سوا شفط وفشلت وقعد بغيبوبة اسبوعين ومن بعدها تغيرت احواله صار مو ابوي اللي نعرفه يارب ترحمه وتوسع عليه وتغفر له وترزقه الجنة وامة محمد كلها
انا مابي شفط ابي شد بس والله كريم

 

[الحراير]

مرحبا علي الحلوين

وان شاء الله ماشين صح وان شاءالله نضعف بصحه وسلامه
يابووووووووي علي التحدي كتونه حتي خوفتيني مااكلت عدل من الخوف هههه

ليدي انا كنت متابعتكم من بعيد لبعيد ولج وحشه اكثر ياقلبي

لولوشلونج ياقلبي وولدي ماشي حاله بالدراسه حطتله مدرسين

عطوف وضيون وام عمور وباقي الحمل الله يهون عليكم يارب


اكلي لليوم

بيض مسلوق وصمونه سمره مع كوب شاي مع سكر رجيم

واكلت 4حبات جلي من ولدي وجايبين برد ماكينه قاومته ومااكلته اجذب عليهم اقول اللوز تعبانه عندي ههه وانا حدي مشتهيته الحمدلله قاومته

وشربت نسكافيه وبرتقاله وللحين ماتعشيت بسوي سلطه وباكل كيوي

بنات لاحظوا علي اكلي مافيه وجبه رئيسيه

ورقصت ساعه

 

[Zain_ALZain]

هااااااااااااااااااااي شلونكم شخباركم

اليوم عيد ميلادي

زيووووون ارفع القبعة احتراما للاتزامج موفقة قوووووو اهيييد حبيبتي

هههههههه لولو القبعه بترفعينها وتهفينها بويهي عالي سويته اليوم خذيت بريك من الرجيم اليوم وباجر

وبرجعله يوم الجمعه

الحمدلله وزني

























































99.9 هههههههههههههه رقم مميز للجادين فقط الحمدلله رب العالمين شفت التسعينات