تجمع امهات 2008 حياكم

[رقي]

اهلين تومه
ليش انتي والده قيصري
صراحه ماكليت حسو
بس علي كلام الدكتوره فوزيه
كليت حلبه
سخني حليبتج وحطي فيها قفشه حلبه


وفيه لهوم هم كليته
بس من اول شي مو عقب 20 يوم
بس لما صرت 20 يوم
ربط بطني
والحمدلله دخلت
شريت حزام من جونيور للربط والحمدلله فرقة الكرش

 

[- ToTa-]

وييه يعني كان المفروض أبلش من البداية! و ليش ما كليتي الحسو! عاد توني داشة دار أمي و شميت ريحته صكت راسي!

 

[رقي]

تمتم
ليش ولدوج قيصري
وبيبيج صغير شلون حجمه الحين



شوقر
رفيجتي قايلها الطبيب رضعه الليل والصبح
اتحط قفشه نشا
انا قمت اسوي نفسها اتشبع
ماشالله

 

[الاستاذة]

هلا بنات شلونكم؟

صج انه الشفط يقلل الحليب؟ وهذي طريقة الدارسين قالولي عنها وايد مفيده
حتى الرهش والبقل والبقدونس ترى يدرون الحبيب ودكتورتي عطتني حبوب الفيت الفيتامينات قالتلي اذا بترضعين اخذيهم
والحسو ترى وايد مفيد انا كل يوم اكل

 

[- ToTa-]

لا اله الا الله هالولد نشف دمي ويه هالتغصغص! توه و هو نايم شرق ذبحني قلت راح الولد لين زرق ويه و المشكلة ما أذكر اشقالي الدكتور يوم اني سألته عنها :0bee2e8d89:​

 

[الاستاذة]

توما حاولي اطقين على ظهره عقب كل رضعه

 

[رقي]

ماحبه الحسو
والدكتوره قالت لي اهم شي الحلبه والرشاد
عاد الحلبه احط يوميا بالحليب
واللهوم احطه علي الاكل


بنات اللي ترضع طبيعي
في حبوب عباره عن فيتامينات ولقاح النخل
تزيد الحليب وتدره

والدكتوره عطتني فيتامينات اكلهم لمدة 6 اشهر
حق الشعر والاظافر والبشره
لقيتهم ب 9ونص
يبيعونهم بلندن العلبتين ب 9باوند ومجانا علبه ثالثه
تخيلو الحرمنه بالكويت

 

[رقي]

شنو قالج تمتم
نفس بنتي
وطلع الحليب من الصوبين
نفس الشوارب

بحط لكم صورة بناتي
شوفوهم
وعقب بمسحهم

 

[رقي]

للي فوق داليا
واللي تحت دانيه


بححححححححح

 

[كويتية1]

هاي بنات ابي انظم للمجموعه
انه ولدت بالسلام تاريخ 16-1 ولادة طبيعية ويبت ريان وعندي من قبل ولد عمره 3 سنين
وعلى فكره انه متابعه ديوانية الحمال بس ما كان لي خلق اشارك
يعتي كل اخباركم عندي
وحاسه اني اعرفكم من زمان

 

[mrs_sugar]

خوش موضوع..الله يعطيكم العافية
انا يبت بنوتي الثانية بمستشفى رويال حياة بيوم راس السنة 1-1-2008 وسميتها فاطمة وارضعها طبيعي بس مايشبعها اضطر استخدم الصناعي وماني عارفة اشلون اقوى الرضاعة عندي

الحمدلله على سلامتج و حياج الله معانا

بالنسبة لتقوية الرضاعة

اول شي كل ما رضع البيبي اكثر زاد ادرار الحليب اكثر

و الشفط بالعكس يزيد الحليب اذا معاه ترضعين طبعا بس مو بروحه

يعني اذا البيبي رضع من صوب واحد و شبع ما يبي بعد شفطي الناحية الثانية و ثلجي الحليب لا يتم بصدرج

و كثري سوائل

و شوفي هالوصفة

http://www.q8yat.net/showthread.php?p=2734813#post2734813

ترى مجربة عجيبة

و في حبوب fitolat اعشاب تدر الحليب​

 

[][^lorans^][]

تدين شلون ياسويتي انا لبنانيه قالت لي المكسرات اتدر الحليب و كانت شنو اتسوي كانت تسوي دارسين و تنقع فيه المكسرات مثل الجوز و الكازو و الفستق لمده 10 دقايق و بعدين تاكلهم و تقول شوفي شلون يصير الحليب يدر انا ماجربت بس مادري اهي تقول انا ارضع جذي و كل مارضعتي ولدج من سدرج كل مازاد الحليب الشفط ايقلل الحليب ترى

 

[mrs_sugar]

تدين شلون ياسويتي انا لبنانيه قالت لي المكسرات اتدر الحليب و كانت شنو اتسوي كانت تسوي دارسين و تنقع فيه المكسرات مثل الجوز و الكازو و الفستق لمده 10 دقايق و بعدين تاكلهم و تقول شوفي شلون يصير الحليب يدر انا ماجربت بس مادري اهي تقول انا ارضع جذي و كل مارضعتي ولدج من سدرج كل مازاد الحليب الشفط ايقلل الحليب ترى

لورانس شوفي الرابط اللي فوق

هذي اكلة علمتني اياها وحدة من الشام للوالدة تدر الحليب

نفس كلامج فيها دارسين و مكسرات بس زيادة كراوية و نشا العيش

ترى عجيبة لذيذة وايد و تدر الحليب​

 

[النوالنو]

هلا انا جابت بنوته 5 12 طبعا الغازات حيل عنده جابت في مشتشفي طيبيه كلينيك اعطيه حليب سميلاك ا

 

[أم وجيه]

هااااي بنوتات ديوانيتنا

آنا طبعا ولدت بالفروانية بتاريخ 7/1/2008 ويبت فطومه العسولة وكان وزنها 2.500 وأرضعها طبيعي الحمد لله

والغازات مو وايد يعني أحيان وأحيان والنوم الصبح البنيه نايمه وأنا قاعده لأخوها طبعا وبالليل قاعده وآنا مضطره أقعد معاها
الحمد لله بس نعمه من الله

 

[al_gardenia]

توما ولدج مثل بنتي الثالثه كانت جذيه قالي الدكتور اشتري لها المخده الي مرتفعه ناحيه وناحيه نازله على الجنب اتصير مثلثه في منها بماذركير عشان لا يرجع الياهل واهو نايم لان المرئ وايد ضعيف مايرد الحليب فيخليه يطلع بره وحاولي اطلعين الهو عدل بعد الرضعه خليه يتشدا كذا مره بعد الرضعه مو بس مره
ولي شرق سدي المقعده عدل ورفعيه بعدين حاولي تشفطين الي بخشمه بالشفاطه اتعرفينها مالت اليهال
الحين هذي بنتي ساعات يصير فيها جذي دايما سمي عليه واقري ايات



ام وجيه اشلونج واشلون فطومه معاج انا مثلج سهر بليل ومن الصبح اقعد حق المارس وبنتي ولدي الصغار بالبيت



بنات لي مايطلع لي بالسطر الي تحت منو المتواجدين بالموضوع انتوا مثلي ولا بس انا


صج انا بعد افتقدت قسم الحوامل كلا اول مادخل المنتدى على طول قسم الحوامل سيفت كذا صفحه للذكرى من كثر ما احبه وولهت عليه

 

[الاستاذة]

قوه بنات
مس شوقر انا بس اشفط ما ارضع من صدري بس يطلع حليب؟واحط الحليب بره بدرجة الحرارة العاديه بس ما اخليه اكثر من نص يوم عادي لانه مره انتي قلتي 24 ساعه بحراره الجو العاديه اذا اكثر من 3 ايام الثلاجه صح؟
بنات كل جم ساعه اترضعون اعيالكم يعني جم مره يرضعون باليوم وجم مليمتر؟.انا كله ارضعها 2 مليمتر كل ساعتين تقريبا او 3 الى 4 ساعات عادي؟؟؟؟؟؟؟؟؟؟ فيدوني يزاكم الله خير

رقي شسم الفيتامينات وعادي اي وحده تاكلهم انا الي عطتنياهم د/ناهده الفيت عاديين

 

[رقي]

الاستاذه حطي بالفريزر
مايخرب حليب الام سبحان الله


شوقر نبي نصائح


بالنسبه للرضاعه الطبيعي
كم المده اللي ارضع فيها




ام وجيه الحمدلله عالسلامه
ومبروك فطومه
كلمني ريلج قال يابت فطومه
بغيت اقوله وحور
خخخخخخخخخ
رازه الويه

 

[mrs_sugar]

قوه بنات
مس شوقر انا بس اشفط ما ارضع من صدري بس يطلع حليب؟واحط الحليب بره بدرجة الحرارة العاديه بس ما اخليه اكثر من نص يوم عادي لانه مره انتي قلتي 24 ساعه بحراره الجو العاديه اذا اكثر من 3 ايام الثلاجه صح؟
بنات كل جم ساعه اترضعون اعيالكم يعني جم مره يرضعون باليوم وجم مليمتر؟.انا كله ارضعها 2 مليمتر كل ساعتين تقريبا او 3 الى 4 ساعات عادي؟؟؟؟؟؟؟؟؟؟ فيدوني يزاكم الله خير

رقي شسم الفيتامينات وعادي اي وحده تاكلهم انا الي عطتنياهم د/ناهده الفيت عاديين

ليش ما ترضعين من صدرج ترى مع الوقت الحليب اذا بس شفط يبدأ يقل ديري بالج حسافة

و الحليب بحرارة الغرفة 24 ساعة حتى لو يصير طبقتين و بالثلاجة 3 ايام و بالفريزر 6 شهور

و بالنسبة حق وقت الرضاعة كل ساعتين تقريبا تزيد او تنقص حسب البيبي

انا اخذ مكمل غذائي يدر الحليب اسمه fitolat عبارة عن اعشاب و احس مفيد

الاستاذه حطي بالفريزر
مايخرب حليب الام سبحان الله


شوقر نبي نصائح


بالنسبه للرضاعه الطبيعي
كم المده اللي ارضع فيها




ام وجيه الحمدلله عالسلامه
ومبروك فطومه
كلمني ريلج قال يابت فطومه
بغيت اقوله وحور
خخخخخخخخخ
رازه الويه

شنو بالضبط تبين يا أحلى رقي

اذا سؤالج عن مدة الضعة الواحدة تتراوح بين 10 - 20 دقيقة للصدر الواحد و بعدين تجدين الياهل و ممكن يغفي شوية و اذا نام ما بي يكمل فكي المهاد و الحفاظة يقعد و يكمل الرضعة​

 

[الاستاذة]

مس شوقر اذا رضعت من صدري اهيا توخر