نصحوني جنكم خواتي ،،بسوي التكميم عند جارالله

[تعبت من الرجيم]

السلام عليكم،،



اول شي انا بنت خاله صاحبه النك نيم،، عمري 28 اكبر خواتي والحمدلله علي كل حال خواتي الاربعه الي اصغر مني كلهم متزوجين وانا الي اهتم بعيالهم حاليا،،حتي اختي ام 17سنه الي كنت اهتم فيها بطفولتها تملكت ،،وانا كل من شافني قالي حلوه بس متينه
لين جاني الطراق قبل اسبوعين لما سمعت اختي تضحك علي جسمي عند حمواتها :eh_s(2):
والحمدلله علي كل حال
وزني بالتسعينات وطولي بالخمسينات ،،
ادري المقدمه الي فوق مالها دخل بس اهي السبب الي خلاني اسوي العمليه
خطبه فاشله وكلمه مني ومناك صحوني بهالدنيا وخلوني اقول بس ستوب لازم اتحرك واسوي التكيمم

رحت لدكتور الجارالله ودخلت عليه واقنعني بالتكميم وسويت التحاليل وبسوي المنظار وعمليتي بعد شهر

الوالده متردده وتقولي جمعي فلوس العمليه وسويها ،،وانا مافيني اصبر ان شالله لو اخذ قرض المهم اسويها واشوف الضعف

بنات تكفون ابي نصايحكم عن الدكتور

انا ادري كل دكتور لازم يصير فيه حاله ماتضبط معاه ،،
اول لاسمح الله يصير وفاه
وانا عارفه هالشي لكن احس قعدتي بهالمتن واسمع الكلام الجارح موت ثاني بالنسبه لي

امنيتي البس لبس من غير مشد
والله يابنات راح شبابي علي رجيمات فاشله من اهدها ارجع دبل
راح شبابي وانا كله واسع وكله اتحجج واقعد بالبيت وماحظر المناسبات
احس دفنت نفسي بالحياه


الزبده
شرايكم بالدكتور وانا بسوي عمليه الثقب الواحد

تكفووون ابي نصايحكم وتشجيعاتكم وكلامكم


احتاجه من قلب يابنات

 

[تعبت من الرجيم]

رفع،،

يله بنات حاوبوني

 

[تيناا]

استخيري كذا مره ، بس سؤال شمعنى اخترتي الدكتور الجارالله؟

 

[غلاتي الكويت]

نصيحتي لج حبييبتي سويها وتوكلي علي الله

انا مسويه عند الشرهان خوش دكتور صارلي ١٢ يووم من سويتها

شوفي العنزي او الشرهان مادري احسهم اضمن

واستخيري

الله يكتباج اللي فيه الخير

 

[smaillips]

حبيبتي احسن شي سويتيه استخيري وتوكلي ع الله وربي يقومج بالسلامه

 

[تعبت من الرجيم]

الي يقول ليش الدكتور
لان بحثت بقوقل واهو كان اكثر واحد ينمدح وعلي كلامهم اهو اول من سواها التكميم ثقب واحد بالكويت فقلت بيكون خبره ان شالله ،،

 

[قلبي معاك]

استخيري وتوكلي
الله يكتبلج الي فيه الخير
ماحبيت اطلع من غير رد

 

[اميره بكلمتي]

الله يكتبلج اللي فيه الخير يااارب

 

[تعبت من الرجيم]

ان شالله بستخير،،

بس ابي مشورتكم بعد

 

[منو انت]

ليش الثقب واحد

شوفي شكثر ناس مسوين اللي اكثر من ثقب احسن واضمن وبخصوص الجارالله ماادري اشوف الكل يخاف منه ماابي احبطج بس انتي تبين احد يجاوب عليج بضمير وانا اقول خلج على خالد العنزي وان شاءالله انتي تقررين واهم من هذا كله الاستخاره

وماتشوفين شر

 

[N3O0OMA90]

الله يوفقج ان شاءالله وتوصلييين حق الوزن اللي تمنينه

 

[CuTe KuwaiTia]

اذا تبين نصيحتي عن احسن دكاترة انا انصح بالدكتور خالد العنزي وانا الحين صارلي 9 شهور مسويتها عنده والحمد الله

ومادري شلون طريقة الثقب الواحد ماقدر افيدج فيها بس الدكتور ان شاء الله يطمنج ويشرحلج طريقتها .. الجار الله اهو الي علم الدكاترة ودخل العملية الكويت اول واحد ما شاء الله عليه .. بس انا سمعت ان العنزي و الشرهان احسن منه والله أعلم

سويها توكلي على الله ولا ترددين ولا تفكرين بالعمر في ناس يسوونها اعمارهم 40 50 توج صغيرة والحياة ان شاء الله جدامج خلال سنة انتي رشيقة

واستخيري وتوكلي على الله وكل شي يتعب بدايتها شوي تتعبين مع نظام الاكل والغازات بس بعدين ترتاحين والاهم تلتزمين بالنظام راح تضعفين وتحسين بفرق وثقة وايد

واي سؤال انا والمتكممات حاضرين وننطرج

 

[أم مـنـ*ـار]

السلام عليكم
استخيري مرة ومرتين لما يرتاح قلبك وانصحك بالصدقة
انا سويتها عند محمد العجمي صار لي اربع اشهر لله الحمد والمنة منزلة تقريبا ٣٠ كيلو وعمري بالاربعين ما له شغل
بصر احة شفت حياة ثانية مع اني ام عيال استخيري وتوكل لي علي الله

 

[xxx]

اهم شي الاستخاره

والله يكتبلج الي فيه الخير

 

[نبض الغلآ]

حبيبتي نصيحه من اخت ماتبي منج شي,,الثقب الواحد لاتفكرين فيه ابدا ابدا ابدا نصبحه شي ثااني الجار الله ما انصحج فيه روحي لدكتور خالد العنزي قمه قمه قمه بالروعه وايده خفيفه انا من ثالث يوم الحمدلله جني ماسويت عمليه نصيحه انا جلست سنه كامله قبل العمليه ابحث عن الدكتور الزين والحمدلله توفقت بالدكتور خالد العنزي اكثر من رائع واسلوب واهتمام

انا سويت العمليه تاريخ11 في السيف عندخالد العنزي لحين لي اسبوع الحمدلله ماكو الا العافيه نصيحه غير خالد العنزي لاتفكرين وهذا رايي والله يوفقج

 

[كشموووشه]

اهم شي الاستخاره

والله يكتبلج الي فيه الخير

:eh_s(15)::eh_s(15)::eh_s(15):

 

[تعبت من الرجيم]

والله يابنات توقعت بتقولون لي جارالله زين ،،
سبحان الله شلون رحتله انا
اصلا احس جنه حلم فجاه لقيت نفسي بعيادته

اللحين بشوف الشرهان والعنزي بس حسافه الفلوس الي قطيتها عند جار الله

 

[leb-heart]

استخيري حبيبتي اول شي و انا سويتها عند الدكتور خالد العنزي صارلي تقريبا 12 يوم ومثل ما قالت اختي نبض الغلا ولا كأنج عاملة العملية وبالنسبة للتحاليل اللي عملتيها تقدري تسحبيها لان ولد عمي كان ناوي يعملها عند جارالله لكن بعدين اخذ كل التحاليل اللي عملها و راح للدكتور خالد بس شافاه واعطاه الاوكي
فاستخيري ولاتتسرعي

 

[صعب*المنال*]

اهبين اختي اهم شي انج تقتنعين بالعمليه اول شي وثانيا استخيري وترى راح تمشين بعدها على انظمه غذائيه واذا خربطتي انسي تضعفين ويبيلها صبر

مابي احبطج بس ابي احطج بالصورة يعني نمط حياتج كله يتغير ماكو مجاملات بالاكل والماي راح يكون معاج وين ماتروحين وراح تتعلمين عادات غذائيه جديده

وبالاخير ارشحلج الدكتور خالد العنزي مشالله تبارك الرحمن لي ١٣ يوم من العمليه ولاجني مسوية عمليه والدكتور نفسيته عسل وطاقم عيادته يهبلووون
انا كنت بسويها عند اسامه الصانع وفي ظروف كنسلها عنده ولقيت نفسي عند الدكتور خالد والحمدالله رب العالمين اني سويتها عنده ماتعرفين شكثر كنت مرتاحه عنده


ولاتنسين الاستخاره والله يكتبلج اللي فيه الصالح يارب

 

[تعبت من الرجيم]

انزين خالد العنزي وين يسويها اي مستشفي؟