ما احب ريلي :'(

[Kamla:)]

لما قلت ظلمت نفسي قصدي ماخذيت وقتي بالتفكير! يعني ماتأكدت من نفسي عدل كنت متردده لي اخر لحظه لما ملجت قمت ابجي حيييل
وسامحوني اذا ضايقتكم بنات ومشكورين عالردود القاسيه

 

[LoLaTi]

ووووويع في ردود تييب المرض وكأن البنت مسويه جريمه كيفها يبه كيــــــــــــــــــــفها ماتحب ريلها مووووغصب شفيكم كليتوها ؟؟ يعني كل وحده ماحبت زوجها معناته ان اهيه شينه ورافسه النعمه بعد هذا شي موبيدها شتسوي يعني تنتحر مثلا المحبه تيي من الله واهيه ماحبته من حقها شي راجع لها هذا وماتقبلت شخصيته صعب البنت اذا كانت حاطه مواصفات في بالها وتزوجت واحد عكس شخصيتها تماما ومافيه ولا صفه من اللي اهيه تحبها صعب انها تتأقلم معاه بسهوله واذا الوحده كرهت شخص حتى لو فيه كل شي زين ماراح تتقبله لو شنو يعني يمكن لي احد كلمها وقنعها فيه راح تطخ يومين اسبوع وبعدين راح ترد تكرها
صاحبه الموضوع حبيبتي انتي الحين تزوجتي وحملتي عطي نفسج مجال لين الولاده وشوفي نفسج تقدرين تتقبلينه يعني تقدرين تكملين معاه حياتج اذا شفتي نفسج اوكي كملي معاه حتى لو ماحبيتيه يعني اهم شي متقبلته واذا حسيتي نفسج ماتبينه وعايفته من قلب خلاص انفصلي عنه من حقج تعيشين حياتج بس ترا الطلاق موسهل خصوصا انج بتييبين طفل ويمكن تصير مشاكل بينج وبينه على الحضانه ومشاكل ثانيه ونفسيتج راح تسوء شدراج اذا تطلقتي بيتقدم لج احد بعدها ترا ماتدرين ولو ناطره شوي وماحملتي منه احسن بس هذا دليل ان فيه شوي قبول والقرار الاول والاخير يرجع لج انتي وبس شوفي نفسج وحكمي بس بعد ماتعطينه فرصه اول لاتتسرعين

 

[miss swan]

lolaانا معاج عشان جذي مااكتب مشاكلي بالمنتدى الصراحه ماكو تفاهم
كامله انا في بداية الموضوع كنت مومعاج بس لما فهمتج عدل حسيت فيج
استخري الله
ومدام ريلج طيب استغلي هالشي اشتريله كتب واذا بطل كتاب قوليله الله شكلك يشوق
وكله اخذيله كتب سهله وفيها صور
او مسكي كتاب فيه قصص وناقشيه واذا قالج انا شكو ردي عليه انته زوجي حبيبي ابيك تسمعني حتى لو اخربط
قصي علي بالكلام يبيلج صبر
وفي عضوه ردت عليج بموضوع الدورات هذا حل ثاني حقج
دخليه دورة الNLP احسه مفيده له
واذا قالج ماابي قوليله عشاني ماابي اروح بروحي
لاتخسرينه عشان طيبته بالعكس هذي فرصه حقج طيب وبالمستقبل مثقف
تقدرين تغيرينه
​

 

[** باربي **]

يمكن شي نفسي مو عاجبج شكله جسمة اسلوبة صوته ريحته شخصيتة

كل عامل اقوى من الثاني

مفروض تكونين شايفته قاعدة معاه بفترة الملجة عشان جذي فترة الملجة مهمة
جان من البداية هديتية حتى لو بالخطوبة كلمتية قبل لا تملجون

انتي لا تحطين ابالج هالاشياء اكرهه وما ادري شنو

انتي تخيله عند وحده غيرج بتعلقين فيه وتنقهرين وتحسينه يسوى لوول

بس ما ضحكت بصوت عالي الا على اكم عالسماعة لمن يدق:krkrkr:

 

[راوووونه]

شرايج تعطيني رقمه او اي معلومه عنه عشان اخذه

ترا مو قاعده اتغشمر من صجي !!

اذا انتي عايفته جذي ومكدرة حياته ,,, انا اهنيه مدامه خووش ريال وسنع ..

فكري بالموضوع وردي علي .. الزواج مو غصب اذا ما تبينه تطلقي منه .. واخذي واحد غيره ... اللي على مزاجج

 

[mi corazon]

هالضيجه امرها هين

سمعي قرآن

والحمدلله انج قلتي مو ناقصه شي ومو مقصر بشي

معناته مالج الا مؤلف القلوب " الله" ... ادعي يا مؤلف القلوب ألف قلبي على قلب زوجي

اللهم اكفني به عن رجال العالمين

اللهم اجعله في عيني كل رجال الدنيا واحصنه عن نساد الدنيا كما حصنت يوسف

اللهم اجعله لي سكنا واجعله لي سكنا

وعطي نفسج ايحادات ايجابيه .. يعني حطي دعاء بتوقيعج اهني عن تأليف الزوجين " ترى له اثر بالنفس"

خزني اسمه في تلفونج " نظر عيني -دنيتي - حبيبي - روحي - ...... "

جربي

حبيبتي والله ... الله يحببج فيه ونسمع منج اخبار حلوه

 

[نشيج الروح]

أنا كل موضوعج مو هامني كثر سالفة الصلاة
لازم تكلمينه وتنصحينه بحكم انه زوجج
والحب ايي مع العشرة وانج تحسسين نفسج انج تحبينه
يعني مثلي على نفسج وبتحبينه
المهم اذا ما يصلي وما رضى يتوب سألي شيخ شنو حكم انج تقعدين مع واحد تارك للصلاة

 

[بنت.المطيري]

بنات فهوني انا تزوجت تقليدي وما اعرفه كلش خطبني عااادي
والصراااحه لما ملجت كنت بفل كل شي بس بعدين كلهم عارضوني
وقالو زين حرام عليج بتحبينه بعد الزواج
للاسف مووقاااادره
اللي تقول طمع الله يساامحج ياارب لاني ماااعرفه كلش
انا موحابته لانه ماطلع الشخص اللي اتمناه مو اهو اللي اتمناه زوج لي
انا اتكلم عن شخترا صيته واسلوبه ياااهل ما يعرف يسولف وعلي نتراياته حيييل بسرعه اقص عليه ويصدق!
فهموني بناااات[/Q

ترا الريال اذا حب المرا وارتاحلها عادي جدا ي
بين انه طفل وبسرعه ينقص عليه لانه توه فبدايه الزواج وتولع فيها يمكن!
لاتجحدين نعمة ربج وترفسينها بر يلج وترا لو نرجع للدين ترا بالقران مذكور بما معناه ان جعلنا بينهما موده ورحمة يعني الحب موووو شرط بنجاح الزواج

بالتوفيق

 

[نفـــائس]

اذا ما قتنعتي فيه عمرج ما راح تحبينه

اول شي حاولي تتقتنعين فيه شوي شوي

وبعدين حبيه

واذا تقدرين تغيرينه علي الشي اللي انتي تحبيه زين علي زين

اشتغلي عليه وغيريه وراح تحبينه

الله معاج

 

[Kamla:)]

يمكن شي نفسي مو عاجبج شكله جسمة اسلوبة صوته ريحته شخصيتة

كل عامل اقوى من الثاني

مفروض تكونين شايفته قاعدة معاه بفترة الملجة عشان جذي فترة الملجة مهمة
جان من البداية هديتية حتى لو بالخطوبة كلمتية قبل لا تملجون

انتي لا تحطين ابالج هالاشياء اكرهه وما ادري شنو

انتي تخيله عند وحده غيرج بتعلقين فيه وتنقهرين وتحسينه يسوى لوول

بس ما ضحكت بصوت عالي الا على اكم عالسماعة لمن يدق:krkrkr:

والله ما اشتهي اكلمه ولا اشتاقله تدرين لو يروح لوحده ثانيه ماراح انقهر بس بشيل قشي واتمنى يصير عشان عندي حجه اني اتطلق وافتك وانه فيه سبب حتى محد يلومني

 

[classicyah]

يمكن هآذي ثاآلث حآله أقرآهآ في هالمنتدى ، ،

و الردود كلهـآ تقريباً قآسيه كآنت ،

مب حآسين بصآحبة الموضوع !

ترى و الله شي مب هين ، لمآ المرأه مآ تتقبل شخصية الزوج ، حتى لو كـآن زين ويـآهـآ ،

شي مب هيـن ، يوم اتشوف انه مب فآرس أحلآمهـآ ، و لآ طموحهـآ هالشخصيه و لآ شي ،

و أكبر دليل ، حديث الخلع ،

مـآ قـآل لهآ الرسول ، انتي يبآلج وـآحد يضربج و و و الخ عشآن تشكرين النعمه ، !! :/

قـآلهآ ردي المهر و إنتهى الموضوع خلآص ،

،

شوفي هالرـآبط يمكن يفيدجْ ،

و استخيري أكثر من مره ،

و الله يكون في عونج ،

http://www.youtube.com/watch?v=-rAnzrm-rxw

 

[Kamla:)]

انا لما اقوله صل يصلي ذيك اليوم قهرني جان اقوله ماصليت اليوم كله وزفيته
كانت صلاة العشا قلتله يالله جدامي صل كل الصلوات صلاهم من الفير لي العشا
بس انا كارهته بس جذي ادري اهو زين ومافيه شي وشي ثاني بنات ويع حياتي سخيفه معاه
ممله حتى سفرتي معاه ما استانست معنه والله بنات شرالي كل اللي بخاطري ماخليت ولا شي
مرات احسه انسان ولا شي ماله هدف ولا مستقبل ولا شي يحب يقعد عالبلاي ستيشن يلعب العاب سخيفه
يقعد ٣ او ٤ ساعات او حتى ٦ ساعات وحتى ديوانيات مايروح بنات سامحوني عالكلمه بس احسه مو ريال
يومه يادوام يابلاي ستيشن ياهل حده ولايعرف يسولف ولا يتكلم واكره اتكلم معاه لاني اتكلم مع روحي
ويع ويع بنات موعاجبني لا الوضع ولا العيشه اللي انا عايشتها

 

[Kamla:)]

بنات تدرون ماحب اقول اني متزوجه فلان والله جد تلوع جبدي
او مرت فلان والله حتى بالفيس بوك رفيجاتي حاطين انهم متزوجين واسماء رياييلهم
اما انا حاطه متزوجه بس! ولا احب احد يشوف صورته ولا يعرف اني كتزوجته
يعني ما افتخر بزوجي فهمتو علي

 

[Kamla:)]

اي بنات مثل ماقالت وحده من الخوات اقول لاهلي يطخخوني وزين وماتلقين احسن منه
اقول اوكي وارجع لحالتي نفسها وهذا انا حالتي اطخ اسبوع اسبوعين وارد مثل قبل

 

[ام اريج 22]

حبيبتي شادن موعن اني ابي اذكر لها نظرتي المؤساويه بس القصد مابيها تحط راسها بالرمل مثل النعامه وتخالف مشاعرها..انا قصدي تكون واعيه بس ومو ضروري تطلق باجر!! ابيها تعطي نفسها فرصه واذا استمر وضعها علي نفس الحال ماكو شي يجبرها انها تعيش مع انسان ما تحبه بالعكس اهي بهالحاله قاعده تظلمه مثل ما تظلم نفسها..والطلاق مو نهاية العالم ترا احسن من انها تحس مع الوقت انها فقدت روحها الي تحبها وهالشي اتكلم فيه عن تجربه.. ويقولون اسأل مجرب ولا تسأل طبيب!!

قصدج اسئل مخرب ولا تسال حبيب:rgewrg:

 

[Kamla:)]

كلاسيكيه ترااا دمعت عيني لما شفت الرابط احس اني انا قاعده اتكلم

 

[الغاليه ام احمد]

حبيبتي كامله وعساج نفس اسمج كامله وتسمعين الكلام

شوفي حبيبتي انتي شابكه الحين قوليلي اذا انتي قبليه واذا انتي صغيره تحت العشرين عشان

اعرف شلون انصحج

انا ام وقبليه وعندي بنات متزوجات واتمنى انج تعديني مثل امج اذا عندج استعداد

تسمعين النصيحه

 

[الغنج والدلع]

عادي مولازم مع الوقت راح تحبينه واحسن لاتحبينه باجر لي زعلج بتجبين قهر خليج جذي احسن

 

[Kamla:)]

الغاليه ام احمد
انا لاني قبليه ولاني تحت العشرين بقولج سالفتي بالتفصيل ريلي خطبني بوقت حرج ! شلون انا اقولج
انا انخطبت من واحد وبالشوفه الشرعيه اوكي امي قالتلي رايج بس انا هذاك ارتحتله حييل ! المهم انرفضت من هالشخص اوكي اهو سببه ما ارتاح لي
وبعدها خطبني ريلي ماعجبني كلش قلت لامي مابيه وترا اهو من معارفنا شوي بعيد بس امي ماقالت لهم انا ماحبه ولا متقبلته ولاشي
المهم اهم تكلمو على اساس بتصير رسميه وانا رفضت قبل بس امي عاجبينها الناس حييل وابوي بعد خصوصا اختي اصغر مني متزوجه فيبون يزوجوني
وانا من قبل قلت لهم ماحبه مابيه وامي بتحبينه مع العشره واهو زين وتم سنه تقريبا ورد خطبني رسمي وامي قالت اشوف راي البنت قلت لها قلت لج رايي
مابيه امي تقولي زين صلي استخاره واستخرت ربي بعدين انا فيني عيب بجسمي امي تقولي انا احبج واخاف عليج واهو زين اقوله بس مو متقبلته ماحبه
تقولي بعد الزواج بتتقبلينه وانتي فيج جذي واخاف ما تتزوجين وانا احبج وابي مصلحتج شوفي شلون انرفضتي ذيك المره قللت قيمتي من نفسي
واستخرت مره ثانيه وقلت اوكي موافقه يوم تصير خطبه الرياييل انهرت بجيت بجي وقمت اصرخ مابيه مابيه ابوي زفني انتي تلعبين اقولهم انا قلت لكم من قبل
وامي تهديني وتقولي عادي انفل كل شي اذا ماتبين بس ابي مصلحتج وتحاول تخليني ارضى وكلمتني خالتي ورحت استقبال بنت خالتي وقتها بس قعدت برا ابجي وبنت خالتي تهديني
المهم طبعا ابوي زفني وانتي تصغريني عند الرياييل والكلام واااايد طبعا رديت وافقت يوم العرس بجيت حسبالهم الناس دموع فرح
والحقيقه حزن ومأساه ونسيت اذكر الملجه قصيره واسخف ايام حياتي يكلمني جنه يكلم
اخته يكلمني واهو يلعب بلاي ستيشن ويقعد نص ساعه ويصكه ويع اكره هالانسان
لما عشت معاه كل هالفتره ويع ويع ويع اسوأ ايام حياتي محترم ومايقصر واللي ابيه يسويه بس مايصلي ياهل بليد سخيف ممل شخصيته ضعيفه ويع ويع ويع
هذي قصتي معااااه بالتفصيل يمكن ماقلتها من قبل عشان لا انعرف والحين اللي فيها فيها خل انعرف انا كارهه هالانسان لا اشتاق له ولا احبه ولاشي
ومشكورين عالردود الجارحه

 

[Kamla:)]

وافقت تحت ضغط نفسي من اهلي وترا فيه ناس عارضوني بهالزواج
قالولي ما يصلحلج وانا داخل نفسي ادري مايصلحلي بس قلت لكم وافقت تحت ضغط نفسي كبير
ويع احسد البنات اللي ماتزوجووو واقول ليتني ماتزوجت
وترا اهلي لو
اقولهم مابيه يقولولي انتي وافقتي من البدايه