ما احب ريلي :'(

[Model Look]

ادعي واستغفري ربج وترا مافيه العيوب اللي ماتتصلح

عيوبه بسيطه حاولي تصلحين منها والصلاة دزيله برودكاستات وسولفي معاه عن الصلاة وذكريه فيها

والله يعينج يارب ويحببج بريلج

 

[* ملكني الخوف *]

انا اول ماتزوجت نفسج اكره زوجي وماحبه بس الحين صارلي سنه وعندي بيبي واموت علا زوجي من معاملته معاي والله مالج غيره من بعد الله ثم اهلج مو كل مره لج زوج شوفي المشاكل بين المتزوجين لاتضيعينه من ايدينج باجر وحده تاخذه منج وتعرفين قيمته ويحتر قليج تموتين

 

[دلوعته 89]

اللي تقول عيشي طبيعيه اقولها ليش تزوجت انا من غير حب واقعد معاه من غير حب
يعني فيني فراغ عاطفي كبير منو يمليه ؟! ادوره برا مثلا واقعد معاه بموده ورحمه!!!
كلامكم مو منطقي

صح كلامج استعيلت بالرد
الله يعينج ويختارلج اللي فيه الخير استخيري

 

[english muffin]

احس انتي مو معطية نفسج مجال حق تحبينه
احترميه عاشريه واكيد مادام مثل ماتقولين ذهب بتحبينه​

 

[amwaj]

بنااااات ردودكم غريبه وفي بعض الردود تضحك!!.. يعني اهي في بداية الزواج لي قالت ما احبه قالوا لها صبري ويمكن باجر تحبينه!!..واذا صبرت وتحملت وتالي حملت يقولون لها عقب هالعمر تبين تطلقين وانتي معيله منه وينج من زمان!! مجتمع متناقض يفرض عل مرا تتحمل كل شي بكل الاحوال يحمل المره عقده!! ماكو ردود عمليه مع احترامي للكل الا رد ام يوسف... انا نصيحيتي لج لا تسمعين لأحد وتسوين غلطتي..سمعي لصوت قلبج وعقلج بس..لانه باجر محد بينفعج وكل ما تمتي بتلاقين مشاكلج وارتباطج فيه يزيد وبيكون الطلاق صعب حزتها..مو القصد اني انصحج تطلقين بس القصد انج تتصرفين بعقل.. انا كنت بنصحج انج لا تحملين وتطبقين نصيحة ام يوسف في انج تدخلينه دورات يمكن تتغير شخصيته وتتقربون من بعض.. بس دامج حملتي وضعج بيكون حيييل أصعب..وصدقيني انا نفسج اعيش بنفس الدوامه ..وترا اهو الحين شاري خاطرج عشان انتي عروسه وفرحان فيج بس باجر مع العشره هالقناع بيطيح وبينكشف وراح يفهم انج ما تحبينه وانج اتجاملينه وساعاتها راح يدور على الحب برا..الله يعينج وسامحيني اذا كلامي بيضيق خلقج بس انا يعز علي انه تنباق سنين من عمرج وفجأه تصحين وتلاقين راح من عمرج اكثر من الي باقي وساعتها حتى الطلاق ما راح ينفع!!

 

[*يارا*]

حبيبتي نصيحتي لج استخيري - واذا ما تحبينه لا تظلمين روحج و تظلمينه
خليه يشوف نصيبه مع وحده ثانيه - لا تضيعين وقتج وتندمين لافات الفوت ما ينفع الصوت
الله سبحانه حلل الطلاق - وحطي في بالج يمكن مايج غيره ويمكن ايييج غيره ويكون أعلن ويمكن اييج غيره ويكون أحسن شوفي نفسج قادره على شنو الطلاق وتشوفين نصيبج ولا الإستمرا وتتحملين وتدعيين والله أن شاء الله يفرجها

نصيييييييييييييحه القرار اخذي بروحج ولا تشاورين وايد الإستخاره كافيه

الله يوفقج وييسرلج امورج

 

[ريكاتو]

الزواج عشره وبعده حب
مو على طول حب

 

[amwaj]

ايي ونسيت اقولج بالنسبه للأستشارين النفسين ترا مو كل شي يقولونه صحيح ولا كل كلامهم لو طبقتيه بنفعج اكثر مني ما اظن في احد راح وبالعكس وحده منهم نصحتني بنصيحه انا للحين متحسفه اني طاوعتها.. نصحتني احمل بحجه انه ممكن اليهال يجمعنا ويخلي في بينا شي مشترك بس الحين انا حدي متحسفه لانه هالشي المشترك اهو سبب اغلب مشاكلنا وفي نفس الوقت صارمثل الشوكه بالبلعوم صعب تشيلنه من حياتج وبنفس الوقت وجوده بحياتج هم صعب..ربي يلطف فينا

 

[شادن33]

بنااااات ردودكم غريبه وفي بعض الردود تضحك!!.. يعني اهي في بداية الزواج لي قالت ما احبه قالوا لها صبري ويمكن باجر تحبينه!!..واذا صبرت وتحملت وتالي حملت يقولون لها عقب هالعمر تبين تطلقين وانتي معيله منه وينج من زمان!! مجتمع متناقض يفرض عل مرا تتحمل كل شي بكل الاحوال يحمل المره عقده!! ماكو ردود عمليه مع احترامي للكل الا رد ام يوسف... انا نصيحيتي لج لا تسمعين لأحد وتسوين غلطتي..سمعي لصوت قلبج وعقلج بس..لانه باجر محد بينفعج وكل ما تمتي بتلاقين مشاكلج وارتباطج فيه يزيد وبيكون الطلاق صعب حزتها..مو القصد اني انصحج تطلقين بس القصد انج تتصرفين بعقل.. انا كنت بنصحج انج لا تحملين وتطبقين نصيحة ام يوسف في انج تدخلينه دورات يمكن تتغير شخصيته وتتقربون من بعض.. بس دامج حملتي وضعج بيكون حيييل أصعب..وصدقيني انا نفسج اعيش بنفس الدوامه ..وترا اهو الحين شاري خاطرج عشان انتي عروسه وفرحان فيج بس باجر مع العشره هالقناع بيطيح وبينكشف وراح يفهم انج ما تحبينه وانج اتجاملينه وساعاتها راح يدور على الحب برا..الله يعينج وسامحيني اذا كلامي بيضيق خلقج بس انا يعز علي انه تنباق سنين من عمرج وفجأه تصحين وتلاقين راح من عمرج اكثر من الي باقي وساعتها حتى الطلاق ما راح ينفع!!

الله يهداج البنت الحين تفهمت الوضع وتحاول تتكيف مع ريلها واستقرت أمورها وانت تذكريلها نظرتك الماساويه الله يسامحج

 

[amwaj]

حبيبتي شادن موعن اني ابي اذكر لها نظرتي المؤساويه بس القصد مابيها تحط راسها بالرمل مثل النعامه وتخالف مشاعرها..انا قصدي تكون واعيه بس ومو ضروري تطلق باجر!! ابيها تعطي نفسها فرصه واذا استمر وضعها علي نفس الحال ماكو شي يجبرها انها تعيش مع انسان ما تحبه بالعكس اهي بهالحاله قاعده تظلمه مثل ما تظلم نفسها..والطلاق مو نهاية العالم ترا احسن من انها تحس مع الوقت انها فقدت روحها الي تحبها وهالشي اتكلم فيه عن تجربه.. ويقولون اسأل مجرب ولا تسأل طبيب!!

 

[شادن33]

حبيبتي شادن موعن اني ابي اذكر لها نظرتي المؤساويه بس القصد مابيها تحط راسها بالرمل مثل النعامه وتخالف مشاعرها..انا قصدي تكون واعيه بس ومو ضروري تطلق باجر!! ابيها تعطي نفسها فرصه واذا استمر وضعها علي نفس الحال ماكو شي يجبرها انها تعيش مع انسان ما تحبه بالعكس اهي بهالحاله قاعده تظلمه مثل ما تظلم نفسها..والطلاق مو نهاية العالم ترا احسن من انها تحس مع الوقت انها فقدت روحها الي تحبها وهالشي اتكلم فيه عن تجربه.. ويقولون اسأل مجرب ولا تسأل طبيب!!

حبيبتي انت الله يصلح امورج :yaaaaaarb:المهم إحنا عطيناها راينا وهي و*تعرف اللي يصلح لها

 

[بابريكا]

حبيبتي الله يعينج على مشكلتج صج عويصه :/
بس شوفي
1-خطوه وايد زينه انج استشرتي دكتور بس ان شاء الله صج يفيدج مو بس يسكتج ويقولج الكلام الفاضي.
2-كنت يايه بقولج لاتحملين منه إلا بعد فترة بس قدر الله انج حملتي والله يتمم عليج على خير بس هم ما يمنع من انج تاخذين أي قرار يعني لاتحطين الطفل عائق جدامج في اي قرار تاخذينه
3-من وجهة نظري صعب جدا ان يكون مايصلي .. جربتي نصحتيه و اهوه رفض؟
4-شي مهم بالزواج الحب و الالفه وحاولي تاخذين قرار بالموضوع بشكل سريع لان كل تأخيره فيها خسارة لكم انتو الاثنين سواء راح اتمين معاه أو تبين تنفصلين
5-في تجارب وايد ناس تزوجو عن حب وما استمرو مع بعض و في ناس تزوجو وماكانو يحبون بعض بعدين تأقلمو وبدا الحب بينهم فهذا الموضوع انتي الوحيده اللي تقدرين تفصلين فيه يعني تخيلي نفسج معاه بعد 15 سنه هل راح تكون حياتج سعيده؟ ولا راح تلعنين اليوم اللي اخذتي فيه قرار الزواج هذا وتتحسفين على كل دقيقه ضيعتيها من عمرج
6-في نقطة مهمة بعد انتي في هالمرحله مالج شغل تفكرين فيه انج ظلمتيه وما ظلمتيه .. فكري بحياتج واخذي قرارج محد بيعوضج عنها الا انتي
عندي كلام وايد ودي اقوله بهالموضوع بس مابي أطول عليج و ماعليج من البنات اللي قالولج انج غلطانه وان ما عندج سالفه بالعكس من أهم الاشياء بالزواج ان تكون الزوجه تفتخر بزوجها جدام نفسها وجدام الناس يمكن هذيله البنات بس همهم الطبخ ومجابل العيال وهالسوالف

 

[تبطي عظم!]

كل هالمواصفات الزينه وماتحبينه !!


تبين الي يسوطرج ومايصرف عليج ومايطلعج وحاكرج اجل علشان ترضين !!!!!


حبيبتي زوجج ذهبه لا تخسرينه واجد بنات يتحلمون بالمواصفات الي ذكرتيها ومو محصليين وبالعين موس وساكتين

الله يهدييج بس

شوفي مميزااته وبادليه الشعور مع الوقت يجي الحب لا توقعين بتحبينه على طوول لا عطي نفسج فرصه

وبخصوص الصلاة انصحيه ~

 

[جلاديلياس]

حبيبتي عسي ربي يهديج حرااام الريال مثل ماقلتي ذهب لاتعاملينا جذي مع العشره راح تحبينه صبري لاتفكرين ماااحبه ومااحبه بالعكس حااولي تركزين معاه لما يدق سولفي انتي دقي عليه شيلي هالفكر من راسج صدقيني راح ترتاحين لما تكررين كلمة ماحبه راح تكرهينه بزوج عسي ربي يهديج ويسعدج وتحبينه ياااارب

 

[Kamla:)]

اي ادري كل شي فيه زين انا حاليا ببيت اهلي لاني حامل >> حجه صارلي يومين ما اشتاق له ولا ادق عليه
اهو يدق ويسأل وترا بنات ما اتنسى فيه صارلي ٤ اشهر على هالحاله
يعني كلش مو بقلبي اهو
وتبطي عظم الله يسامحج عاد انا احبج واحب ردودج ومتابعتكم من زمان بس ظلمتوني
انا ماقلت بس عيوبه حتى قلت مميزاته لاني متردده بقراري! ودي اهده وماودي والله كل يوم ابجي
احس لو مو متزوجه احسنلي ومعنسه ابركلي واريح من هالعيشه

 

[شادن33]

اي ادري كل شي فيه زين انا حاليا ببيت اهلي لاني حامل >> حجه صارلي يومين ما اشتاق له ولا ادق عليه
اهو يدق ويسأل وترا بنات ما اتنسى فيه صارلي 4 اشهر على هالحاله
يعني كلش مو بقلبي اهو
وتبطي عظم الله يسامحج عاد انا احبج واحب ردودج ومتابعتكم من زمان بس ظلمتوني
انا ماقلت بس عيوبه حتى قلت مميزاته لاني متردده بقراري! ودي اهده وماودي والله كل يوم ابجي
احس لو مو متزوجه احسنلي ومعنسه ابركلي واريح من هالعيشه

لا يا حبيتي لاتقولين جي يمكن هاي من الحمال والوحام على العموم استانسي بحمالج الحين وخلي القرارات بعدين افضل لصحتج

 

[صبر العمر]

اختي تعوذي بالله من الشيطان ، مو لازم تحبينه من اولها ، المهم الاحترام والتفاهم ، ومع العشرة بتتعودي عليه . ياما مثلك مثايل اول زواجهم تعالي شوفيهم الحين بعد سنوات زواج كيف ما يستغنون عن رياييلهم.

 

[ورد الغرام]

ياااااااااااااااااااااابنات اتقولكم مايصلي!!!!!!!!!وش اتحب فية
اصلا حرام تحبة ودام انه مايصلي اتوقعو منة اي شي لانة الصلاة هي الي تنهي عن الفحشاء والمنكر

 

[Kamla:)]

خلاص قررت اعطي نفسي فرصه واعطيه هم فرصه لما اولد وما احمل منه مره ثانيه الا لما اتأكد من نفسي عدل
اطلع بياهل واحد احسنلي من دسته يهال الله يكتب اللي فيه الخير

 

[كويتيه مذهله 87]

الموضوع كله بصوب وجمله احس اني ظلمت نفسي بهالزواج بصوب!!!

كل هذا وانتي طالمه نفسج وتشوفين نفسج مظلومه والله مسكين محد غيره مظلوم بهالزواج ومعاج

عروس توج تلبسين بجايم ولا عمرج اهديتيته شي وتكمين عالتلفون وماتسالين عنه كلش؟؟

الله يعينه مسكين يستاهل وحده تحبه وتدلعه وحنونه عليه وتداريه

تدرين شنو الحل لما يكشت في وتتغير معاملتهرلج ويصير ناشف وجاف معاج ويمكن بتصرفاتج
يروح يدور الحب عند وحده غيرج والبنات ماشالله شكثرهم سنع وجمال واخلاق يتمنونه واهو
موناقصه شي ساعتها بتعرفين قيمته وبتفرفرين من الحره عليه وتركضين وراه وتذلين عمرج عشانه


نصيحه حمدي ربج وصوني النعمه وحاولي تتغيرين وتدعين بصلاتج ان الله يالف ما بينكم وتقومين بواجبه
ترى النعمه زواله الواحد مو زين يتبطر ويشوف نفسه

معاها بكل كلمه
ليش ظالمه نفسج حبيبتي انا اقول صلي ركعتين وشووفي حوولج والبنات الي متزوجين تالي قولي انا مظلومه