ما احب ريلي :'(

[رقـة الاحسـآس]

شدراج انه المثقف بيسعدج؟
شو فايده مناقشاته اللي بتدوم يمكن دقايق او ساعات و فباقي الاشيا صففر
واللي تشوفينه برا ترا مظاهر وما تقدرين تحكمين هو فعلا جذيه فحياته وما تقدرين تحكمين ع كل صفاته
اما الحين انتي عندج ريلج ماشاءالله عليه والله يخليه لج
احمدي ربج وقولي الحمدلله لانه نعمه صدقيني
وحطي في بالج ما في انسان كامل اذا هو الجوانب الثانيه عنده حلوه و نقص هالجانب مع الايام انتي بايدج تغيرينه و باسلوب حلو و اللي ما يتغير بعد خلاص مب لازم
وانتي كذلك مثقفه و جميله بس اكيد عندج عيوب
انتو الاثنين بتتغيرون مع بعض
والحرمه هي اللي اطوع نفسها و تغير من نفسها عشان الريال يعني انتي اللي لازم تاقلمين نفسج معاه
انتي تقولين سوالفه ممله ؟ يمكن هو يجوف سوالفج بعد ممله؟
ترا كل نفس ولها ما تهوى و تحب فلا تزعلين و تضايقين من هالشي
بالعكس انتي دوري ع اهتماماته و عالاشيا اللي يحبها و شاركيه
والسوالف اللي ما تعجبه و ما يحب يتكلم فيها عادي كلمي صديقاتج فيها و استمستعي بهالجانب اللي تحبينه

و صدقيني عمره الحب ما ايي فيوم و ليله
وحلاته الحب اللي ينطبخ ع نار هاديه
تعوذي من ابليس و دايما اقري الاذكار
وعن صلاته ضرووووري تحاولين في هالشي قبل كلللللللل شي و لا تنسين الاجر اللي بتحصلينه من رب العالمين

ادي واجباتج اتجاه ريلج و لو تقدرين بعد زيدي
واحتسبي الاجر في كل شي

والله يوفقكم و يسعدكم و يرزقكم الذريه الصالحه يارب

 

[" ام حمود "]

مااشوف اي مبرر لج وهم حرام عليج .. الريال شاريج ومو مقصر وياج بشيء
اللي تبينه يسويه يعني يبي رضاج بس !!
حاولي تتقربين منه وذكري ربج واستغفري والله يجمع المحبه بينكم ان شاءالله

 

[شيهانه بلا صقار]

حبيبتي عندي لج حل ...
كل ليله صلي ركعتين و ادعي ربج...
واقري حزب من سوره البقره كل ليله لين تخلصين السوره ترى لها فوائد ومنها اجر ياقلبي..
وبعدين لاتحطين في بالج انج ماتحبينه ..
الحب بعد العشره يبين...
الله يوفقج وييسر امرج ...
(اللهم اميييييييييييييين)..
​

 

[دلوعه ززوجي]

بقولج شغله تخيلي الحياه من دونه وبس وشوفي شعورك بيكون شنو

 

[$$king moon$$]

(( الأرواح جنود مجندة فما تعارف منها ائتلف و ما تناكر منها اختلف ))
حبيبتي انتي من البدايه ماشفتيه وقعدتي معاه او ماسألتوا عنه
توج اتحسين انج ماتحبينه انتي مااستخرتي وارتحتي
شوفي ياقلبي لاتكررين مااحبه ومااحبه بالعكس قولي
هذا زوجي واحبه وغيري من نفسج لانج الوحيده الي
راح اتأثرين على نفسج دامج بتقولين مااحبه ماراح اتحبينه طول عمرج
وبالنسبه للصلاة لازم اتكلمينه بالموضوع بشكل مباشر لانها
اهم شي وانصحج ابدي بهالشي وكلميه عن الصلاة
وبعدين غيري من نفسج لاني اشوفج سوري انتي الي مقصره
سواء بتصرفاتج او شعورج اتجاهه واذا ظليتي على هالحال
حبيبتي انتي الخسرانه لان اابنات وايد وبيخليج وبيروح
حق وحده ثانيه بكل سهوله

 

[أعشقه]

عندنا بالسعوديه ان البنت ماتعرف الرجال اذا كان من برى العائله وبيكون زوجها ماتعرفه الا بالزواج
وماتكون لا تحبه ولا شي لانها من الاساس ماتعرفه .. يعني ابوها يسال عنه يقولون زين يقول لها انا موافق زين وخلاص تتم الخطبه البنت لان الناس يدورون الرجال السمعه والاخلاااق ..
وتتزوج ومع المعامله والعشره بتعرفه وبتحبه ..
اما انك ع طول ماحبه والرجال مو مقصر معك بشي ليش يا عيني ماتحبينه وش مسوي لك
لو نقول مقصر معك مايحترمك مايعطيك حقك ساعتها نقول معك حق
لاتجلسين ترددين ماحبه وتعطين مجال لنفسك تصدقين هالكلمه ..
بالعكس خلي حياتك معه تعااارف لين تحبينه والي مايعجبك في تصرفاته او انه مايصلي كلميه بها الموضوع
واتصلي عليه بيني له اهتمامك وربي يوفقك .. يعني عطي نفسك مجال تتعرفين عليه وتحبينه ولاتقصرين باي شي اتجاهه لانه يستاهل منك كل شي دامه مو مقصر معك

 

[رووح ابووها]

مو شرط المره تحب زوجها وايد بنات مايحبون ازواجهم ( العشق والغرام ) بس اكيد تقدره وتحترمه وتغليه
وتو الناس عليج بتحبينه ان شاءالله
حاولي تمثلين على نفسج انج بتحبينه وصدقني بتصيرين تموتين فيه

 

[FeShinGoOo]

الحب اي مع العشره وانتي توج متزوجه فشي عادي انج ليلحين ماعشقتيه وماحبيتيه توكم مع بعض ماصارلكم فتره

 

[Om_Ksha]

الله يعيينج .. و البنات ما قصرو فيج كفو و وفو @@

الله يشرحلج صدرج ..

شفت هالمقال و عجبتني ان شاءالله تفيدج

تنميه الحب بين الزوجين للدكتور جاسم المطوع

تواصلي معاه مشاءالله علييه انساان فااهم و ينصح واايد

http://www.drjasem.com/index.jsp?in...ysections=-1&sortcol=id&sorttype=desc&pgnum=1

 

[ثنايا الورد]

لو تقربين منه وتحاولين على الاقل تكوني له رفيجه راح يحب نفسه ودينه وانا متأكده راح يصلي
ويحب ربه اعطي نفسج فرصه وربي يهديج وهم البنات ماقصرو عطوج الحلول والكلام الزين

 

[طيبت احساسي]

مرحبا اختي ...

اول شي مبروك على الزواج و يارب تتهنين ويبعد عنج العين يحفظج

حبيبتي بالنسبسه لموضووعج انا رايي انه الزواج التقليدي دايما جذي البت تحس انها ما تحب زوجها وانه العلاقه مادري شلون حبيبتي الحياة الزوجيه تنبني مع الوقت ولما تمر الفترة عليها تبتدي تزرع الحب ولاحترام والعشره بين الزوجين ونصيحتي الذهبية لج انه الزوجه الشاطره اهيه الي تغير زوجها بتقولين لي شلون بقولج كلميه طلعي معاه روحي غيري جو اعتبريه موب زوج اعتبريه واحد تعرفتي عليه وتحاولين تغيرينه صدقيني الحب مو شسي مهم كثر الدين والاخلاق ياما ناس ماخذين عن حب لكن بالنهايه اخلاق مافي فقولي الحمدالله دامه موب مقصر وياما ناس حب واخلاق لكن مقصرين انتي تقولين انه اخلاق و ولد عايله ومو مقصر بقى الحب والحب سهل ينزرع بالقلب بس يبي له من ييحاول لا تكبرين الموضووع وباجر تنفصلين وتندمين عسى ان تكرهو شي وهو خير لكم وعسى ان تحبو شي وهوه شر لكم فكري بالجمله هاذي وقولي رب العالمين اكيد لما كتب لي هالنصيب اهوه النصيب الخير لي لا تخلين الشيطان يفرح لانه خله بقلبج كره لزوجج وخلاج ما تحبينه حبيه وكلنا ما كنا نصلي عدل وما التزمنا عدل لكن بالنصيحه والكلام الطيب بتقلين التغغير والله العظيم الكلمة الطيبه تغير الشخص لو كان حجر سمعي نصيحتي وحطي ثقتج بربج وابتدي من اليوم حياة يديده وانسي شيس اسمه ماحبه حتى لو كان موب نفس شخصيتج لا تكونين انانيه وتبينه يتغغير لجل عيونج ويضحي وانتي واقفه تفرجين ضحي عشانه وغيري من نفسج وتقبليه بعيوبه هاذي الحب الحقيقي مو حب الكلام والغزل والخرابيط هاذي الحب يا اختي انج تضحين لجل شخص عشان تسعدينه وانج تيين على نفسج وقت زعله وتفهمينه و انج تحتوينه وتسندينه ما بطووول عليج بس لو احتجتي شي انا موجوده ويارب يبدل حالكم ويسعدكم


وفي النهايه بقولج دوري الايات المنجيات واقريهم كل يوم وقولي حسبي الله لا اله الا هوعليه توكلت وهو رب العرش العظيم كل يوم اقريه سبع مرات قولي الدعاء ومره الايات وبتجوفين حالج باذن الله بيتغير وابتدي صفحة يديده مع نفسج وزوجج لا تخسرينه وعقب تعظيين اضابع ندم


اختج طيبت احساسي

 

[ربي سبحانك]

انا اقول حمدي ربج عالنعمه

 

[طموحه بزياده]

ههههههههههههههه



صراحه انا عندي يقين تام جدا جدا جدا ان الحب من الله مهما كان الرجل على دين وخلق حتى لو كان منصب وفلوووووس واخلااااااق


الحب من الله


والدليل:

امرأة ثابت بن قيس بن شماس وهي جميلة بنت عبد الله بن أبي، ففي صحيح البخاري عن ابن عباس رضي الله عنهما: أن امرأة ثابت بن قيس أتت النبي صلى الله عليه وسلم، فقالت: يا رسول الله، ثابت بن قيس ما أعتب عليه في خلق ولا دين ولكني أكره الكفر في الإسلام، فقال رسول الله صلى الله عليه وسلم، أتردين عليه حديقته؟ قالت: نعم، قال رسول الله صلى الله عليه وسلم: اقبل الحديقة وطلقها تطليقه




هذي قصة في عهد الرسول ان المره ما تحب زوجها مع انه على خلق وعلى دين والرسول عليه الصلاة والسلام ما قالها اقضبي ارضج واحمدي ربج انج متزوجه وان البنات الحين يتمنون ظفر رجال

لاااااااااااا قالها علطول تردين له المهر؟ قالت اي
وانتهى




القبول شي اساااااااسي في الزواج مهم جدا وانا أؤمن بهالشي

 

[Kamla:)]

مشكورين بنات قريت رد رد واللي انتقدي منكم الله يسامحهم وعلى قولتهك شايفه نفسي واحب اللي يطورقني
يارب يجربون اللي انا فيه عشان يحسون عدل
وانا بحاول اخليه يصلي والله كريم واللي اقدر عليه بسويه تجاه ربي عشان
ربي لا يحاسبني

 

[Kamla:)]

البنات اللي راسلوني عالخاص مشكورين لدعمكم ونصايحكم
ودي ارد عليكم بس ماقدر لانه عدد مشاركاتي قليله

 

[شنوووفه]

حبيبتي كلالامج انه ودج تحبينه وقام تحاولين بالعكس هالنقطه في صااالحج معنااته انه له مكان بقلبج صدقيني واهوه دام يحبج ويراضييج حاولي تغيرين فيه الاشياء الي مو عاجبتج وصدقيني بيسويها وهوه مغمض خلييه يصلي علميه وانتي فرشيله السياده صلي جداامه وقعديه حق صلاه الفير :>
مو عاجبج لبسه روحي السووق واشترييله الي يعجبج وعطيه عله اساس انه هديه منج رااح يستانس وشوي وشوي انتي راح تتعودين عليه بحياتج سافرو ولمن تطلعين معااه جربي تجذبينه بالسوالف الي يحبها لالازم تضحين ياقلبي اذا صج ودج تعيشن وماتبين الطلالاق

 

[ياليتهم يشعرون]

تدرين متى راح تحبينه لمن تشوفينه معه غيرج راح تحسين بقيمته ذكري ربج وعيشي هالنعمه او تطلقي حرام تظلمين الريال معاج الله يعينه عليج

 

[Tom ♥ Jerry]

’,



عآدي انا كرهت زوجي أول الزوآج و الحين آحبه .!
خصوصا آنه طبعه غير عن طبعي .،
حآولي تحبينه و بعد سنه سنتين ثلاث بتلاقين نفسج حبيتيه
بس اذا انتي مبرمجه عقلج أنه آنتي تكرهين هالشخص عمرج مآ رآح تحبينه

 

[farfo0ora]

عندي رد بس ماراح يعجبج لان ماراح يكون على هواج
اول شي ضحكتيني لما قلتي انج ظلمتي نفسج لما تزوجتييه
ترا هو المظلوووم مووو انتي
استغفرالله ناس تبي واحد فيه ربع مواصفات زوجج وانتي تتبطرين على النعمه اللي عندج
الحمدالله على كل حال...
الله يهديييج
بس بقولج شغله اذا في بالج احد معين شيليه من بالج لان اللي يبيج ماراح يخليج حق غيره!!
اعتقد فاهمه قصدي انتي
وخلج مع ريلج ولاتخربين حياتج...

الله يوفقكم ويسخركم لبعض قولي اميييين
ولاتزعلين من كلامي بس والله عادتج اختي وابي مصلحتج

شوفيني انا اشكثر كنت انخطب وتميت اتبطر ليما بيصير عمري
الحين 26
وماتزوجت وترا كنت افكر نفس تفكيرج
الله يعين الجميع​

 

[لاحزن مع القرآن]

حبيبتي تعوذي من ابليس وكثري من الأذكار والأدعية وكل شي يبيله صبر
وانتي فكري بينج وبين نفسج يعني لوتطلقتي وتزوجتي واحد ثاني يعني راح يكون
أحسن منه وراح تحبينه
قولي الحمدالله على النعمه والله أعرف بنات يتمنون الزواج والعيال