تعالوا نسجل اخر اهداف لسنه 2011

[Queen of Sadnes]

ماشاء الله بنات اهدافكم حلوه ان شاء الله بتقدرون تتحققون اللي تبون يااارب

ضيون ولولو شلونكم عساكم بخير

لولو ودي افيدج بفكره مشروع بس ما ادري حسب هواياتج انتي شنو تحبين وشنو الشغلات اللي انتي شاطره فيها؟؟

 

[BiiShOoO]

السلااام عليكم


مبروك التجمع الجديد و ان شاء الله يكون فاتحه خير علينا



اهدافي حق باجي السنة:

اني اتقرب من ربي اكثر

اني ما ازيد بوزني و احاول اني انزله

اني ايمع لي جم بيزه

 

[نور الفنر]

عجبتني الفكره وللامام .... والمده تقريبا شهرين

هدفي انزل وزني الزايد من 80 الى 70 ... كهدف اول ,,, وبعدين الى 60 او55 << يااااااارب

انجح في دراستي بتفوق ...

وهذا اللي ببالي حاليا...

برب

 

[MayOumii~]

أهدأفي :

- أوصل وزني الخمسينآت
- أييب امتيآز بالمدرسة وأظل على هالمستوى طول عمري
- أطور شخصي
-أعالج كل شي تعبآن فيني /-:

" وبآذن الله " بحآول أدش السنة اليديدة وانا محققه أهدآفي

 

[Lady <3 A]

مبروك عليكم التجمع الجديد

اليوم وزني كان 55.9 الحمدلله وأتمنى ما يزيد باجر

اخر اهدافي لسنه 2011 و راح احققهم بإذن الله و اتحدا نفسي
1. أحافظ على وزني وأخلي الـ 57 حد أقصى وإذا زدت انزل الي زدته على طول خلاص وصلت لمرحلة الرضا الحمدلله
2. بقلد لولو وبسوي أسناني إن شاء الله كنت رايحة استشارة قبل فترة وناوية أبلش بالبلان قريباً إن شاء الله
3. أرتب ميزانيتي
4. أهتم بنفسي من كل النواحي إن شاء الله وحالياً آخذ فيتامين هير سكين آند نيل وإن شاء الله ألتزم
5. أواظب على قراءة القرآن وعباداتي اليومية وما أخلي شي يشغلني عنها إن شاء الله وأحاول أكثّف

حالياً هذا الي ببالي والله يقدرنا على تحقيق أهدافنا إن شاء الله

 

[LadY BuG 80]

سلااااااااااااااااااااااااااااااام

الحمدلله على كل انعم الي احنا فيها و يارب زيدنا و حقق امانينا

شلونكم بنااااااااااااااااااااااااااااااااااااااااااااااااااااااااااااااااااااااااااااااااااااااااات

اعيد و ازيد لا تتحطمون لو ما شفتوا اسم شموسه صاحبه الموضوع انا الي نزلته بأسم اختي

هي حامل و ما تدخل المنتدا ولا لها علاقه برجيم

المهم اليوم فزيت من صباح الله الخير و رحت القراج عشان ابدل اتواير ( winter tires )

و طلع انه نظام من سبق لبق و اشوف اناس ماسكه طابور من 7:30 و القراج يفتح 8 و انا عبالي اول وحده لاني واصله 7:45 :eh_s(11):

ولله بس فتح الباب اناس تركض كأنه يوم الحشر

هههههههههههسوفااااااااااااااااااج خالص

و انا بتكسف ما قدرت ازاحم

وع وع وع برستسجي ما يسمح am alady



رحت قراج ثاني يالله وصلت له لانه زوجي ما علمني الي على ابو من سبق لبق ,,

يوم سألت قالي ما نركب الا تشترين من عندنا و انا توايري في الترنك معاي ,,,

قمت الف شوارع المدينه و انا ابكي :eh_s(2): يا رابي وين اولي انا و توايري

ههههههههههههه

قلت خلاص ماني مغيره اتواير طز و اثنين و ثلاث طزات

.. بس اخرتها انا الي باكل تبن في اثلج و اتزلج في هشوارع :eh_s(16):

لقيت محل نزلت اسأل قالي ايه انركب توايرك .. قلت له الحين ؟؟؟ قالي نو لازم موعد

شقيت الحلج و سويت بريك دانس و طق رقبه

و اخذت موعد

و رجعت البيت ميته برد و دخلت تحت البطانيه و اديها نومه من 8:45

ما دريت الا اساعه 3:40 العصر :eh_s(22):

ماصدقت كل هاذا نوم :eh_s(10):

المهم صحيت تغديت و تعشيت و الحين فيني نوم :eh_s(16):

كنت بروح عند اختي اليوم بس مو قادره نعسانه اخاف اروح انام عندها لوووووووول

شكلي بدخل في سبات شتوي


​

طلعت يا محلى نورها شمس الشموسة
واخيييييرا من زمااااان واحنا ننطر ذبحتينا بالانتظار
ولهانة عليكم واااايد
اهدافي
اواظب علا قراءة القران الكريم بشكل منتظم
اكسر حاجز السبعين اللي موراضية اتخلص منه
اسوي اسناني مع اني ماعتقد انطر وزني يثبت قبل
اعتني بشعري اللي مابقا منه الا شعرة وحدة
افتح لي مشروع صغير اضيع وقتي فيه بس ابي افكار تكفون ساعدوني

تسدئي بلله ؟؟؟؟ انا ما فتحت هلموضوع الا يوم شفتك اختبأتي في جحرك و قلت خلاص بطلعها ههههههههههههههه

تعالي انا و انتي نفتح مشروع شراكه انتي راس المال و انا الاداره ( من اولها تبي الكرسي )

هههههههههههه اهم شي انا المديره ... داخله على طمع

بنسبه لشعرتين الي عندك ... عندنا و عندكم خير

جربي السدر و اهم شي مع ماء الميرميه و الحبه اسوده لانه تطلع اشعر المستخبي كله

يغزر و يطول .... اما ازيوت عشان اسدر لا ينشف اشعر

و صفار البيضه يغذي اشعره و يعوض البروتينات الي فقدتها من الاستشوار و ارياح و اشمس و عوامل انحت و اتعريه

جربيه فضيع انا من اول مره شعري تروض و صاير انعم و بنتي شافتي اسوي قالت

momy i want to be green head

هههههههههه انا ماسدأت و قمت ادهنها معاي و مشالله من اور مره الكشه صارت واااو

​

كتونه شنو عشره كيلو وايد اذا انتي بداية الستين

انتي لييييييييييييييييييييييييش واقفتلي على الكلمه ما تشوفين البنات كلهم طنشوا الا انتي لازم تفشليني

زايده يختي ايه متنت :eh_s(2):

استوري دا اربنا بيوستوررررررررر :eh_s(11):
​

تجمع جميييييييييييييييل بنظم معكم
اهم شي الاهداف موضوعها حيييييييل حلوه ومفيده
اهدافي
1- القران حفظه وتطبيقه
2- تحسين حياتي الدينيه
3-التنحيف وراضيه باي شي مع شد الجسم
4- اهتمام بنفسي وشعري
5- راح تضحكون حيل ودي اصير طباخه لا وفنانه بعد بس مع نحف مايصيييييييييير
6-ابي اتعلم انقلش
<<<<<ان تحقق نصها وخصوصا دينيا نعمه واعتبر من فلحت

لشد اشربي شاي يانسون ( اشتري الاكياس الجاهزه او انقعي معلقه مع كوب ماء ساخن و اشربيه قبل الافطار و قبل الغداء )

يشدك و يخليكي ربلللللللللللل

و من فوائد اليانسون يقوي المناعه و يحمي من انفولنزا الخنازير :eh_s(22):​

السلااام عليكم


مبروك التجمع الجديد و ان شاء الله يكون فاتحه خير علينا



اهدافي حق باجي السنة:

اني اتقرب من ربي اكثر

اني ما ازيد بوزني و احاول اني انزله

اني ايمع لي جم بيزه

مشالله الكل ناوي على مشاريع و تحويش ... بفكر بسالفه :eh_s(10): بأمن مستقبلي هههههه


​

 

[الحراير]

صباح الخير

كتونه وانا الله يستر من وزني ههههه معني الكل يقول ضعيفه حيل الطول نعمه والله

تخيلي الايام الي طافت اكلي عادي والي يزورني اقعد اكل معاهم بس وحده من صديقات امي علي بالها مسويه شي
كله تسالني وتقول عندج شي يوخر الكرش ويضعف قلت لها ماعرف والي يضعف ريجيم وكله تقول عني انتي ماتاكلين اكلي خلي روحج ترد
لانه بنتها متينه وتحتر مني

متي نحط الوزن؟؟

 

[أم عامر]

:rgewrg:

:rgewrg:

:rgewrg:



يعني ان غاب القط لعب الفااااار

النت مقطوع عندي ويوم رجع ألقاكم منحاشين من التجمع

عالعموم مبرووك التجمع الجديد


اهدافي ....

1- اتخلص من اللي ببطني >> للحين ببطني مايبي ينزل متمسك لأخر رمق في امه

2- ارجع اسوي رجيم واصلح ما أفسده الحمل اللي ماطول >> اللهم لك الحمد

 

[LadY BuG 80]

صباح الخير

كتونه وانا الله يستر من وزني ههههه معني الكل يقول ضعيفه حيل الطول نعمه والله

تخيلي الايام الي طافت اكلي عادي والي يزورني اقعد اكل معاهم بس وحده من صديقات امي علي بالها مسويه شي
كله تسالني وتقول عندج شي يوخر الكرش ويضعف قلت لها ماعرف والي يضعف ريجيم وكله تقول عني انتي ماتاكلين اكلي خلي روحج ترد
لانه بنتها متينه وتحتر مني

متي نحط الوزن؟؟

يا كرهي لهلاشكال انا يوم رحت ادوحه بصيف حسبي الله عليهم اول جنو يوم شافوني و بعدين طاحوا فيني لا مو حلو ضعيفه تو متش مسكين فلان :rgewrg: و كله يقدمون اكل و انا ارفض مره مرتين و استحي المشكله العشا دايم لحم و رز و بعد اساعه 10 :eh_s(16): و بعده الكيك و البتيفور ,, ولله لمن اقولهم انتوا شتسووون اشلون تنامووون ؟؟؟ يقولون نسهر لين الفجر نصلي و انام .. طيب انا اشذمبي ولله نطلع من عندهم انا و زوجي على ال 11:30 و انام دوغري عشان دوامه

و هاتي اقوم اصباح تخمه و احيانا الله يعزك ارجع العشا مثل ما اهو اصباح و ابتدت فيني اعراض القولون ذيك الايام



ولله يوم صرت اكل احسهم استانسوا و يقدمون كل شي ( ما كانوا اول معاي كذا يسون انه كرم لاكن هم فيه نيه خبيثه )


و قبل سفري تقولي وحده مشالله كل هاذي كرش

و وحده تستخف دمها تقول يييياااااي احسن متناج اقص يدي اذا مو زايده 5 كيلو . و كنت زايده 3 بس

و ربي الحين يوم زدت اكثر اذكرهم و اقول ولله كان حسد واضح بس انا خبله :bbbiu:

ما عليه الحين تعلمت اشلون مو بس اقول مابي ثانكيو الا احرهم و اعطيهم دروس في اصحه و مهما قدموا اقول ماااااااااااااابي كيفيييييي

بس تدرين يوم كنت اقول لا .. يقولون خايفه تزيدين ليش ذابحه روحك مو لهدرجه عاد تجوعين نفسك ( هوا بطني كان اشتكاااااا) ​

 

[الحراير]

اي والله يتضايقون لمانضعف بس نمتن يستانسون بعد ماصدق احد
اذا ضعفت مايقولون حلو لما امتن يقولون شحلات جسمج قبل هذا الي يحر
واكلنا ان شاءالله ماراح يضرنا لانه صحي

ولدي يقولي يمه تغدي معاي قلت ياقلبي توني قاعده مابي عاد رد علي يقولي صايره عظمه فديته
وده اني اكل معاه

 

[الحراير]

يامرحبا
اكلي لليوم فطوري شاي ونص خبزه سمره فيها بيض ماي
وشربت ماي طبعا غدا ماتغدي وعالمغرب شربت نسكافيه
وبعدها اكلت مكسرات كبر كف اليد
وعشاي ٢همبرجرونص خبزه سمره وبيالة شاي

وان شاءالله اكلي زين!!!

 

[Lady <3 A]

مرحبا بنات ^_^ أنا دشيت أقرا أول ما أفضى برجع أرد وأشارك وياكم بحاول ما يطوفني شي لول

أنا الحمدلله محافظة بس زايدة 100 جرام عن امس يعني وشفت الـ 55 ويا فرحة ما تمت لول

ويهي ضعفان ومصوفر وحالتي حاله ابي شي ينور ويهي ويرده طبيعي ><

أحبكم .. وبظل معاكم أحافظ إذا ما نزلت وزني إن شاء الله لين آخر وحدة تنزل وزنها وبعدين نفتح تجمع للمحافظة والأكل الصحي

 

[brat]

هااااي

مبرووووك على التجمع اليديد

ولهت عليكم وايد يا رفيقات الرشاقة

آنا هدفي إن أودع التسعينات، حتى لو وصل 89.9 طبعاً من خلال الأكل الصحي والرياضة اليومية
وإن بشرتي تصير حلوه إن شاء الله

آنا بالفترة الأخيرة كنت أسوي رجيم أسبوع، والأسبوع اللي وراه أخرب، بس من 5 أيام رجعت التزمت، اليوم كنت حدي يوعانه، وصلت النادي وكنت ليلحيني بالسيارة، وسوس لي الشيطان إن أكشت بالنادي وأروح آكل ككاو وحلاو وبفك، 10 ذقايق قاعده بالسيارة وأفكر أذا أخرب (وأبتدي من باجر) ولا أروح النادي...

قعدت أطالع صور أجسام ممثلات، وأفكر بسفرة عطلة الربيع، وقعدت أفكر لي متى بظل متينه، جان أهون عن الأكل وأروح النادي الحمدلله

أعراض ما قبل الدورة، فرحت مركز سلطان وشريتلي جيز كيك من دايت كير في حال يتلي الحالة

 

[Queen of Sadnes]

اهلين بروت شلونج زين تسوين لا تضعفين نبيج ان شاء الله على نهايه هالسنه تبشرينا بتوديع التسعينات ياللا شدي حيلج وخليج ويانا

حروره بالعافيه اكلج زين بس جان مخليه البرغر للغدا والعشا سلطه والله يخلي لج ولدج

بزبز تدرين احس المحافظه على الوزن اصعب من الريجيم ماادري شلون بس الحمد لله انا لليلحين بالسيف السايد يوم اكل ويوم تقشف وماشي الحال

ام عمور شلونج الله يعوضج ويرزقج كل خير يارب

 

[الحراير]

الله يعافيج كوين ويخليلج عيالج
انا غدا ماتغدي علشان جذي اخلي اكلي علي العشا وماانام علي طول اسهر

وين باقي المشتركات

 

[LadY BuG 80]

صباح الخير

الحمدلله يومين ملتزمه بلمشي وانتايج اسرع مع المشي . اول يوم غصبت نفسي اطلع ركنت اسياره و حاولت اروح بعض مشاويري مشي

و الحين احس صرت مو اكتف انشالله كلها كم يوم و ارجع الجم بس احاول استعيد لياقتي

ايام اسويها بروتين ايام تمر و لبن يعني على حسب المود

من بكره الموافق 15-11 لييييييييييييييييييييييييييييييييييييييين 24- 11 هاذي عشر ايام خلوها التزام

و يوم 25-11 كل وحده تشوف كم نزلت و تكتب مقدار انزول لاحد تذكر الوزن كم صار نبيها مفاجئه على اخر اسنه

يعني انا اليوم وزنت و انشالله تاريخ 25 اصباح يوزن ثاني و اجي اكتب مقدار انزل فقط 3 - 4 - 5 كيلو مثلا

انا حاطه لنفسي هدف معين يعني كل 10 ايام 3 كيلو و انشالله اخلص الي علي قبل نهايت المده بأسبوعين

امس صورت فهودي و انشالله اليوم بختار البوسز اذا طلعت اصور بعد 12 يوم بوريكم شكله يشقق شحلاته مثل امه الخالق اناطق هههههههههه ​

 

[LadY BuG 80]

one more thing

اليوم الي تبي تشارك معانا في مسيرة العشر ايام تعطيني اسمها و اذا مو ضعفانه اقل شي 2 كيلو in 10 days براااااااااااااا و مارح ادخلها معانا في اي مسابقه او فريق او مسيره او قافله

و حملتنا العشر ايام هاذا مشي مشي مشي راح نمشي لين نذوب شحومنا كل وحده تمشي الي تقدر عليه

let's walk our fat away​

 

[الحراير]

هلا وغلا بكتون وان شاءالله بنلتزم اكثر من باجر

لانه اليوم اكلت 5ملاعق عيش مع ولدي كسر خاطري وقص علي خلاني اكل وهو ماكله وشربت شاي مع سكر لايت

 

[الحراير]

مااعتقد اشارك في حملة المشي هالاسبوع امتحانات ولدي بدت واقعد ادرسه وعلي فكره وزني نزل لانه قبل امس وزنت كان زايد واليوم نزل الحمدلله

 

[Queen of Sadnes]

نايس الفكره كتون بس حمله المشي بالنسبه لي الحين صعبه الجو حيييييييييييييل بارد واليهال ما اقدر اطلعهم معاي يعني بحاول كثر ما اقدر اتحرك في البيت وان شاء الله من باجر ببلش لان اليوم سبشل داي ...............اليوم عيد ميلادي

وان شاء الله من باجر الصبح واول ما اقعد بشوف وزني جم وترا مابي انزل اكثر من كيلوين لان انا ابي احافظ الحين اكثر من اني انزل وزني يعني بلييييز ما ابي انحرم من المشاركه وياكم