يماا يباا خلاص تكفوون ( رجعناااا )

[لياليـ]

اب
اب

 

[لياليـ]

يلا مو اليوم بتعوضينه اب بارت

 

[لياليـ]

اب
اب

 

[Ms.MrMr]

مريوم والله كاسرة خاطري بس هم غلط الي تسويه تبي تنتحر

اما سارة الله يعينها .. هدى طول عمرها حقيرة ان شاءالله مايعطيها ويه تولي

بدر حق سارة سارة حق بدر

نااااااااااااطرينج لا اطولين

 

[خميسيه]

فبيت ام بدر
بدر بعد ما كلم هدى قرر انه يروح حق ساره
يفهم شنو قصدها بالي سوته
لبس هدومه شغل سيارته
واهوا بالطريج يرن تلفونه
بدر : الووو
هدى : اهلين هلا والله بدر
بدر : اهلين فيج
هدى : انا اسفه لانه دقيت عليك بس ما لقيت احد اكلمه الا انت
بدر مستغرب : خير اختي
هدى : اخوي ممكن تي بس تصلح لي بنجر سيارتي التاير انفش فيني
بدر ( وليييييه حده مو وقتهاا هاااذي ) : انشالله بس وينج انتي
هدى عطته المكان الي اهيا فيه
وبدر حس انه لازم يروح لها لانه اهيا ما قصرت معاه
بدر 5 دقايق وكان عند هدى
طبعن هدى كانت حاسبه حساب شوفته البست احلى لبس وتمكيجت احلى مكيااج
والي صاار انهاا شقت تايرهاا
بدر صفط سياارته يم سيارتها ونزل
بطلت له الدريشه
وبدر تسبه من شكلها كانت حيييل كيووت ولبسهاا حييييل مغري
بدر : تقدرين تروحين تقعدين بسيارتي على ما اخلص من سيارتج
هدى نزلت من سيارتها وبدر تم يخزهاا
يطالع لبسها وشكلها لما ركبت سيارته
واهيا كانت حاسه بنظراته وتمت تبتسم طول ما اهيا ماشيه

بمستشفى مبارك
ساره قعدت تدور تلفونها بجنطتها الي حاطتها لها امها ما لقته
كانت تبي تدق على بدر تبي توصله باي طريقه
ما لقت تلفونها شالت تلفون المستشفى ودقت عليه
هدى بسيارة بدر تسمع صوت تلفونه
هدى تنادي: بدر بدر تلفونك يرن
وبالغلط شالته
بدر ما سمعهاا
هدى ترد تناديه تفتح باب السياره وتنزل: بدر تلفونك يرن
بدر : هدى شفييج نازله قلت لج خلج بسيارتي .. ما راح اقدر اشيله ايدي وصخه
وياشر لهاا بأيده شلون سوده
هدى تضحك
وساره تسمع كل الي صاير
تصكر التلفون وتنسدح على سريرها
(( هدى منو هدى اكيد بدر يخوني وله منو هاذي الي قاعده بسيارته و وتضحك معاه ... كلهم نفس بعض كلهم نفس بعض))
بالبحرين
حمد ورائد كانو قاعدين مع بعض تحت بالدوانيه
رائد : حمد لو يطلب واحد كويتي ايد اختك بترضى
حمد : لوو اعرفه اكيد برضى
رائد : اممم .. واذا قلت لك انه انا الي ابيهااا
حمد : مستغرب رائد انت من صجك ؟؟
رائد : أي من صجي حمد انا ابي هنوف على سنة الله ورسوله
حمد : والله وهاذي الساعه لمباركه
واتفقووا على كل شي وخلاص رائد حق هنوف وهنوف حق رائد
مريم بطلت عيونها
وشافت واحد يطل بويهاا
قامت تصرخ
الدكتور : اوووش اوش هدي هدي حبيبتي لا تخافين انا دكتورج وماراح اسوي لج شي يضرج
مريم مستغربه من طريقة الدكتور يكلمها جنها ياهل

تقوم من على السرير وتتلفت حوالينها
الدكتور : يطالعها ويبتسم
مريم : انا ويني ؟؟
الدكتور : انتي بالمستشفى ما تتذكرين شنو الي صار ؟
مريم تذكرت الحبوب الي بلعتها ورفعت عيونها على الدكتور
كانها تقول لها بنظراته انها تذكرت
الدكتور : مابي اسالج ولا شي الحين ابيج ترتاحين وتتعرفين على رفيجاتج الي معاج هني وراح يقولون لج عن كل شي وعن نظامنه بالمستشفى
مريم تتلفت حوالينها وتشوف 5 بنات حوالينها ياشرون لها
يطلع الدكتور والبنات يقربون منها ويقعدون
مريم تبتسم لهم : لو سمحتو احنا وين باي مستشفى وانا متى يابوني هني
عبير: احنا بالطب النفسسي
مريم : بس انا مو مينونه
خالده :ندري انج مو مينونه ولا وحده فينه مينونه بس كلنا مدخلينه عشان محاولة الانتحار
مريم : انزين متى اطلع انا مابي اقعد هني
عبير : هههههههههه حبييبتي كلنا مانبي نقعد بس مو بكيفنا
مريم : انزين ما يصير اكلم امي
عبير : متى ما يولج بتكلمينهم اذا ما يولج لا طبعا ماراح تلكمينهم
مريم تبجي : مابيي اقعد هني ماابي
وتمو البنات يهدونها

بادارة الطب النفسي
ام فهد : ودكتور متى ممكن انها تطلع
الدكتور : شوفي اختي متى تطلع احنا ما ندري بنتج ما فيها شي مقارنه بالمرضى الي هني
بس لازم نخليها تفضي الي فيها نسمعها وترتاح لنا وبعدين نطلعها
ام فهد : واحنا نقدر نشوفها نقعد معاها
الدكتور : شوفي انا ما انصح بهالشي بس براحتكم
ام فهد : خلاص انا باجر الصبح بمر عليها ابي اشوفها
الدكتور : براحتج
ام فهد تقووم وتطلع برا المكتب لققت فهد ونوره قاعدين ينطرونها برا
فهد : ها ايما شقالو
ام فهد ودموعها بعينها : قالو بيخلونها عندهم وما يدرون متى يطلعونها
فهد : لا حول ولا قوة الا بالله ميخالف يمه هذا لمصلحتها وهذا الحيوان انا اوريه
ام فهد : يما خلاص طلع روحك انت من الموضوع ابوك الحين بالمخفر وانشالله بياخذ حق اختك
فهد : انشالله .. يما وين بتروحين الحين
ام فهد : السايق ينطرني برا بروح البيت
فهد : خلاص انا بعد بروح البيت
نوره: فهد حبيبي انا بمر على ساره بشوفها من زمان مادري عنها
فهد : اوكي اخذي السايق وروحي لها ديري بالج حبيبتي
نوره : انشالله
ام فهد وفهد ركبو السياره وراحو البيت
بس نوره ركبت مع السايق
دزت حق محمد مسج (( انا رايحه ستار بكس الجابريه تعال هناك ))
محمد شاف المسج وسبقها ستار بكس
وصلت نوره
نزلت من السياره ولقته قاعد
كل خطوه تخطيها كانت تحس بقلبها يتقطع
كانت تتخيل فهد جدامها
قربت منه اكثر واكثر
ومحمد يبتسم
وصلت الطاوله
توها بتقعد
جان تسمع صوت من وراها: نوووره
لفت ويها وفجأه تغيرت ملامحها


بدر خلص من سيارة هدى
هدى نزلت من سيارته : يعطيك العافيه ما قصرت
بدر: الله يعافيج تفضلي هذا مفتاح سيارتج
هدى يت بتاخذ مفتاحها ومسكت ايده سوت نفسها مستحيه وومشت
بدر تسبه بمكانه وقعد يطالعها واهيا تركب سيارتها
ركبت مشت طقت له هرن اشر له بايدها وركب سيارته
قعد بسيارته تنهد وشغلها
رجع البيت بسرعه تسبح غير ملابسه
وراح المستشفى حق ساره
دخل وراح على طول غرفتها
طق الباب
ساره : تفضل
بدر : ساره هذا انا ادخل
ساره : ادخل






سارره شبتقول حق بدر بتصده قبل لا تسمع منه كلام وله بتسمعه؟؟ونوره منو الي كان وراها بستار بوكس ؟ورائد خلاص هنوف بتصير له وله لا ؟؟














​

 

[خميسيه]

مريوم والله كاسرة خاطري بس هم غلط الي تسويه تبي تنتحر

اما سارة الله يعينها .. هدى طول عمرها حقيرة ان شاءالله مايعطيها ويه تولي

بدر حق سارة سارة حق بدر

نااااااااااااطرينج لا اطولين

مريم اي تكسر الخااطر بس اهيا غلطت من الاول لانها سلمت روحها حق سالم وهدى ترا ما تدري عن علاقة بدر بساره

 

[لياليـ]

سارره شبتقول حق بدر بتصده قبل لا تسمع منه كلام وله بتسمعه؟؟بتصده او تسمعه كلامها او تطرده
ونوره منو الي كان وراها بستار بوكس ؟اي احد الا فهد
ورائد خلاص هنوف بتصير له وله لا ؟؟بيخطبها بس بيجوف ساره صدفه ويهون
او صج اللي ينتحر ايودونه الطب نفسي!!!!!!!!!!
اتقبلي مروري

 

[لياليـ]

اب
اب
لعيونج

 

[لياليـ]

او لاتنسين انتي قلتي امس انه اليوم بارتين

 

[Ms.MrMr]

ان شاءالله بدر مايشوف غير سارة .. لان تكسر خاطر تستاهل واحد يحبها ويقدرها

ومريم الله يهديها ويهدي بنات المسلمين .. نوووورة مسكييينة الي صج ما تستاهل

ورطت نفسها .. هذا نهاية مكالماات


ابببببببببببببببببببب ناطرينج

 

[ريوومتي حياتي]

يعطيج العافيه حبوبتي
ناطرييييينج 

 

[خميسيه]

سارره شبتقول حق بدر بتصده قبل لا تسمع منه كلام وله بتسمعه؟؟بتصده او تسمعه كلامها او تطرده
ونوره منو الي كان وراها بستار بوكس ؟اي احد الا فهد
ورائد خلاص هنوف بتصير له وله لا ؟؟بيخطبها بس بيجوف ساره صدفه ويهون
او صج اللي ينتحر ايودونه الطب نفسي!!!!!!!!!!
اتقبلي مروري[/quot
اي بس مو الكل قبل لا يدخلونهم يمرون بتحقيق والاهل لهم دخل بالموضوع

 

[خميسيه]

يعطيج العافيه حبوبتي
ناطرييييينج 

الله يعافيج حبيبتي باجر انشالله البارت

ان شاءالله بدر مايشوف غير سارة .. لان تكسر خاطر تستاهل واحد يحبها ويقدرها

ومريم الله يهديها ويهدي بنات المسلمين .. نوووورة مسكييينة الي صج ما تستاهل

ورطت نفسها .. هذا نهاية مكالماات


ابببببببببببببببببببب ناطرينج

يهدي الكل والجميع

 

[جفاكـ ضيع غلآكـ]

تسسسلم اييدج بععد قلبي ع البااارت الرؤعــة ، الصرااحة ابدااع ..

مريم : وااي والله تكسـر الخااطر
نورة : مفرؤؤؤظ تقؤل ل فههههد لان صج ماله ذنب و اللي فيه كافيه و زود ..
هدى : ويع شتبي كل يوم وآحد*.. كل ما سارهـ حبت واحد هدى حبته!
سآرهـ : دآيم تفهههم الموضووع غلط ، بسس الصرااحة ما الوومها ..
رآئد و هنوف : يونسوون بسس اتوقع مارااح يكملووون مع بععظ=]

,
،

 

[لياليـ]

اب
اب
وين البارت!!!

 

[لياليـ]

وييي وين البارت!!!!!!!!!! صارله اسبوع !!!!!!

 

[Ms.MrMr]

ويييييييييييييييينج ؟

 

[Ms.MrMr]

عسى ماشر طووولتي ؟

نااطرينج

 

[خميسيه]

بالبحرين
هنوف لما سمعت الخبر تشققت
ام حمد : اي قولي عاد موافقه وله لا اخوج يبي يرد خبر حق الولد
هنوف تنزل راسها مستحيه : انتي وشورج يمه
حمد يضحك : حلوه منج قولي اي وخلاص ليش سوالف االافلام الي تسوينها
هنوف تضحك و يحمر ويها : يالمليق لا تحرجني
حمد : اييي خير انتي تنحرجينن شوف ويهج شلون قلب
هنوف : حمدد خلاص
حمد : اانزين خلصنا الحين شقول حق الولد
هنوف تنزل راسها : موافقه
حمد : وياا ويهج خليتيني اطول على الريال هالافلام مادري شحقا تسونها انتووو يالبنات
يطلع عنهم حمد برا البيت ويروح حق رائد كان ناطره بالدوانيه
حمد : موافقه
رائد يبتسم : وانا انسان مستعيل على الزواج ابوي انشالله اليوم بدق عليه

وتموو يسولفون ورائد كان حيل مستانس
هنوف بغرفتها
دقت على رفيجاتها كلهم وبلغتهم وكانت فرحانه بشكل مو طبيعي

نرجع الكويت وتحديدا بستار بوكس الجابريه

نوره تلف وراها وانصدمت
سعاد: هلااا والله نوره عاش من شافج
نوره تلف عن محمد وتعطيه ظهرها وكانت خايفه : عاشت ايامج اهلين سعاد
سعاد تطالع محمد وحست انه نوره مرتبكه : شلون الزواج معااج شلون ريلج
نوره وخانقتها العبره : والله الحمد لله من احسن ما يكون ريلي مو مقصر معاي ولا مخلي بخاطري شي ويموت فيني
سعاد : الحمد لله يله انا اخليج ما اطول عليج خلينا نشوفج عاد مع السلامه
نوره اقعدت على طاوله غير الطاوله الي قاعد فيها محمد
نطرت سعاد تطلع اشرت لها
محمد اول ما شاف سعااد طالعه
قام من طاولته وقعد بطاولة نوره
نوره قامت من كرسيها وكانت تبجي : سمعت شقلت لهاا يحبني وويموت فيني ومو مخلي علي قاصر انسان نفس فهد ما يستاهل اخونه مع واحد مثلك
تشيل جنطتها وتمشي عنه
ركبت سيارة السايق
راحت المستشفى عند ساره

بالمستشفى
بدر توه كان داخل
قعد على الكرسي: ساره انا …
قطع صوته صوت الباب ينطق
نوره تطل من الباب : هاذي انااااا
ساره تفتح ايدها حق نوره ونوره تيي وتحضهاا
وتبوسها والدموع بعيونهم اهما الثنتين : الحمد لله على سلامتج ساره يا روحي انت لا تعيدينها وتعورين قلوبنها عليج مره ثانيه انا ولا شي بددونج
ساره : الله يسلمج نوره حيااتي انتي ولا انا حيااتي والله مالها طعم بدوج
نوره : ما كنت صوبج لما صحيتي اسفه ساره
ساره : لا عادي حبيبتي والله عاذرتج
بدر شافهم يسولفون طلع عنهم برا
نوره تذكرت خبر وفاة ام ساره : ساره حياتي عظم الله اجرج حبيبتي
ساره كانت ناسيه خبر وفاة امها اصلن : اجرنا واجرج
نوره : حياتي شلون نفسيتج الحين
ساره : نوره مادري شقول لج ما بقى لي احد خلاص امي راحت و ابوي الله العالم وينه وانتي خلاص فبيت ريلج
نوره : لا تقولين جذي انا موجوده حتى لو تزوجت يعني شنوو ما اخلي حبيبتي
وتلمها
نوره : وبعدين بدر موجود هم ما راح يخليج
ساره تغيرت ملامحها وابتسمت ابتسامه جامده : اي صح
نوره حست انه ساره متضايقه : شفيه قلب ويهج ؟؟ ساروه فيج شي بدر سواه لج شي ؟
ساره تقول لها عن الي سمعته ونوره عصبت على بدر
طلعت له بره
وفقت جباله وكان ويها مبين انها معصبه
بدر : بل بل بل شفيج شنو هالوي
نوره : بدر بسالك سؤال وبدون جذب ابيك ترد علي
بدر مستغرب : شفييج ؟
نوره : منو هدى
بدر : هااا؟
نوره : منو هدى .؟؟ لا تسوي روحك ما سمعت
بدر : اي هدى ؟
نوره : هدى الي اليوم كانت بسيارتك منو هاذي؟
بدر : شنوو وانتي شدراج
نوره : ساره سمعتكم بالتلفون انت شلت تلفونك بالغلط قول منو هاذي خلصنيي ؟؟
بدر صكت فيه الدنيا لما سمع هالحجي
نوره : ما ترد؟؟؟
بدر : نوروه انا شوي وافهمج بدخل بكلمهاا
نوره : اوكي
يدخل عند ساره الغرفه
ساره تنطره يتكلم
بدر يبتسم : اممووت انا ولا اخونج يا ساره
ساره ساكته
بدر : بقولج سالفة هدى انا
ويقول لها السالفه بالتفصيل
ساره كانت منصدمه وحست انها حيل غلطت بحق رائد
بدر: ساره تكفيين لا تفكرين بيوم اني اخونج انا احبج وشاريج
ساره تنزل راسها مستحيه : انشالله
بدر : انزين بسألج سؤال ؟
ساره : اسأل
بدر : ذيك المره ليش….
ساارره وقبل لا يكمل كامه قاطعته: ليش سكتك .. بدر مااكنت على طبيعتي معطيني حبوب مخلين اعصابي تنتلف … وله انا تدري فيني بدر مو جذي

بددر حس انه مرتاح بعد ما عرف السبب سولف معاها وضحكو شوي
بدر: خلاص انا اخليج الحين نوره تبي تدخل من مساع بس قلت لها اني بكلمج
ساره : بدر قبل لا تطلع ابي اطلب منك طلب
بدر: تفضلي افا عليج عيوني لج امريني
ساره : ما يامر عليك عدو ولا ظالم .. ابي رقم هدى
بدر مستغرب من طلبها : ساره انتي مو مصدقتني ؟؟؟
ساره : والله العظيم مصدقتك بس بكلمها بموضوع

عطاها بدر رقم هدى وطلع عنها ونوره ردت دخلت
قعددت يمها بالفراش ولمتها
ساره كانت حاسه انه نوره فييها شي : نوره شفيج
نوره ما صدقت على الله سمعت هالكلمه فضت كل الي بقلبها حق ساره وقالت لها عن الي صار بمريم وسالفتها مع محمد وشلون شافت سعاد اليوم وكانت تبجي منحرق قلبهااااا
ساره : نوره حبيبتي هدي .. عشان اقدر اكلمج لا تبجين
نوره : سارووو شسوي منحرق قلبي والله مو عارفه شسوي الحين محمد اكيد ببيروح يقول حق فهد
ساره : لا تحرقين قلبج … نوره ما توقعتج جذي ما تعرفين تتصرفين الله يهداج جان من الاول قلتي حق فهد والحين خلج ذكيه روحي بسرعه حق ريلج قولي له…. يسمع الحجي من لسانج ولا محمد يقول له
نوره : صج سارووو تهقين ما راح اصدمه ماراح اضيق خلقه
ساره : هذا ماضي ما اعتقد بيأثر فيه فهد انسان فاهم وصدقيني ماراح يحاسبج
نوره لمت ساره وباستها وطلعت بسرعه
دقت على فهد
فهد : هلا بالغاليه هلا بحبيبتي
نوره : هلا فيك حبيبي وينك؟
فهد: بالبيت
نوره : بخلي السايق ايبني عندك بكلمك بموضوع
فهد : شفيج ..
نوره : ماينفع هني لازم اشوفك
فهد : يله ناطرج
……………………………….
بمخفر قرطبه

ابو فهد : تففوووووووووو عليك وعلى الاشكال الي مثلك يالي ما تخاف الله
سالم ماسكه الضابط و منزل راسه بالارض
المحقق يكلم سالم : الحين لازم وقصبن عليك تتزوج البنت وفوق هذا ابو فهد شي يرجع لك اذا تبي ترفع عليه قضية هتك عرض ؟
ابوو فهد : يتزوجها وريله فوق راسه ياخذها يومين انشالله ويطلقها لا ابي اشوف خلقته ولا اببي ارفع عليه قضيه مابي اسمي باجر يطلع بالجرايد يم اسمك يالنيس يالحقير
سالم : خلاص الي تامر عليه عمي اتزوجها ومتى ما تبي اطلقهاا
ابو فهد : عسى الله لا يوفقك دنيا ولا اخره يا الجلب
سالم خلاص اتزوج مريم زواج مخفر
وبس تطلع من الطب النفسي راح يطلقها

بمستشفى مبارك
ساره مسكت الورقه الي كتبت فيها رقم هدى ودقت عليها تمت تشوفها
ادق وله لا
شالت التلفون ودقت
هدى : الووووو



توقعاتكم بنات ساره شنو بتقول حق هدى معقوله بتحاول توصل حق رائد ؟؟ ونوره وفهد شبيصير معاهم ؟فهد شنو بتكون ردة فعله ؟؟؟


​

 

[خميسيه]

سوري بنات على التاخير بس تدرون امتحانات ورانا تدريس وعفسه وبالويك اند ما اقد ر انزل بارتات لانه كل سبوع بالمخيم فاا عذوزرني بنات بليز