تجمع اللي راح يولدون بمستشفى الصباح ...

[ocean.emotion]

تسلمين حبيبتي ام عفاف ما قصرتي

 

[عاشقه الاسمرانى27]

بنات

منو ولدت بالاجنحه الجديده

يمدحونها

اهم افتحوا الاجنحه اليديده ما ادرى لاخر شهر 6 ماكانوا افتحوها

اذا افتحوها صور الجناح الجديد يا بناااااااات:bbbiu:​

 

[عاشقه الاسمرانى27]

حبيبتى عضوه دكتور توماس ماشاء الله كل من يروحله قيصرى بالاكثر

وفى حريم اطلعوا من عند محمد قطب رئيس القسم وراحوا عند توماس عمليته نظيفه بس لازم تعرفيه ان انتى فاهمه نظامه

عشان يهتم فيج اكثر​

 

[عاشقه الاسمرانى27]

ام عفاف كلمتى توماس ولا لالالا

والله غريبه الله يعينج​

 

[ام عفاف الكويت]

لا
بموتمر قالت سستر

 

[futooosh]

وعليكم السلام والرحمه ​

حبيبتى يا تقولين شىء عدل يا تستريحى حبيبتى لان البنات كلهم مخترعين وخايفين الولاده بروحها تخرع وانتى تخرعينهم وتزيديها عليهم ..وبعدين يا روحى اللى الله كاتبه اهو اللى بيصير سواء بالحكومه او بالخااااااص . القدر اهو القدر .وجان فى عضوات ويانا وتوفى بالولاده فى مستشفيات خاصه .وبعض المستشفيات الخاصه حصل فيها حالات وفاة وحالات ماله داعى نذكرها وكلنا نعرفها ...مع احترامى لكل العضوات اللى عندها كلمه حلوه تقولها واللى ما عندها تدعيلهم الله يسهل عليهم ويقومهم بالسلامه​

اتمنا من كل قلبي ان كل حامل تولد وتقوم بالسلامه لان عندي عيال واعرف الولاده زين
ما ان قصدي اخرع احد بس عرفت معلومه وقلتها ولازم نقول الزين والشين وما نجامل احد
وياريت يكون ردج ارقى من جذي وتحترمين وجهة نظر العضوات وما يكون ردج هجوم وسب
لان عيب

 

[عضـــــوه]

اي حبيبتي افتحو الاجنحه الجديده

ذرابه ونظيفه والسسترات بقمة الروعه

انا جربتهم والخاص والله بالذات بالاجنحه الخصوصيه ماقصروا هذه الي شفته منهم

مافرقت المعامله كلشششششششش

الله يسهل علينا

يارب


وبالنسبه للدكتور زيارته له تاريخ ٢٣ هالشهر وبشوفه اول مره بساله وبشوف نوعه اذا هذا حولت

عند توماس والله يسهلها ياربر

 

[ocean.emotion]

بنات الله يعافيكم محد عنده فكره عن دكتوره آسيا في مستشفى الصباح

 

[مظلومه ياناس]

انا عمليتي يوم الاثنين ان شاءالله وعند الدكتور توماس
اذا الله احياني وكتب لي عمر بكتبلكم كل شي وبكل صراحه
ادعولي بنات تكفوووون اول مرره اولد بحكومي وخايفه بس متوكله على رب العالمين

 

[@رنوده@]

مظلومه

ربي يسهل عليج

وننتظر تعليقج علي الولاده

 

[عاشقه الاسمرانى27]

لا
بموتمر قالت سستر

اها اهو كل مسافر صح بس بعملياته يحضر..يعنى تليفونه الحاص عند السستسر ولا رحتيله​

اتمنا من كل قلبي ان كل حامل تولد وتقوم بالسلامه لان عندي عيال واعرف الولاده زين
ما ان قصدي اخرع احد بس عرفت معلومه وقلتها ولازم نقول الزين والشين وما نجامل احد
وياريت يكون ردج ارقى من جذي وتحترمين وجهة نظر العضوات وما يكون ردج هجوم وسب
لان عيب

حبيبتى انا ما هاجمتج...والمعلومه اللى عرفتيه كانت بس عن الصباح يا عمرى ما كانت حاطه بعض المستشفيات اللى كان فيها حالات وفاة ولا الحالات اللى ما عرفولهم وحولهم على الصبااح وقالوا ما نتحمل المسئوليه...حبيبتى كل شىء له محاسنه وله مساؤئه ولو خليت خربت ..انا ما هاجمتك ..وانا ما اعتقد قلت شىء عيب​

اي حبيبتي افتحو الاجنحه الجديده

ذرابه ونظيفه والسسترات بقمة الروعه

انا جربتهم والخاص والله بالذات بالاجنحه الخصوصيه ماقصروا هذه الي شفته منهم

مافرقت المعامله كلشششششششش

الله يسهل علينا

يارب


وبالنسبه للدكتور زيارته له تاريخ ٢٣ هالشهر وبشوفه اول مره بساله وبشوف نوعه اذا هذا حولت

عند توماس والله يسهلها ياربر

زين صوررلينا الاجنحه لو رحتى عشان البنات يكون عندهم فكره ما عليج امر ...والله انا شفت السيسترات عموما حلوين ..عسا الله يوفقج يارب ويسهلج كل خير يارب وتقومين بالسلامه​

انا عمليتي يوم الاثنين ان شاءالله وعند الدكتور توماس
اذا الله احياني وكتب لي عمر بكتبلكم كل شي وبكل صراحه
ادعولي بنات تكفوووون اول مرره اولد بحكومي وخايفه بس متوكله على رب العالمين

حبيبتى والله انتى اهم شىء خلج مرتاحه وصلى قبل لاتنزلين واستغفرى طوال الوقت وان شاء الله يارب الله يسهل عليج وتقومين بالسلامه انتى والبيبى ويسهلج بدكتور تخدير شاطر والله يهون عليج الولاده يارب:eh_s(17):​

 

[ام عفاف الكويت]

لا مادقيت ولا رحت له
انا رحت الرسبشن
وكلمت بنت خالتي تشوف قالت رفيجتها لها كلمه السستر مالته وقالت انه مساافر
انا بنطر الاسبوع الجاي
ان مافاد دقيت عليه بنفسي ماراح اعتمد علي احد

 

[عضـــــوه]

ان شاء الله

بس مشكلتي ما اعرف انزل الصور اذا عندج ايفون اطرشها بالواتس اب 



مظلومه حبيبتي الله يسهلها عليج يارب

وطمنينا عليج

مثل ماقلتلج قبل دشي قبلها بفتره عشان تحجزين بالجناح الي وصيتج عليه

بالتوفيق يارب 

 

[مظلومه ياناس]

مشكورين بنات ماقصرتو
عضوه والله انا زوجي ضبط كل اموري وحجزلي بالجناح اللي قلتيلي وفيه اكو جناح ٤ و٨ هم حلوين والله يسهل
انا دخولي الاحد والاثنين عمليتي ،،، ويوم الخميس امس قعدت مع دكتور التخدير وسالني كم سؤال وكان جدا مريح وحبوووووب
تدرون بنات انا سويت قيصريتين بالهادي ولامره قابلت دكتور تخدير على طول يسوون لي عمليتي بدون مقابلة الدكتور الخاص بالتخدير!!!!!!!
الله يسهل الامور يارب

 

[عضـــــوه]

انا بولادتي الي قبل كان دكتور التخدير يهبل مصري وصغير شكله باخر العشرينات صغير وحبوب قلتله تكفه لاتخليني بالولاده لانه بنجي موضعي
يعني نصفي والحمدلله ايده خفيفه وماحسية بابرة الظهر

للاسف نسيت اسمه لا لازم مقابله اي صاجه انا بولاداتي الي بالخاص ما دخلوه علي ةلا شفته

يارب تقومين بالسلامه وربي يسخرهم لج يارب

 

[@ام يوسف@]

بنات الله يعافيكم محد عنده فكره عن دكتوره آسيا في مستشفى الصباح

انا اراجع عندها خووووش دكتوره:eh_s(15):

 

[@رنوده@]

حددولي موعد اول 12

وان شاالله اكون عند توماس

لاني اشوف الكل يمدحه

 

[عاشقه الاسمرانى27]

رنوده عسا الله يقومج بالسلامه يارب

بس توماس لازم تكونى قايلتله من قبل ما ياخد على اخر الشىء وهدا عيبه​

 

[@رنوده@]

عاشقه هذي اول مراجعه

شلون اقوله قبل

والله يسهل الامور تو الناس علي ولادتي تقريبا بشهر ٢ اذا كملت

ورفيجتي دكتوره هناك ان شاالله تضبطني

 

[أم راشد المطيري]

بنات الاجنحة الجديدة جم رقمها

بنات تنصحوني اروح افتح ملف الصبح ولا العصر

مو احلا موظفات الصبح ولا العصر