تجربة جديدة مع ريجيم سنتر

[واي بفضفض]

صباح الخير عزيزاتي............

الحمدلله امس حسيت اني ضاعفه ووزنت فعلا رديت وزني اللي قبل العيد :eh_s(9):

وقاعدة اشرب ماي وايد علشان الأملاح :bbbiu: ابيها تنزل والميزان باذن الله السبت

غداي امس مرق ربيان من غير دهن:rerrerek: عجيب أكلت لما طلع من خشمي بس عقبها لا وجبة المغرب ولا العشا طوفتهم متعمدة

هالمرة يوم الفري باذن الله راح اتريق عند امي مع عيالي بمر بقاله لبنان اللي يم دودو السالمية وبستري مربي الورد وااااااااااااي طعمها مو طبيعي وباخذ منهم اجبان ولبنه وبشتري خبز خبااااااز وبقولها يزهبون لي مطارة شاي ويقصصون جرجير وريحان ونعناع وطماط ويغوووووووووووووووص

غداي باذن الله بخليه باستا مشتهيها
والعشا اي شي خفيف مع ريلي عاااااااد

 

[أم سليمان دشتي]

حياتي عليج بالف الف عافية

لووول انا مراح اوزن الا بعد 10 ايام الصيام

انا مشكلة جسمي ينزل قياسات بس الوزن يتم ثابت

تصدقين امس زوجي يقايس جسمي بيده يقولي والله وجسمج تقسم وصار مو صجج

ههههه اهوا ما وده اضعف ويقولي هالحجي علشان اصير شاطرة واسمع كلامه وماضعف

بس انا موبي موبي ان شاء الله بكسر وزني وبوصل للوزن الي ابيه


الله يهنيج يارب مع زوجج وهالله هالله بالاكل الزين والاجواء الحلوة

 

[واي بفضفض]

الله يتمم علينا يارب والله انا ادعي بصلاتي ان الله يسد شهيتي بالخير ويقوي عزيمتي علي الريجيم

الضغف حلو لو تلبسين جينز وتي شيرت ابيض بس كافي

 

[aloooya]

موفقة

 

[nona2007]

ام سليمان دشتي والله اني قاعدة افكر اسوي تكميم واخلص بس ريلي مو راضي..
واي بفضفض مشكورة على نقل تجربتج حبيبتى ما قصرت وان شاء الله كلن نضعف بصحة وعافية :eh_s(22):

 

[أم سليمان دشتي]

واااي بفضفض حياتي ان شاء الله تضعفين بصحه وعافية

نوونا والله يالغالية لو يرد فيني الزمن جان ما سويتها

الحمدلله ضعفت وردتلي ثقتي بنفسي

بس تحسين انج مو طبيعيه نفس الناس

تاكلين لقمتين الثالثه تحسين بترجعين وانتي بكرامة!!

انتي حاولي تسوين ريجيم قاسي وان ما ضبط

حاولي تقنعين ريلج

واولا واخيرا سوي استخارة :*

واذا الله اراد بيوافق ان شاء الرحمن

 

[واي بفضفض]

السلام عليكم:eh_s(17):

نونا اذا انتي اووووووووووووووفر صاجه عيل ما تنفع الا العملية بس اذا كان وزنك زايد 20-25 كيلو وحتي30 كيلو سوي ريجيم والله اصح

ما تدرين هالعمليات شنو مضارها بعدين ( اسم الله عليك ام سليمان الرحمن الرحيم ان شاء الله ما عليك شر)

ام سليمان عندي لك بشارة

وزنت امس ونااازله

كيلووووووووووووووووووووووووين :eh_s(9):
ووزني صار

89:ggdw::ggdw::ggdw: ربي لك الحمد والشكر واخيرا كسرت ال90:rgewrg: هاهاهاهاها انا لها انا لها:eh_s(14):اوريك يالميزاااااااااااان ان ما خليتك تنحاش لما تشوفني:rerrerek::rerrerek: ما اطلع انا انا

والهدف الثاني باذن الله 85 هذا الوزن لو اوصله ارتااااااح نفسيا

الحمدلله نازله:
1.500 دهون
100 غرام املاح
400 غرام بروتين

بس لأن الدورة متأخره علي فزايده سوائل كيلو (بس هذا بمجرد ما تنزل الدورة عزكم الله ينزل عادي)

انا وايد هامتني الأملاح ابي انزلها

الاسبوع هذا عطتني ريجيم

الصبح 3 حبات تمر + كوب حليب خالي الدسم + شريحة اناناس >>>>>كل يوم نفس الشي.

الضحى 6 حبات فراولة.

الغدا بروتين + سلطة + عصير ليمون بالنعناع تسوينه انتي بالبيت مع اضافة سكر الدايت طبعا( ممنوع اللحم ).

المغرب فاكهه ممكن تفاح اناناس.

وسلامتكم.

والله بصلاتي ادعي ان الله يسد شهيتي بالصحه والعافيه علشان اضعف:eh_s(2)::eh_s(2):

ملاحظه : شرب من 8-12 كوب باليوم:eh_s(17):

العشا روب وخيار>>> كل يوم.

 

[zain-alq8]

شفت وحده بدوام اختييي اشمتنهااااااااااااااااااااااااااااااااا احنا قلنا اكييد مسويه عملييه ضعفاااااااااااااااااااانه الثلاث ارباع صارت زووغه بس بعدها اطلعت مو شاطره ردت تاكل وامتنت ..من هالمركز طبعا قالتلنه لما سالناها

 

[واي بفضفض]

شفت وحده بدوام اختييي اشمتنهااااااااااااااااااااااااااااااااا احنا قلنا اكييد مسويه عملييه ضعفاااااااااااااااااااانه الثلاث ارباع صارت زووغه بس بعدها اطلعت مو شاطره ردت تاكل وامتنت ..من هالمركز طبعا قالتلنه لما سالناها

اي سبحان الله مادري ليش هالمركز ياز لي!!!!!!!!!!

مع ان ريجيمهم يعتبر قاسي ترى مو عادي

لأنه ما فيه خبز بس ساعات لما تغيرين وشي يديد تلتزمين فيه خلاص

 

[أم سليمان دشتي]

الف الف مبروك واي بفضفض منها للاعلى وعسى يارب تنزلين بصحة وعافية

ليش ممنوع لحم غريبة علشان الاملاح يعني؟؟

الله يسهلج يارب وعسى ان شاء الله تنزلين وتوصلين للي تبينه

زين الكويت حبيبتي >> اي ريجيم يلتزمون فيه يسوي نتايجه

بس احا عجولين ونبي كل شيء بكيفنا وبسرعة

خخخخخخخخخخ انا بديت صيام من اليوم

ناوية عالفطور لبن مع 5 تمرات وشوربة وسلطة

وبعدها بساعتين اكل شيء خفيف واكملها سوائل وماي

وقبل ما انام اكل روب اكتيفيا مع خيارة

 

[واي بفضفض]

ام سليمانم دشتي

احسن ما تسوين ترى تقولي الدكتورة ان التمر بروووحه يضعف يعني يحرق دهون بس لا تاكلينه مع شي وحطي هدف 10 ايام واتوقه اذا مشيتي على هذا النمط تضعفين4 كيلوات

 

[أم سليمان دشتي]

ان شاء الله

صبحج الله بالخير يا وجه الخير ...

امس عالفطور ابي اكل والله لا الشوربة ولا السلطة قدرت اكملهم!!

كليت 5 تمرات ولبن وتسكرت معدتي عاد شربت شوربة شوي وكليت قفشتين سلطة

بس خربتها وكليت ارو صغير عال8 هههههههههه

اليوم والله بلتزم عدل ومراح اخربط

يااااااااااااارب

 

[واي بفضفض]

ما عليه ارو صغير عادي اصلا انتي صايمه عادي بس خلي فيه فترة بين التمر والأرو

 

[واي بفضفض]

انزين اشرايك تاخذيبن ايزيلاكس الحبوب قبل الاكل بنص ساعه يعني اذا اذن اكلي 3 تمرات وماي وتلي الحبوب حبتين بش شربي عليهم كلاسين ماي وقومي صلي تالي اكلي

راح تشوفين اليوم الثاني اشلون بطنط يفضي تحسينه فششششششششششششششششش
هالحبوب وايد تريح توخر النفخه وتريح

 

[أم سليمان دشتي]

امممم تصدقين انا خفت من الحبوب

شفتي الحبوب الي قلتلج عنهم لحرق الدهون؟؟

اخذتهم كل يوم عالريق حبة وقبل الغدا حبة

تصدقين زادوا وزني وصلت 93.8!!! مع العلم قبلهم كنت 90.7 اخر مرة وزنت

ولما رحت للدكتور قالي ان هالحبوب تحرق الدهون لما تسوين مجهود

واذا ما سويتي مجهود تتخزن بالجسم يا ويل قلبي

عاد وقفتهم وقطيتهم بالزبالة وانتي بكرامة

وبنطر وبسوي ريجيم قاسي بدون شيء

وبشوف شالله يكتب وعسى يارب الله يساعدني وانزل

 

[واي بفضفض]

وفي انا مثلك اخاف اكل حبوب بس الايزيلاكس اعشاب فيها نخاله وينسون ومادري شنو تسد الشهيخ وتسهل البطن عزك الله

 

[أم سليمان دشتي]

اممم مادري والله بروح الصيدلية واسال الدكتور

الله يعين والله احسد اغلب الرياييل ما يهتمون بالشكل وعادي الوضع

 

[NEW WOMEN]

ربي يعينكم

 

[أم سليمان دشتي]

فدديتجج ماتقصرين يالغاليه

 

[واي بفضفض]

صباح الخير
ها اشلونك مع الريجيم والصيام ام اسليمان ؟؟؟؟ تقبل الله

انا صايرة بس اتغدا وعقبها ما اشتهي الحمدلله وان يعت شربت قهوة، شريت لي مكينة القهوة اللي بمحل 360 عجيبه ابد جنها قهاوي ستار بكس وتسد الشهيه